Դուռն են ջարդում, լույսն անջատում, չգիտեմ՝ էլ ինչ տեռորիստական քայլեր կարող են անել. Սամվել Սարգսյան

Խորեոգրաֆիայի պետական թատրոնում լարվածությունը շարունակվում է, որն առավել սրվեց այն պահից, երբ թատրոնի դռները նորանշանակ տնօրենի առջեւ բացվեցին առանց նախկինի՝ Գայանե Կարապետյանի համաձայնության: Թատրոնում այսօր լուռ գործադուլ է: Մշակույթի նախարարության կողմից նշանակած ԺՊ-ին ԱԻՆ-ի աշխատակիցների միջամտությամբ թատրոն մտցնելուց հետո 22 հոգանոց անձնակազմը հրաժարվում է աշխատել նրա հետ: Նախկին տնօրենի մեջ էլ ցանկություն է առաջացել ջրի երես հանել տարիների ընթացքում կուտակվածն ու մշակույթի նախարարության «քաղաքավարի» ճնշումներն իր ու թատրոնի նկատմամբ:

Այն, որ Խորեոգրաֆիայի թատրոնը տարիներ շարունակ անհասցե է եղել եւ Բայրոնի 5-ը ձեւական բնույթ է կրել՝ նոր բան չէ, սակայն այն, որ թատրոնի շենքի համար 8 տարի շարունակ պայքար է եղել մշակույթի նախարարության եւ Պետական գույքի կառավարման կոմիտեի միջեւ, թերեւս հայտնի չէր: Այսօր լրագրողների հետ հանդիպման ժամանակ նախկին տնօրեն Գայանե Կարապետյանը հայտնեց, որ թատրոնի կիսավեր այդ շենքի համար միշտ պայքար է եղել, սակայն վերանորոգել վթարային շենքը ոչ ոք չի ցանկացել: Նախկին տնօրենն ասում է, որ թատրոնի խնդիրների մասին բազմիցս բարձրաձայնել ու անպատասխան է մնացել:

Գայանե Կարապետյանը վստահեցնում է՝ թատրոնը բացվել է ՌԴ ժողովրդական արտիստ, անվանի բալետմայստեր եւ հայտնի խորեոգրաֆ Մաքսիմ Մարտիրոսյանի պատվին, ակնկալիքը եղել է Հայաստանում նրա միջոցով ստեղծել խորեոգրաֆիկ դպրոց: «Մաքսիմ Մարտիրոսյանը մինչեւ 2018 թվականը համարվել է թատրոնի գեղարվեստական ղեկավար, սակայն չի աշխատել, իր գործառույթները կատարել է պարոն Սամվել Սարգսյանը, ընդ որում՝ անվճար: Մասքիմ Մարտիրոսյանը թատրոնից աշխատավարձ է ստացել Հասմիկ Պողոսյանի եւ Արմեն Ամիրյանի պարտադրանքով: Ես, հարգելով նրա վաստակը, հարկ եմ համարել լռակյաց համաձայնվել»,-պատմեց Գայանե Կարապետյանը:

Նախկին տնօրենի վստահեցմամբ՝ հանուն ստեղծագործական նպատակի է համաձայնվել մտնել ծանր բեռի տակ, ընդունել մշակույթի նախարարության առաջարկն ու դառնալ ապագայի ոչ մի հեռանկար չունեցող թատրոնի տնօրեն. «Հասմիկ Պողոսյանն ինձ թասիբի գցեց, ասելով, որ եթե ես ու ամուսինս 1994 թվականին ԱՄՆ-ում ստեղծել ենք Մհեր Մկրտչյանի թատրոնը, ուրեմն այստեղ էլ կստեղծենք»:

Գայանե Կարապետյանին ավելի շատ վրդովեցրել է իր ազատման դիմումը ոստիկանության միջոցով ստանալու փաստը: Նախկին տնօրենը վստահեցնում է՝ մշակույթի նախարարությունից առ այս պահը ազատման հրաման չի ստացել: Դեկտեմբերի 28-ին նախարարության ծանուցումից պարզապես տեղեկացել է, որ պաշտոնավարման ժամկետն է լրացել, իր ազատման մասին խոսք չի եղել:

Նորանշանակ ԺՊ-ի մասին խոսելիս նշեց, որ «անծանոթուհին» ունեցել է իր ազատման հրամանը, որով փոխնախարարի հետ ներկայացել է ոստիկանություն եւ հորդորել դուռը կոտրելով բացել: «Եկել է բանից անտեղյակ մի աղջիկ, որը համարվում է ուսումնարանի կրթություն ստացած, հետո ինչ-որ մասնավոր բուհում սովորած, օպերայի եսիմ որերորդ աստիճանի պարուհի», -ասաց նա:

