Դպրոցի նորընտիր տնօրենն այսօր աշխատանքի է ներկայացել ոստիկանների ուղեկցությամբ. կրթօջախում մթնոլորտը լարված է

Արարատի մարզի Ավշար գյուղի միջնակարգ դպրոցում արդեն հինգերորդ օրն է՝ մթոլորտը շիկացած է, իսկ լիցքաթփվելու նախադրյալներ առայժմ կարծես թե չկան: Կողմերից եւ ոչ մեկը հաշտության եզրեր չի փնտրում ու վճռել է պայքարը հասցնել մինչեւ վերջ:

Ուսումնական հաստատությունում դասադուլ է հայտարարվել այն բանից հետո, երբ նորընտիր տնօրեն Հերմինե Անդրեասյանը աշխատանքի գալու առաջին իսկ օրը ցանկություն է հայտնել ուսմասվար Գայանե Մարտիրոսյանին փոխարինել իր համար վստահելի կադրով: Նրա այդ մտադրությունը չի իրագործվել, դպրոցը ոտքի է կանգնել՝ պաշտպանելու երկարամյա փոխտնօրենին: Ուսուցիչները հայտարարում են, որ տնօրենը սխալը սխալի հետեւից է թույլ տալիս, այժմ էլ հերթով իրենց է վիրավորում, ուստի թույլ չեն տալու նրան մնալ այդ պաշտոնում:

Հերմինե Անդրեասյանը նպատակ է ունեցել դպրոցի փոխտնօրեն նշանակել Աստղիկ Հարությունյանին: Վերջինս ավելի վաղ մի կարճ ժամանակամիջոց այստեղ աշխարհագրություն է դասավանդել՝ փոխարինելով ֆիզարձակուրդում գտնվող ուսուցչուհու: Հարությունյանը Արարատի մարզպետ Գարիկ Սարգսյանի մորաքրոջ հարսն է: Այդ փաստը հաստատել է թե՛ մարզպետը եւ թե՛ Ավշարի դպրոցի նորանշանակ տնօրենը:   

Մանկավարժներն ասում էին, որ այսօր առավոտյան բարեկամների յոթ երեխաներին դպրոց էր բերել Աստղիկ Հարությունյանի ամուսնու հորեղբայրն ու մարզպետի քեռին եւ պահանջել է, որ նրանց հետ դաս անեն: «Ասենք տարբեր տարիքի, տարբեր դասարանի մեկ երեխա է եկել: Մեկ աշակերտի հետ ուսուցիչը դա՞ս է անում: Կամ սա ինչ ցուցադրական բան է: Միջանցքում կանգնած՝ հայտարարում է այդ անձնավորությունը, որ մենք եկել ենք դպրոցը մաքրենք ձեզ նմաններից: Ինչո՞ւ, մենք հենց իր երեխաներին վա՞տ ենք կրթել, վա՞տ ենք դաստիարակել, սխա՞լ ենք ուսուցանել: Մենք մեր կյանքն ու էներգիան չենք խնայել հենց այդ ասողի երեխաների համար, ախր: Ինքը ինչ ունի մեր դեմ, մենք ախր ոչինչ չունենք իրենց դեմ: Ես ինչքան գիտեմ մեր դպրոցը շատ լավ հեղինակություն վայելող դպրոց է, մեր ուսուցիչները բոլորն էլ շատ լավ աշխատում են, լավ մասնագետներ են, տիրապետում են իրենց մասնագիտությանը, ու մեզ մաքրելու կարիք բոլորովին չկա: Սրանով այդ մարդը երեւի ուզում էր հաստատել մեր նորընտիր տնօրենի խոսքերը, երբ նա ասաց՝ սխալ օղակից էի սկսել: Կարող էին ավելի մեղմ, թույլ օղակներից սկսել, որոնց վրա հնարավոր լիներ ինչ-որ մեղքեր բարդել»,- ասաց մաթեմատիկայի ուսուցչուհի Սվետլանա Գրիգորյանը:  

Նորընտիր տնօրենի հետ հաշտության եզրեր գտնելու հնարավորություն նա չի տեսնում: «Որպես մարդ ես միայն մի բան եմ պատկերացնում: Ինքը չի կարող աշխատել այստեղ: Ենթադրենք փորձում է աշխատել, մենք կկարողանա՞նք իրար հետ աշխատել: Այդպիսի բան հնարավոր չէ»,- պատասխանեց նա:

