Նոր Հայաստանում պետության հաշվին 4 բիզնես տոմս է ձեռքբերվել, հնում՝ 66. ովքեր են ցոփ ու շվայտ ճանապարհորդել

2018 թվականի մայիս-հոկտեմբեր ամիսներին կառավարության ամենաշատ գործուղման մեկնած անդամներն են՝ սփյուռքի նախարար Մխիթար Հայրապետյանը, առաջին փոխվարչապետ Արարատ Միրզոյանը, ՊԵԿ նախագահի տեղակալ Միքայել Փաշյանը, ՀՀ վիճակագրության խորհրդի անդամ Անահիտ Սաֆյանը, արտակարգ իրավիճակների նախարարության փրկարար ծառայության փրկարարական ուժերի վարչության պետի տեղակալ Արսեն Սարոյանը, արդարադատության նախարար Արտակ Զեյնալյանը: Այս մասին «Հայկական ժամանակ»-ը տեղեկանում է «Հանրային քաղաքականության հետազոտությունների ազգային կենտրոն» ՀԿ-ի «ՀՀ պետական գործուղումների 2017-18 թվականների մոնիտորինգի արդյունքները» զեկույցից:

«Հանրային քաղաքականության հետազոտությունների ազգային կենտրոն» ՀԿ-ի գործադիր տնօրեն Արմենուհի Բուռնազյանը ՀԺ-ի հետ զրույցում, շարունակելով թվարկել գործուղման մեկնած պաշտոնյաների տասնյակը, նշեց, որ նրանց թվում են նաեւ բնապահպանության նախարար Էրիկ Գրիգորյանը, մշակույթի նախարար Լիլիթ Մակունցը: Նշյալ անձանցից ամենաշատը «ճանապարհորդել» է սփյուռքի նախարար Մխիթար Հայրապետյանը՝ 24 օր, նրան հաջորդում է առաջին փոխվարչապետ Արարատ Միրզոյանը՝ 22 օր:

«Հանրային քաղաքականության հետազոտությունների ազգային կենտրոն» ՀԿ-ի գործադիր տնօրեն Արմենուհի Բուռնազյանը ՀԺ-ի հետ զրույցում նշեց, որ ուսումնասիրել են նաեւ 2017 թվականի մայիսի 7-ից մինչև 2018 թվականի մայիսն ընկած ժամանակահատվածում եղած գործուղումները: Նշյալ ժամանակաշրջանում ամենաշատը գործուղումների մեկնել է միջազգային տնտեսական ինտեգրման և բարեփոխումների նախարար, փոխվարչապետ Վաչե Գաբրիելյանը՝ 68 օր: Նախկին կառավարության երկրորդ ամենաշատ «ճանապարհորդածը» նախկին վարչապետ Կարեն Կարապետյանի փեսա, էներգետիկայի փոխնախարար Հայկ Հարությունյանն է: Նա գործուղման մեջ է եղել 44 օր։ 

Նախկին իշխանության ներկայացուցիչների մեջ ամենաշատ գործուղման մեկնածներից է նաեւ տրանսպորտի ու կապի նախարար Վահան Մարտիրոսյանը՝ 39 օր, էներգետիկ ենթակառուցվածքների և բնական պաշարների նախարար Աշոտ Մանուկյանը՝ 37 օր եւ զբոսաշրջության պետական կոմիտեի նախագահ Զարմինե Զեյթունցյանը՝ 36 օր։

Այսպիսով՝ 2017 թվականի մայիսի 7-ից մինչև 2018 թվականի մայիսն ընկած ժամանակահատվածում նախկին պաշտոնյաներն ունեցել են 363 գործուղում, իսկ ներկա իշխանությունները 2018 թվականի մայիս-հոկտեմբեր ամիսներին ունեցել են 130 գործուղում: «Հանրային քաղաքականության հետազոտությունների ազգային կենտրոն» ՀԿ-ի զեկույցից տեղեկանում ենք, որ այս երկու տարիների շրջագայությունների համար պետական միջոցներից հատկացվել է 7 միլիարդ 6 միլիոն դրամ:  

«Հիմնական տարբերությունը, եթե քանակի հետ կապված նայենք, ապա մինչ հեղափոխությունը ձեռք բերված 4588 ավիատոմսերից 1,4 տոկոսը կամ 66 հատը եղել են բիզնես կարգի: Հեղափոխությունից հետո՝ 2018 թվականի մայիսից մինչեւ հոկտեմբեր ձեռքբերված ամբողջ ավիատոմսերի 0,2 տոկոսը կամ 4 հատն են եղել բիզնես կարգի՝ 1734-ից»,- ասաց «Հանրային քաղաքականության հետազոտությունների ազգային կենտրոն» ՀԿ-ի գործադիր տնօրեն Արմենուհի Բուռնազյանը:

