Ում որ հարկ համարեց, նրանց էլ հրաժեշտ տվեց. Ռուբեն Ջաղինյանին ժամանակավոր կփոխարինի Նառա Շլեպչյանը

Հանրային հեռուստառադիոընկերության խորհրդի նախագահ Ռուբեն Ջաղինյանի լիազորությունները մարտի 3-ից դադարեցված են:

Հեռուստառադիոյի խորհրդի նախագահի նոր թեկնածուների առաջադրումը սկսվում է մարտի 6-ից։ Իսկ մինչ այդ խորհրդի աշխատանքները կհամակարգի խորհրդի անդամ Նառա Շլեպչյանը: Այս մասին «Հայկական ժամանակ»-ին փոխանցեցին Հանրային հեռուստառադիոընկերության խորհրդի աշխատակազմից՝ նշելով, որ ըստ օրենքի՝ մինչեւ խորհրդի նոր նախագահի ընտրություններ նրան փոխարինում է խորհրդի անդամներից տարիքով ամենաավագը: Նշենք, որ հեռուստառադիոընկերության խորհրդի կազմում են Ստեփան Զաքարյանը, Մերուժան Տեր-Գուլանյանը, Լեւոն Գալստյանը:

Հետաքրքրվեցինք, թե Ջաղինյանն արդեն հրաժեշտ տվե՞լ է աշխատակազմին. «Ում որ հարկ համարեց, նրանց էլ հրաժեշտ տվեց երեկ եւ գնաց»,-պատասխանեցին խորհրդից:

Հիշեցնենք, որ որոշ ժամանակ առաջ մամուլում հրապարակումներ եղան, որ Ռուբեն Ջաղինյանի աշխատավարձը 5 միլիոն դրամ է: Այս պնդումը Ջաղինյաննն ավելի ուշ հերքել էր, հայտարարել, որ մոտավոր 485 հազար դրամ է ստանում: «Հայկական ժամանակ»-ը փորձեց Ջաղինյանից ճշտել, թե խորհրդի նախագահի պաշտոնից հրաժարվելուց հետո սկսելո՞ւ է ավելի ինտենսիվ գործունեություն ծվալել «Շարմ հոլդինգ» ընկերությունում, սակայն խոսել վերջինիս հետ մեզ չհաջողվեց:

«Շարմ հոլդինգ»-ի սեփականատերերն են Ռուբեն Ջաղինյանը (50%), Հրանտ Թոխատյանը (25%), Կարեն Ղազարյանը (25%), որը, սակայն, «Հայկական ժամանակ»-ի հետ զրույցում հայտնել էր, որ հրաժարվել է իր բաժնետոմսերից: Հանրային հեռուստաընկերության բյուջեի մոտ 75%-ը փոխանցվում էր «Շարմ հոլդինգ» ընկերությանը, այս ընկերությունից գումարի մի մասը գնում էր մեկ այլ ընկերություն` տեխնիկա վարձակալելու համար։

Ջաղինյանը Հանրային հեռուստաընկերության հետ համագործակցության համար նախապատվությունը միշտ տվել է «Շարմ հոլդինգ» ընկերությանը։ Խորհրդի նախկին նախագահը երբեւէ չի էլ թաքցրել այդ փաստը, փոխարենն անելով հետեւյալ պնդումը՝ շուկայում որակյալ խաղացողներ չկան: Ռուբեն Ջաղինյանի հավաստմամբ՝ այլ ընկերությունների հետ համագործակցությունը կարգավորվել, ապա դադարեցվել է օրենքի տառին համապատասխան, եւ ոչ թե անձնական շահագրգռվածությամբ: 

Հիշեցնենք, որ ըստ Ֆինանսների նախարարության աշխատակազմի ֆինանսաբյուջետային վերահսկողության տեսչության 2018 թվականի ստուգումների՝ Հանրային հեռուստաընկերությունում արձանագրվել էին 2 միալիարդ դրամի խախտման դեպքեր: Բացի այդ պետական բյուջեից դրամաշնորհով ֆինանսավորվող Հանրային հեռուստաընկերության շենքը գրավադրված է եւ խոշոր վարկերի տակ:

2018 թվականի Ազգային ժողովի գիտության, կրթության, մշակույթի, ինչպես նաեւ երիտասարդության եւ սպորտի ու ֆինանսավարկային եւ բյուջետային հարցերի մշտական հանձնաժողովների համատեղ նիստում Ռուբեն Ջաղինյանը, պատասխանելով պատգամավորների հարցերին, ասել էր, թե միջազգային նորմերը եւ ՀՀ օրենսդրությունը պահանջում էին անցում կատարել դեպի թվային տեխնոլոգիաներ, եւ քանի որ իրենց ամբողջ տեխնիկան անալոգային էր, այս ամենը միանվագ խոշոր գումար էր պահանջում, որի միակ լուծումն այդ պահին վարկավորումն էր:

Վերջինս նաեւ հայտնել էր, որ խորհրդի նախագահի պաշտոնը ստանձնելուց հետո Հանրային հեռուստաընկերությունում եւ Խորհրդի ենթակայության տակ գտնվող բոլոր կառույցներում իրականացրել է շենք-շինությունների պահպանման, տեխնիկայի վերազինման, ընկերության իրավական կարգավիճակի եւ եթերացանցի լայնածավալ ուսումնասիրություններ: 

Ռուբեն Ջաղինյանը Հայաստանի Հանրային հեռուստառադիոընկերության խորհրդի նախագահ է նշանակվել 2013 թ. մարտի 1-ին Սերժ Սարգսյանի հրամանագրով, վեց տարի ժամկետով:

Դեռեւս 2018 թվականի սկզբին լուրեր էին շրջանառվում, որ ՀՌՀ խարհրդի նախագահի պաշտոնը Ջաղինյանի ժամկետի ավարտից հետո կարող է զբաղեցնել 2003-2013 թվականներին պաշտոնավարած Ալեքսան Հարությունյանը: Այս տեղեկությունը ժամանակին չէր ժխտել նաեւ Ջաղինյանը:

Այսօր ՀՌՀ խորհրդի նախագահի պաշտոնի հավակ­նորդներից դեռեւս մեկ անձի անուն է շրջանառվում. խոսքը «Ա1+» հեռուստաընկերության տնօրեն Մեսրոպ Մովսեսյանի մասին է: Մովսեսյանը ավելի վաղ «Հայկական ժամանակ»-ին հայտնել էր, որ այդ պաշտոնում առաջադրվելով՝ ավելի շատ ուժերը փորձելու խնդիր է տեսնում, քան որեւիցե պաշտոն զբաղեցնելու:

Խորհրդի նախագահի հավակնորդների թվում է նաեւ ՀՌՀ խորհրդի անդամ Ստեփան Զաքարյանը, որն առաջադրվել է նաեւ Հանրային ռադիոյի տնօրենի մրցույթում: Մեր տեղեկություններով՝ ՀՌՀ խորհրդի նախագահի պաշտոնում Զաքարյանի առաջադրմանը ի սկզբանե կողմ է եղել նաեւ Ռուբեն Ջաղինյանը:

Ստեփան Զաքարյանը «Հայկական ժամանակ»-ի հետ զրույցում ասաց, որ հավակնություններ ուներ մինչեւ այն պահը, երբ իմացավ, որ մրցույթին դիմելու է Մեսրոպ Մովսեսյանը. «Երբ իմացա, որ դիմել է նաեւ Մեսրոպը, համարեցի, որ ավելի ճիշտ կլինի նրա թեկնածությունը, քան՝ իմ: Եթե դիմողների մեջ լինեն մարդիկ, որ զգամ ինձնից լավ կանեն այդ գործը՝ հաստատ չեմ դիմի: ՀՌՀ խորհրդի նախագահի պաշտոնն ինքնանպատակ մի բան չէ: Ես ե՛ւ պատգամավոր եմ եղել, ե՛ւ երկար տարիներ աշխատել եմ ՀՌՀ-ում: Եթե լինեն Մեսրոպի նման մարդիկ, որ իմանամ՝ իձնից վատ այդ գործը հաստատ չեն անի՝ չեմ դիմի»,-ասաց Ստեփան Զաքարյանը:

ՀՌՀ խորհրդի անդամը նկատեց, որ Մեսրոպ Մովսեսյանը հեռուստատեսությունում աշխատելու մեծ փորձ ունի. «Տարիներ առաջ, երբ ես պատգամավոր էի եւ ընդդդիմադիր «Ա1+»-ը միակն էր, որ հարթակ էր տրամադրում, այդ առումով ես այնքան եմ հարգում Մեսրոպի աշխատանքը, որ չէի ուզի անգամ իրեն մրցակից լինել»: Ստեփան Զաքարյանը նշեց, որ այլ թեկնածուների մասին տեղեկություն դեռեւս չունի:

Տպել
29523 դիտում

Գնել Սանոսյանն այցելել է Կիրանց, դիտարկել ճանապարհաշինական ընթացքը (լուսանկարներ)

Սևանում կարկուտ է տեղում (տեսանյութ)

Ժաննա Անդրեասյանը ներկայացրել է Հայաստանի կինոյի հիմնադրամի նոր ղեկավարին

Խորապես տպավորված եմ ցուցադրության գեղեցկությամբ և ներդաշնակությամբ. Արշակյանն այցելել է իտալական արվեստի ցուցահանդես

Հայաստանն ու ԱՄՆ-ն համատեղ ընթացակարգեր կմշակեն, որոնք թույլ կտան ավելի մեծ թվով կանանց ներգրավել ՀՀ զինված ուժերում

ՀՀ-ում ԵՄ դիտորդական առաքելությունը հուդայա-քրիստոնեական միության պատվիրակությանն է ներկայացրել իրենց գործունեությունը

Հայաստանը գնում է տնտեսության դիվերսիֆիկացման ճանապարհով, մեր ջանքերը միտված են զարգացող երկիր ունենալուն. Գևորգ Պապոյան

