Նախագիծը միտված է նրան, որ Հայաստանում խաղամոլությունը քիչ տարածում ունենա. Հրաչյա Հակոբյան

Հայկական հեռուստատեսությունում արդեն մի քանի տարի է՝ բացակայում են ալկոհոլային խմիչքի եւ ծխախոտի վերաբերյալ գովազդները, սակայն, կարծես թե անվերահսկելի է բուքմեյքերական ընկերությունների գովազդների հարցը: Նույնը կարելի է ասել հասարակական տրանսպորտի վրա փակցված խաղակետերի գովազդների մասին: Դեռեւս նախորդ` 6-րդ գումարման Ազգային ժողովում պատգամավոր Հրաչյա Հակոբյանը պատրաստվում էր հանդես գալ օրենսդրական նախագծի առաջարկով, որպեսզի Հայաստանում արգելվեն բուքմեյքերական ընկերությունների գովազդները: Սակայն 6-րդ գումարման ԱԺ-ում Հակոբյանը չհասցրեց նախագիծը առաջարկել:

«Նախագիծը ինքն իրենով միտված է նրան, որ Հայաստանում այսպես ասած խաղամոլությունը քիչ տարածում ունենա եւ քիչ շահագրգռի մարդկանց»,- այս մասին ՀԺ-ի հետ զրույցում ասա ԱԺ «Իմ քայլը» խմբակցության պատգամավոր Հրաչյա Հակոբյանը:

- Պարոն Հակոբյան, նախորդ գումարման ԱԺ-ում ցանկանում էիք բուքմեյքերական ընկերությունների գովազդն արգելելու օրենսդրական նախագծով հանդես գալ: Այս գումարման ԱԺ-ում արդեն պատրա՞ստ է այդ նախագիծը:

- Հիմա աշխատանքներ են տարվում այդ նախագծի հետ կապված: Նոր խմբակցություն ունենք, ես նրանց եմ ներկայացրել: Մի փոքր շտկումների եւ փոփոխությունների կարիք կա` հիմա այդ գործերով ենք զբաղված:

- Ի՞նչ փոփոխություններ կան նախագծում: Ի՞նչ է նախատեսվում կոնկրետ:

- Մեծ հաշվով ոչ մի էական փոփոխություններ չկան: Բիզնես ոլորտը` բուքմեյքերական ընկերությունները մի քանի առաջարկներ էին ներկայացրել` դրանք ենք քննարկում: Մոտ օրերին պատրաստվում եմ հանդիպում ունենալ գովազդային ընկերությունների եւ լրատվական կայքերի եւ հեռուստաընկերությունների ներկայացուցիչների հետ, որպեսզի իրենց հետ էլ հարցը քննարկեմ: Իրենց հետ քննարկումից հետո երեւի թե օրենքի նախագիծը կբերեմ վերջնական տարբերակի:

- Ի՞նչ առաջարկներ են ներկայացրել, կարո՞ղ եք մանրամասնել:

- Առաջարկները կայքերին է վերաբերվում: Իմ օրենքի նախագծով կայքերին ամբողջությամբ արգելվում է բուքմեյքերական ընկերությունների գովազդը, սակայն նրանք ցանկանում են դրսի կայքերում գովազդ տեղադրել: Այսինքն, մեր տիրույթում միգուցե չգովազդեն:

Առաջարկ եղավ նաեւ, որ կայքերում ուղղակի գովազդի չափի որոշակի սահմանափակում լինի: Այդ հարցերն են քննարկվում: Օրինակ, որ լրատվական կայքերում գովազդի չափի կամ վայրկյանների սահմանափակում դրվի, ոչ թե ամբողջությամբ արգելվի: Գործընկերներիս կողմից կարծիք հնչեց, որ ռադիոներում միգուցե խնդիրներ առաջանան, դրա համար որոշեցի, որ պետք է հանդիպել կայքերի, գովազդային ընկերությունների, ռադիոների ներկայացուցիչների հետ եւ հարցը քննարկել:

 - Ինչպե՞ս են վերաբերվում նախագծին ձեր խմբակցության անդամները:

- Շատ դրական ու ոչ միայն խմբակցության անդամները` բոլորն են դրական վերաբերվում: Որովհետեւ նախագիծը ինքն իրենով միտված է նրան, որ Հայաստանում այսպես ասած խաղամոլությունը քիչ տարածում ունենա եւ քիչ շահագրգռի մարդկանց: Ուղղակի մինչեւ օրենքի ներկայացնելը եւ ընդունելը պետք է հաշվի առնել ամեն ինչ: Նախորդ ԱԺ-ի ժամանակ ես հանդիպել էի միայն բուքմեյքերական ընկերությունների ներկայացուցիչների հետ, սակայն հիմա կհանդիպեմ արդեն վերոնշյալ կողմերի հետ:

- Այսինքն, այդ հանդիպում-քննարկումը լինելու է նաեւ նրա համար, որ շատ կայքեր այդ գովազդների հաշվի՞ն են եկամուտ ստանում:

- Այո, որպեսզի քննարկենք, իրենց առաջարկներն էլ լսեմ: Միգուցե այնուամենայնիվ լրամշակման կարիք լինի:

- Ձեզնից բացի էլ ովքե՞ր են նախագծի վրա աշխատում` պատգամավորներից:

- Իմ նախագծի վրա միայն ես եմ աշխատում պատգամավորներից:

- Տեղեկություններ ունենք, որ այս փոփոխությունների հետ կապված «Եվրոֆուտբոլ» բուքմեյքերական ընկերությունը փակել է իր գրասենյակները եւ անցել է միայն առցանց տարբերակի: Տեղյա՞կ եք դրա մասին:

- Դա իմ օրինագծի հետ կապ չունի: Կարծում եմ՝ Ալեն Սիմոնյանի նախագծի հետ է կապված: Նա օրինագիծ է ներկայացրել, որ բուքմեյքերական ընկերությունները պետք է Երեւան քաղաքից դուրս գան:

Տպել
2701 դիտում

«Ճանապարհենք ձմեռը Շիրակի մարզում». հրավեր Շիրակից Հայաստանի մարզերին եւ ոչ միայն

Երեք ռուսաստանցու նոր կորոնավիրուսով վարակման փաստը հաստավել է

Արմավիրի քրեական հետախույզները մարիխուանայի իրացման դեպք են բացահայտել

Կրթական տեխնոլոգիաների ազգային կենտրոնի տնօրենի պաշտոնը թափուր է. նախկին տնօրեն Արտակ Պողոսյանը եւս կմասնակցի մրցույթին

Արցախի Հանրապետությունում իրականացվել են մի շարք միջոցառումներ կորոնավիրուսի ներթափանցումը կանխելու նպատակով

Էկոնոմիկայի նախարարությունում քննարկվել են ոռոգման սեզոնի մեկնարկին ընդառաջ առկա խնդիրները

Սիրիայում Հայաստանի դեսպանը հանդիպել է Սիրիայի խորհրդարանի նախագահի հետ

Պերմյակովը գտնվում է ուղղիչ գաղութում՝ հատուկ պահման ռեժիմում. ՌԴ-ից պատասխանել են

Կա հավանականություն, որ ուսանողը կարող է ֆիկտիվ գրանցվել աշխատանքի եւ եկամտահարկով հետ ստանալ վարձը. Սիսակ Գաբրիելյան

Ինքնաձիգ, ատրճանակ, հրացաններ․ ոստիկանության բաժիններում ապօրինի զենքեր են հանձնվել

Հայաստանում հաշվառում չունեցող քաղաքացին ինչպե՞ս պետք է մասնակցի քվեարկությանը

Հայաստանի եւ Պաղեստինի ԱԳ նախարարները հանդիպել են

Ուսանողները պահանջում են բուհի կառավարման խորհրդում չնվազեցնել իրենց տեղերը. ծրագրում են բողոքի գործողություններ

Վաղարշապատի քրեական հետախույզները ապօրինի ատրճանակ են հայտնաբերել ու առգրավել

Զոհրաբ Մնացականյանը հանդիպել է Ուզբեկստանի Օլի Մեջլիսի փոխխոսնակին

Կորոնավիրուսի պատճառով օլիմպիական խաղերը կարող են չեղարկվել. վտանգի տակ է նաեւ ֆուտբոլի Եվրոպայի առաջնությունը

Շիրակի մարզի 65-ամյա բնակչուհուն մեղադրանք է առաջադրվել՝ պոռնկությամբ զբաղվելուն առերևույթ նպաստելու համար. ՀՀ ՔԿ

ՀՔԾ-ն մերժել է Արա Բաբլոյանի նկատմամբ քրեական հետապնդումը դադարեցնելու միջնորդությունը

Թեհրան-Երևան ինքնաթիռի 52 ուղևորները կգտնվեն տնային հսկողության տակ. Արսեն Թորոսյան

2018 թ.-ի մայիսից մինչ օրս Հայաստանում ավելի քան 1 միլիոն մարդու աշխատավարձը կամ թոշակը կամ նպաստը բարձրացել է. վարչապետ