Դպրոցի արհմիության նախագահ, դասվար Շուշանիկ Ղահրամանյանը եւս բացառում է համատեղ աշխատանքը: «Մենք անձեռնմխելի տնօրեն չենք ուզում: Թող գա մի իրավաբան եւ ինձ բացատրի՝ պաշտոնատար անձը իրավունք ունի՞ մարդուն ասել՝ դիմում գրիր: Եվ ինքը ինձ ասում է՝ ես դրա իրավունքը ունեմ: Կարդում է օրենքի կետ, որտեղ հստակ գրված է՝ փոխտնօրեններին նշանակում է տնօրենը: Եղբայր, նշանակում է, չի ազատում: Չեմ հասկանում, ինքը ոնց է պատրաստվում աշխատել: Այս ամեն ինչը գյուղում տարածվել է, ամեն ինչ իմացել են մարդիկ, էլ չեն ուզում: Սխալներ կան, որ չեն ուղղվում: Վերջին իր սխալը ֆեյսբուքյան էջի գրառումն է՝ ուսուցիչների հասցեին, բոլոր հարգաժանները՝ չակերտավոր, լավերը՝ չակերտավոր, մեծարգոները՝ չակերտավոր: Ինձ կիսատ ծափահարություններով են դիմավորել,- գրել է: Ամոթ է, ժողովուրդ: Այսքանից հետո ինչ է նշանակում պաշտպանել այս տնօրենին: Մի հատ էլ աուդիտ են ուղարկել այսօր: Մենք չենք վախենում աուդիտից»,- հայտարարեց արհմիության նախագահը:

Հերմինե Անդրեսայանը Ավշարի միջնակարգ դպրոցի տնօրենի պաշտոնում սկսել է աշխատել մարտի 11-ից: Խորհուրդը նրան ընտրել է 7 կողմ եւ 1 ձեռնպահ ձայնով: Բայց ընդամենը մեկ օր անց սկսվել են բողոքի ցույցերը: Մի քանի օր Անդրեասյանն աշխատանքի չի ներկայացել: Այսօր եկել էր ոստիկանների ուղեկցությամբ: Դպրոցում էին գտնվում աշակերտներ, ուսուցիչներ, ծնողներ: Շատերը բարձրաձայն ու կոպիտ տոնով նրանից հաշիվ էին պահանջում, հայտարարում, թե վիրավորել է իրենց:  

«Որեւէ մեկին մեղադրելու կամ վիրավորելու ցանկություն չունեմ: Չգիտեմ՝ ով ոնց է ինձ ճանաչում, բայց իսկապես ես չեմ կարծում, որ այնպիսի հանցավոր բան էի արել, որ այս ամենին արժանանայի»,- լրագրողների հետ զրույցում ասաց տնօրենը: Հերքեց, թե հայտարարել է, որ սխալ օղակից է սկսել կադրային փոփոխությունները:

Խոսելով ստեղծված իրավիճակի պատճառների մասին՝ Հերմինե Անդրեասյանն ասաց.

«Իրենց ներկայացնելով՝ այս ամեն ինչը սկսվել է ուսմասվարի հետ կապված խոսակցությունից հետո, երբ ես նրա հետ ունեցել եմ շատ ջերմ, մտերմիկ զրույց: Շատ է լինում՝ տնօրենը՝ գործադիր մարմինը, երբ որ ընտրվում է, ինքն է նշանակում իր տեղակալներին: Դուք տեղյակ եք, որ շատ դպրոցներում է լինում, որ տեղակալներին անգամ իրենց հետ տանում են, որպեսզի ամուր լինեն աշխատանքի հիմքերը: Քանի որ այստեղ ոչ ոքի չեմ ճանաչում, նրան հարցրել եմ՝ (այնուամենայնիվ ութ տնօրենի հետ է աշխատել), տիկին Մարտիրոսյան, ինչպես կնայեք այն հանգամանքին, եթե դուք չլինեք ուսմասվար, բայց ժամերի հետ կապված փոփոխություն չունենաք: Ընկեր Մարտիրոսյանը, շատ ջերմ, լավ ձեւով ասաց, որ ոչ մի խնդիր չկա, կարեւորը աշխատանքը չկորցնի եւ ժամերով ապահովված լինի: Ես ասել եմ՝ այդ քայլը կատարելուց հետո հաստատ իմացեք, որ ժամերով ապահովված կլինեք եւ ավելին, սեպտեմբերից է՛լ ավելի լավ է լինելու: Բայց ոչ մի պաշտոնական ազատում, դիմում գրել, նման բաներ չեն եղել: Ավելին, ես տեսնելով, որ նա իրեն վատ զգաց, եկել եմ տուն, տանից զանգահարել եմ նրան, հարցրել եմ որպիսության մասին եւ խնդրել եմ, որ առավոտյան մոտենա ինձ»:

