Բելառուսը «սողում է» դեպի Արեւմո՞ւտք. Միութենական պետության հեռանկարը

Դեկտեմբերի 25-ին Մոսկվայում տեղի ունեցան Ռուսաստանի եւ Բելառուսի նախագահներ Վլադիմիր Պուտինի եւ Ալեքսանդր Լուկաշենկոյի բանակցությունները։ Դրանց մասնակցեցին նաեւ երկու երկրների կառավարությունների անդամները։ Բանակցությունների հիմնական թեման էին էներգակիրները, մասնավորապես Կրեմլի մտադրությունը՝ «հարկային մանեւր» անցկացնելու: Այն իրենից ներկայացնում է նավթի արտահանման տուրքերի աստիճանաբար զրոյացումը մինչեւ 2024 թ.: Արտահանման տուրքին զուգահեռ Ռուսաստանը մտադիր է բարձրացնել արդյունահանման հարկը: Այս «մանեւրը» հակասում է Բելառուսի շահերին, քանի որ վերջինս Ռուսաստանից նավթը ձեռք է բերում ներքին գներով, իսկ վաճառում է համաշխարհային գներով: Մոտավոր հաշվարկներով՝ Ռուսաստանի նախաձեռնած նոր հարկային փոփոխությունների հետեւանքով արդեն հաջորդ տարի Բելառուսը կարող է կորցնել շուրջ 380 միլիոն դոլար։

Ռուսաստանի վարչապետ Դմիտրի Մեդվեդեւի Բելառուս կատարած այցի ընթացքում Լուկաշենկոն փորձել է վերջինիս համոզել՝ փոխհատուցել «մանեւրի» հետեւանքով հնարավոր վնասները, ինչին ի պատասխան Մեդվեդեւը հիշեցրել է Ռուսաստանի եւ Բելառուսի միջեւ 1999 թ. դեկտեմբերին կնքված Միութենական պետության մասին պայմանագիրը եւ նշել, որ եթե Բելառուսը ցանկանում է ավելի հարմար պայմաններ ունենալ, պետք է համաձայնի ավելի խորը ինտեգրման։ Բելառուսի նախագահը գրեթե բացահայտ մեղադրել է Ռուսաստանին՝ Միութենական պետության միջոցով Բելառուսին կլանելու փորձի մեջ:

«Ես հասկանում եմ այդ ակնարկները՝ վերցրեք նավթը, բայց կազմաքանդեք երկիրը եւ մտեք Ռուսաստանի կազմ» – ասել է Լուկաշենկոն:

Կրեմլից նրան պատասխանել են բավական հետաքրքիր ձեւակերպմամբ: ՌԴ նախագահի մամուլի քարտուղար Դմիտրի Պեսկովը նշել է, որ «այս թեման նման ձեւակերպմամբ օրակարգում չկա»:

Միութենական պետության մասին պայմանագրի դրդապատճառներից են նշվում Լուկաշենկոյի անձնական ամբիցիաները՝ միացյալ պետություն ստեղծելու եւ, ՌԴ նախկին նախագահ Բորիս Ելցինի հեռանալուց հետո, դրա ղեկավարը դառնալու: Պուտինի՝ իշխանության գալուն եւ այդտեղ ամրապնդվելուն զուգահեռ Լուկաշենկոն հրաժարվեց Միութենական պետության գաղափարից՝ արգելակելով գործընթացը:

Վերջին շրջանում սա երկու դաշնակիցների առաջին վեճը չէ: Դեկտեմբերի 6-ին Սանկտ-Պետերբուրգում Եվրասիական տնտեսական բարձրագույն խորհրդի նիստի ժամանակ Ռուսաստանի եւ Բելառուսի նախագահները վիճել էին գազի գնի շուրջ: Լուկաշենկոյի բողոքն էր առաջացրել այն, որ Բելառուսի սպառողները 1000 խորանարդ մետր գազի դիմաց վճարում են 130 դոլար, մինչդեռ հարեւան ռուսաստանյան շրջաններում դրա գինը 70 դոլար է: Պուտինն էլ հակադարձել էր, որ եթե Մոսկվան Մինսկին գազը վաճառի շուկայական գներով, այն կկազմի ոչ թե 130 դոլար, այլ՝ 200:

Սովորաբար Մոսկվայի եւ Մինսկի վեճերն ավարտվում են Բելառուսի վերցրած նոր վարկով եւ Ռուսաստանի հետ հավերժ եղբայրության եւ միջազգային հարթակներում աջակցության խոստումներով: Վերջին շրջանում, սակայն, Բելառուսի կողմից նկատվում են Ռուսաստանից տնտեսական անկախությանն ուղղված քայլերի փորձեր: Մինսկը փորձում է դիվերսիֆիկացնել արտաքին տնտեսական կապերը: Վերջին 5 տարվա ընթացքում Բելառուսի արտաքին պարտքի ռուսական մասնաբաժինը կրճատվել է շուրջ 30%-ով:

Բելառուսական եւ ուկրաինական մամուլում էլ լուրեր էին հայտնվում, որ Մինսկի՝ դիվերսիֆիկացմանն ուղղված քայլերը կարող են հանգեցնել Ուկրաինայի հետ ավելի սերտ համագործակցության: Որպես համագործակցության հնարավոր տարբերակ նշվում է ուկրաինական նավթամուղային ցանցը, որը կարող է օգտագործվել Բելառուսի էներգետիկ քաղաքականության դիվերսիֆիկացման պարագայում՝ այլ երկրներից Ուկրաինայի միջոցով դեպի Բելառուս գազ փոխանցելու տարբերակով: Այդուհանդերձ Կիեւում չեն կարող մոռանալ, որ Բելառուսը Ռուսաստանի դաշնակիցն է: Այդքանն արդեն իսկ բավարար է Լուկաշենկոյին չվստահելու համար: Մյուս կողմից, սակայն, Ուկրաինան չի կարող իրեն թույլ տալ վերջնական փչացնել հարաբերությունները Բելառուսի հետ, քանի որ դրա արդյունքում կզրկվի Ռուսաստանի հետ հակամարտությունում քիչ թե շատ չեզոք հարեւանից:

Թեեւ Ղրիմին եւ Ազովի ու Սեւ ծովերին վերաբերող՝ ՄԱԿ-ի վերջին բանաձեւի քվեարկության ընթացքում Բելառուսն աջակցեց Ռուսաստանին, սակայն հիմնականում ձգտում է անմասն մնալ Ռուսաստան-Արեւմուտք եւ Ռուսաստան-Ուկրաինա հակամարտություններից: Ավելին՝ Լուկաշենկոյի քայլերը երբեմն դիտարկվում են որպես Բելառուսի «սողացող շարժում դեպի ԵՄ եւ ՆԱՏՕ»:

Անկախ նրանից՝ կա այդ «սողացող շարժումը», թե՝ ոչ, ակնհայտ է, որ Բելառուսի որոշ քայլեր դաշնակցային չեն նաեւ ՀԱՊԿ-ի շրջանակներում: Գլխավոր քարտուղարի շուրջ ստեղծված իրավիճակը եւ դրա ֆոնին ադրբեջանցի տարբեր մակարդակի պաշտոնյաների հետ շփումները դրա օրինակներից են:

Ակներեւ է, որ ինտեգրացիոն եւ ռազմաքաղաքական միավորումների ընդհանուր շահերից է բխում Բելառուսի քաղաքականության կանխատեսելիությունը, ուստի, հաշվի առնելով քաղաքական մշակույթի առանձնահատկությունները, անհրաժեշտ է փոփոխություն՝ ղեկավար կազմի մակարդակով: Իսկ կլինի դա բնականոն հերթափոխի, թե Միութենական պետության կազմի մեջ մտնելու հետեւանքով՝ այնքան էլ էական չէ:

Տպել
9224 դիտում

Տոկիո-2020. Հեռացատկորդ Լևոն Աղասյանն ավարտեց պայքարը (տեսանյութ)

Ճապոնական կարգապահությունն ու Օլիմպիական խաղերը. հայացք Տոկիոյից

Տոկիո-2020. Մրցավարներն ըմբիշ Կարեն Ասլանյանից խայտառակ կերպով խլեցին կիսաեզրափակչի ուղեգիրը (տեսանյութ)

Տոկիո-2020. Հովհաննես Բաչկովը վստահ հաղթանակ տարավ ու դուրս եկավ կիսաեզրափակիչ (տեսանյութ)

Տոկիո-2020. Արթուր Դավթյանի պարգևատրման արարողությունը (տեսանյութ)

Հեղափոխությունից հետո Հայաստանում հաստատված անգլիացի կենսաթոշակառուն գրախանութ է բացել. այնտեղ իր հին ու թանկ գրքերն են

Տոկիո-2020. Արթուր Դավթյան. «Եթե մարզաձևի պայմանները Հայաստանում բավարար լինեին, կարող էր ավելի մեծ հաջողություն լինել»

