Euronews-ը, Deutsche Welle-ն, Le Monde-ը, BBC-ն, Al Jazeera-ն՝ ՀՀ ԱԺ ընտրությունների մասին

Հայաստանի խորհրդարանական արտահերթ ընտրությունները հայտնվել էին տարբեր երկրների մամուլի ուշադրության կենտրոնում: ԱԺ ընտրություններին էին անդրադարձել ամերիկյան, ռուսական եւ եվրոպական հեղինակավոր լրատվականներ, ինչպես նաեւ Չինաստանի պետական Xinhua գործակալությունը եւ արաբալեզու Al Jazeera-ն:

Բրիտանական առաջատար լրատվամիջոցների անդրադարձն ավելի շատ իրադարձային է: Դրանցում կարեւոր տեղ են զբաղեցնում հայ-ռուսական հարաբերությունները: Reuters-ը, The Guardian-ը, BBC-ն նշում են, որ դեռեւս մայիսին՝ վարչապետի պաշտոնը ստանձնելիս Նիկոլ Փաշինյանը խոստացել էր արտաքին քաղաքականության մեջ լուրջ փոփոխություններ չկատարել եւ շարունակել ջերմ հարաբերությունները Մոսկվայի հետ:  

Guardian-ը, անդրադառնալով ընտրությունների արդյունքներին, գրել է, որ գործող վարչապետ Նիկոլ Փաշինյանն «ամրապնդել է իր իշխանությունը՝ խորհրդարանական ընտրություններում իր դաշինքի հաղթանակի արդյունքում»: Լրատվականը անդրադարձել է նաեւ Փաշինյանի կառավարության՝ ընտրական օրենսգիրքը փոփոխելու նախաձեռնությանը՝ նշելով, «որ նախկին իշխանական Հանրապետական կուսակցությունն արգելափակել էր այդ քայլը»:

BBC-ն, ներկայացնելով ընտրությունների արդյունքները եւ նախապատմությունը, հատուկ ուշադրություն է դարձրել մասնակցության ցածր տոկոսի վրա: Ինչ վերաբերվում է արդյունքներին՝ BBC-ն նշել է, որ Փաշինյանն այժմ ունի խորհրդարանական մեծամասնություն եւ «կարող է առաջ տանել կոռուպցիայի դեմ պայքարի եւ տնտեսության բարեփոխման ծրագիրը»: Լրատվամիջոցն ընդգծել է, որ «պատմականորեն Հայաստանում ընտրություններն անցել են խարդախության եւ ձայների վաճառքի մթնոլորտում, սակայն հույս կա, որ այս ընտրությունները տարբեր կլինեն»:

Դեկտեմբերի 9-ի ընտրություններին են անդրադարձել նաեւ մայրցամաքային Եվրոպայի առաջատար լրատվամիջոցները: Ֆրանսիական հեղինակավոր Le Monde պարբերականը հիմնական շեշտը դրել է քաղաքացիների «խանդավառության եւ հույսերի» վրա: Le Monde-ը նշել է, որ ընտրատեղամասերից դուրս եկող քաղաքացիներից շատերը «պատմական եւ հեղափոխական» էին որակել քվեարկությունը:

Գերմանական Deutsche Welle-ն գրել է, որ ընտրությունների արդյունքում Փաշինյանի ղեկավարած ուժը «տնտեսական հեղափոխության քարտ-բլանշ է ստացել»: Deutsche Welle-ն նշել է նաեւ, որ փորձ է արվելու Ռուսաստանի հետ հարաբերությունների տրամաբանությունը ուղղահայացից հորիզոնականի փոխելու:

Euronews-ը եւս անդրադարձել է ընտրություններին եւ դրանց նախորդած իրադարձություններին՝ սկսելով Փաշինյանի քաղաքական գործունեության մասին պատմելուց: Լրատվականը զրուցել է Chatham House-ի փորձագետ Լորենս Բրոերսի հետ, որի կարծիքով մասնակցության ցածր տոկոսը, նախեւառաջ, սովորական է ժողովրդավարական երկրներում: Բացի այդ, Բրոերսը նշում է, որ այն ցածր է թվում միայն նախորդ ընտրությունների ուռճացված թվերի ֆոնին:

Ռուսական Regnum-ի վերլուծաբան Ստանիսլավ Տարասովը նշում է, որ Փաշինյանը հասել է իր նպատակին՝ «գլխավորել գործադիր իշխանությունը եւ ապահովել լիարժեք աջակցություն իր նախաձեռնություններին օրենսդիր իշխանության կողմից»: Միեւնույն ժամանակ Տարասովը նշում է, որ մասնակցության ցածր տոկոսը խոսում է այն մասին, որ «խորհրդարանական մեծամասնությունը չունի ժողովրդի բացարձակ աջակցությունը»:

Մասնակցության ցածր տոկոսը մտահոգել է նաեւ TACC-ի թղթակից Եվգենիա Կոտկովային: Նրա խոսքով՝ ընտրությունների արդյունքները «սպասելի էին, սակայն անհանգստացնող»: Կոտկովային, թերեւս, անհանգստացրել էր այն, որ «ընտրություններն անցել են հանգիստ, գրեթե առանց խախտումների, բայց 50%-ից ցածր մասնակցությամբ», ինչն ըստ հեղինակի` «զարմանալի ցածր ցուցանիշ է ժողովրդական հեղափոխություն արած երկրի համար»:

Կոտկովան գրել է, որ եթե Փաշինյանը մինչեւ գարուն չապացուցի, որ ի զորու է կատարել ժողովրդին տված խոստումները՝ դա կարող է առաջացնել բողոքի նոր ալիք, որից կարող են օգտվել «ե՛ւ ՀՀԿ-ի աջակիցները, ե՛ւ դաշնակները, ե՛ւ կալանավայրից ազատված զինյալները»:

Տարասովայի եւ Կոտկովայի հոռետեսական մտավախությունները չի կիսում РИА Новости-ի զրուցակիցը՝ Ռուսաստանի գիտությունների ակադեմիայի արեւելագիտության ինստիտուտի Կենտրոնական Ասիայի եւ Կովկասի ուսումնասիրության կենտրոնի աշխատանքային խմբի համակարգող Ալեքսանդր Սկակովը: Նրա կարծիքով՝ Փաշինյանը շարունակելու է նույն քաղաքականությունը, որը վարում էր մինչ այդ:

«Լուրջ փոփոխություններ չեն լինի: Ճշգրտումներ կան եւ միշտ էլ հնարավոր են՝ հիմնվելով Հայաստանի ազգային շահերի վրա», - ասել է Սկակովը:

Խոսելով ՀՀԿ-ի մասին՝ Սկակովը նշել է, որ ընտրության արդյունքները չպետք է զարմացնեն նախկին իշխանական ուժին. «դա իր ժամանակն ապրած իշխանական կուսակցության ճակատագիրն է»:

Համաշխարհային մամուլն, ընդհանուր առմամբ, դրական է գնահատել անցած ընտրությունները: Միակ խնդրահարույց կետը ռուսական մամուլում հանդիպող մտավախություններն են՝ կապված քվեարկության մասնակիցների ցածր տոկոսի հետ:

Մասնակցության ցածր տոկոսը սերտորեն կապված է տվյալ երկրի քաղաքական մշակույթի հետ: Հայաստանն այժմ գտնվում է նոր քաղաքական մշակույթի ձեւավորման փուլում, եւ դեռ վաղ է ասել, թե ընտրություններին չմասնակցած քաղաքացիները ինչ դրդապատճառներով են բաց թողել քվեարկությունը:

Ռուսաստանցի փորձագետների սեւեռվածությունը այդ թվի վրա կապված է, թերեւս, սեփական երկրի քաղաքական մշակույթի հետ, որտեղ իշխանության լեգիտիմությունը ուղղակիորեն կախված է ընտրությանը մասնակցած մարդկանց թվից: Եվրոպայում, մասնավորապես դրա կենտրոնական եւ արեւմտյան մասերում, անգամ համապետական ընտրություններին մասնակցում են քվեարկելու իրավունք ունեցողների մոտավորապես կեսը եւ, թերեւս, դա էր պատճառը, որ արեւմտյան մամուլը յուրահատուկ ուշադրության չէր արժանացրել քվեարկությանը մասնակցած քաղաքացիների թիվը:

Տպել
6176 դիտում

Մայրն ասաց՝ աղջիկը կրկին սկսել է երազել․ «UPSHIFT Իջևան»-ն ամփոփեցին ՀՀ-ում ԱՄՆ դեսպանը, ՅՈՒՆԻՍԵՖ-ն ու Գյումրու ԵՆԿ-ն

Ոտնաձայներ լսելով՝ մտածել է, թե մոտեցողը հակառակորդն է և ինքնաձիգից կրակահերթ է արձակել ծառայակցի ուղղությամբ․ ՔԿ

Քննարկվում է հայ-ադրբեջանական սահման ԵԱՀԿ առաքելություն ուղարկելու հարցը

Արցախում կապի տարբեր միջոցների օգտագործմամբ խարդախությամբ քաղաքացիներից հափշտակվել է ավելի քան 31մլն դրամ

«Նորքի տուն-ինտերնատ»-ն առաջիկայում կունենա նոր վերանորոգված մասնաշենք

Շարունակվում է ՏԻՄ ընտրություններին քարոզչություն կատարելուն հարկադրելու վարույթի նախաքննությունը

14 տոկոս աճը բավականին դրական ցուցանիշ է. տնտեսության ո՞ր ոլորտներն են տուժում սահմանային լարումների հետևանքով

ՊՆ-ն հանրային վայրերում զինծառայողների համար իրերի հավաքագրման և սոցցանցային դրամահավաքի դեպքերով կդիմի իրավապահներին

