«Մեր թատրոնում մի տրադիցիա կա՝ տնօրենը փող չի ուտում». 2018-ն է ամփոփել Գյումրու դրամատիկականը

25/12/2018 schedule19:35

2018 թվականին Գյումրու Վարդան Աճեմյանի անվան դրամատիկական թատրոնը 20.000-ով ավել հանդիսատես է ունեցել 2017-ի համեմատությամբ: Տարվա ընթացքում այստեղ ներկայացում է նայել  61.100 հանդիսատես: 2017 թվականին՝ 140, 2018-ին՝ արդեն 10-ով ավել՝ 150 ներկայացում է եղել խաղացանկում: 4 առաջնախաղ, 25 հյուրախաղ ինչպես ՀՀ-ում, այնպես էլ Արցախում եւ արտերկրում՝ Լիբանանում: Շատ կարեւոր եւ լուրջ ծրագիր են իրականացրել աճեմյանցիները: «Դերասանների եւ ռեժիսորների փոխանակման մասին է խոսքը: Այստեղ հրավիրվեցին եւ աշխատեցին դերասաններ Հրանտ Թոխատյանը, Ռոզի Ավետիսովան, Հրաչ Քեշիշյանը որպես ռեժիսոր: 2018-ին կհրավիրվի Նարե Հայկազյանը»,- 2018 թվականի ամփոփ տվյալները ներկայացնելիս նշեց թատրոնի գեղարվեստական ղեկավար, տնօրենի ժպ Լյուդվիգ Հարությունյանը:2018 թվականին դրամատիկականի աջակցության հիմնադրամի ջանքերով բնակարան ունեցավ դերասան Արկադի Ղարագուլյանը: Եվս 4 դերասան իր հերթին է սպասում՝ Սուսաննա Բաղդասարյանը, Նառա Սանթոյանը, Ռազմիկ Բադալյանն ու Ջեմմա Ադամյանը: «Մենք ուզում էինք մինչեւ տարեվերջ նրանք այդ բնակարաններն ունենային, բայց բարերարն, ով գնում է բնակարանները, ցանկացավ, որ դերասանները հենց իրենք ընտրեին դրանք: Հիմա փաստաթղթային ձեւակերպումների փուլն է, եւ 2019 թվականի առաջին եռամսյակում արդեն նրանք էլ կունենան քարաշեն բնակարաններ»,-ասաց Լյուդվիգ Հարությունյանը:

Անցնող տարում դրամատիկականին մշակույթի նախարարությունը որոշակի աջակցություն է ցուցաբերել: Նախարարույթյան մասնակի ֆինանսավորմամբ են բեմադրվել «Ոչինչ չի մնա», «Հարսանիք թիկունքում» ներկայացումները: Դրանից բացի նախարարության հետ կար նախնական պայմանավորվածություն՝ «Դուետ» փառատոնի վերականգնման մասով: Հիմա, երբ նախարարությունն այլեւս չկա, հարցը դեռ չգիտեն՝ ինչ ընթացք է ունենալու:2019 թվականին դրմատիկականը շատ կարեւոր անելիքներ ունի: Տարին կսկսի հյուրախաղերով: 20 տարվա դադարից հետո 22 օրով աճեմյանականները կմեկնեն Լոս Անջելես: ԱՄՆ-ում կներկայացվի «Հարսանիք թիկունքում» ներկայացումը: Այնուհետ կգնան Մոսկվա: Երբ վերադառնան Գյումրի, առավել կարեւոր գործ ունեն: Ապրիլին կայանալու է Դրամատիկական թատրոնի տնօրենի թափուր պաշտոնի համար հայտարարված մրցույթը: Հիշեցնենք, որ նախկին տնօրեն Տիգրան Վիրաբյանի՝ Երեւանի փոխքաղաքապետ նշանակվելուց հետո ժպ է նշանակված թատրոնի գեղարվեստական ղեկավար Լյուդվիգ Հարությունյանը: Մրցույթի մասին այս պահին խոսել չեն ուզում, սակայն զգուշացնում են, որ թույլ չեն տալու դրսից թեկնածուի պարտադրում: Նման փորձ արվել է երկու տարի առաջ եւ ձախողվել: Դրամատիկականն իր թեկնածուն կունենա, եւ անպայման, հենց ներսից: Լյուդվիգ Հարությունյանն իր թեկնածությունը եւս չի բացառում: Թատրոնի գեղարվեստական խորհրդատու Նիկոլայ Ծատուրյանն էլ ընդգծում է՝ Լյուդվիգն իր նախընտրած թեկնածուն է:«Բոլոր էն մարդկանց, որոնք իսկապես շատ են ուզում էստեղ խցկվեն, խորհուրդ եմ տալիս՝ չգան: Ինչի՞, ասեմ: Մեր թատրոնում մի տրադիցիա կա՝ տնօրենը փող չի ուտում: Իսկապես մեր միջից պետք է լինի: Բայց, եթե չգտանք մի անձնավորություն, ով կհամապատասխանի օրենքի բոլոր պահանջներին, ապա այդ թեկանծուն հենց Լյուդվիգը կլինի, նրա վրա շատ ծանր բեռ կդրվի, ստեղծագործել եւ կառավարել: Ինչպես ասում են՝ արվեստը զոհեր է պահանջում»,- ասաց Նիկոլայ Ծատուրյանը:

