2018-ին հանցավորության ընդհանուր կառուցվածքում նվազել է մարդու դեմ ուղղված հանցանքների թիվը․ ոստիկանության շտաբի պետ

Այսօր՝ հունվարի 30-ին, ՀՀ ոստիկանության շտաբի պետ Արմեն Ղուկասյանը հրավիրված ասուլիսում ներկայացրեց 2018 թվականին ոստիկանության օպերատիվ-ծառայողական գործունեության արդյունքները։

Ղուկասյանն առանձնակիորեն ուշադրություն հրավիրեց այն հանգամանքի վրա, որ հանցագործությունների աճի տեմպը կանխորոշվել է դեռեւս 2018 թվականի առաջին եռամսյակում՝ արձանագրելով ուղիղ 11,2 տոկոս, այսինքն՝ այնքան, ինչքան տարեկան աճի ցուցանիշն է։

Ոստիկանության շտաբի պետը նկատեց, որ հիմա մեղադրում, ասում են՝ նոր իշխանություններն եկան, հանցագործությունների թիվն աճեց, սակայն 2018 թվականի առաջին եռամսյակում, երբ նոր իշխանություններ չկային, արձանագրված դեպքերի աճի ցուցանիշը 11,2 տոկոս էր․

«Ուզում եմ հանրությանը հավաստիացնել, որ հանցավորության նման աճը չպիտի խուճապ առաջացնի քաղաքացիների շրջանում, այն ուղղակի պետք է ոստիկանության եւ հասարակության համար ազդակ հանդիսանա՝ դրան համարժեք արձագանքելու համար»,- ասաց Ղուկասյանը՝ հավելելով, որ հանցավորության նման աճը բացառիկ չէ, այսպիսին անկախությունից ի վեր արձանագրվել է վեց անգամ․

«Մասնավորապես՝ 1992 թվականին՝ 24 տոկոսով աճ, 1996-ին՝ 23,1 տոկոսով, 2000 թվականին՝ 19,8 տոկոսով, 2008-ին՝  54,7 տոկոսով, 2013-ին՝ 16,2 տոկոսով, իսկ հիմա ունենք 11,2 տասնորդական տոկոսով աճ»,-նշեց ոստիկանության շտաբի պետը։

Նա ասաց, որ ոստիկանությունը լիարժեք տիրապետում է օպերատիվ իրավիճակին եւ ձեռնամուխ է լինում նպատակային միջոցառումների իրականացմանը․

«Նշեմ, որ հունվարին տեղի ուենցած ավազակություններն ու գողությունները ամբողջությամբ բացահայտվել են օրերի, նույնիսկ՝ ժամերի ընթացքում։ Հարկ եմ համարում նշել, որ հանցագործությունների աճի միտումն ունի նաեւ համաշխարհային բնույթ, ինչին անդարդարձ է կատարվել նաեւ ՄԱԿ-ի թմրամիջոցների եւ հանցավորության խորհրդի կողմից»,-ասաց Ղուկասյանը։ Նրա խոսքով՝ 2018-ին հանցավորության ընդհանուր կառուցվածքում նվազել է մարդու դեմ ուղղված, հասարակական կարգի եւ անվտանգության, բնակչության առողջության դեմ ուղղված, պետական իշխանության, ծառայության ու կառավարման կարգի դեմ ուղղված հանցագործությունների  տեսակարար կշիռը․

«Փաստորեն, հանցագործությունների հիմնական զանգվածի տեղաշարժը եղել է մարդու դեմ ուղղվածից դեպի սեփականության դեմ ուղղված, ինչը պայմանականորեն կարելի է դրական միտում համարել՝ հաշվի առնելով բռնությունների աննախադեպ աճի ներկայիս միջազգային զարգացումները»։

Ոստիկանության շտաբի պետը պարզաբանեց, որ, ընդհանրապես, հանցավորության ծանրության գործակիցները հաշվարկելիս ամենածանրերը նշում են մարդու դեմ ուղղված հանցագործությունները եւ առաջին հերթին գնահատում են՝ ինչքան են կազմում դրանք․

«Իհարկե սեփականության դեմ ուղված հանցանքների աճը մտահոգության տեղիք  է տալիս, բայց այս միտումում կարելի է դրական նշույլ գտնել որոշակի առումով»,-նշեց Արմեն Ղուկասյանը։

Տպել
3548 դիտում

Առաջնագիծ մեկնեց ԱԻՆ ՓԾ փրկարարների կամավորական գումարտակը (տեսանյութ)

Կեղծիք՝ մանկամտության մակարդակի. «Զինուժ մեդիայի» ռեպորտաժը

Լոնդոնում հայ համայնքը բողոքի ցույց է անում նավթագազային միջազգային ընկերության դիմաց գրասենյակի դիմաց (տեսանյութ)

Վրաստանում ընտրությունների ընթացքում մասնագիտական գործունեությունն իրականացնելիս ծեծի են ենթարկել 6 լրագրողի

«Ճանաչո՞ւմ ես ինձ, ճանաչիր Արցախը: Արցախը ես եմ»․Հենրիխ Մխիթարյանի՝ Արցախի անկախությունը ճանաչելու կոչը

Ադրբեջանն ունի անձնակազմի 6947 կորուստ

Տղաները խոցել են թշնամական 2 տանկ, առգրավել 1 զրահափոխադրիչ․ ՊԲ-ի պարգեւատրման ներկայացրած զինծառայողները

Ադրբեջանը ֆոսֆորային զինամթերք է օգտագործել Արցախում՝ անտառների վրա․ Զոհրաբ Մնացականյան

Մեր բանակը տալիս է այդ ժամանակը

Մահացել է աշխարհահռչակ դերասան Շոն Քոներին

Նիկոլ Փաշինյանը հարցազրույց է տվել Al Arabiya հեռուստաալիքին (տեսանյութ)

Մարտունու շրջանի հրետակոծության հետեւանքով իր տանը զոհվել է 59-ամյա քաղաքացիական անձ․ Արցախի ՄԻՊ

Ձերբակալվել է Թուրքիայի կողմից Ադրբեջան ուղարկված ահաբեկչական խմբավորման անդամ Մըհըրաբ Մուհամմադ Ալ Շխայիրը

Ռուսաստանին ուղղված Հայաստանի դիմումի հետ կապված մանրամասները լրացուցիչ կքննարկվեն. Զախարովա

Հորդորում ենք եվրոպական ու միջազգային ֆուտբոլային հանրությանը՝ համարժեք գնահատական տալ «Գարաբագ» ակումբի վարքագծին

Նիկոլ Աղաբաբյանը վաճառել է կտավները եւ 33 հազար դոլար փոխանցել «Հայաստան» հիմնադրամին

Դանիայի հայ համայնքը շտապօգնության մեքենաներ է նվեր ուղարկում ՀՀ ԱՆ-ին

Ֆոսֆորային զինատեսակի կիրառման փաստերը հերքելու համար Ադրբեջանը լծվել է պարզունակ հայտարարություններ տարածելուն

ԿԳՄՍՆ-ն աշակերտներին առաջարկում է արձակուրդն օգտագործել ավելի նպատակային եւ արդյունավետ

Հիվանդանոցում 10 օրից ավել ծայրահեղ ծանր վիճակում գտնվող զինվորին մայրը գտավ, 2 ժամ հետո տղան մահացավ․ Շ.Դանիելյան