Նրա փոխանցմամբ՝ իշխանափոխությունից հետո գործուղման հիմնական ուղղությունները եղել են Ռուսաստանի Դաշնությունը, ԱՄՆ-ն, Ղազախստանը, Բելգիայի թագավորությունը, Բելառուսի Հանրապետությունը: «Նախքան հեղափոխությունը առաջին հնգյակում հայտնված գերատեսչություններն ամբողջ գործուղումների 44 տոկոսն են կազմել, իսկ հեղափոխությունից հետո առաջին հնգյակի գործուղումները կազմել են 40 տոկոս»:

Այնուհանդերձ, «Հանրային քաղաքականության հետազոտությունների ազգային կենտրոն» ՀԿ-ի գործադիր տնօրեն Արմենուհի Բուռնազյանը նշում է, որ ինչպես հին, այնպես էլ նոր Հայաստանում որոշակի ավիատոմսեր ձեռք են բերվել տարօրինակ գներով, որոնք շուկայականից խիստ տարբերվում են: «Օրինակ, 2017 թվականին նախագահի աշխատակազմը գնել էր էկոնոմ կարգի ավիատոմս մեկ անձի համար՝ Երեւան-Թեհրան-Երեւան չվերթի համար, որի արժեքը կազմել էր 970 հազար դրամ, բայց այդ շրջանում նույն չվերթի գները եղել են 250 հազար դրամ: Նույն կառույցի կողմից ձեռք են բերվել նաեւ Երեւան-Մոսկվա չվերթի տոմսեր 540 հազար դրամով, մինչդեռ Երեւան-Մոսկվա ինքնաթիռի տոմսերի արժեքը շատ մատչելի է անգամ բիզնես կարգի համար, բայց սա եղել է էկոնոմ կարգի: Որոշակի ռիսկային գործարքներ նաեւ պաշտպանության նախարարության կողմից ենք հայտնաբերել: 2017 թվականի հունիսին ձեռք են բերվել 2 մլն 480 հազար դրամի էկոնոմ կարգի ավիատոմսեր Երեւան-Մոսկվա-Ալմաթի չվերթի համար, որը կրկին թանկ է»:

Անդրադառնալով նոր Հայաստանում պետական կառույցների կողմից ձեռք բերված բիզնես դասի տոմսերին՝ «Հանրային քաղաքականության հետազոտությունների ազգային կենտրոն» ՀԿ-ի գործադիր տնօրեն Արմենուհի Բուռնազյանն ասաց, որ դրանցից մեկը ձեռք են բերել նախագահի աշխատակազմից: «Այստեղ մենք կասկածներ ունենք, որովհետեւ Երեւան-Մոսկվա-Երեւան ավիատոմսի արժեքը եղել է 919 հազար դրամ: Այդ ժամանակահատվածում այս կարգի տոմսերն արժեցել են 500 հազար դրամ՝ միջինում»:

Մյուս երեք բիզնես դասի ավիատոմսերից մեկը ձեռք է բերել արդարադատության նախարարությունը, իսկ մյուս երկուսը՝ Մխիթար Հերացու անվան բժշկական հիվանդանոցի հիմնադրամը:

Տպել
15904 դիտում

Չինական պատվաստանյութը հասել է Երևանի պոլիկլինիկաներ ու շարժական կետեր

Տիգրան Ավինյանն այսօր եղել է Սև լճում

Բանակցությունները կշարունակվեն վաղը.ադրբեջանական կողմին կրկին առաջարկվել է առանց նախապայմանի վերադառնալ ելման դիրքեր.ՊՆ

Հայաստանի՝ ՀԱՊԿ-ին դիմելը Բաքուն որակել է որպես սահմանային իրավիճակի քաղաքականացում

Պետությունն աջակցում է ամուսին չունեցող կանանց մայրանալ. նախկինում նրանք ասոցացվում էին անառակի հետ, այսօր պատկերը այլ է

ՀԱԹ Բ2 թաղամասի բարձրահարկի հրդեհը մարվել է

Արա Այվազյանը հեռախոսազրույցներ է ունեցել ՀԱՊԿ ԱԳ նախարարների խորհրդի նախագահի և Ստանիսլավ Զասի հետ

Օրը 2 անգամ ջուրը նմուշառվում է. ՄԻՊ փաստահավաք աշխատանքների արդյունքները Վերին Շորժայում և հարակից սարատեղիներում

Ճանաչողական այցով Գյումրիում է դեսպան Ջոն Պատրիկ Գալագերին

ՀՀ-ում ստեղծված իրավիճակը ՀԱՊԿ-ի համար աննախադեպ փորձություն է և իմիջային հարց, որպես միջազգային անվտանգային կառույց. ԱԽ