Լիլիթ Մակունցի պաշտոնավարման առաջին իսկ օրվանից հանդիպել է նրա հետ, ներկայացրել թատրոնի ծայրահեղ վատ վիճակը: «Ամեն անգամ մենք ներկայացում անելիս սպասում ենք դահլիճի, որ թատրոնի տնօրենը մեզ դահլիճ կտա, այդ օրն էլ կխաղանք ներկայացում: Իսկ ինչ վերաբերում է պարարվեստի ուսումնարանի դահլիճին, որին մենք ամրացված ենք, վթարային վիճակի մեջ է: Մի տարածքում հագուստ են փոխում, փողոցով գնում են բեմ, որտեղ անգամ կոմունալ հարմարություն չկա»,-ասաց նա:

Դերասան Սամվել Սարգսյանը, որը նույնպես ներկա էր մամուլի ասուլիսին, երկար տարիներ եղել է Խորեոգրաֆիայի թատրոնի գեղարվեստական ղեկավարը: «Դուռն են ջարդում, ներս մտնում, լույսն են անջատում, հիմա էլ չգիտեմ ինչ տեռորիստական քայլեր կարող են անել: Եթե ինչ–որ մեկը քնից զարթնել է, եւ ինչ-որ մեկի հրամանով որոշել է վերցնել, դա չի ստացվի: Սա գիտե՞ք ինչի է նման, որ փոքր երեխան լալիս է, ու ասում՝ մամա ջան, գուցե դու ինձ կերակրեիր, ես քո ժամանակը չունեմ, գնա մի տեղ սնվի»,-ասաց գեղարվեստական ղեկավարը:

Սամվել Սարգսյանը եւս փաստեց, որ այս ընթացքում ո՛չ փոխնախարարին է տեսել, ո՛չ նախարարին, նորանշանակ տնօրենի մասին էլ միայն գիտի, որ երբեմն պարում է:

Տպել
7971 դիտում

Պետք է ուսումնասիրել ոչ միայն իշխանության, այլև ընդդիմության վարքը, պարզել՝ ով է վարակել մեր պատգամավորներին. Ջուլհակյան

Սևանում կհիմնանորոգվի բակային 5 ճանապարհ

Պարետի որոշմամբ կասեցվել է Գազպրոմ Արմենիա, Վեոլիա Ջուր եւ մի շարք այլ տնտեսվարողների մասնաճյուղերի գործունեությունը

Վենեսուելան Անգլիայի բանկից չի ստանա իր ոսկու պաշարը. Մեծ Բրիտանիան չի ճանաչում Մադուրոյին որպես նախագահ

Նորակերտում խմելու ջրատարի ներքին ցանցը կհիմնանորոգվի 2650 մետր երկարությամբ

Ամառային զորակոչի մեկնարկի առիթով ՊԲ զորամասերում հանդիսավոր արարողություններ են անցկացվել

Վերանայվել է 1․3 տրիլիոն դրամ մնացորդով շուրջ 980 հազար վարկային պայմանագիր․ բանկերի միության նախագահ

Մանկապարտեզներում արձանագրվող խախտումները նվազել են. ԿՏՄ

Ինքնաձիգ, ատրճանակներ, նռնակներ․ քաղաքացիները ոստիկանության բաժիններում հրազեններ են հանձնել (տեսանյութ)

«Սուրբ Գրիգոր Լուսավորիչ» ԲԿ-ն արձագանքել է մահացած կնոջ մարմինը կորցնելու ու նրա հեռախոսից գումար փոխանցելու դեպքին

ՌԴ ԿԸՀ-ն կայացած է համարել երեկվա ընտրությունները. պաշտոնական արդյունքները կհրապարակվեն վաղը

ԱԻՆ ջրափրկարարները դադարեցրել են կորած քաղաքացու ստորջրյա որոնողական աշխատանքները

Լավ կլինի՝ վերադառնաք Ձեր «մահացած» քաղաքական ուժի ռեինկառնացիային. Արսեն Թորոսյանը՝ Նաիրա Զոհրաբյանին

Նիկոլ Փաշինյանը շնորհավորական ուղերձ է հղել Ռուսաստանի Դաշնության նախագահ Վլադիմիր Պուտինին

Կասեցումներ են իրականացվել «ՎՏԲ Հայաստան բանկ»-ում, Սոցիալական ապահովության ծառայությունում, առեւտրի կենտրոններում․ ԱԱՏՄ

Ստեղծվել է ԱԺ քննիչ հանձնաժողով. կուսումնասիրվեն կորոնավիրուսային իրավիճակում իրականացված միջոցառումներն ու այլ հարցեր

Գեղարքունիքում հաստատվել է կորոնավիրուսային հիվանդության 31 նոր դեպք, եւս 27 հոգի առողջացել է

Ձերբակալվել են Գյումրու սոց. աջակցության տարածքային բաժնի վեց աշխատակիցներ, այդ թվում՝ բաժնի պետը և գլխավոր մասնագետները

Սրբուհի Գալյանն ընտրվել է գլխավոր դատախազի՝ ապօրինի գույքի բռնագանձման ոլորտը համակարգող տեղակալ

Կոտայքի մարզպետը նախորդ տարի 35 մլն դրամ վարկ է վերցրել և 51 մլն դրամանոց բնակարան գնել