Գերությունից վերադարձած Արեգն օգնության կարիք ունի

ՍԴ-ն հակասահմանադրական է ճանաչել «Բարձագույն կրթության և գիտության մասին» օրենքի որոշ դրույթներ

Տոկիո-2020. Մարմնամարզիկ Արթուր Դավթյանն առաջին մեդալը նվաճեց Հայաստանի համար (տեսանյութ)

Տոկիո-2020. Արթուր Ալեքսանյանը վնասվածք ստացավ, բայց կարողացավ դուրս գալ եզրափակիչ (տեսանյութ)

Տոկիո-2020. Ըմբիշներ Կարապետ Չալյանն ու Արթուր Ալեքսանյանը կիսաեզրափակչում են (տեսանյութ)

Տոկիո-2020. Արթուր Ալեքսանյան և Կարապետ Չալյան. Ռևանշի ցանկությամբ

Տոկիո-2020. Արմեն Մելիքյանը մեկ հաղթանակ տարավ ու մեկ պարտություն կրեց (տեսանյութ)

Տոկիո-2020. Արման Դարչինյանը պարտվեց նոկաուտով (տեսանյութ)

Ճամբարներում իրականացվել են առողջ ապրելակերպի խթանմանն ուղղված իրազեկման աշխատանքներ

Նպատակ կա ՀՀ բոլոր բնակավայրերը միացնել լայնաշերտ ինտերնետ կապին. Հայկ Չոբանյան (տեսանյութ)

Ալավերդու համայնքապետարանը սոցիալական խմբերին արժեթղթեր է տալիս, և նրանք ստիպված են գնումներ կատարել կոնկրետ խանութից

Թուրքիան անտառային հրդեհների ճիրաններում է հայտնվել

Այն ինչ հիմա պետք է մեր երկրին, կրթված հասարակությունն է. Արամ Հայրյան

Մասիսում անասնագոմ է այրվել

ԱԹՍ օդանավակայան կառուցելու համար անհրաժեշտ գումարը հավաքվեց 15 օրում. այն կկառուցվի Լեռնապատ համայնքում

Մինչև տարկետում տալու որոշում է կայացվում, օլիմպիադան ավարտվում է. ԿԳՄՍՆ համագործակցելու պատրաստակամություն է հայտնում

ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից և դադարեցնել բռնությունը. «Արմենպրես»

Գագիկ Ջհանգիրյանը շրջայց է կատարել մարզերի ընդհանուր իրավասության դատարաններում (տեսանյութ)

Իրանում Էկոնոմիկայի փոխնախարարը քննարկել է դեղագործության ոլորտում ներդրումային ծրագրեր իրականացնելու հնարավորությունը

10 հազար դոլարի փոխարեն 2 հազար դոլար. քթի պլաստիկ վիրահատության համար օտարերկացիները գալիս են Հայաստան

Մեկնարկել են Condor ավիաուղիների Ֆրանկֆուրտ-Երևան-Ֆրանկֆուրտ երթուղով չվերթերը

Օդի ջերմաստիճանը կբարձրանա 2-ից 3 աստիճանով

Կրակոցներ Երևանում, կասկածյալներից 3-ը եղբայրներ են. shamshyan.com

Երևան քաղաքապետարանի պատվիրած ավտոբուսներն ուղևորվել են Շանհայի նավահանգիստ, ՀՀ կհասնեն հոկտեմբերին (լուսանկարներ)

Վաղը ներհանրապետական էլեկտրագնացքներով երթևեկություն կլինի անվճար՝ բացառությամբ Երևան-Գյումրի էքսպրեսների

Կարգալույծ է հռչակվել Տեր Պետրոս աբեղա Ազարյանը

Երևանում անցկացվել է Ատոմյաին տեխնոլոգիաների երեկո

Բողոքի նամակ համաշխարհային ճանաչում ունեցող հայագետներից. ՀՀ-ն չի ընդգրկվել միջազգային գիտաժողովի մասնակիցների ցանկում

Ավտոմեքենայի զննությամբ հայտնաբերվել են «Դերրինգեր» գրառմամբ լիցքավորված ատրճանակ, 50 փամփուշտ և փայտե մահակ

Փանիկում տուն է այրվել

Ժամը 06։30-ին ադրբեջանական ԶՈՒ- ն կրակ է բացել Երասխի հայկական դիրքերի ուղղությամբ.ՊՆ

Հաստատվել է կորոնավիրուսի 243 նոր դեպք, մահացել է 6 մարդ

Վերին Շորժայում մարդիկ ադրբեջանական ուղիղ նշանառության տակ են. ՄԻՊ