Առավոտյան, ըստ  տնօրենի, փոխտնօրեն Գայանե Մարտիրոսյանին առաջարկել է միասին աշխատել: Այդ ընթացքում հավաքված են եղել աշակերտները եւ դրսից գոռալով՝ իրենից պահանջել են հեռանալ: Մարտիրոսյանը դուրս է եկել հանդարտեցնելու աշակերտներին: Երեխաները, տնօրենի խոսքով, ուրախացել են, որ սիրելի փոխտօրենը մնալու է իր պաշտոնում: Բայց հետո շարունակվել են իր դեմ բողոքները: «Այս անգամ խնդիրը հնչում էր այսպես՝ ընկեր Մարտիրոսյանը չէ հարցը, սրանից հետո մենք չենք ուզում նրա հետ աշխատել»,- ասաց Հերմինե Անդրեասյանը:  

Մեր հարցին, թե փոխտնօրենի իր թեկնածուն ինչով էր արժանացել իր վստահությանը, նա պատասխանեց. «Մենք մանկության ընկերներ ենք, եւ նա դպրոցում ունի սովորող երեխա, եկել էր իր երեխային տուն տանելու: Նա գիտեր, որ ես դարձել եմ դպրոցի տնօրեն եւ բարձրացել է վերեւ՝ իմ աշխատասենյակ: Աստղիկ Հարությունյանը մարզպետի մորաքրոջ հարսն է, եւ նա ինձ ծանոթ է, ինձ մտերիմ ընկերուհի է, նա մեղավոր չէ, որ մարզպետի մորաքրոջ հարսն է: Եթե նա եկել է ինձ մոտ, չի նշանակում դրա մեջ ինչ-որ վատ բան կա, եւ նա դատապարտված չէ որեւէ պաշտոն ունենալու, եթե մարզպետի բարեկամն է»: Հերմինե Անդրեասյանը նշեց, թե այդ ժամանակ նրան չի առաջարկել ուսմասվարի պաշտոնը, այլ միայն մտածել է այդ մասին: Նաեւ հերքեց ուսուցիչերի պնդումները, թե ինքը հայտարարել է, որ նոր ուսմասվարը լինելու է Աստղիկ Հարությունյանը:

Ավշարի դպրոցի նորընտիր տնօրենն ասաց, թե պատրաստ է աշխատել: Բայց եւ նշեց. «Երբ որ միաձայն 35 ուսուցիչ ասում են՝ մենք ձեզ հետ չենք աշխատի, համերաշխության եզրերն էլ չեմ տեսնում: Ես անկեղծ ասած ոչ էլ հիմա ի վիճակի եմ պատկերացնել՝ համերաշխության եզրերը որոնք են լինելու: Պարզապես իմաստը չեմ տեսնում, որովհետեւ շատ լավ պլանավորել էի՝ ինչ պետք է անեմ դպրոցում, քայլերի հերթականությունը, բարեփոխման ծրագրերը»:

Ուսմասվար Գայանե Մարտիրոսյանն այսօր դպրոցում չէր: Ասացին, որ շտապ օգնության մեքենայով առավոտյան տեղափոխվել է հիվանդանոց:

Հ.Գ. Դպրոցում էր գտնվում Արարատի մարզպետարանի կրթության բաժնի պետ Ալբերտ Մկրտչյանը: Նա հրաժարվեց պատասխանել մեր հարցերին՝ ասելով, որ շատ է խոսել:

Տպել
4099 դիտում

Լեհաստան-Հոլանդիա ֆուտբոլային խաղից առաջ հարձակվել են ոստիկանների վրա, հնչել են կրակոցներ (լուսանկարներ)

Ոսկեպարում սահմանի երկայնքով փշալարերի ցանկապատ ենք սարքում, բացառված է՝ մարդ կամ կով անցնի. Փաշինյանը՝ Ճակատենում

Մխիթարյանը, Սպերցյանը և Զախարյանը ներկա են եղել Նոբել Առուստամյանի հարսանիքին (լուսանկարներ, տեսանյութ)

Հողաշերտի փլվածք Գետափ-Մարտունի ավտոճանապարհին (լուսանկար)

Մարզերի զգալի մասում և Երևանում կրկին սպասվում է անձրև, ամպրոպ ու կարկուտ

Վարդենյաց լեռնանցքում քարաթափումից հետո երթևեկությունը վերականգնվել է

Նիկոլ Փաշինյանն այցելել է Կապան-Ճակատեն հիմնանորոգված ճանապարհահատված (տեսանյութ)

Ռոստովում բանտարկյալները պատանդ են վերցրել ՔԿՀ-ի աշխատակիցներին, պահանջներ ներկայացրել. նրանք սպանվել են (լուսանկարներ)

Երևանի էլիտար շենքերից մեկի բակում կայանված մեքենայի վրա հայտնաբերվել է ՌԴ քաղաքացի. նա ընկել կամ նետվել է 13-րդ հարկից

