Ադրբեջանն առաջարկել էր փոխանակել պատանդներին. Արցախում դիտարկում են մեկ տարբերակ

Արցախի իշխանությունները պատրաստակամ են օրենքի շրջանակներում դիտարկել Ադրբեջանի քաղաքացի Էլնուր Հուսեյնզադեին վաղաժամկետ ազատ արձակելու հնարավորությունը, որն Արցախի տարածքում չի իրականացրել ծանր կամ առանձնակի ծանր հանցագործություններ։

Ադրբեջանում պահվող հայ պատանդներին Արցախում պատիժ կրող Ադրբեջանի քաղաքացիների հետ փոխանակելու ադրբեջանական կողմի առաջարկին այս կերպ է արձագանքել Արցախի Արտաքին գործերի նախարարությունը։

Այս մարդասիրական ժեստի դիմաց Արցախի իշխանությունն ակնկալում է Ադրբեջանի պատասխան գործողությունները՝ ուղղված հայ պատանդներին ազատ արձակելուն եւ առաջին հերթին, նրանց, ովքեր ունեն ակնհայտ առողջական խնդիրներ։

«Ադրբեջանի պատասխան գործողություններն ի ցույց կդնեին մարդասիրական քայլեր իրականացնելու այդ երկրի պատրաստակամությունը, ինչպես նաեւ Բաքվից հնչող հայտարարությունների լրջությունը»,– ասված է ԱՀ ԱԳՆ պաշտոնական հաղորդագրության մեջ։

Գերատեսչությունը նաեւ հիշեցնում է, թե ովքեր են Արցախում պահվող մյուս 2 ադրբեջանցիներն ու ինչ հանցանքների մեջ են նրանք մեղադրվում։

«Առաջին հերթին, անհրաժեշտ է պարզաբանում մտցնել կողմերի մոտ գտնվող անձանց կարգավիճակի հարցում։ Արցախում դատարանի դատավճռով իրենց պատիժն են կրում Ադրբեջանի երեք քաղաքացի, նրանցից երկուսը՝ Դիլհամ Ասկերովը եւ Շահբազ Գուլիեւը՝ ծանր եւ առանձնակի ծանր մի շարք հանցագործություններ իրականացնելու համար, այդ թվում՝ անչափահասի առեւանգում եւ սպանություն։ Միջազգային մարդասիրական իրավունքի նորմերի համաձայն՝ նրանք չեն հանդիսանում ո՛չ պատանդներ եւ ո՛չ էլ ռազմագերիներ»,– նշում է Արցախի ԱԳՆ–ն։

Հաղորդագրության մեջ ասված է, որ Արցախի Հանրապետության իշխանությունները բազմիցս հայտարարել են, որ չեն վարել ու չեն վարում բանակցություններ Դիլհամ Ասկերովին եւ Շահբազ Գուլիեւին ազատ արձակելու կամ փոխանակելու շուրջ։ «Ավելին` նրանց ազատ արձակելու կոչերն ակնհայտորեն խրախուսում են անպատժելիությունը եւ ամենաթողությունը, ինչպես դա եղել է մարդասպան Սաֆարովի պարագայում։ Ակնհայտ է, որ Ադրբեջանը հերթական անգամ փորձում է շահարկել մարդասիրական բնույթի հարցերը՝ ի շահ սեփական քաղաքական նպատակների»,– նշված է հաղորդագրության մեջ։

Իսկ ինչ վերաբերում է Ադրբեջանում գերեվարված 3 հայ պատանդներին, ԱԳՆ–ն շեշտում է, որ նրանք Ադրբեջանի տարածքում որեւէ հանցագործություն չեն գործել։ «Ավելին` նրանցից երկուսն ունեն առողջական որոշակի խնդիրներ։ Բոլոր երեքն էլ պատանդներ են, եւ Ադրբեջանում նրանց գերության մեջ պահելը միջազգային մարդասիրական իրավունքի նորմերի, ինչպես նաեւ «Պատանդներ վերցնելու դեմ պայքարի մասին» միջազգային կոնվենցիայի կոպիտ խախտում է», – նշված է հաղորդագրության մեջ։

Իսկ «բոլորը բոլորի դիմաց» իր առաջարկով Բաքուն, Արցախի համոզմամբ, փորձում է հավասարության նշան դնել Արցախում դատարանի դատավճռով իրենց պատիժը կրող հանցագործների եւ Ադրբեջանում պահվող գերիների միջեւ` իր այդ առաջարկը ներկայացնելով, որպես մարդասիրական քայլ։ «Մինչդեռ, իրական մարդասիրական քայլ կլիներ հայ պատանդներին ազատ արձակելը, ինչը պահանջվում է, այդ թվում նաեւ, վերոնշյալ Կոնվենցիայով։ Բաքուն չի գնացել այդ քայլին, հետեւաբար, այս հարցում չի կարող խոսել մարդասիրության մասին»,– նշում է Արցախի ԱԳՆ–ն։

