ՊՆ-ին պատկանող հողատարծքը առանց աճուրդի վաճառելու վերաբերյալ հարուցված քրգործն ուզում են ծածկադմփոց անել․ գործարար

Պաշտպանության նախարարությանը պատկանող հողատարծքը առանց աճուրդի վաճառելու վերաբերյալ հարուցված քրեական գործի նախաքննությունն առաջ չի գնում․ ուզում են ծածկադմփոց անել։ Նման մտահոգություն հայտնեց «Հայկական ժամանակ»-ի խմբագրություն այցելած գործարար Գագիկ Ավետիսյանը, որը մանրամասներ ներկայացրեց ՊՆ-ի կատարած այս գործարքի եւ հողատարածքը գնած անձի վերաբերյալ։

2018 թվականի օգոստոսի 23-ին «Հետք» օնլայն պարբերականը հրապարակել էր մի նյութ, ըստ որի՝ 2015 թ. պաշտպանության նախարարությունն ուղղակի վաճառքի եղանակով քաղաքացի Սայադ Սահակյանին է օտարել մոտ կես հեկտար հողամաս, որը նախկինում եղել է զորամասի տարածք: Ինչպես նշված է տվյալ հրապարակման մեջ՝ Հողային օրենսգիրքը սահմանում է, թե պետական սեփականություն հանդիսացող հողամասը ում կարելի է վաճառել ուղղակի ձեւով, սակայն նշված գործարքը չի համապատասխանում օրենսգրքի որեւէ կետի: «Հետք»-ի այս հոդվածի հիման վրա քրեական գործ է հարուցվել ՔՕ 375-րդ հոդվածի («Իշխանությունը չարաշահելը, իշխանազանցությունը կամ իշխանության անգործությունը») 1-ին մասով:

ՀԺ այցելած գործարարը այս հողատարածքը գնած Սայադ Սահակյանի երբեմնի բիզնես գործընկերն է։ Վերջինս մեր զրույցում պատմեց, որ ինքն ու Սայադ Սահակյանը 14 տարի շարունակ եղել են գործընկերներ՝ 2001-ից 2015 թվականը։ Միասին ստեղծել են «Աստի թրեյդինգ» ՍՊ ընկերությունը, որը, ինչպես նշեց Ավետիսյանը, մեծ հաջողություններ է ունեցել։ Ընկերությունը զբաղվել է արտերկրից ապրանքների ներկրմամբ եւ վաճառքով։ ՍՊԸ-ի օտարերկրյա գործընկերոջ ներկայացուցիչները տարվա ընթացքում շուկայի մոնիտորինգի նպատակով մի քանի անգամ այցելել են ընկերություն, հարաբերությունը եղել է կայուն եւ զարգացող։

Սակայն Գագիկ Ավետիսյանը պնդում է, որ Սայադ Սահակյանը, հանցավոր համագործակցության մեջ մտնելով արտերկրի կազմակերպության ներկայացուցիչների եւ ՊՆ նախկին նախարար Սեյրան Օհանյանի փեսա Ռշտունի Սիմոնյանի հետ, ընկերությունում ունեցած իր լիազորություններն ու ընկերության դրական համբավն օգտագործելով՝ կազմալուծել է ՍՊԸ-ն եւ նույն գործունեությունը սկսել է իրականացնել Ռշտունի Սիմոնյանի հետ՝ առանձին ստեղծած «ԷՍԴԻԷՄ» ՍՊ ընկերությունով։ Դրա արդյունքում, ինչպես նշեց մեր զրուցակիցը, «Աստի թրեյդինգ»-ի համար առաջացել են ծանր հետեւանքներ, իսկ ինքը մեծ վնասներ է կրել։

Գագիկ Ավետիսյանը պատմեց, որ Սայադ Սահակյանն ու Ռշտունի Սիմոնյանն ապրել են նույն թաղամասում՝ իրար հարեւանությամբ, այդ ընթացքում մտերմացել են։ Երբ 2012 թվականին հարկային մարմնի աշխատողները անակնալ այցելել են ընկերություն եւ կանխակալ, առանց ստուգում իրականացնելու հայտնել են, թե մեծ հարկային պարտավորություն են առաջադրելու, խնդիրներ են առաջացնելու, այն դեպքում, երբ ընկերությունը միշտ օրինական է աշխատել, Սայադ Սահակյանն առաջարկել է իր մտերիմ Ռշտունու միջոցով լուծել այդ հարցը՝ օգտագործելով ՊՆ նախկին նախարար Սեյրան Օհանյանի կապերը։ Ըստ Ավետիսյանի՝ Սայադ Սահակյանը որոշ հանդիպումներ է ունեցել, ու ստուգումները դադարել են։

Այնուհետ, ինչպես մեր զրուցակիցը ներկայացրեց, Սայադ Սահակյանը սկսել է գրասենյակից դուրս, իրենից գաղտնի հանդիպումներ ունենալ օտարերկյա գործընկերների հետ։ Ապա պարզվել է, որ 2014 թվականին Սահակյանն ու Ռշտունի Սիմոնյանը արտերկրի նույն գործընեկորջ հետ համագործակցությամբ, գաղտնի ստեղծել են «ԷՍԴԻԷՄ» ՍՊԸ-ն՝ ծավալելով նույն բիզնես գործունեությունը՝ զուգահեռաբար արտերկրի գործընկերներին տեղեկացնելով, թե իբրեւ «Աստի թրեյդինգ» ընկերությունը դադարեցնում է իր գործունեությունը։

Այս ամենի արդյունքում վեճ է առաջացել, ընդհանուր բիզնեսը տապալվել է։ Ըստ Գագիկ Ավետիսյանի՝ Սայադ Սահակյանն առաջարկել է բիզնեսը բաժանել սեփականտերերի միջեւ՝ առանց տեղական եւ օտար գործընկերների շահերը վնասելու։ Ավետիսյանն ասաց, որ, չունենալով այլ տարբերակ, համաձայնել է, որի արդյունքում Սայադը վերցրել է բիզնեսի նաեւ Գագիկ Ավետիսյանի մասը եւ խոստացել 600․000 դոլար վճարել փոխարենը, բայց մինչ օրս չի տվել այդ գումարը։

Այդ ընթացքում Ավետիսյանը տեղեկացել է, որ ընդհանուր բիզնեսը տապալելուց հետո Սայադ Սահակյանը Ռշտունի Սիմոնյանի հովանավորությամբ ՊՆ-ից ուղղակի վաճառքով ձեռք է բերել նախկին զորամասի ավտոպարկը, որի դիմաց վճարել է շուկայականից ցածր գին, այդտեղ ծավալել է բիզնես-գործունեություն, կառուցել է գրասենյակ, այն չի գրանցել կադաստրում եւ հետեւաբար պետությունից թաքցրել է մեծ գույքահարկ։

Գագիկ Ավետիսյանը դիմել է Հատուկ քննչական ծառայությանը, ՀՀ զինդատախազությանը՝ խնդրելով միջոցներ ձեռնարկել, որպեսզի ՀՔԾ-ի կողմից իրականացվի լայնածավալ քննություն, եւ ինքն էլ ճանաչվի տուժող՝ 600․000 ԱՄՆ դոլարի համարժեք դրամ վնասի համար։

Մենք կապ հաստատեցինք ՊՆ-ից վերոնշյալ հողատարածքը ձեռք բերած Սայադ Սահակյանի հետ։ Վերջինս ներկայացրեց պատմության հակառակ կողմը՝ ասելով, որ իր երբեմնի բիզնես գործընկեր Գագիկ Ավետիսյանի ներկայացրածը նրա երեւակայության արդյունքն է։

Նախ, Սայադ Սահակյանն ասաց, որ ինքն ու Գագիկ Ավետիսյանը ոչ թե տարիներ շարունակ եղել են գործընկերներ, այլ Ավետիսյանը, որը իր հանգուցյալ ընկերոջ եղբայրն է, միայն 2010 թվականին է միացել բիզնես-գործունեությանը։ Ըստ Սահակյանի՝ Ավետիսյանին չի հետաքրքրել գործունեությունը, այլ միայն շահույթը։ Ի դեպ՝ «Աստի թրեյդինգ» ընկերության գործադիր տնօրենը եղել է Գագիկ Ավետիսյանի եղբայրը՝ Վարդգեսը, ապա դարձել է նաեւ բաժնետեր։