Կկայանա Երվանդ Երկանյանի Թիվ 7 սիմֆոնիայի պրեմիերան. Սիմֆոնիկը հրավիրում է համերգի

Ասկերանի Իվանյան համայնքում ճաշարան է հրդեհվել

30-ամյա հետախուզվողը բերման է ենթարկվել

Իտալացի սենատորը հորդորել է ԱԳ նախարարին արձագանքել ՀՀ պետական սահմանն ադրբեջանցիների կողմից խախտելու փաստին.«Արմենպրես»

«Ակունքից՝ տիեզերք». ժողովրդական արվեստների թանգարանը կներկայանա նոր ցուցանմուշներով

Հայաստանը կլիմայի փոփոխության հետևանքների նկատմամբ խիստ խոցելի երկիր է (տեսանյութ)

Արա Այվազյանն ու Քուբադ Թալաբանին տարածաշրջանային և միջազգային օրակարգային հրատապ հարցեր են քննարկել

Թանգարանային գիշեր. հրավիրում է Հայաստանի բնության պետական թանգարանը

Վահան Քերոբյանը Դիլիջանում մասնակցում է «Հայաստանը՝ որպես արդի արդյունաբերական և գիտահեն պետություն» ֆորումին

Հայաստանի նկատմամբ ադրբեջանական սադրանքը պետք է դադարեցվի զորքերի անհապաղ դուրսբերմամբ. իտալացի պատգամավոր.«Արմենպրես»

Վահան Քերոբյանը Գյումրիում մասնակցեց «Դիստրիկտ» էկոթաղամասի հիմնադրման մեկնարկին

Հրդեհ Երևանի ՀԱԹ Բ2 թաղամասում. հայտարարվել է հրդեհի բարդության «1 ԲԻՍ» կանչ

Շրջանների զգալի մասում սպասվում է կարճատև անձրև և ամպրոպ, առանձին հատվածներում՝ նաև կարկուտ

ՀՀԿ-ն և «Հայրենիքը» հուշագիր են ստորագրել. Սերժ Սարգսյանը նորաստեղծ դաշինքի ցուցակում չի լինի

Սյունիքում երեկ կատարվածի փաստով հարուցված քր. գործով կա 1 ձերբակալված, հարցաքննվել են մի շարք անձինք. Քննչական կոմիտե

Սպանության մեղադրանքով հետախուզվողները հայտնաբերվել են Պռոշյան գյուղում (տեսանյութ)

Արցախում ընթացքի մեջ է կորոնավիրուսի դեմ պատվաստման գործընթացը

Մհեր Գրիգորյանն Իրաքյան Քուրդիստանի փոխվարչապետին է ներկայացրել ԵԱՏՄ շուկայի բիզնես գործունեության առավելությունները

Ատոմակայանի աշխատանքը կանգնեցվեց. այն չի աշխատի 141 օր

Պատերազմից հետո 38-ամյա քաղաքացին յուրացրել է ՊՆ-ին պատկանող «ՈՒԱԶ»-ը

Մինչև 1 տարեկան երեխաների համար ՀՀ մուտք գործելիս ՊՇՌ թեստավորման պահանջը հանվել է

Հայաստանի Հանրապետությունը վճռական է բոլոր միջոցները ձեռնարկել՝ ապահովելու իր տարածքային ամբողջականությունը. ԱԳՆ

Մենք խաղաղ էինք մեր լեռների պես, Դուք հողմերի պես խուժեցիք վայրագ. Ջոնաթան Լաքոթը հայերենով Շիրազ է հրապարակել

Մեղրի-Քաջարան ճանապարհահատվածը դարձել է միակողմանի անցանելի. իրականացվում է մաքրման աշխատանք

«Ի սեր հայ ու հայկականի». Գյումրիում անցկացվեց «Շիրակի էսքիզներ» հանրապետական պարային մրցույթ-փառատոնը (լուսանկարներ)

Սևանի ՃՈ անշարժ պահակակետի հարակից տարածքում հետախուզվող է հայտնաբերվել

Արցախում կորոնավիրուսի 4 նոր դեպք է հաստատվել. ստացիոնար բուժում է ստանում 30 վարակակիր

Սյունիքում երեկվա ակցիայի մասնակից 8 անձ է բերման ենթարկվել. կա ձերբակալված

Խոշոր քարաթափում հայ-իրանական սահմանի Մեղրիի լեռնանցքի հատվածում. ճանապարհահատվածը երկկողմանի փակ է

Հաստատվել է կորոնավիրուսային հիվանդության 282 նոր դեպք. առողջացել է 636, մահացել՝ 13 մարդ