Հիշեցնենք` նոյեմբերի 20-ին, լրագրողների հետ հանդիպմանը, անդրադառնալով գերիների փոխանակման վերաբերյալ Ադրբեջանի առաջարկին, ՀՀ վարչապետի պաշտոնակատար Նիկոլ Փաշինյանն ասել էր, որ Հայաստանում գտնվող ադրբեջանցիները հասարակ քաղաքացիներ չեն, այլ ծանր հանցագործության, այդ թվում`խաղաղ քաղաքացիների սպանության համար մեղադրված հանցագործներ։

«Դա կստացվի, որ մենք երկու Ռամիլ Սաֆարով ենք վերադարձնում Ադրբեջանին»,– ասել էր նա։

Հիշեցնենք` Շահբազ Գուլիեւը եւ Դիլհամ Ասկերովը ձերբակալվել են 2014 թվականին, Լեռնային Ղարաբաղի տարածքում: Արցախյան դատարանը Ասկերովին ցմահ ազատազրկման է դատապարտել, իսկ Գուլիեւին՝ 22 տարվա ազատազրկման՝ մեղավոր ճանաչելով լրտեսության, պետական սահմանի ապօրինի հատման, ռազմամթերք կրելու, առեւանգման եւ սպանության համար։

Նրանք 2014 թվականի հուլիսի 4-ին առեւանգել էին ԼՂՀ անչափահաս քաղաքացի Սմբատ Ցականյանին, որի մարմինը հրազենային վնասվածքներով հայտնաբերվել էր հուլիսի 15-ին Քարվաճառ եւ Մանաշիդ համայնքների միջեւ ընկած անտառային զանգվածում:

Բացի այդ, Հասանովը 2014-ի հուլիսի 11-ի երեկոյան Վարդենիս-Քարվաճառ ճանապարհի 32-րդ կմ-ին ազգային ատելության հողի վրա հրազենով սպանել էր Երեւանի բնակիչ Սարգիս Աբրահամյանին (1971թ. ծնված), իսկԿոտայքի մարզի Ձորաղբյուր գյուղի բնակիչ Կարինե Դավթյանին հրազենային վնասվածքներ էր հասցրել: Երրորդ ադրբեջանցին Էլնուր Հուսեյնզադեն է, ով ձերբակալվել է 2017թ.-ին, Թալիշ գյուղի մոտ։

Հուսեյնզադեն պաշտոնական վարկածի համաձայն` ադրբեջանական բանակի զինծառայող է եւ ձերբակալվել է դիվերսիայի պահին: Ադրբեջանում այս պահին ՀՀ 3 քաղաքացիներ են պահվում՝ Արսեն Բաղդասարյանը, Կարեն Ղազարյանը, Զավեն Կարապետյանը, որոնց պաշտոնական Բաքուն համարում է դիվերսանտ՝ մեղադրելով պատերազմական հանցագործությունների մեջ: Նրանք Ադրբեջանում երկարատեւ ազատազրկման են դատապարտված:

Տպել
8032 դիտում

Քաջարանի բազմաբնակարան շենքերն արդիականացվում են և ջերմամեկուսացվում

Մերկելը չի առաջադրվելու. 2 հիմնական թեկնածուներից ո՞վ կփոխարինի Գերմանիայի երկարամյա կանցլերին

Շուտով Զինվորի տունը կունենա լավագույն վիրահատարանը Հայաստանում

Հայաստանի տարածքում կան փակ ավտոճանապարհներ․ Լարսը բաց է

ԵԽ-ում մեկնարկել է Ադրբեջանից հայ գերիների անհապաղ ազատ արձակման և վերադարձի հարցերով քննարկումը

Կան տեխնոլոգիաներ, որոնք կարող են ապահովել մեր ժողովրդի առաջնային անվտանգությունը․ Արամ Սարգսյան

Լավատես եմ, փորձում եմ միտում չորոնել. ցավոք բախվում ենք խոչընդոտների. Վարդանյանը՝ նախագահի կողմից ՍԴ դիմելու մասին

Ռուսաստանը դադարեցնում է դեպի Թուրքիա և հետադարձ կանոնավոր ուղևորափոխադրումները. զբոսաշրջիկները հետ կբերվեն

Դավիթ Գրիգորյանը հետմահու պարգևատրվել է «Մարտական խաչ» 1-ին աստիճանի շքանշանով և «Մարտական ծառայություն» մեդալով

4-րդ հարկից ընկած 65-ամյա տղամարդը բնակվում է քրոջ որդու հետ․ ընկնելուց հետո օգնություն է խնդրել

