Սվիտալսկին լսե՞լ է «հստակ գաղափարները». Փաշինյանը հանդիպել էր ԵՄ դեսպաններին

Հայաստանի եւ Եվրամիության միջեւ Համապարփակ եւ ընդլայնված գործընկերության մասին համաձայնագրի (ՀԸԳՀ) ստորագրումից հետո ԵՄ ներկայացուցիչները պարբերաբար ակնարկում էին, որ «կոնկրետ քայլեր, այլ ոչ թե խոսքեր են» ակնկալում Հայաստանից: Հետհեղափոխական շրջանում ակնարկներն ավելի հստակ դարձան: Հուլիսի 16-ին ԵՄ պատվիրակության ղեկավար, դեսպան Պյոտր Սվիտալսկին մամուլի ասուլիսի ընթացքում հայտնել էր, որ ԵՄ-ն ակնկալում է հայ գործընկերներից «հստակ գաղափարներ լսել»: «Հստակ գաղափարների» թեզը կարմիր գծով էր անցնում դեսպանի խոսքում եւ ասված էր ի պատասխան ՀՀ վարչապետ Նիկոլ Փաշինյանի այն դիտարկման, որ իր բրյուսելյան այցի ընթացքում ԵՄ առաջնորդների կողմից, բացի հաճոյախոսություններից այլ բան չի հնչել:

Սվիտալսկու հուլիսյան ասուլիսի հիմնական ասելիքն այն էր, որ Հայաստանի կողմից ԵՄ հանդեպ քաղաքականության մեջ փոփոխություն չկա՝ ինչո՞ւ պետք է փոփոխություն լինի Հայաստանի հանդեպ ԵՄ քաղաքականության մեջ: Այլ կերպ ասած՝ Սվիտալսկին ակնարկում էր ՀՀ արտաքին քաղաքական վեկտորի փոփոխման անհրաժեշտության մասին:

Հետխորհրդային տարածքում արտաքին վեկտորի կտրուկ փոփոխությամբ հեղափոխությունների լավագույն օրինակները Վրաստանի 2003 թ. «վարդերի» եւ Ուկրաինայի 2004 թ. «նարնջագույն» հեղափոխություններն են: Դրանց իրոք հաջորդել է տնտեսական աճի որոշակի շրջան ապահովել՝ նաեւ ԵՄ օգնությամբ:

Միայն 2004-ից 2006 թթ. Վրաստանի ստացած արտաքին օգնության ծավալը կազմել է շուրջ 1,1 միլիարդ ԱՄՆ դոլար: Ճիշտ է, 2008 թ. պատերազմից հետո Վրաստանը զրկվեց արտաքին կապիտալի զգալի մասից եւ, հաշվի առնելով համաշխարհային տնտեսական ճգնաժամը, հայտնվեց ծանր իրավիճակում: Համանման իրավիճակ էր նաեւ Ուկրաինայում 2004 թ. «նարնջագույն հեղափոխությունից» հետո, թեեւ մինչ հեղափոխությունն էլ Ուկրաինայի տնտեսական աճը տպավորիչ էր:

Սակայն, այստեղ ի հայտ է գալիս այն հանգամանքը, որ վերոնշյալ երկրների աշխարհաքաղաքական ուղղվածության փոփոխությունը, թեեւ քողարկված, բայց դրված էր հեղափոխությունների հիմքում: Ռուսական իրականությունում մինչ օրս տեսնում են այդ հեղափոխությունների «արեւմտյան հետքը»:

Միգուցե հենց այդ իրականությունը հաշվի առնելով՝ հուլիսյան ասուլիսի ընթացքում, խոսելով Հայաստան-ԵՄ հետագա հարաբերությունների մասին, Սվիտալսկին շեշտել էր, որ հարաբերությունների հիմքը Համապարփակ եւ ընդլայնված գործընկերության մասին համաձայնագիրն է՝ այդպիսով բավական լայն տարածք թողնելով հետագա խուսավարումների համար:

Նոյեմբերի 13-ին ՀՀ վարչապետի պաշտոնակատար Նիկոլ Փաշինյանն ընդունել էր Հայաստանում հավատարմագրված ԵՄ անդամ պետությունների դեսպաններին՝ Սվիտալսկու գլխավորությամբ: Հանդիպման ընթացքում կողմերն անդրադարձել են նաեւ Հայաստան-ԵՄ համաձայնագրին: Փաշինյանն ընդգծել է ՀԸԳՀ կարեւորությունը, որն «ապահովում է արդյունավետ մեխանիզմներ` զարգացնելու երկկողմ գործընկերությունը եւ ներքին բարեփոխումները մեր երկրում»: Սվիտալսկին իր հերթին համոզմունք է հայտնել, որ համաձայնագրի շրջանակում կոնկրետ ուղղություններով ծրագրերի իրականացումը կնպաստի Հայաստանում համապարփակ եւ ինստիտուցիոնալ բարեփոխումների կյանքի կոչմանը:

Ինչ վերաբերվում է համաձայնագրին, ապա դրա իրականացման ճանապարհային քարտեզը միջգերատեսչական հանձնաժողովի կողմից մշակվել էր դեռեւս ս.թ. հունիսին եւ, Փաշինյանի խոսքով՝ արդեն իսկ փոխանցվել է ԵՄ-ի քննարկմանը: Այս համատեքստում հետաքրքրական է վարչապետի պաշտոնակատարի անդրադարձը ԵՄ-ի կողմից աջակցությանը: Նա, մասնավորապես, նշել է, որ հայ հասարակությունը ավելի մեծ աջակցություն է ակնկալում ԵՄ-ից:

«Պատահական չէ, որ այսօր, երբ մենք արդեն նշանակալի առաջընթաց ենք գրանցել ժողովրդավարության ամրապնդման գործում, մեր հասարակությունը եվրոպական գործընկերներից ակնկալում է ավելի մեծ աջակցություն»,- ասել է Փաշինյանը:

Սակայն, դրանից զատ Փաշինյանը կարեւորել է առեւտրաշրջանառության եւ ներդրումների ուղղությամբ համագործակցության ընդլայնումը: Այսինքն, խոսքը փոխշահավետ տնտեսական համագործակցության, ոչ թե օգնության մասին է:

«Հստակ գաղափարների» տեսանկյունից կարեւոր է նաեւ այն, որ հանդիպման ընթացքում կողմերն անդրադարձել են առաջիկա խորհրդարանական արտահերթ ընտրություններին: Խոսելով դրանց մասին՝ Փաշինյանն ընդգծել է, որ դրանք կարեւոր նշանակություն կունենան երկրում ժողովրդավարության ամրապնդման համար: Սվիտալսկին իր հերթին համոզմունք է հայտնել, որ խորհրդարանական արտահերթ ընտրությունները կանցնեն ազատ, արդար, թափանցիկ: 

«Մենք սպասում ենք Հայաստանի Հանրապետության պատմության մեջ լավագույն ընտրություններին», - ընդգծել է նա: 

Այսպիսով, կարծես, ՀԸԳՀ ճանապարհային քարտեզը բավարարել է Սվիտալսկուն «հստակ գաղափարների» առումով, իսկ առաջիկա ընտրությունները դրա կիրառելիության եւ արդյունավետության առաջին ցուցիչն են լինելու: Ինչ վերաբերվում է տնտեսական համագործակցության սերտացմանը՝ դա ցույց կտա ժամանակը: Ամեն դեպքում՝ արտաքին վեկտոր փոխելու ակնարկներ այլեւս չեն արվում:

Տպել
1846 դիտում

Արմեն Սարգսյանը Մոսկվայում հարգանքի տուրք է մատուցել լեգենդար հետախույզներ Գևորգ և Գոհար Վարդանյանների հիշատակին

Մայիսյան եռատոնը պետք է մնա եռատոն, թեկուզև ժամանակավորապես խեղված խորհրդով. Արտակ Բեգլարյան

Խաշոկջիի սպանությունից ի վեր Թուրքիայից առաջին անգամ պաշտոնյա կմեկնի Սաուդյան Արաբիա

3800-4200 մարդ է մասնակցում Քոչարյանի «հեռահավաքին» 16:25-ի դրությամբ. Civic

Այս գիշեր ցուրտ ցիկլոն է ներթափանցելու Հայաստան. սպասվում է ինտենսիվ անձրև, կարկուտ, ձյուն, ուժգին քամի

Երևանում երթուղայինի հրդեհումից այրվել է նաև մոտակա կանգառի գովազդային վահանակը (լուսանկարներ)

Նիկոլ Փաշինյանը պետական պարգևներ է հանձնել մի շարք զինծառայողների (լուսանկարներ, տեսանյութ)

Հարգանքով ենք հիշում մեր ընդհանուր հերոսներին. ՀՀ նախագաhին շնորհավորել է Տաջիկստանի նախագահը

Մաղթանքս մեկն է՝ խաղաղ երկինք. Գյումրիում անցկացվեց ՀՀ և ՌԴ զինված ուժերի զինծառայողների համատեղ շքերթ (լուսանկրաներ)