Գիտական կենտրոնի բակում մեքենա է այրվել. այն ամբողջությամբ վերածվել է մոխրակույտի

Դոլարն ու եվրոն էժանացել են. ինչ փոփոխություններ է արձանագրել տարադրամի շուկան հուլիսի 24-ին

Երևանում և Արմավիրում ամբողջությամբ դադարեցվել է գազաբենզալցակայանի, նավթամթերքի պահեստարանի գործունեությունը

Եռացրած կաթը թափվել է 1.5 տարեկան երեխայի վրա. տղան այրվածքներով տեղափոխվել է հիվանդանոց

Արայիկ Հարությունյանն ու Ժերոմ Լեյրոն ընտրական գործընթացների բարեփոխումներին և այլ ոլորտներին առնչվող հարցեր են քննարկել

Կրակոցներ Ադրբեջան-Իրան սահմանին, կան վիրավորներ. ինչ է հայտնաբերվել զինված միջադեպի վայրում (լուսանկար)

Չվերադարձնելով հեռախոսը՝ քաշքշել, հարվածել է, կինը ընկել է գետնին. նախկին ընկերոջ նկատմամբ քրհետապնդում է հարուցվել

Օդի ջերմաստիճանը կնվազի 6-8 աստիճանով. ժամանակ առ ժամանակ անձրև և ամպրոպ կլինի

Բյուջեի 2023-ի սեփական եկամուտները 39 մլրդից հասել են 64-ի, դա թույլ է տալիս իրականացնել բազմածավալ ծրագրեր. Ավինյան

Վստահ չեմ, որ իրենք ժողովրդավարության արժեքները կիսում են. Ավինյանը՝ Վազգեն Գալստանյանի շարժման մասին

Ադրբեջանը Ռուսաստանում և այլ վայրերում միշտ պատրաստ է եղել Հայաստանի հետ բանակցություններին. Հաջիզադե

Ես իշխանություն ունենալ-չունենալու անհանգստություն չունեմ. Ավինյանը՝ իր դեմ իմպիչմենթի գործընթաց սկսելու մասին

Տեղի է ունեցել հայ-ամերիկյան համատեղ զորավարժության փակման հանդիսավոր արարողությունը

Երևանի քաղաքապետարանը կառավարությանն առաջարկել է վերանայել «Վեոլիա Ջուր»-ի հետ պայմանագիրը․ Ավինյան

Աղձք բնակավայրի հարակից հատվածում կիրականացվեն պայթեցման աշխատանքներ

Տոմսային նոր համակարգին անցումը տեղի է ունենալու հունվարի 1-ից. Տիգրան Ավինյան

Հայտնի են դարձել 2030 և 2034 թվականների ձմեռային օլիմպիական խաղերի անցկացման վայրերը

Քո AMIO Visa Platinum քարտը սպասում է քեզ

Գավառում շունը հարձակվել է 6-ամյա երեխայի վրա, քույրն ու եղբայրը դժվարությամբ են փրկել աղջնակին

Տոմսերը՝ տեղերով․ նոր հնարավորություն Idram&IDBank հավելվածում

Կարևորվել է ՀՀ-ում նոր էներգաբլոկ կառուցելու նպատակով Ֆրանսիայի մասնակցության հնարավորությունը. դեսպանն այցելել է ՀԱԷԿ

Գյումրու նախկին քաղաքապետ Վարդան Ղուկասյանը, կինն ու զավակները հրավիրվել են դատախազություն

Նեպալում կործանվել է ուղևորատար ինքնաթիռ. զոհվել է առնվազն 18 մարդ (տեսանյութ)

Երևանի ոստիկանապետը Դուշանբեում մասնակցել է ԱՊՀ անդամ պետությունների խորհրդակցությանը

Մոսկվան պատրաստ է հարթակ տրամադրել Երևանի և Բաքվի ներկայացուցիչների միջև բանակցությունների համար. Զախարովա

Փոխվարչապետ Տիգրան Խաչատրյանի գլխավորությամբ կայացել է ՓՄՁ զարգացման խորհրդի հերթական նիստը

Ղազախստանը Հայաստանին է արտահանձնել զինծառայությունից խուսափած քաղաքացուն

Ոգևորված ենք՝ աջակցելու փոխնախագահին իր պատմական ձգտման մեջ․ Ջորջ Քլունին պաշտպանել է Հարիսի թեկնածությունը

ԵՄ-ն ունի իր հաշվարկները. ՌԴ ԱԳՆ-ն՝ Հայաստանի զինված ուժերին Եվրամիությունից ուղղված աջակցության մասին

Հանձնվել են փաստաթղթերն ու խորհրդանշական սպայական դաշույնները. ավարտել են ռազմական ակադեմիայի սաները (լուսանկարներ)

Արագածոտնի գյուղերից մեկի տան բակում՝ ծառից կախված վիճակում, հայտնաբերվել է տղամարդու մարմին

Երևանում թմրամիջոցների շրջանառությամբ զբաղվող խումբ է բացահայտվել. կան կալանավորվածներ

Բիձինա Իվանիշվիլիի դեմ մահափորձ է ծրագրվել