Չգիտեմ՝ ով է իրենց տակը տժտժացնում. Ղարիբյանը՝ Համազգայինի դերասանների եւ լարվածության մասին

Այս օրերին մեծ քննադատությունների առիթ է դարձել Սոս Սարգսյանի անվան Համազգային թատրոնի լուծարման հետ կապված մշակույթի նախարարի պարտականություններն իրականացնող փոխնախարար Նազենի Ղարիբյանի արած հայտարարությունն ու թատրոնն արժեւորելու մեկնաբանությունը: Համաձայն հրապարակված փաթեթ-տեղեկանքի՝ ՀՀ մշակույթի նախարարության ենթակայությամբ գործող եւ լուծարվող ՊՈԱԿ-ների թվում էր նաեւ Համազգային թատրոնը:

Թատրոնը գործում է Երեւանի թատրոնի եւ կինոյի պետական ինստիտուտի շենքում, ըստ այդմ, առաջարկվում է այն լուծարել եւ ներառել նշված ինստիտուտի կազմում՝ որպես թատերական գործունեության իրականացման ուսանողական եւ փորձարարական հարթակ:

Սոս Սարգսյանի անվան Համազգային թատրոնի անձնակազմին խիստ վրդովեցրել է այս լուրը: Դերասանները տարբեր մեկնաբանություններ արեցին մշակույթի նախարարության, ապա Նազենի Ղարիբյանի գործունեության վերաբերյալ: Համազգային թատրոնի տնօրենի ժամանակավոր պաշտոնակատար Արման Նավասարդյանն էլ անդրադառնալով Ղարիբյանի՝ «Համազգային թատրոնի միակ առանձնահատկությունը Սոս Սարգսյանի կողմից հիմնված լինելն է, եւ դերասանական կազմը մի կուրսից է եղել» հայտարարությանը, նշեց, որ վերջինիս նման մեկնաբանումն ամենաքիչը՝ չիմացության արդյունք է:

«Հայկական ժամանակ»-ի հետ զրույցում Ղարիբյանը վստահեցրեց, որ իր խոսքը կոնտեքստից կտրված են ներկայացրել. «Ես ասել եմ, որ Համազգայինը չունի ժանրային առանձնահատկություն, բայց դա չի նշանակում, որ այն ոչնչի պետք չէ»:

Ղարիբյանը նաեւ հերքեց շատերի կողմից հնչող այն քննադատությունը, թե իբր ինքն ասել է, որ Համազգայինի միակ առանձնահատկությունը Սոս Սարգսյանի կողմից հիմնված լինելն է: Նշեց, որ միայն շեշտել է թատրոնի՝ Սոս Սարգսյանի կողմից հիմնված լինելը: «Այո, մեր շատ սիրելի, մեծանուն Սոս Սարգսյանն է հիմնել, բայց այդ թատրոնը ժանրային առանձնահատկություն չունի, ես դա ասել եմ, եւ էլի եմ կրկնում»,-ասաց նա:

Անդրադառնալով Համազգայինի ստեղծագործական կազմի այն պնդմանը, թե Ղարիբյանը երկու անգամ պարտություն է կրել եւ որոշել է վրեժ լուծել իրենցից, մշակույթի  փոխնախարարն ասաց. «Ես ճակատամարտի մեջ չեմ մտել իրենց հետ, որ պարտություն կրեի»:

Նշենք, որ Համազգային թատրոնի աշխատակիցների բնորոշմամբ՝ իրենք երկու անգամ հաղթել են Նազենի Ղարիբյանին, առաջինը, երբ նրա կամքին հակառակ հասել են թատրոնի նախկին տնօրեն Վիգեն Չալդրանյանի հրաժարականին, իսկ երկրորդը՝ Սուրեն Շահվերդյանին գեղարվեստական ղեկավար չընտրելն է: «Ճակատամարտ էր իրենց միջեւ, ես հրավիրել եմ երկու կողմին, փորձել եմ որպես նախարարի տեղակալ միջավայր ստեղծել, որտեղ իրենք կփորձեն միմյանց հասկանալ: Իսկ ինչ վերաբերում է Շահվերդյանին գեղարվեստական ղեկավար նշանակելուն, ես նույնիսկ Չալդրանյանին ասել եմ՝ ամոթ է, մի՛ արա»,- ասաց Ղարիբյանը:

Վերջինիս խոսքով՝ Համազգայինի դերասաններն առաջին օրերին իր մասին երբեք նման կերպով չեն խոսել, բայց հիմա ինչ-որ մեկը դավեր է նյութում. «Չգիտեմ՝ ով է իրենց տակը տժտժացնում»:

Տպել
1623 դիտում

«Սոցիալական շտապօգնություն». Գյումրիում պարենի ծանրոցներ կստանան ստեղծված իրավիճակում օրվա հացից զրկված ընտանիքները

Մայր Աթոռ Սուրբ Էջմիածնում Հանրապետական մաղթանք է կատարվում. դուրս է բերվել Սուրբ Գրիգոր Լուսավորչի Աջը (ուղիղ)

Պարետի որոշմամբ՝ վեց ժամով արգելվել է սուպերմարկետների մի շարք խոշոր ցանցերի որոշ մասնաճյուղերի գործունեությունը

Մոտ կես միլիոն դրամի հագուստի գողության դեպքը բացահայտվել է. (տեսանյութ)

Նուբար Աֆեյանը գարնանը կորոնավիրուսի պատվաստանյութի փորձարկումից արդյունք ստանալու հույս հայտնեց

Ոստիկանները վարդերի փնջերը ձեռքերին գողերի են բռնել

Մարտի 28-ի ժամը 15-ի դրությամբ ոստիկանությունը 361 արձանագրություն է կազմել

Ալաշկերտում «ԳԱԶ-3110» մակնիշի ավտոմեքենա է այրվել

Վաղն Արցախում ըտրարշավի վերջին օրն է. Արմեն Սարգսյանը հեռախոսազրույց է ունեցել Բակո Սահակյանի հետ

ԱԻՆ-ը վարակազերծման միջոցառումներ է իրականացրել հանրապետության 666 հանրային վայրերում (տեսանյութ)

Հայ խաղաղապահները ներկայացնում են զորախմբերի ներկա վիճակն ու կորոնավիրուսի հետ կապված առկա տվյալները (ուղիղ)

Ոստիկանությունը փողոցում ոչ թե դիմակ ու ձեռնոց է պահանջում, այլ՝ անձնագիր ու տեղաշարժման թերթիկ

ՃՏՊ Մարգարա-Վանաձոր ավտոճանապարհին. կա տուժած

«COVID-19. առերեսվելով համաշխարհային վախին». առցանց քննարկմանը նաեւ Արսեն Թորոսյանն է մասնակցում (ուղիղ)

Ստեղծել ենք տեղաշարժման թերթիկի էլեկտրոնային տարբերակը. Տիգրան Ավինյան

Դեռ շատ դիմակներ կպատռվեն

Լրագրողների մուտքն Արցախ ազատ է, անգամ եթե մեքենայում 3 հոգով են, կանցնեն. Հայկ Մհրյան

Մենք կոչված ենք ծառայություն մատուցել ՀՀ քաղաքացիներին, որի համար երդում ենք տվել. Հայկ Մհրյան

Հեռավար կրթությունը Գյումրու սոցիալապես անապահով ընտանիքներից շատերի համար անհասանելի է

Արևմտահայերենով օնլայն հեքիաթներ՝ Թումանյանի թանգարանից