Գերասիմ Վարդանյանը կալանավորվել է

Ընդամենը 20 օր պահանջվեց երկաթուղու աշխատանքը վերականգնելու համար. Արեն Մկրտչյանը տեսանյութ է հրապարակել

ՄԻՊ ներկայացուցիչները չհայտարարված այցերով եղել են ազատությունից զրկված անձանց պահման վայրերում. ինչ է արձանագրվել

Մի՞շտ եք կիրակի աշխատում, թե՞ իմ այցի հետ է կապված. վարչապետը՝ դեպի Իրան տանող ճանապարհի շինարարներին (տեսանյութ)

Աբսուրդայի՞ն, թե՞ իրատեսական. Պուտինն առաջ է քաշել Ուկրաինայում պատերազմի ավարտի իր պայմանները

Հորդառատ անձրևների հետևանքով փակվել ու վնասվել է Շուռնուխ տանող ճանապարհը. ընթանում են մաքրման աշխատանքներ

Վարչապետը ծանոոթացել է Կապանի թիվ 9 մանկապարտեզի վերակառուցման և տարածքի բարեկարգման աշխատանքներին (տեսանյութ)

Արմավիրի մարզում բախվել է 3 մեքենա. 4 հոգի տեղափոխվել է բուժհաստատություն

Ադրբեջանական կողմը հերթական ապատեղեկատվությունն է տարածել. ՊՆ

Գիտեիք, որ գրոհելու եք ԱԺ-ի վրա, ի՞նչ բարոյականությամբ էիք մարդկանց կանչել մանկասայլակներով, երեխաներով. Սաֆարյան

Կապանում իրականացվում են Վաչագան գետի հունի մաքրման, հենապատերի նորոգման աշխատանքներ. վարչապետը տեսանյութ է հրապարակել

Վանաձոր-Ալավերդի-Այրում-Բագրատաշեն ավտոճանապարհը երթևեկելի է միայն մարդատարների համար

ՌԴ-ն ռեկորդային ժամանակում վերականգնեց Վրաստանի հետ Հայաստանի երկաթուղային հաղորդակցությունը. Օվերչուկ

Հատիս-Կապուտան բնակավայրերի դժվարանցանելի հատվածում հայտնաբերվել է տղամարդու դի, կողքին՝ հրացան

Քարաթափում Վարդենյաց լեռնանցքի՝ Սալլի բնակավայրի հատվածում. երթևեկությունը երկկողմանի փակ է

Նիկոլ Փաշինյանը կադրեր է հրապարակել Երևան-Կապան թռիչքից

Կապանում կայացել է ՔՊ նախաձեռնող խմբի նիստ․ վարչապետը հանդես է եկել ելույթով (տեսանյութ)

Արմեն Գրիգորյանը մասնակցում է «Ուկրաինայի խաղաղության բանաձև գագաթնաժողովին»

Կառավարությունն առաջարկում է Քրեական օրենսգրքում սահմանել կիբեռհանցագործությունների ցանկը

Հանկարծ չմտածեք, թե շատերը կան, որոնք մեր նման ուզում են այս պետությունը լինի․ Փաշինյանը Սյունիքում է (տեսանյութ)

Հուլիսի 12-ին կանանց մահակներով չծեծեցին, ոնց անում էր Գալստանյանի տերը մեզ հետ, օրինաչափ գործողություն էր. Խաչատրյան

Ադրբեջանին առաջարկում եմ ձևավորել հրադադարի ռեժիմի խախտման հետաքննության երկկողմ մեխանիզմ. Փաշինյան (տեսանյութ)

Մեկնարկել է ԼՂ-ից տեղահանվածների բնակարանային ապահովման աջակցության ծրագրի առցանց դիմումների ընդունման գործընթացը

Ռուսական Су-24 ինքնաթիռը խախտել է Շվեդիայի օդային տարածքը

Առաջիկա օրերին օդի ջերմաստիճանը կբարձրանա

Ուելսի արքայադուստր Քեյթ Միդլթոնն առաջին անգամ հայտնվել է հանրության առաջ քաղցկեղի դեմ բուժումից հետո (լուսանկարներ)

Մարդիկ կարող են գետն ընկնել, խառնվել կոյուղաջրերին, աղբին, առնետների բաժին դառնալ. ինչ իրավիճակ է Գյումրի գետակում

Արեն Մկրտչյանը տեսանյութ է հրապարակել, որտեղ Քարկոփի հետիոտնային նոր, ժամանակավոր կամուրջն է

Քամալա Հարիսը հայտարարել է Ուկրաինային 1,5 միլիարդ դոլար հատկացնելու մասին

Դաշնակցական Գերասիմ Վարդանյանը ձերբակալվեց

«gg»-ի գրասենյակից առգրավվել է 26 համակարգիչ․ մանրամասներ