Նիկոլ Փաշինյանը չնախատեսված կանգառներ է ունեցել Վարդենիս եւ Ծովակ համայնքներում

Քոչարյանն ու դաշինքը մարդկանց հավաքել են Ազատության հրապարակում, իրենք ելույթ են ունենում «Գրանդ հոթել Երևան»-ից. Civic

Իսպանիայում ՀՀ դեսպանը Մադրիդում ներկա է գտնվել Մեծ հայրենականի տարելիցի միջոցառումներին

Հայրենական պատերազմում հաղթանակի տարեդարձի առթիվ Ա. Սարգսյանին շնորհավորական ուղերձներ են հղել Ղազախստանի նախագահները

Հաղթանակի ու խաղաղության տոնին Սուրբ պատարագ է մատուցվել Գայանե վանքում

Հրդեհ Գյումրի քաղաքում. այրվել է տան տանիք

Նիկոլ Փաշինյանը ԶՈւ ԳՇ պետ Արտակ Դավթյանի ուղեկցությամբ այցելել է Գեղարքունիքի մարզի N զորամաս

Երևանում թիվ 31 երթուղին սպասարկող ГАЗель-ում հրդեհ է բռնկվել. վարորդը էվակուացրել է ուղևորներին

Արմավիրում 28-ամյա վարորդը ոչ սթափ վիճակում Toyota Camry-ով մխրճվել է հոտի մեջ. 31 գառ տեղում սատկել է, 7-ը՝ վիրավորվել

Երևանում կանխվել է ինքնասպանության փորձը Հաղթանակի կամրջից

Արայիկ Հարությունյանն ու Գագիկ Ծառուկյանը քննարկել են Արցախում սոցիալ-տնտեսական և հումանիտար ծրագրերի իրականացումը

Կյանքից հեռացել է Հասմիկ Կիրակոսյանը

Արցախի նախագահը Մայիսյան եռատոնի առթիվ այցելել է Ստեփանակերտի հուշահամալիր

Վլադիմիր Պուտինը Հայրենական մեծ պատերազմում հաղթանակի 76-ամյակի առթիվ ուղերձ է հղել Արմեն Սարգսյանին

Համոզված եմ, որ մենք կվերակենդանանանք և, անկասկած, կկերտենք մեր հաղթական ապագան. Արթուր Թովմասյան

Արցախում Մայիսի 9-ի միջոցառումները մեկնարկել են խաչերթով

Արմեն Սարգսյանի անունից ծաղկեպսակ է դրվել Անհայտ զինվորի հուշակոթողի մոտ

Հաղթանակի և խաղաղության տոնի առթիվ Նիկոլ Փաշինյանն այցելել է «Հաղթանակ» զբոսայգի (լուսանկարներ)

Նիկոլ Փաշինյանը Մայիսի 9-ի առթիվ շնորհավորական ուղերձներ է հղել Վլադիմիր Պուտինին և Միխայիլ Միշուստինին

Նիկոլ Փաշինյանը Եռաբլուրում հարգանքի տուրք է մատուցել հանուն Հայրենիքի կյանքը զոհաբերածների հիշատակին (լուսանկարներ)

Մենք պարտք ունենք մեր նահատակների ու նոր սերնդի առջև. Ամենայն հայոց կաթողիկոս

Շորժա գյուղում բնակելի տունէ հրդեհվել

Հաստատվել է կորոնավիրուսային հիվանդության 178 նոր դեպք. առողջացածների թիվը գրեթե եռակի է

Դավաճանած կլինենք նրանց հիշատակը, եթե չկառուցենք ամուր պետություն, որը կապահովի Արցախի վերածնունդը. Նիկոլ Փաշինյան

Նոր հաղթանակներ գրանցելու համար պետք է հիշել և արժևորել պատմական հաղթանակները. Արցախի ԱԳՆ

Նիկոլ Փաշինյանն այցելել է Եռաբլուր

Մենք պարտավոր ենք հաղթել. ՀՀ նախագահի ուղերձը Հաղթանակի և խաղաղության տոնի առթիվ

Շուշին այսօր էլ պիտի լինի հայկական վերածննդի կարևորագույն խորհրդանիշներից մեկը. Արարատ Միրզոյան

Ֆիորին France 3-ի եթերում չկարողացավ զսպել հուզմունքը Ազնավուրի «Քեզ համար Հայաստան» երգի կատարման ժամանակ (տեսանյութ)

Աննա Հակոբյանն այցելել է անմահացած ժամկետային զինծառայող Վահան Աղախանյանի ընտանիքին

Ցավում եմ, որ այս բարձրագույն կոչումը հանձնում եմ ոչ թե անձամբ Կոմանդոսին, այլ Ձեզ, և հանձնում ենք հետմահու. Փաշինյան