Սայադ Սահակյանն ասաց, որ երբ երկու եղբայրները դարձել են ընկերության բաժնետերեր, անառողջ մթնոլորտ է ստեղծվել գրասենյակում։ Օրինակ՝ հարկայինի աշխատակիցների ամենանգամյա ստուգումների ժամանակ Վարդգես Ավետիսյանն ամեն անգամ կոնֆլիկտներ է ստեղծել, եւ Գագիկ Ավետիսյանի՝ վերը նշած կոնֆլիկտը հերթականներից մեկն է եղել։ Սայադ Սահակյանը ընկերության բարի համբավը պահելու համար ամեն անգամ անձամբ է հարթել նման միջադեպերը՝ ներողություն խնդրելով հարկային մարմնի աշխատակիցներից։

Սահակյանն ասաց, որ Վարդգես Ավետիսյանը ողջ ընթացքում շատ վատ է խոսել աշխատակիցները հետ․ «Գործադիր տնօրեն, ապա բաժնետեր դառնալուց հետո Վարդգեսը միանգամից ասաց, թե խաղի կանոնները պետք է փոխվեն, բոլորին ասում էր, ներողություն իհարկե, պիտի «կզեք» իմ առաջ»։

Սայադ Սահակյանը պատմեց, որ «Աստի թրեյդինգ» ընկերությունը աշխատում էր երկու ուղղությամբ՝ հիգիենիկ պարագաների եւ թռչունների կերերի, վակցինաների վաճառքով։ Ինչ-որ պահի ընկերության՝ թռչունների կերահավելումների վաճառքի մասով շրջանառությունը սկսել է նվազել (այդ մասով աշխատանքները համակարգել է Վարդգես Ավետիսյանը)։ Ապա Սահակյանը պատահականորեն իմացել է, որ Ավետիսյան եղբայրները 2010 թվականին հիմնել են մի կազմակերպություն, որը եւս զբաղվել է թռչունների կերահավելումների վաճառքով․

«Երբ հարցնում էի, թե ինչո՞ւ «Աստի թրեյդինգում» լավ չէ շրջանառույթունը, ինձ մեկնաբանում էին՝ երկրում տնտեսությունը վատ ա, վաճառքները թուլանում են։ Հասկացա, որ առանձին ներմուծում են»։

Կատարվածից հետո Սահակյանը Ավետիսյան եղբայրներին առաջարկել է երեք մասի բաժանել բիզնեսը, քանի որ այլեւս հնարավոր չէ այդ մթնոլորտում աշխատել։

«Երեքով որոշեցինք, որ ես հիգիենիկ պարագաների բիզնեսը շարունակելու եմ՝ առանձին կազմակերպություն բացելով, իրենք շարունակելու են թռչունների կերահավելումների իրենց բիզնեսը։ Որոշեցինք «Աստի»-ի գույքի մի մասը թողնել Գագիկ Ավետիսյանին, մյուս մասը՝ եղբորը։ Ես առանց գույքի դուրս եկա, մոտ երկու տարի գրասենյակ վարձակալեցի, շարունակեցի առանձին անել իմ բիզնեսը»,-ասաց Սահակյանը՝ նշելով, որ ինքը, Գագիկը եւ արտասահմանցի գործընկերները հանդիպել են եւ վերջիններս որոշել են համագործակցությունը շարունակել հենց Սայադի հետ, քանի որ իրեն համարել են արժանահավատ գործընկեր։

2015-ին արդեն, ինչպես պատմեց Սայադ Սահակյանը, ինքը որոշել է տարածք գնել, շարունակել իր բիզեսը, հետաքրքրվել է, տեսել ՊՆ-ին պատկանող հողատարածքը, դիմել է նախարարություն, այնտեղից պատասխանել են, որ հողը վաճառվում է, ինքն էլ գնել է։ Իսկ թե ինչպես են հողի կարգը փոխել՝ ինքը տեղյակ չէ։ Սահակյանը հերքեց Ավետիսյանի այն պնդումը, թե ինքը բիզնես է սկսել Սեյրան Օհանյանի փեսայի հետ եւ նրա միջոցով է գնել հողը։ Ավելին՝ Սահակյանը նշեց, որ կատարվածից հետո ինքն այլեւս երբեք չի ուզի բիզնես գործունեություն ծավալել որեւէ մեկի հետ։

Ինչ վերաբերում է Գագիկ Ավետիսյանի հիշատակած 600․000 ԱՄՆ դոլարին, Սայադ Սահակյանն ասաց, որ իրեն զանգել է Ավետիսյանի իրավաբանը, ասել, որ պետք է Սայադյանը հանդիպի Ավետիսյանի հետ, քննարկեն այդ գումարի հարցը։ Սայադյանը հրաժարվել է վճարել գումարը, Գագիկն էլ դիմել է դատարան․

«Եթե ես պարտավորվում էի գումար տալ Գագիկին, ապա ինչպե՞ս է ստացվել, որ ինձ գոնե մի պարտավորագիր գրել չի տվել։ 600․000-ի գործը առաջին երկու ատյաններով անցել է, հիմա դիմել են Վճռաբեկ դատարան։ Սրանով ամեն ինչ ասված է»,-մեր զրույցում ասաց Սայադ Սահակյանը։

Նա նաեւ նշեց, որ երբ հրաժարվել է ողջ գույքը թողնելուց հետո տալ նաեւ ինչ-որ 600․000 դոլար, Գագիկ Ավետիսյանն ասել է, որ անուններ կտա․

«Թող տա, ի՞նչ անուններ տա։ Հարմար ժամանակահատված է ընտրել, Սեյրան Օհանյանի անունն է տալիս, թե ես կապ ունեմ փեսայի հետ եւ այլն, այն դեպքում, երբ ես ընդամենը ծանոթ եմ Ռշտունի Սիմոնյանի հետ, եւ ուրիշ որեւէ հարաբերություն չունեմ»,-ասաց Սայադյանը։

«Հայկական ժամանակ»-ը ՀՀ քննչական կոմիտեից տեղեկացավ, որ հարուցված քրեական գործի շրջանակներում այս պահին ընթանում է նախաքննություն, եւ գործով մեղադրյալներ դեռեւս չկան։

Տպել
2198 դիտում

Կորոնավիրուսի դեմ գործող պատվաստանյութերով ում է թույլատրվում պատվաստվել ու որն է աշխարհում ամենաէֆեկտիվը

Իրականացվել են մարտական հերթապահության հերթափոխի նախապատրաստական աշխատանքներ

ԵՄ Գրական մրցանակին ներկայացված Արամ Ավետիսն անլուրջ է վերաբերվում այդ մրցույթին. գրողն անգամ վաղվա հանդիպմանը չի գնալու

Խաղաղապահ ուժերի բրիգադի անձնակազմի հետ թրաֆիքինգի թեմայով սեմինար-քննարկմում է անցկացվել

Բեզոարյան այծի որսի հանգամանքները պարզվել են

Հայոց ցեղասպանության վերաբերյալ ավելի շատ փաստաթղթային ապացույցներ կան, քան Հոլոքոստի. հոդված իսպանական El Pais-ում

Ասֆալտապատվում են Արալեզ համայնքի մի շարք փողոցներ

Արթիկի բաժին բերման ենթարկվածի մեքենայում թմրամիջոցի նմանվող զանգվածներ են հայտնաբերվել (տեսանյութ)

Չեմ կարող «մեռնեմ օրենքին» ասել, դուռը խփել ու գնալ. Գեղամ Գեւորգյանը հրաժարականի դիմումը հետ վերցնելու և իր հայցի մասին

ԸՕ փոփոխությունների փաթեթն 1-ին ընթերցմամբ ընդունվեց. հնչեց առաջարկ՝ վատ պատգամավորներին հետ կանչելու կարգ ներդնել

«Ալաշկերտը» հաղթեց և դարձավ առաջատար, «Նոան» և «Արարատ-Արմենիան» չպարզեցին հաղթողին

ԱԳՆ հայտարարությունը Լատվիայի խորհրդարանի կողմից Հայոց ցեղասպանությունը ճանաչող հռչակագրի ընդունման առնչությամբ

Ավտոմեքենան դուրս է եկել ճանապարհի երթևեկելի հատվածից, ընկել Տերյան փողոցին հարակից շինհրապարակ

Նիկոլ Փաշինյանի նախկին փաստաբանը դատի է տվել Նիկոլ Փաշինյանին

ՎՏԲ-Հայաստան բանկն առաջարկում է վճարային քարտեր ուսանողներին

ԵԱՀԿ նախագահը քննարկել է հակամարտությունների, այդ թվում՝ ԼՂ խնդրի կարգավորման հեռանկարները. «Արմենպրես»

Անահիտ Ավանեսյանն աշխատանքային այցով այսօր եղել է Կոտայքի մարզում

Չկա որեւէ ՀԿ, որի գերին է «Իմ քայլը» դաշինքը. գործընկերության ոգին դուք ինքներդ խախտեցիք. Դանիելյանը՝ Գորգիսյանին

Էդմոն Մարուքյանն իրեն թույլ է տվել մերկապարանոց մեղադրանքներ հնչեցնել ԳՇ պետ Արտակ Դավթյանի հասցեին. Սամվել Ասատրյան

ԶՈՒ ԳՇ հետախուզության գլխավոր վարչության պետը հանդիպել է Վազգեն Սարգսյանի անվան ռազմական համալսարանի կուրսանտների հետ

ԵՊՀ-ն կդիմի Վարչական դատարան՝ վիճարկելու բուհերի վերաբերյալ Կառավարության որոշումը

Երևանն ու Նուրսուլթանը մեծ դերակատարություն ունեն հայ-ղազախական հարաբերությունների խորացման գործում

Թեհրանը համաձայն չէ Արևմուտքի պահանջներին

Սահմանում օպերատիվ մարտավարական կայուն իրավիճակը պահպանվել է

Արթիկում մսուր-մանկապարտեզ կկառուցվի. Կառավարությունը 100 մլն դրամ է հատկացրել

ԱՄՆ Պետդեպարտամենտը Կիևին խորհուրդ է տվել չշտապել ՆԱՏՕ-ին անդամակցելու հարցում

Իսրայելում առկա է հինգերորդ ընտրություններն անցկացնելու հավանականությունը

Բելգիայից՝ Սանդրոն, Թեհրանից՝ Թարան. շրջիկ բուժկենտրոնում COVID19-ի դեմ պատվաստվել ցանկացողների հոսքն այսօր մեծ էր

Հրատապ է ռազմագերիների, պատանդի կարգավիճակում գտնվող քաղաքացիական անձանց վերադարձը. Այվազյանը՝ Լավրովին (տեսանյութ)

Միացյալ Թագավորությունը հետաքրքրված է տարածաշրջանում կայուն խաղաղության պահպանմամբ․ ԱԺ նախագահն ընդունել է դեսպանին

«ՍԴ-ն Հռոմի պապից կաթոլիկ գտնվեց». ՀՀ գլխավոր դատախազը՝ 300․1 հոդվածի հակասահմանադրական ճանաչելու մասին

Մոտ ժամանակներս կկարողանանք լուծել պահվող անձանց վերադարձի խնդիրը. Սերգեյ Լավրով

Տեր-Պետրոսյանի երեկ հրապարակած չստորագրված հայտարարության մասով կարող եմ միայն երեք բան ասել․ Վահագն Ալեքսանյան

Կան ապացույցներ՝ Թուրքիայի միջամտությամբ ահաբեկչական խմբավորումներ ու վարձկաններ են տեղափոխվել Ադրբեջան. Արթուր Դավթյան

ԱԺ խորհուրդը քննարկում է այսօր երեկոյան արտահերթ նիստ հրավիրելու հարցը. օրակարգում մեկ հարց է

Սերգեյ Լավրովն այցելել է Հաղթանակ զբոսայգի

Անհրաժեշտ է վերականգնել խաղաղ գործընթացը՝ ԼՂ հակամարտության վերջնական կարգավորման հասնելու նպատակով. Փաշինյանը՝ Լավրովին

Աշխատանքի և սոցիալական հարցերի նախարարությունը հայտարարում է դրամաշնորհային մրցույթներ

Ադրբեջանի կողմից արգելված զինատեսակների օգտագործման փաստերով հարուցված են քրգործեր. Արթուր Դավթյան

Նիկոլ Փաշինյանը հանդիպել է Սերգեյ Լավրովի հետ