Գյումրիում կայացավ «Արթուրը» ֆիլմի փակ ցուցադրությունը (լուսանկարներ)

Գյումրեցի հունահռոմեական ոճի ըմբիշ, աշխարհի և Եվրոպայի եռակի չեմպիոն, օլիմպիական խաղերի բրոնզե մեդալակիր, 2016 թվականի ամառային օլիմպիական խաղերի ոսկե մեդալակիր Արթուր Ալեքսանյանի կյանքի եւ մարզական ուղու մասին պատմող «Արթուրը» ֆիլմի փակ ցուցադրությունից առաջ նախ մամուլի ասուլիս էր հրավիրվել: Հենց Արթուր Ալեքսանյանն էլ բազմաթիվ հարցերի պատասխանները տվեց: Ասաց՝ ճիշտ է, իր կարիերայի մասին է ֆիլմը, բայց դա չի նշանակում, որ հեռանում է մարզագորգից կամ պատրաստվում է մարզչական գործունեություն ծավալել: Հակառակն, առջեւում մեծ անելիք ունի: «Ես դեռ մարզիչ չեմ լինի, ես դեռ գործող մարզիկ եմ եւ իմ առջեւ դեռ նպատակներ ունեմ: Ճիշտ է, իմ փորձով, գիտելիքներով միշտ օգնում եմ մեր ըմբիշներին, բայց մարզիչ դառնալուս մասին խոսելը վաղ է: Ինձ հիմա ավելի լավ եմ զգում, վատ մարզավիճակում չեմ, չնայած դեռ մրցումների չեմ մասնակցել: Երեւի առաջիկա Եվրոպայի առաջնությունը բաց կթողնեմ, դեռ վերջնական որոշված չէ: Մեր մարզիչների հետ դեռ պետք է քննարկենք այդ հարցը, իսկ դրանից հետո արդեն մրցաշարեր կան: Արդեն սեպտեմբերին պատրաստվում եմ Աշխարհի առաջնությանը, որը նաեւ օրինական վարկանիշային առաջնություն է, կփորձեմ անպայման վարկանիշ ձեռք բերել հաջորդ տարվա օլիմպիական խաղերի համար»,- ասաց Արթուր Ալեքսանյանը:

Ֆիլմը  ստեղծվել է Vivaro ընկերության աջակցությամբ Vnews.am սպորտային կայքի ստեղծագործական խմբի ջանքերով: Նկարահանումներն իրականացվել են Հունգարիայի մայրաքաղաք Բուդապեշտում 2018 թվականին կայացած Աշխարհի առաջնության ժամանակ: Սյուժեում նաեւ տեղ են գտել դրվագներ մինչ առաջնությունը Երեւանի ուսումնամարզական հավաքից, ինչպես նաեւ  Գյումրիում գտնվող Արթուր Ալեքսանյանի անվան ըմբշամարտի դպրոցի պարապմունքներից:

«Շատ հետաքրքիր պահեր կան ֆիլմում, դրանք վայրկյաններ եւ րոպեներ են, որ ոչ հանդիսատեսն է տեսնում, ոչ երկրպագուն: Այդ աշխարհը հասանելի է միայն մարզիկին ու մարզչին: Հենց այդ թաքնված հույզերն ու ապրումները, լարվածությունն ու մեր ներքին փոքրիկ, բայց կարեւոր գաղտինքներն ենք վստահել բոլորիդ այս ֆիլմի միջոցով»,- ասաց Արթուր Ալեքսանյանի հայրն ու անձնական մարզիչը՝ Գեւորգ Ալեքսանյանը:40 րոպե տեւողությամբ վավերագրական ֆիլմում չկա հեղինակի խոսք: Զուգահեռաբար երկու սյուժե է ներկայացվում: Առաջինը պատմում է  Բուդապեշտում կայացած Աշխարհի առաջնության մասին, երկրորդում Արթուրն է՝ մանկությունից մինչ հիմա:

«Ֆիլմում հնարավորինս ընդգրկել ենք Արթուրի կարիերայի լավագույն դրվագները, նրա մասին խոսում են ինչպես հայ մարզիչներն, այնպես էլ այլ երկրների հավաքականների գլխավոր մարզիչները, նախկին մրցակիցները: Հեղինակի խոսք չկա, ամեն ինչի մասին պատմում են կադրերը: Չի կարելի ասել, որ այս ֆիլմն Ալեքսանյանի ամբողջ կարիերան է ամփոփում, որովհետեւ նա դեռ երկար ճանապարհ ունի անցնլու, եւ վստահ ենք, որ եթե մի օր պետք լինի նրա անցած ողջ ընթացքը պատկերող ֆիլմ ստեղծել, այն ավելի երկար կլինի եւ բազմաթիվ տիտղոսներ կներառի իր մեջ: Ֆիլմը նպատակ ունի ներկայացնել այս պահի դրությամբ Արթուր Ալեքսանյանի դերն ու նշանակությունը սպորտում եւ հասարակության մեջ, ցույց տալ նրան որպես մարդ, քաղաքացի, մարզիկ: Ոչ թե միայն այն, որ գնում, մեդալ է նվաճում, վերադառնում, այլ ընդգծել նրան որպես ազգին ներկայացնող օրինակելի կերպար»,- ասաց Vnews.am սպորտի բաժնի գլխավոր խմբագիր Կարեն Ռաֆայելյանը:   