Սերժ Սարգսյանը հանդիպել է Հայաստանում ՌԴ արտակարգ և լիազոր դեսպան Սերգեյ Կոպիրկինի հետ

Որոնողական աշխատանքները դադարեցվել են անարդյունք, Թասիկ գյուղի բնակիչը չի հայտնաբերվել

«Մեր ու ձեր կար», «տարբեր խաղերի մեջ չուզեցի մտնել». ԵՊՀ հոգաբարձուների խորհրդի 11 անդամ հրաժարվել է անդամությունից

Վարուժան Ավետիքյանը վայր է դրել Զինծառայողների ապահովագրության հիմնադրամի տնօրենի լիազորությունները

Իսրայելի պաշտպանության նախարարը սպառնացել է «պոկել լրագրողի գլուխը»

Ֆուտզալի Հայաստանի հավաքականը մեկնել է Ֆրանսիա՝ առանց իր հիմնական դարպասապահի

2020թ.-ի կոռուպցիոն քրգործերով 26.6 տոկոսով ավելի շատ բարձրաստիճան պաշտոնատար անձինք են քրեական հետապնդման ենթարկվել

Rocket line. ստացիր հիմա, վճարիր հետո՝ նույն գումարը

Դհոլ-զուռնա և հաղթանակի դափնիներ. գյումրեցիները քաղաքի մուտքի մոտ դիմավորեցին չեմպիոններին

Նախագահը պետք է օր առաջ ստորագրի ընտրությունները համամասնական ընտրակարգով անցկացնելու մասին օրինագիծը. կուսակցություններ

Հայ-ֆրանսիական համագործակցությունը ներառելու է հայ բժիշկների կարճաժամկետ և միջնաժամկետ վերապատրաստում Ֆրանսիայում

Բնակարան Կենտրոնում, 7 մլն 752 հազար դրամ. Պաշտպանության նախարարը ներկայացրել է իր ունեցվածքի հայտարարագիրը

Ադրբեջանցիք թողեցին տրակտորը, սկսեցին ինձ վրա կրակել. բնակիչն ու Արցախի ԱԳ նախարարը՝ Սարուշենի կրակոցների մասին

Դոլար-դրամ փոխարժեքը կարգավորվում է. նախորդ շաբաթվա համեմատ 20 դրամով նվազել է

Սանկտ Պետերբուրգի այրվող արտադրամասի շենքում երկրորդ հրշեջն է մահացել

ՄԻՊ-ը հատուկ հայտարարություն է պատրաստում Ադրբեջանում արցախյան պատերազմին առնչվող ցուցադրությունների վերաբերյալ

Վաղը կմեկնարկի ԱԺ հերթական քառօրյան. հայտնի է նիստերի օրակարգը

Արտակ Դավթյանը Աբբաս Բադախշան Զոհուրիի հետ քննարկել է տարածաշրջանային խնդիրները

Ադրբեջանը պարտավոր է համագործակցել ՄԻԵԴ–ի հետ, իսկ ԵԽԽՎ–ն՝ աջակցել ՄԻԵԴ–ին. Տաթևիկ Հայրապետյան

Ռոբերտ Նազարյանի փաստաբաններին կոչ ենք անում մնալ կոռեկտության և մասնագիտական էթիկայի սահմանում. ԱԱԾ

Սարահարթ գյուղում վագոն-տնակ է այրվել

Էրդողանն իր ելույթում օգտագործել է «գյավուր» բառը՝ թիրախավորելով քրիստոնյաներին․ Կարո Փայլանի արձագանքը

Երախտապարտ ենք Կիպրոսի և կիպրահայ հասարակությանը՝ արցախահությանը մշտապես աջակցելու համար. Արցախի ԱԺ նախագահ

Վերիշենի բնակիչը պատուհանով մուտք է գործել համագյուղացու տուն և փորձել է սեռական հարաբերություն ունենալ նրա կնոջ հետ

Հայտնաբերվել է կորած հրազդանցու դին

Ֆուտբոլի կանանց Հայաստանի հավաքականը երկրորդ տեղը զբաղեցրեց Our Game մրցաշարում

Արմեն Սարգսյանը ցավակցել է Հայր Հարություն վարդապետ Պզտիկյանի մահվան կապակցությամբ

Երեւանում նստած հեշտ է կարծիքներ կազմել. Էջմիածնի քաղաքապետը՝ քաղաքի կենտրոնում ձեւավորած շենքի քննադատությունների մասին

Պաշտպանության նախարարն այցելել է կենտրոնական կլինիկական զինվորական հոսպիտալ․ գերատեսչական մեդալներ և պատվոգրեր է հանձնել

Հին տղերքը սաղ նեղված էին, որ ես կարողանում էի մտնել բունկեր, իրենք՝ չէ. Սամվել Բաբայան