Ես համաձայն չեմ, որ մի բան պայմանավորվենք, մեկ այլ բան արվի․ վարչապետը՝ աջ ղեկով մեքենաների ներկրման մասին

Այսօր՝ փետրվարի 15-ին, ՀՀ կառավարության նիստում քննարկվեց «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին» Հայաստանի Հանրապետության օրենքում փոփոխություն կատարելու մասին» Հայաստանի Հանրապետության օրենքի նախագիծը:

Նախագիծը ներկայացրեց ՀՀ տրանսպորտի, կապի եւ տեղեկատվական տեխնոլոգիաների նախարար Հակոբ Արշակյանը։ Նա նշեց, որ ՀՀ պետական կառավարման շահագրգիռ մարմինների եւ «Ղեկը աջ» նախաձեռնության անդամների հետ շարունակվող քննարկումների արդյունքում է մշակվել այս նախագիծը:

«Նախագծի ընդունման դեպքում հնարավորություն կընձեռնվի ՀՀ մաքսային տարածքներում տեղակայված աջակողմյան ղեկային տեղաբաշխմամբ տրանսպորտային միջոցները, ինչպես նաեւ այն աջակողմյան ղեկային տեղաբաշխմամբ տրանսպորտային միջոցները, որոնց ձեռք բերման համար վճարումները կատարվել են մինչեւ 2018 թվականի դեկտեմբերի 30-ը, ՀՀ տարածք ներմուծել մինչեւ 2019 թվականի ապրիլի 1-ը»,- ներկայացրեց նախարարը՝ նշելով, որ եկել են տեղային լուծման, քանի որ հստակ չգիտեին՝ որքան տնտեսվարող սուբյեկտների է վերաբերում։ Փաստորեն՝ խոսքը 830 մեքենայի մասին է:

Վարչապետ Նիկոլ Փաշինյանն ասաց, որ Այրումում պայմանավորվածություն է եղել նախաձեռնղ խմբի կողմից, որ խոսքը այն մեքենաներին պետք է վերաբերի, որոնք տվյալ օրը գտնվել են մաքսային գոտում․

«Հիմա կարող է պարզվի՝ 10 հազար ձեռք բերված ավտոմեքենա կա, կեսն էլ Ճապոնիայում են։ Ես համաձայն չեմ, որ մի բան պայմանավորվենք, մեկ այլ բան արվի։ Խոսքը այն ավտոմեքենաների մասին է եղել, որոնք արդեն մաքսային գոտում են։ Դա է եղել մեր պայմանավորվածությունը»։

Հակոբ Արշակյանը նշեց, որ սա վերջին պայմանավորվածությունն է։ Նա ասաց՝ քանի որ չափելիությունը հստակ չեն կարող իրականացնել, այդ պատճառով գնման ժամկետի վերաբերյալ կարող են սահմանափակում իրականացնել։ Վարչապետը, սակայն, չհամաձայնեց այս մտքի հետ, նշելով, որ լղոզված ձեւակերպումներ տալով՝ հարցը ոչ թե լուծվելու է, այլ հակառակը․

«Եղել է պայմանավորվություն, որ VIN կոդերով գնված մեքենաների հարցը լուծում ենք եւ այդ հարցերին չենք անդրադառնալու: Ես համաձայն չեմ, որ մի բան պայմանավորվենք եւ այլ բան իրականացնենք։ Խոսքը այն մեքենաներին պետք է վերաբերի, որոնք գտնվում են մաքսայինում»։

Նիկոլ Փաշինյանն ասաց, որ եթե շարունակեն թույլ տալ, ապա կգա մի ժամանակ, երբ Հայաստանում աջ ղեկով մեքենաներն ավելի շատ կլինեն եւ ստիպված կլինենք երթեւեկության կանոնների ամբողջ համակարգը փոխել, ինչը միլիարդների ծախս կլինի բյուջեի համար:

Տպել
1754 դիտում

Ճիշտ կլինի, որ դասերը որքան հնարավոր է շուտ սկսվեն. ՀՊՏՀ ուսանողները՝ դասապրոցես չլինելու մասին

Հաստատվել է 25-րդ հակաճգնաժամային ծրագիրը․ աջակացություն կտրամադրվի զբոսաշրջային տրանսպորտային ընկերություններին

Հաստատվել է կորոնավիրուսի 374 նոր դեպք. մահացել է 3 մարդ, բացի մեկից՝ մյուսներն ունեցել են հիվանդություններ

ՍԴ նախագահի պաշտոնը իմ կարծիքով գրավիչ չէ. Արման Դիլանյանը չի ինքնաառաջադրվի

Ապագա բժիշկը ՄԻՊ-ի աջակցությամբ կշարունակի ուսումը «Պատիվ ունեմ» ծրագրով (տեսանյութ)

Առողջապահության նախարարությունը հրավիրում է հետազոտության

ԵՄ-ն, ԱՄՆ-ը, Մեծ Բրիտանիան, Գերմանիան, Կանադան ու այլ երկրներ չեն ճանաչում Լուկաշենկոյին լեգիտիմ նախագահ

«Ամերիաբանկի» հաճախորդների համար նոր հնարավորություն՝ հետևելու SWIFT միջազգային փոխանցումների ընթացքին առցանց

Երեւանում եւ 8 մարզերում էլեկտրաէներգիայի մինչեւ 6-ժամյա անջատումներ են սպասվում

Հրդեհ է բռնկվել Նալբանդյան գյուղի դպրոցում. այրվել է ուսուցչանոցը

Արաբկիրում եւ Կենտրոնում ապօրինի շինություններ են ապամոնտաժվել. քաղաքապետարան

Էրդողանն անդրադարձել է Հայաստանին և ԼՂ հակամարտությանը

«Ղուլիգյոլ» կոչվող հանդամասում այրվել է մոտ 40 հա խոտածածկույթ

Վրաստան մուտքի արգելքը շարունակում է ուժի մեջ մնալ. բացառություն են բեռնափոխադրումները

Երեւանում «Toyota Camry»-ն բախվել է մայթեզրի արգելապատնեշին և շրջվել

ԵԱՏՄ անդամ բոլոր պետությունները համաձայնեցրել են հայկական կողմի առաջարկը. ի՞նչ են քննարկելու վարչապետները Երեւանում

Գաղտնի երդմնակալություն, միջազգային սպառնալիքներ, շարունակվող ցույցեր ու ձերբակալումներ. Բելառուսն այսօր (լուսանկարներ)

Քանդակները վերականգնման կարիք ունեն, բայց դրա համար հայտարարված երեք մրցույթին էլ ոչ ոք չի մասնակցել

Աշակերտների որոշ խմբերի համար դպրոցում դիմակ կրելը պարտադիր չի լինի. ուղեցույցը վերանայվել է

Մոսկվայում տեղի է ունեցել հանդիպում հուլիսյան դեպքերի հետևանքով կալանքի տակ գտնվող ՀՀ քաղաքացիների իրավապաշտպանների հետ