2019-ին Գյումրու դրամատիկականը 4 նոր առաջնախաղ կունենա: Կբեմադրվի Հովհաննես Թումանյան, Կոմիտաս, Լեւոն Շանթ, քանի որ տարին նրանց համար հոբելյանական է: Մեկ ներկայացում էլ, եթե խանգարող հանգամանքներ չլինեն, կբեմադրի Նիկոլայ Ծատուրյանը: Հավանաբար, դա կլինի Լեւոն Շանթի «Կայսրը»: Նաեւ շատ մոնոներկայացումներ կլինեն, որոնք կխաղացվեն թատրոնի Մհեր Մկրտչյան փոքր բեմում: Իսկ մինչ այդ դրամատիկականը տարին ավարտում է գունավոր եւ պայծառ տոնական ներկայացմամբ: 33 անգամ կխաղացվի «Ամանորը կրկեսում» ներկայացումը:

Տպել
1737 դիտում

Մակրոնը երեկ զանգահարել է Պուտինին. քննարկել են Ղարաբաղում տիրող իրավիճակը

Որոշ ժամանակ տրանսպորտի սակավությունը էլ ավելի զգալի է լինելու. պատճառը պարզ է. ավագանու անդամ

Մեր բժիշկների արհեստավարժության շնորհիվ տասնյակ վիրավորներ բառացիորեն փրկվում են մահվան ճիրաններից (տեսանյութ)

Կայուն լարվածությունը ճակատային գծի բոլոր ուղղություններում պահպանվում է. ի՞նչ է կատարվել գիշերը. ՊԲ-ն մանրամասնում է

Արցախ ճանապարհեցինք մեր «Կարմիր բերետներ 5165» կամավորական ջոկատի տղաներին. Հայկ Մարության

Նորից ԱԹՍ զգետնեցինք. Արծրուն Հովհաննիսյան

Մերժելի եւ արատավոր մոտեցում է. Ջ.Ավետիսյանի Արցախի մասին պատմող ֆիլմը հանվել է Մոսկվայի կինոփառատոնի ծրագրից

Մեկ շաբաթվա, 10 օրվա մեջ ադրբեջանական բանակը փլուզվելու է, ռազմաճակատի գծից զինվորները փախչելու են. քաղաքագետ

Երեւանի գովազդային վահանակներին քարոզչական հոլովակներ են պտտվում. ինչի մասին են դրանք

Թուրքական մասնակցությունը պատերազմին և վարձկանների ներկայությունը ռազմական գոտում փաստացի ճանաչվեցին. Ռուբեն Ռուբինյան

Ադրբեջանն անգամ թուրքական օգնության հետ բախվում է ծանր հարվածների, Թրամփը դեռ լուռ է, Մակրոնը՝ մտահոգ. ԶԼՄ-ներ

Ջավախքցիները խաղաղվել են, Արցախին ուղարկված օգնությունը Հայաստան հասավ

Պատերազմն ավարտվելու է Ադրբեջանի պարտությամբ, կամ ոչ հաղթանակով. Արայիկ Հարությունյան

Արցախն իր պատմության մեջ երբեք չի գրավվել և երբեք չի գրավվելու. Արայիկ Հարությունյան

Մեր դրոշներն Ազգային Ժողովի շենքի վրա. Արարատ Միրզոյանը լուսանկար է հրապարակել

Ունենք 18 տարեկան երիտասարդ, որն արդեն հասցրել է ոչնչացնել հակառակորդի 9 զրահատեխնիկա. Արցախի նախագահ

Մոսկվան պատրաստ է հարթակ տրամադրել Հայաստանի, Ադրբեջանի և Ռուսաստանի արտգործնախարարների հանդիպման համար

Կան բազմաթիվ փաստեր, որ հակառակորդը սա պլանավորել էր վաղուց. Արայիկ Հարությունյան

Հարյուրավոր դիակներ են թողել առաջնագծում եւ շատ անտարբեր են իրենց կորուստների հանդեպ. Արցախի նախագահ

Նիկոլ Փաշինյանը հեռախոսազրույց է ունեցել Եվրոպական խորհրդի նախագահ Շարլ Միշելի հետ