Բժիշկը ստրուկ չէ, մարդ է եւ հոգնում է բոլորի նման. շտապ օգնության երկու բժիշկներ աշխատանքից ազատման դիմում են գրել

Սոցիալական ցանցերում լայնորեն շրջանառվում են Երեւանի «Շտապբուժօգնություն» ծառայության երկու բժիշկների աշխատանքից ազատման դիմումները, որոնք հաջորդեցին մեկը մյուսին:

Աշխատանքը թողնելու որոշման մասին առաջինը հայտարարեց Վահրամ Բուլղադարյանը՝ շեշտադրելով գերծանրաբեռնվածությունը, քնի եւ հանգստի իրավունք չունենալը, ապահովագրության, ֆիզիկական եւ իրավական պաշտպանվածության բացակայությունը, դեղորայքի եւ բուժական գործիքների պատշաճ բազա չլինելու խնդիրը:

Այնուհետեւ նրան միացավ գործընկերներից Տարոն Սարիբեկյանը, որպես «մասնագիտական սոլիդարության ժեստ»: Նա նույնպես հրապարակեց իր դիմումը, որտեղ առաջ են քաշվում մոտավորապես նույն խնդիրները: «Խնդրում եմ ազատել ինձ աշխատանքից, քանի որ պատրաստ չեմ առանց բժշկական ապահովագրության, գերծանրաբեռնված ռեժիմով, առանց հանգստի, քնի իրավունքի 24 ժամում սպասարկել 30-ից ավելի կանչ՝ ապահովելով արդյունավետություն եւ որակ: Հորդորում եմ աշխատողներին ապահովել մինիմալ պայմաններով՝ բարեխղճորեն աշխատանքային գործունեություն իրականացնելու համար»,- «Շտապբուժօգնություն» ՓԲԸ տնօրենին ուղղված դիմում գրել է բժիշկ Տարոն Սարիբեկյանը:

Ֆեյսբուքում իր դիմումը հրապարակելով, նա արել էր նաեւ հետեւյալ գրառումը. «Հորդորում եմ առողջապահության նախարարարությանը կտրուկ միջոցառումներ ձեռնարկել անհետաձգելի բժշկական օգնություն իրականացնող բուժանձնակազմին պատշաճ աշխատանքային պայմաններով ապահովելու ուղղությամբ։ Բժիշկը ստրուկ չէ, մարդ է եւ հոգնում է բոլորի նման։ Անարդարացի եմ համարում ԱՆ կողմից մեր անտեսված լինելը։ 18 500 դրամով 24 ժամում 30 եւ ավելի կանչ (էդ թվում՝ պոլիկլինիկական ֆունկցիաների իրականացում) սպասարկող իմ բոլոր բժիշկ ընկերներին կոչ եմ անում արդարացիորեն բողոքել եւ պահանջել գոնե մինիմալ պայմաններ՝ բարդ եւ մարդասիրական առաքելությունը իրականացնելու համար»:

Նախաձեռնության առաջամարտիկ Վահրամ Բուլղադարյանը մեզ հետ զրույցում հաստատեց, որ իրենց այս քայլը բողոքի ցույց է՝ պատկան մարմինների ուշադրությունը հրավիրելու շտապօգնության ծառայության ոլորտում առկա բազմաթիվ խնդիրների վրա: «Որ պատկան մարմինները պարբերաբար անդրադառնում են խնդիրներին, դա չի քննարկվում, այնպես չէ, որ իրենք երբեք չեն զբաղվում դրանցով: Բայց այստեղ կա եւս մեկ անգամ ուշադրություն հրավիրելու խնդիր: Ու այս խնդիրները մեկ օրվա մեջ չեն գոյացել: Սրանք հին խնդիրներ են, որոնք գնալով կամաց-կամաց կուտակվել են»,- ասաց նա:

Կարծում եք՝ 8-9 ամիսը բավարա՞ր ժամանակ էր, որ այդ խնդիրներն արդեն լուծված լինեին, ու եթե չեն լուծվել, անհրաժեշտ է այսպիսի կտրուկ քայլերով հիշեցնել դրանց մասին՝ հարցին բժիշկը պատասխանեց. «Խնդիրներ կան, որ 8-9 ամիսը կարող է փոքր ժամկետ լինի լուծելու համար, խնդիրներ կան, որոնք ավելի շուտ լուծվող են: Այստեղ մեկ խնդիր չէ: Համակարգային խոշոր խնդիրներ են, որոնք պետք է վարել՝ առանձնացնել եւ այլն եւ այլն»:

Նա նշեց, որ նախկինում էլ պարբեաբար բարձրաձայնել է չգոհացնող իրավիճակի մասին, բայց լսել է այսպիսի պատասխաններ՝ «Պայմանները սրանք են», «Միշտ էլ այդպես է եղել» եւ այլն: Վահրամ Բուլղադարյանը տեղեկացրեց, որ շտապ օգնության մի քանի բժիշկներ եւս պատրաստել են նույնաբովանդակ դիմումներ եւ որոշել են ազատվել աշխատանքից:

Ի դեպ, իրենց աշխատանքից հեռանալուն հանրային հնչեղություն հաղորդած բժիշկների հասցեին սոցիալական ցանցերում հայտնվեցին նաեւ բացասական գնահատականներ: Որոշ օգտատերեր նրանց մեղադրում էին ուղղորդված լինելու, ինչ-ինչ պատվեր կատարելու մեջ: «Չգիտեմ խնդամ թե լամ։ Չեմ ուզում վայելչագրության սահմանները հատեմ։ ՇԲՕ (շտապբուժօգնության-խմբ.) եւ առհասարակ առողջապահության ոլորտում պիտի լինեն փոփոխություններ»,- իր էջում արձագանքել էր բժիշկ Բուլղադարյանը:

Տպել
4994 դիտում

Պետական սահմանի խախտման 5 դեպք, սահմանային ռեժիմի խախտման՝ 27. ԱԱԾ-ն ամփոփում է սահմանապահ զորքերի աշխատանքը

Հայաստանի Հանրապետության քաղաքացին կորոնավիրուսից մահանալու մատերիալ չէ․ վարչապետ

«Լոռիի» ֆուտբոլիստի մոտ կորոնավիրուս է հայտնաբերվել. նա հոսպիտալացվել է

Երեկ ախտահանման աշխատանքներ են կատարվել Ստեփանակերտում, Շահումյանի շրջանում և Ասկերան քաղաքում

Ստեփանակերտում կորոնավիրուսի ևս մեկ նոր դեպք է հաստատվել. վարակակիրը բուժաշխատող է

Գոլ, գոլային փոխանցում ու սպասված հաղթանակ. Մխիթարյանն իր թիմի ամենաբարձր գնահատականն է ստացել (տեսանյութ)

ԱԺ-ն շարունակում է արտահերթ նստաշրջանի աշխատանքները

526 նոր դեպք և 573 առողջացած. կորոնավիրուսից 1 օրում մահացել է 14 մարդ, եւս 6-ը՝ ուղեկից հիվանդություններից

Մեկնարկել է ՀՀ Կառավարության հերթական նիստը․ օրակարգում ներառված է 22 հարց

Ուսման վարձի փոխհատուցման և ուսման վարկի հարցում ոչ միատեսակ մոտեցում. ՄԻՊ-ի դիտարկումը 14-րդ միջոցառման վերաբերյալ

Թատերական գործիչները ԿԳՄՍ նախարարությանը կխնդրեն աջակցել ներկայացումները վերսկսելու գործում

ԱՀ պարետի որոշմամբ, վերացվում են Գետավան և Չափար համայնքներում կիրառվող ժամանակավոր սահմանափակումները

ՀԷՑ-ը տուգանվեց 10 մլն դրամով՝ հաշվիչների ցուցմունքներն ավելի շատ գրելու համար

Այսօր ու առաջիկա օրերին սպասվում են ինտենսիվ տեղումներ, տեղ-տեղ՝ կարկուտ, քամու ուժգնացում

Էլեկտրաէներգիայի պլանային անջատումներ կլինեն Երևանում, Արագածոտնի Կոտայքի և Արարատի մարզերում

«Դղյակ» ռեստորանից «մարմնի բազմաթիվ կտրած-պատռած վերքեր» ախտորոշմամբ հիվանդանոց է տեղափոխվել 18-ամյա տղա

ԱԻՆ-ը հիշեցնում է, որ մարտից մինչ օրս դիմումներն ընդունվում են միայն էլեկտրոնային տարբերակով

Վերջին 1 օրում Գեղարքունիքի մարզում հաստատվել է կորոնավիրուսով վարակվելու 27 նոր դեպք. մարզպետ

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 76 հա տարածք

Շաբաթը մեկ կարող ա 15 մանդատ ուզեք, վերջում դառնաք 250 հոգի. ԿԸՀ անդամը՝ Խաժակյանին