Ես նյութական խոստումներ չեմ տալու․ պետք է լինել լավ պատգամավոր, ոչ թե բարեգործ․ Արմեն Վարդանյան

«Լուսավոր Հայաստան» կուսակցության ռեյտինգային ցուցակով Կոտայքի մարզում առաջադրված քաղաքագետ Արմեն Վարդանյանը երեկվանից սկսել է իր նախընտրական քարոզարշավը՝ հայրենի Չարենցավան քաղաքից, շուտով կշրջի նաեւ մարզի այլ համայնքներով ու գյուղերով։ Վերջինս ընտրել է «դռնից-դուռ» քարոզչության տարբերակը․ քաղաքացիների հետ բակային հանդիպումներ, թռուցիկներ եւ այլն։

Պատգամավորի թեկնածուն մեր զրույցում ասաց, որ մինչ «Լուսավոր Հայաստան» կուսակցությունից առաջադրվելը՝ քննարկումներ է ունեցել նաեւ այլ քաղաքական ուժերի հետ, սակայն դիտարկել է միայն լիբերալ-դեմոկրատական արժեքներ կրող կուսակցություններին, քանի որ ինքն անձամբ արեւմտյան մոդելի պետության կողմնակիցն է․

«Ես արեւմտյան, եվրոպական մոդելի պետության կողմնակիցն եմ եւ Հայաստանի ապագան տեսնում եմ եվրոպական լայն ինտեգրացիայում՝ երկարաժամկետ կտրվածքով, ինչու ոչ՝ նաեւ Եվրամիության կազմում։ Դրա համար «Լուսավոր Հայաստանի» առաջարկն եմ դիտարկել։ Մյուս ուժերի անուններ չասեմ, որովհետեւ գործնական առաջարկություն, ըստ էության, չի եղել, ուղղակի քննարկումներ են եղել»,- նշեց Վարդանյանը։

Նա ասաց, որ թեեւ զգացվում է, որ Նիկոլ Փաշինյանի կողմնակիցները շատ են մարզում, այնուամենայնիվ, իր կարծիքով, «Լուսավոր Հայաստանը» բավականին մեծ հնարավորություն ունի ոչ միայն հաղթահարելու ընտրությունների անցողիկ շեմը, այլեւ լավ ներգրավվածություն ունենալ խորհրդարանում․

«Նույնիսկ լավ աշխատանքի դեպքում կարող ենք հավակնել 10 տոկոս ձայն հավաքելուն։ Բացի այդ՝ մարդիկ, ովքեր ինձ անձամբ ճանաչում են, բավական դրական են վերաբերվում, «Լուսավոր Հայաստան կուսակցության նկատմամբ նույնպես դրական վերաբերմունք է, նաեւ Էդմոն Մարուքյանի, Մանե Թանդիլյանի հանդեպ»,-«Հայկական ժամանակ»-ի հետ զրույցում ասաց Արմեն Վարդանյանը։

Նրա կարծիքով՝ ապագա խորհրդարանի կազմում ամենայն հավանականությամբ կընդգրկվեն չորս քաղաքական ուժեր՝ «Իմ քայլը» դաշինքը, ԲՀԿ-ն, «Լուսավոր Հայաստանը» եւ նույնիսկ ՀՀԿ-ն։ Մեր հարցին՝ ինչի՞ շնորհիվ ՀՀԿ-ն շանս կունենա խորհրդարան մտնելու, արդյո՞ք մարդիկ իսկապես կընտրեն այս կուսակցությանը, Վարդանյանն ասաց, որ շատ համայնքների ղեկավարներ դեռեւս ՀՀԿ-ի ներկայացուցիչներ են, եւ նրանք այժմ էլ լավ ռեսուրսներ ունեն․

«Ինչու չէ, գուցե նախկին օլիգարխիան ոչ բացահայտ, բայց ռեւանշի կարող է հասնել՝ սատարելով Հանրապետականին։ Այնպես որ, այս փուլում ՀՀԿ-ն ունի շանսեր, եւ մանավանդ իմ մրցակիցների մեջ կան մարդիկ, ովքեր լուրջ ռեսուրսներ ունեն։ Հայտնի դեմքեր չեն, բայց ունեն կապեր, եւ, կարծում եմ, որ նախկին կարկառուն ներկայացուցիչներ բացահայտ կերպով սատարում են նրանց»,-ասաց պատգամավորի թեկնածուն՝ հավելելով, որ մարզում ֆավորիտներ են Սասուն Միքայելյանը, մարզպետ Ռոմանոս Պետրոսյանը, ԲՀԿ-ից Դավիթ Մանուկյանը՝ Գագիկ Ծառուկյանի փեսան։

Արմեն Վարդանյանն այս քարոզարշավի ընթացքում նյութական խոստումներ չի տալու քաղաքացիներին, կարծում է՝ դա պատգամավորի լիազորություններից չի բխում․

«Կարծում եմ՝ ուղղակի պետք է լինել լավ պատգամավոր, ոչ թե բարեգործ։ Ես պատրաստ եմ ցանկացած պահի լինել քաղաքացիների կողքին»։ «Հայկական ժամանակ»-ի հարցին՝ ի՞նչ ասել է լավ պատգամավոր, Վարդանյանը պատասխանեց, որ ինքն ամեն կերպ փորձելու է քաղաքացիների խնդիրները տարբեր հարթակներում բարձրաձայնել, հանդես գալ անհրաժեշտ օրենսդրական նախաձեռնություններով, բայց բարեգործությունից, խոստումներ տալուց ինքը կտրականապես հրաժարվում է։

Տպել
18417 դիտում

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները