Քննարկվում է Երեւանի շտապօգնության բժիշկներին առողջության ապահովագրություն տրամադրելու հարցը

Երեւանի «Շտապբուժօգնություն» ընկերության աշխատակիցները օրակարգ են թելադրել պատկան մարմիններին: Վերջիններս սկսել են ուղիներ որոնել՝ նրանց առաջ քաշած խնդիրները փոքրիշատե լուծելու համար:

Ինչպես հայտնի է, նշված ծառայության որոշ բժիշկներ օրերս աշխատանքից ազատման դիմումներ էին գրել՝ իրենց այդ քայլին հաղորդելով հանրային հնչեղություն եւ ուշադրություն բեւեռելով ոլորտում տարիներ շարունակ կուտակված խնդիրների վրա: Նրանք դժգոհում էին գերծանրաբեռնված աշխատանքից, ցածր վարձատրությունից, բժշկական ապահովագրություն չունենալուց, հանգստի իրավունքից զրկված լինելուց եւ այլն:

Իր հերթին բնակչությունը ժամանակ առ ժամանակ բողոքում է կանչերը ուշացումով սպասարկելուց, երբեմն դրա անդառնալի հետեւանքներից: Ոլորտի պատասխանատուներն էլ նկատում են, որ դա հաճախ պայմանավորված է լինում ստացվող կանչերի չափից ավելի մեծ քանակով, որոնք իրականում շտապ օգնության ծառայություն չէ, որ պետք է ուղղվեին: Աշխատանքից ազատման դիմում գրած բժիշկներն ընդգծել էին, որ 24 ժամ տեւող մեկ հերթապահության ընթացքում սպասարկում են 20, ընդհուպ մինչեւ 30 կանչ: Ասել է թե՝ աշխատելով ըստ էության անընդմեջ:

«Շտապբուժօգնություն» ՓԲԸ-ն գործում է Երեւանի քաղաքապետարանի ենթակայության տակ: Առողջապահության վարչության պետ Կամսար Բաբինյանը հայտնում է ծառայությունում սպասվող համակարգային լուծումների մասին: Ըստ այդմ,

  1. Առաջիկայում նախատեսվում է բնակչությանը իրազեկման նպատակով ներկայացնել տեսահոլովակներ, որտեղ մանրամասն կներկայացվի, թե որ դեպքերում է անհրաժեշտ դիմել «Շտապբուժօգնության» ծառայությանը եւ որ դեպքերում կարող են դիմել քաղաքացուն սպասարկող ամբուլատոր-պոլիկլինիկական բուժհաստատություն:
  2. Աշխատանքներ են տարվում ծառայության կանչերի թիվը նվազեցնելու նպատակով ԱԱՊ օղակ-շտապ բուժօգնության ծառայություն կապը ամրացնելու ուղղությամբ: Միաժամանակ՝ ԱԱՊ օղակին հանձնարարվել է ակտիվ այցեր կատարել խրոնիկ հիվանդություններով տառապող քաղաքացիներին՝ մշտական կապ պահպանելով վերջիններիս հետ: Վերը նշված աշխատանքների շնորհիվ արդեն իսկ նվազել է ծառայության կանչերի քանակը՝ օրական տատնվելով 707-740-ի սահմաններում՝ նախկին 880-960 կանչի փոխարեն:
  3. Երեւանի քաղաքապետի անմիջական հսկողության ներքո է գտնվում նաեւ «Շտապբուժօգնություն» ՓԲԸ-ի ենթակայանների շենքային պայմանների բարելավման հարցը՝ աշխատակիցների աշխատանքային պայմանները բարելավելու նպատակով: Աշխատանքները կրելու են շարունակական բնույթ:
  4. ՀՀ առողջապահության նախարարության հետ ակտիվ քննարկման փուլում է գտնվում «Շտապբուժօգնություն» ՓԲԸ-ի թվով 540 աշխատակիցների առողջության ապահովագրության հարցը:

Շտապ բուժօգնության ծառայությունում առկա իրավիճակին անդրադարձել է նաեւ Երեւանի քաղաքապետի տեղակալ Սերգեյ Հարությունյանը: «Մեծացել է «Շտապբուժօգնություն» ընկերությանը հատկացվող բյուջեն, որի սահմաններում կփորձենք որոշ չափով բարելավել ե՛ւ աշխատանքային պայմանները, ե՛ւ ընդլայնել 1-03 ծառայության հնարավորությունները»,- ասել է նա: Քաղաքապետարանի լրատվական ծառայությունից մանրամասնեցին, որ 2018 թվականին «Շտապբուժօգնություն» ընկերությանը հատկացվել է 1 մլրդ 298 մլն դրամ, 2019-ի բյուջեով այդ գումարը հասցվել է 1 մլրդ 351 մլն դրամի: Տարբերությունը կազմում է 53 մլն դրամ:

ՀՀ առողջապահական եւ աշխատանքի տեսչական մարմինը նույնպես անդրադարձել է շտապ օգնության ծառայությանը՝  բնակչությանը հիշեցնելով իրենց իրավունքների ու նաեւ այն մասին, թե որ դեպքերում է հարկավոր դիմել նշված ծառայությանը: Ընդգծվում է, որ հանրապետության ամբողջ տարածքում շտապ բժշկական օգնությունը ցուցաբերվում է անվճար՝ պետական պատվերի շրջանակնեում՝ ապահովելով արտահիվանդանոցային անհետաձգելի շտապ բուժօգնություն եւ հոսպիտալացում:

Շտապ օգնության կայանը անվճար շուրջօրյա անհետաձգելի բժշկական օգնություն պետք է ցուցաբերի հետեւյալ իրավիճակներում.

  • 1) հանկարծակի առաջացած հիվանդությունների դեպքերում,
    2) դժբախտ պատահարների դեպքերում,
    3) քրոնիկ հիվանդությունների սրացումների ժամանակ, եթե դրանք պահանջում են անհետաձգելի բժշկական օգնություն,
    4) վարակիչ հիվանդությունների բռնկումների ժամանակ, եթե կա անհետաձգելի բժշկական օգնության կամ պացիենտների հոսպիտալացման անհրաժեշտություն,
    5) արտակարգ իրավիճակների ժամանակ:

Բոլոր այն դեպքերում, երբ տրված կանչը հնարավոր է սպասարկել այն ամբուլատոր-պոլիկլինիկական բժշկական կազմակերպությունում, որտեղ գրանցված է տվյալ պացիենտը, դիսպետչերի խորհրդատվությունից հետո կանչը հեռախոսազանգով փոխանցվում է ամբուլատոր-պոլիկլինիկական բժշկական կազմակերպությանը:

Առողջապահական տեսչական մարմինը նաեւ իրազեկում է, թե կանչը գրանցվելուց հետո ինչ ժամանակահատվածում պետք է սպասել շտապ բուժօգնության անձնակազմին: Երեւանում եւ մարզերի քաղաքային բնակավայրերում կանչը ստանալուց հետո բրիգադի՝ կանչի վայր ժամանման տեւողությունը չպետք է գերազանցի 15 րոպեն` բացառությամբ ձմեռային ամիսներին, երբ բրիգադի ժամանման առավելագույն ժամանակը կարող է հասնել 20 րոպեի` ելնելով ճանապարհային երթեւեկության չնախատեսված բարդություններից: Գյուղական համայնքներից ստացված կանչերի դեպքում բրիգադի ժամանման տեւողությունը չպետք է գերազանցի 30 րոպեն՝ կախված գյուղական համայնքի հեռավորությունից եւ տեղանքային, կլիմայական պայմաններից: Կանչը սպասարկող բրիգադը տեղում օգնություն ցուցաբերում է առավելագույնը 30 րոպեի ընթացքում: Այն դեպքերում, երբ սահմանված ժամկետում ձեռնարկված միջոցառումները դրական տեղաշարժ չեն արձանագրում, կազմակերպվում է պացիենտի տեղափոխումը տվյալ պրոֆիլի հիվանդանոցային բժշկական կազմակերպություն: Վերակենդանացման միջոցառումների անհրաժեշտության դեպքում պացիենտի տեղափոխումը կատարվում է անհապաղ: Հոսպիտալացման ենթակա պացիենտին, որին տեղափոխել է շտապ օգնության մեքենան, հիվանդանոցը մերժելու իրավունք չունի:

Հ.Գ.-1 Մի ուշագրավ վիճակագրություն, որը վերաբերում է Երեւանի «Շտապբուժօգնություն» ՓԲԸ-ին: Քաղաքապետարանի առողջապահության վարչության պետի փոխանցմամբ, կանչերի ուսումնասիրության արդյունքում պարզվել է, որ 49 քաղաքացի ամեն օր, օրական 4-5 անգամ «կանչում» են շտապ օգնություն:

Հ.Գ.-2 Առողջապահության նախարարությունից տեղեկացանք, որ մարզերում գործող շտապ բուժօգնության ծառայության աշխատակիցներն արդեն իսկ ընդգրկված են բժշկական ապահովագրություն ունեցողների խմբում:

Տպել
3157 դիտում

Ազնողում դիեր են գտնվել. 80-ամյա Յուրիկը գյուղից չի հեռացել կամովին, 55-ամյա Սերժիկը նկուղում է մնացել պատահաբար

Արա Այվազյանը Դավիդ Զալկալիանիի հետ տարածաշրջանային անվտանգության, փոխկապակցվածության հարցերին է անդրադարձել(տեսանյութ)

