Ռոբերտ Քոչարյանը քաղբանտարկյալ չէ, ինչպես գիտեք՝ ինքը հանցագործ է, մարդ է սպանել. Սարգիս Քլոյան

Այսօր լրանում է Մարտի 1-ի ոճրագործության 11-րդ տարելիցը: 2008 թվականի այս օրը սպանվեցին Գոռ Քլոյանը, Դավիթ Պետրոսյանը, Տիգրան Աբգարյանը, Զաքար Հովհաննիսյանը, Տիգրան Խաչատրյանը, Արմեն Ֆարմանյանը, Հովհաննես Հովհաննիսյանը, Համլետ Թադեւոսյանը, Գրիգոր Գեւորգյանը, Սամվել Հարությունյանը. 10 կյանք, որ կանգ առավ 11 տարի առաջ:

Դեռեւս մեկ տարի առաջ անիրական էր թվում Մարտի 1-ի գործի բացահայտումը եւ այդ գործով բարձրաստիճան պաշտոնյաներին մեղադրանք առաջադրելը:

Հայաստանի պատմության մեջ առաջին անգամ սույն գործով մեղադրյալի աթոռին են հայտնվել նախկին բարձաստիճան պաշտոնյաներ, մասնավորապես Ռոբերտ Քոչարյանը, նրա մտերիմներից ՀՀ նախկին փոխվարչապետ Արմեն Գեւորգյանը, ՀԱՊԿ նախկին գլխավոր քարտուղար Յուրի Խաչատուրովը, 2008-ին Գլխավոր շտաբի պետի պաշտոնը զբաղեցնող Սեյրան Օհանյանը:

Մարտի 1-ին սպանված Գոռ Քլոյանը 2008-ին 29 տարեկան էր, երկու երեխայի հայր: Նրա հայրը՝ Սարգիս Քլոյանը, մեր զրույցում նշեց, որ Մարտի 1-ի գործով լիարժեք բացահայտում կլինի երկու տարի անց միայն:

Սարգիս Քլոյանի հետ զրույցը ստորեւ.

- Պարոն Քլոյան, դուք Մարտի 1-ի գործը բացահայտված համարո՞ւմ եք, թե՝ ոչ:

- Առայժմ՝ ոչ, բայց ամբողջական բացահայտմանը հավատում եմ, այն բացահայտված կհամարեմ մոտ երկու տարի հետո, որովհետեւ նախաքննություն է հիմա ընթանում, իսկ գործը շատ մեծ է: Հիմա գործը սկսել են բուրգից՝ վերեւից ներքեւ են իջնում, երբ վերեւի, մեջտեղի բուրգը անցնենք, հերթը կհասնի ներքեւին: Ես հավատում եմ, որ անմիջապես ձգան քաշողներն էլ կպատժվեն, հրաման տվողներն էլ, մասնակիցներն էլ, գեներալներն էլ եւ այլն:

- Այժմ նախկին բարձրաստիճան պաշտոնյաների վերաբերյալ քննվող քրեական գործով նախաքննության ավարտ է հայտարարվել, դուք ծանոթացե՞լ եք գործի նյութերին:

- Գործի նյութերը տրամադրել են, մեր փաստաբան Վահե Գրիգորյանը վերցրել է եւ մեզ ծանոթացրել է արդեն:

- Կարո՞ղ եք որոշ դրվագներ նշել, մասնավորպես Սերժ Սարգսյանի ցուցմունքներին ծանո՞թ եք:

- Սերժ Սարգսյանին հարցաքննել են մոտ 6 ժամ, որպես վկա, հետո չգիտեմ՝ նորից կհրավիրեն, թե՝ ոչ: Ցուցմունքներին ծանոթ չեմ, բայց Քոչարյանից մի քանի մասի ծանոթ եմ:

- Մասնավորապե՞ս:

- Այն, որ ասում է՝ ես 8:30-ին եմ տեղյակ եղել Մարտի 1-ի լուսադեմին Ազատության հրապարակում տեղի ունեցած գործողություններից: Այնինչ, իր անվտանգության պետ, գեներալ Գրիշա Սարկիսովը իրեն անտե՞ր էր թողել, եկել Ազատության հրապարակ, ղեկավարում էր գործողությունները, ինչպե՞ս կարող էր նա իր գերագույն գլխավոր հրամանատարին անտեր թողնել եւ գալ, ուրեմն հենց Ռոբերտ Քոչարյանն է իրեն կարգադրել, որ՝ գնա, այնտեղ տիրություն արա: Մենք պնդում ենք, որ անմիջապես բոլոր հրամաննները տվել է Ռոբերտ Քոչարյանը, այդ թվում՝ 0038 հրամանը, որ զինվորներին ներգրավել է ներքաղաքական զարգացումներին, որի իրավունքը չուներ, իրավունք չուներ սահմանը թուլացներ եւ բերեր նրանց Երեւան:

- Քոչարյանի, Օհանյանի, Խաչատուրովի պաշտպաննեը պնդում են, որ մինչ արտակարգ դրություն հայտարարելը բանակը ներգրավված չի եղել ներքաղաքական զարգացումներին...

- Բանակը ներգրավված է եղել հենց փետրվարի 23-ից, եղել է զորանոցային կարգավիճակում, բանակը շուտվանից էր պատրաստ եղել: Մինչ արտակարգ դրություն մտցնելը ես զինվորներին տեսել եմ Մելիք Ադամյան փողոցում, զինվորական մեքենաներ, տանկեր:

- Դուք թավշյա հեղափոխությունից հետո ցուցմունք տվե՞լ եք:

- Ոչ, մենք գնացել ենք ՀՔԾ, որպեսզի իմանայինք, թե մեր երեխեքի սպանությունների դրվագով գործն ինչ փուլում է: Մեզ ասացին՝ մի շտապեք, մի քիչ ժամանակ տվեք:

- Պարոն Քլոյան, Ռոբերտ Քոչարյանը իրեն քաղբանտարկյալ է համարում, նաեւ իր ֆեյսբուքյան պաշտոնական էջում, ֆեյսբուքում ընդհանրապես, գովազդներ են դրվում, ամեն կերպ փորձելով նրան դրական լույսի ներքո ներկայացնել, սա ըստ ձեզ՝ ի՞նչ ազդեցություն ու հետեւանք կարող է ունենալ:

- Սա ոչ մի բան չի կարող փոխել, նա հիմա գումարներ է ծախսում, ինչպես գիտեք, մի քանի Հեռուստաընկերություններ է առել, փաստաբաններ վարձել, ինչ-որ ուզում են մթնոլորտը կեղտոտել, ինչ-որ խաղեր են տալիս, բայց դա չի աշխատի, որովհետեւ ժողովուրդը 70 տոկոսով հավանություն է տվել Նիկոլ Փաշինյանին, Քոչարյանը ոչ մի բան չի կարող անել: Քոչարյանը քաղբանտարկյալ չէ, ինչպես գիտեք՝ ինքը հանցագործ է, մարդ է սպանել, երկիր թալանել, ի՞նչ քաղբանտարկյալի մասին է խոսքը, բոլորս գիտենք՝ նա ով է եղել. 10 տարի երկիր է ղեկավարել, 39 աղմկոտ սպանություն է իր օրոք կատարվել, ի՜նչ քաղբանտարկյալի մասին է խոսքը:

Մեր զրույցում մեկ տարի առաջ նշել էիք, որ նոր ուժերի գալու դեպքում մեղավորները պատասխանատվության կենթարկվեն, հիմա գործն, ըստ ձեզ, առաջ ընթանո՞ւմ է, ձեզ այս գործընթացը բավարարո՞ւմ է:

- Մենք հասկանում ենք, որ պրոցեսը պետք է երկար տեւի, մաքուր լինի, որպեսզի հետագայում գործերը չգնան ՄԻԵԴ, 10 տարի սպասել ենք, մի տարի էլ կսպասենք:

- Ասել էիք, որ Գոռի կինն ու որդիները արտագաղթել են, հեղափոխությունից հետո նրանք վերադարձե՞լ են:

- Դեռ՝ ոչ, դպրոց են գնում, մի երկու տարի հետո կտեղափոխվեն արդեն:

Գոռ Քլոյանը վնասվածք էր ստացել Մաշտոց եւ Գրիգոր Լուսավորիչ փողոցների խաչմերուկի կամրջին, ծանր վիճակում տեղափոխվել հիվանդանոց, որտեղ, գիտակցության չգալով, մահացել էր: Նա սպանվել է «Չերյոմուխա 7» հատուկ միջոցով:

10 անձանց սպանության հանգամանքները, մեղավոր անձանց շրջանակը դեռ բացահայտված չէ:

Տպել
4184 դիտում

Գորիս-Տաթև ճանապարհը բքի պատճառով փակ է, կան 100-ից ավել կուտակված մեքենաներ

Մահացել է ճարտարապետ Ստեփան Նալբանդյանը

Ստամբուլում կոգեկոչեն Թուրքիայի 1-ին պրոֆեսիոնալ բռնցքամարտիկ Կարպիս Զաքարյանի հիշատակը

Վայոց ձորի մարզում բախվել են աղով բեռնված «ԿամԱԶ»-ը և «Mercedes»-ը. կա վիրավոր

Դատարանը կալանավորել է Աշտարակում 19-ամյա տղային սպանելու մեջ կասկածվող 20-ամյա երիտասարդին