Ֆիլմում Արթուրին փոքր հասակում ներկայացնող դրվագները մարմնավորել է նրան անհավանական նման, խարտյաշ, կապուտաչյա, նույն գանգուր եւ խիտ մազերով փոքրիկ Դավիթը: ՀԺ-ի հետ զրույցում Արթուր Ալեքսանյանի հայրը՝ Գեւորգ Ալեքսանյանը, պատմեց, որ տղան եւ Արթուրը առաջին անգամ հանդիպել եւ ծանոթացել են «Մեծ փոքրիկներ» հաղորդման ժամանակ՝ հենց Դավիթի ցանկությամբ: Տղան ապրում է Շիրակի մարզի Արթիկ քաղաքում, աննախադեպ ուժ ունի, ատամներով կարողանում է ավտոմեքենա քաշել: Միաժամանակ Արթիկում ըմբշամարտ է պարապում: «Նրան որ հարցնում են՝ դու Դավի՞թն ես, ասում է՝ չէ, ես Սասունցի Դավիթն եմ»,-ասաց Գեւորգ Ալեքսանյանը: Եվ հենց Դավիթն էլ «Արթուրը» ֆիլմում ներկայացնում է գյումրեցի Սպիտակ Արջին:Ի դեպ, սպիտակ արջերի մասին: Փետրվարի 27-ին նշվում է Բևեռային կամ Սպիտակ արջի միջազգային օրը: «Չգիտեմ Vivaro-ն հատուկ էր արել, թե պատահական եղավ սա, բայց էսօր նշվում է Բեւեռային, սպիտակ արջի օրը, էնպես որ մեր Սպիտակ Արջի մասին պատմող ֆիլմի օրը շատ ճիշտ էր ընտրված»,-կատակեց Կարեն Գիլոյանը:Արթուր Ալեքսանյանը նաեւ հայտնի է որպես Սպիտակ Արջ: Այսպես են նրան կոչում հաղթանդամության եւ սպիտակ մաշկի պատճառով: Գյումրիում 2016 թվականի օգոստոսի 28-ին մի մեծ սպիտակ արջ պատրաստվեց եւ բերվեց հրապարակ, որտեղ հրավառությամբ եւ մեծ տոնախմբությամբ դիմավորեցին ամառային 31-րդ Օլիմպիական խաղերում օլիմպիական ոսկի նվաճած հունահռոմեական ոճի ըմբիշ Արթուր Ալեքսանյանին եւ օլիմպիական փոխչեմպիոն, ծանրորդ Գոռ Մինասյանին:Ասուլիսի ավարտից անմիջապես հետո ցուցադրվեց ֆիլմը, որն, ըստ հեղինակների, Արթուր Ալեքսանյանը դիտեց առաջին անգամ:

Տպել
1601 դիտում

Աշխատանքային խումբ է գործուղվել Մեղրիի բժշկասանիտարական հսկիչ կետ

Թատրո՞ն, կինո՞, թե՝ համերգ. Երևանի քաղաքապետարանը կանանց միջազգային օրվա առիթով նվեր է պատրաստել (տեսանյութ)

Գրառումներիս պատճառը նոր կառավարության կողմից պաշտոն չստանալն ու, հետևաբար, վրեժխնդիր լինելը չէ. Հասմիկ Պապյան

Դեռ ԽՍՀՄ տարիներին տեխնոլոգիական աշխարհում Հայաստանը համարվել է Խորհրդային միության «Սիլիկոնյան հովիտ»-ը. Հակոբ Արշակյան

Ստեփանծմինդա-Լարս ավտոճանապարհը բեռնատարների համար մնում է փակ

Նախկինների «օբշչակի» պահպանության վերջին բաստիոնը

ՀՀ տարածքում կան փակ և դժվարանցանելի ավտոճանապարհներ

ՀՀ ԱԺ պատգամավորները հանդիպել են Դանիայի խորհրդարանական օմբուդսմեն Քլավս Քիններափ Հեդի հետ

Ոստիկանության կենտրոնական բաժնում արձանագրված գողությունները բացահայտվել են

Կապանում 5000 ՌԴ ռուբլուն նմանվող թղթադրամի նմուշ է իրացվել. բերման են ենթարկվել 17 եւ 19-ամյա աղջիկներ

Ալեն Սիմոնյանը կգործուղվի Մոնտեվիդեո, Լիլիթ Մակունցը՝ Վաշինգտոն. այլ գործուղումներ ևս կան

Երևանի Մյասնիկյան պողոտայում «Կամազ»-ը վրաերթի է ենթարկել քաղաքացուն

Երևանի բնակարաններից մեկում կնոջ դի է հայտնաբերվել. ԱԻՆ

Ապօրինի ծառահատման դեպք Ստեփանավանում. Պուշկինոյի անտառից բոխի տեսակի ծառեր են հատվել

Աղմկահարույց սպանություն Էջմիածնում. 36-ամյա տղամարդու սպանության մեջ կասկածվողը ձերբակալված է

«Բավրա» սահմանային անցակետում հետախուզվող է հայտնաբերվել

Փողն ընդդեմ պետական շահի

Երևանում բուժաշխատողի շուրջ 60 թափուր հաստիք կա. առաջարկվում է 18,000 - 273,000 դրամ աշխատավարձ՝ հարկերը ներառյալ

Արա Շահվերդյան, Ռոբերտ Բեգլարյան. հայտնի են Իրանի խորհրդարան անցած հայ պատգամավորների անունները

Հայաստանն ու Շվեյցարիան կհամագործակցեն Մասնագիտական կրթության և ուսուցման ոլորտում