9 մարզի 101 դպրոցում 18 առարկա չի դասավանդվում ուսուցիչների բացակայության հետևանքով

Իր գործունեությունն է սկսել «Կրթության զարգացման և նորարարության ազգային կենտրոն» հիմնադրամը

Սիսիան-«Զանգեր» ճանապարհահատվածում բուք է, Սարավանի լեռնանցքում՝ տեղ-տեղ մերկասառույց

Երկրաշարժ է գրանցվել Նախիջևանից 34 կմ հյուսիս-արևելք. ցնցումները զգացվել են Վայքում և Սյունիքում

7 մետր սահելուց հետո մեքենան հայտնվել է Արփա գետում

Մահացել է ամերիկացի լեգենդար հեռուստամեկնաբան Լարի Քինգը

Պատերազմից հետո Արցախում աշխատուժի պակաս է զգացվում

Օպերլիազորը հետախուզվողից 400 եվրո է հափշտակել. ՀՀ ոստիկանություն

Ֆրանսիայում աննախադեպ վիրահատություն է իրականացվել․ երկու ձեռքի փոխպատվաստումն արվել է հայ բժշկի գլխավորությամբ

Ես ինձ խաբված եմ զգում, մենք 20-30 տարի անզեն զինվորի ենք ոգեւորել մեր երգերով․ Համլետ Գեւորգյան

Սարավան-«Զանգեր» հատվածում, Սյունիքի մարզի ավտոճանապարհներին առկա է մերկասառույց

Դավիթ Բաբայանը Զարեհ Սինանյանի հետ քննարկել է Արցախում սփյուռքի ներուժի ներգրավվածության հնարավորությունները

Արցախն ու Հայաստանը կունենան միասնական օպերատիվ աշխատանքային օրակարգ

Հայաստան է տեղափոխվել կողոպուտի մեղադրանքով հետախուզվող

Վահան Քերոբյանն Իրանում ներկայացրել է ՀՀ տնտեսության զարգացման ընթացիկ և հեռանկարային ծրագրերը

Հունաստանի իրավապահների կողմից հետախուզվողը հայտնաբերվել է Օձունում

Արցախում փայտե բնակարաններ են կառուցվում. այս պահին կացարանի կարիք ունի 10.000 ընտանիք

Ջերմաստիճանը կբարձրանա 7-ից 10 աստիճանով

Հայաստանում COVID-19-ի համաճարակային իրավիճակը կայուն է

Լարսը փակ է միայն բեռնատար ավտոմեքենաների համար

Տեղահանված արցախցիները Հայաստանում բոլոր բուժծառայություններից օգտվում են անվճար (տեսանյութ)

Արայիկ Հարությունյանն ընդունել է Զարեհ Սինանյանի գլխավորած պատվիրակությանը. «Արմենպրես»

Ճանաչենք մեր հերոսներին. խոցել են հրետանային, ռեակտիվ և ականանետային մարտկոցներ, տանկեր

Մարտունիում և Ասկերանում կիրականացվի չպայթած և վտանգավոր ռազմամթերքի վնասազերծում

Մեկ օրում Երևանից Ստեփանակերտ է վերադարձել 131 արցախցի

Անցած մեկ օրում ՀՀ-ում գրանցվել է ճանապարհատրանսպորտային 8 պատահար

Ոստիկանության գործավարության և գաղտնիության ռեժիմի ապահովման վարչության պետն Արագածոտնում կհանդիպի քաղաքացիների հետ

Միջպետական և հանրապետական նշանակության ավտոճանապարհները բաց են. Վարդենյաց լեռնանցքը փակ է կցորդիչով մեքենաների համար

Հայաստանում այս տարվա հոկտեմբերին մարդահամար է անցկացվելու․ այն հետաձգվել էր մեկ տարով

Շահութահարկի նվազեցում, ԱԱՀ գումարի վերադարձի նոր մեխանիզմ. ՊԵԿ-ը բիզնեսի համար սպասված նորություններ է հրապարակել

Բաղրամյան պողոտայում մեքենաներ են բախվել. կան տուժածներ

Հաստատվել է կորոնավիրուսի 198 նոր դեպք. առողջացել է 276, մահացել՝ 4 մարդ

Լարսը փակ է. ռուսական կողմում 760 բեռնատար է կուտակված

ՊԲ-ն հրապարակել է զոհված 72 զինծառայողի անուն

Լուսադեմին Աշոցքում ունեցել ենք մինչև -35 աստիճան սառնամանիք. Գագիկ Սուրենյան

Գյումրիում ավտոմեքենա է այրվել. 25-ամյա վարորդը մահացել է

Որոնողական աշխատանքների ընթացքում ևս 5 զինծառայողի աճյուն է գտնվել

ՀՀ տարածքում կան փակ ավտոճանապարհներ