Վահագն Խաչատուրյանը հանդիպել է Հայաստանի արդյունաբերողների և գործարարների միության նախագահի հետ

Բերքառատում այրվում է մոտ 1000 հակ պահեստավորված անասնակեր

Երեք ամսում խոսել, կարդալ և գրել հայերեն․ մեկնարկել է հայրենադարձների համար անվճար դասընթացների այս տարվա վերջին փուլը

Հայ-կիպրական միջպետական հարաբերություններն առանձնանում են դաշնակցային բնույթով․ վարչապետի ուղերձը Նիկոս Անաստասիադիսին

100-ամյակները բոլորած ու անցած Ասանեթը, Մարգարիտը, Վարդն ու Խանումը․ Շիրակի մարզը երկարակյաց 4 բնակիչ ունի

Դաշտադեմ գյուղում այրվում է մոտ 20 հա խոտածածկույթ

Արցախի Հանրապետության Անվտանգության խորհրդի նիստ կհրավիրվի․ առաջարկը խորհրդարանական ուժերի կողմից է

Ինչ ունեցվածք է հայտարարագրել Էդմոն Մարուքյանը

Վյաչեսլավ Վոլոդինի հրավերով Ալեն Սիմոնյանը պաշտոնական այցով կմեկնի Մոսկվա

21-ամյա վարդենիսցին բակ է մտել ցանկապատի վրա անցք բացելով, իսկ տուն՝ պատուհանը կոտրելով

Ներկայացվել են «Հայավտոկայարան»-ը կոնցեսիոն կառավարման հանձնելու, 3 դոպլերային ռադիոլոկատոր ձեռք բերելու և այլ ծրագրեր

Տարեցների միջազգային օրը ևս մեկ հնարավորություն է մեծարելու մեր ավագ սերնդին, ընդգծելու նրանց անփոխարինելի դերը և արժեքը

«Զիլ»-ը բախվել է մեկ այլ մեքենայի և վրաերթի ենթարկել 33-ամյա կնոջը

24-ամյա հետախուզվողը ներկայացվել է դատարան

Անկարան չի ճանաչի Դոնեցկի և Լուգանսկի, Խերսոնի և Զապորոժիեի մարզերի միացումը Ռուսաստանի Դաշնությանը

Պլանային ջրանջատում Երևանի Քանաքեռ-Զեյթուն, Արաբկիր և Կենտրոն վարչական շրջաններում

Վահրամ Դումանյանը Մեխիկոյում հանդիպել է Հունաստանի գործընկերոջ և Կիպրոսի մշակույթի նախարարի տեղակալի հետ

Աննա Հակոբյանի նամակը՝ դեռ չծնված հայ աղջկան

«ԱՐՄԵԴ» համակարգի պացիենտները իրենց հետազոտությունների արդյունքները կկարողանան տեսնել առցանց

Փանիկցիները «Տելեգրամ»-ով թմրանյութ էին ձեռք բերել, տարբեր վայրերում տեղադրել ու բռնվել

ՀՀ փոխվարչապետը և Ճապոնիայի դեսպանը ընդգծել են երկկողմ հարաբերություններում ներուժի իրացման անհրաժեշտությունը

Գայ գյուղի բնակիչը ջերմատանը կանեփ է աճեցրել

Ստացվել է 6 ահազանգ՝ հանրապետության տարբեր տարածքներում բռնկված հրդեհների վերաբերյալ

Չինաստանի հետ հարաբերությունների հետագա զարգացումը առաջնահերթ կարևորություն ունեն Հայաստանի համար․ ՀՀ վարչապետ

Սուբվենցիոն ծրագրերի տեմպերից գոհ չեմ, հորդորում եմ լինել առավել զգոն․ Նազելի Բաղդասարյան

Մարտական դիրքում հրազենային վիրավորումով հայտնաբերվել է պարտադիր ժամկետային զինծառայողի դի

Աշոցք-Վարդաղբյուր ճանապարհին ավտոմեքենա է շրջվել․ տուժածներից մեկի վիճակը ծանր է

Ասում են՝ չեն կռվի այդ հրամանատարության ներքո, բայց հանկարծ սկսում են բահ ու քլունգ գնել, ի՞նչ փոխվեց. Հովհաննիսյան

Կրթվելու և մշակույթին էլ ավելի մոտ լինելու «խրամատը» ևս ամուր պետք է լինի․ կայացավ գրքի երևանյան փառատոնի բացումը

Հայ-ադրբեջանական սահմանին իրադրության փոփոխություն չի արձանագրվել. ՊՆ

ՀԱՊԿ-ում նույնպես արձանագրվել է, որ Հայաստանում կառույցի նկատմամբ հանրային որոշակի տրամադրություններ են փոխվել. Փաշինյան

«ԳեոՊրոՄայնինգը» շարունակում է համայնքներում համալրել կոմունալ ծառայությունների սպասարկման տեխնիկական պարկը