Վթարի հետեւանքով 24 ժամ ջուր չի լինի Երեւանում եւ Արարատի մարզում

Ջո Բայդենի նախընտրական արշավի համար 1,5 միլիարդ դոլար է ծախսվել. հավաքվել է ռեկորդային գումար անանուն աղբյուրներից

Ոչ նյութական Ժառանգության պահպանության համար ստեղծվել են հայկական ավանդական խաղերի և ուտելի բույսերի շտեմարաններ

Հայաստանի մարմնամարզության ֆեդերացիայի նախագահ է ընտրվել Գագիկ Վանոյանը

Թուրքական բանակի հարվածների հետեւանքով Սիրիայում զոհվել է 3 մարդ, վիրավորվել են 7-ը

Լարսը բաց է բոլոր տեսակի ավտոմեքենաների համար, բայց ՌԴ կողմում կուտակվել է 1000-ից ավելի բեռնատար

Փետրվարի 1-ից Վրաստանը կվերականգնի կանոնավոր չվերթները

Վահան Քերոբյանը հանդիպել է Իրանի արդյունաբերության նախարարի և ԿԲ նախագահի հետ, ստորագրվել է հուշագիր

33 ժամով կդադարեցվի Արարատի մարզի մի շարք բնակավայրերի ջրամատակարարումը

Վարչապետի հրաժարականի պահանջով ավտոերթի մասնակից մեքենաները տարվել են տուգանային հրապարակ

Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ

Արայիկ Հարությունյանն ընդունել է ՀՀ-ից ժամանած մի խումբ բժիշկ-փորձագետների

Քննարկվել են Հայաստանի և Սփյուռքի ներգրավմամբ արցախցիների սոցիալական խնդիրների լուծման տարբերակները

Կոտայքում ավտոմեքենան ընկել է կամրջից. վարորդը հիվանդանոցում մահացել է

Անկարայում բացվել է ԱԹՍ-ների սերիական արտադրության նոր գործարան

Երևանի Արմենակյան փողոցում այրվել է Volkswagen Golf մակնիշի ավտոմեքենա

Վայոց ձորում Mercedes-ը մխրճվել է երկաթե արգելապատնեշի մեջ. 5-ամյա տղան տեղում մահացել է

Երևանում և մարզերում էլեկտրաէներգիայի պլանային անջատումներ են սպասվում

Արագածոտնի, Վայոց ձորի, Շիրակի մարզերի ավտոճանապարհներին առկա է մերկասառույց

Երեկ կատարված 1953 թեստավորումից հաստատվել է կորոնավիրուսի 127 նոր դեպք

Մեկնարկեցին շախմատի Հայաստանի տղամարդկանց և կանանց 1-ին խմբի մրցաշարերը

Երևան-Երասխ ավտոճանապարհին մեքենան բախվել է բետոնե արգելապատնեշին և շրջվել դաշտամիջյան հատվածում․ կա տուժած

Ադրբեջանը վերադարձրել է 30 հայ զինծառայողի աճյուն, մարմիններն անճանաչելի են․ ԱԻՊԾ

Քաղաքական դաշտ մտնելով՝ ցույց եմ տալիս նաև, որ հավատարիմ եմ 18 թվականի հեղափոխությանը. Գնել Սարգսյան

Ազոխում դիեր են գտնվել. 80-ամյա Յուրիկը գյուղից չի հեռացել կամովին, 55-ամյա Սերժիկը նկուղում է մնացել պատահաբար

Արա Այվազյանը Դավիդ Զալկալիանիի հետ տարածաշրջանային անվտանգության, փոխկապակցվածության հարցերին է անդրադարձել(տեսանյութ)

9 մարզի 101 դպրոցում 18 առարկա չի դասավանդվում ուսուցիչների բացակայության հետևանքով

Իր գործունեությունն է սկսել «Կրթության զարգացման և նորարարության ազգային կենտրոն» հիմնադրամը

Սիսիան-«Զանգեր» ճանապարհահատվածում բուք է, Սարավանի լեռնանցքում՝ տեղ-տեղ մերկասառույց

Երկրաշարժ է գրանցվել Նախիջևանից 34 կմ հյուսիս-արևելք. ցնցումները զգացվել են Վայքում և Սյունիքում

7 մետր սահելուց հետո մեքենան հայտնվել է Արփա գետում

Մահացել է ամերիկացի լեգենդար հեռուստամեկնաբան Լարի Քինգը

Պատերազմից հետո Արցախում աշխատուժի պակաս է զգացվում

Օպերլիազորը հետախուզվողից 400 եվրո է հափշտակել. ՀՀ ոստիկանություն

Ֆրանսիայում աննախադեպ վիրահատություն է իրականացվել․ երկու ձեռքի փոխպատվաստումն արվել է հայ բժշկի գլխավորությամբ