ԱԺ-ում ավարտվեցին բյուջեի քննարկումները. չորս օրից նախագիծը կդրվի քվեարկության. բազային կենսաթոշակն ավելանալու է

Ազգային ժողովում ավարտվեցին 2019 թվականի պետական բյուջեի քննարկումները: ԱԺ փոխնախագահ Արփինե Հովհաննիսյանը հայտարարեց, որ չորս օր անց նախագիծը դրվելու է քվեարկության: Մինչ այդ պատգամավորները կարող են ներկայացնել իրենց առաջարկությունները:

ՀՅԴ խմբակցության ղեկավար Արմեն Ռուստամյանը ՀՀ 2019 թվականի պետական բյուջեն ոչ թե իներցիոն, այլ փոխանցիկ բյուջե որակեց։ «Մենք, բնականաբար, կողմ ենք քվեարկելու՝ ելնելով այն հանգամանքից, որ վերջին շնչում պետք չէ խնդիրներ ստեղծել։ Հուսով ենք՝ նոր կառավարությունը բյուջեի հիմնական շեշտադրումները կիրականացնի, իսկ նոր խորհրդարանը կվերահսկի։ Մենք այս բյուջեին կողմ ենք քվեարկելու նաեւ նրա համար, որ բազային կենսաթոշակը 10․000 դրամով ավելանալու է։ Եթե մենք ասում ենք, որ երկրում աղքատներ չպետք է լինեն, գոնե պետք է ունենաք աղքատի բանաձեւում։ Մինչեւ հիմա որեւէ մեկը համարձակություն չունեցավ ասել, որ կենսապահովման նվազագույն չափի եկամուտ չունեցողներն աղքատ են, այսինքն՝ 70-80 տոկոսը մեր բնակչության աղքատ է»,- ասաց նա՝ հավելելով, որ փոխանցիկ բյուջեին չեն խոչընդոտի եւ կողմ կքվեարկեն:

«Ծառուկյան» դաշինքի անունից խոսեց խմբակցության պատգամավոր, ԱԺ փոխնախագահ Միքայել Մելքումյանը։ Նա նկատեց, որ խնդիրներ ու առաջընթացներ կան, եւ շեշտեց, որ իրենք կաջակցեն կառավարությանը։ «Չենք կարող չաջակցել այս կառավարությանը, որ ապագայում գործունեություն ծավալի։ «Ծառուկյան» դաշինքը միանշանակ կողմ է քվեարկելու բյուջեի նախագծին»,- հայտարարեց Մելքումյանը։

ՀՀԿ խմբակցության ղեկավար Վահրամ Բաղդասարյանն էլ գտնում է, որ այսօր խորհրդարանը քննարկեց տնտեսական քաղաքականութան համար մեկ փաստաթուղթը՝ 2019 թ․-ի բյուջեի նախագիծը։ Նա նշեց, որ համակարծիք չէ «իներցիոն» բյուջե որակմանը, քանի որ սա պետք է լիներ հեղափոխական բյուջե։

«Այս բյուջեի մեջ չեմ տեսնում այն խոստումների արտացոլումը, որի միջոցով եկել եք իշխանության, ոչ միայն արտացոլումը չեմ տեսնում, այլեւ նշույլները չեմ տեսնում՝ ապագայում դրանց իրականացման համար։ Այդ դեպքում ի՞նչն եք փոխել, ինչո՞վ են տարբերվում ձեր իսկ ներկայացրած բյուջեն ու վարած քաղաքականությունը նախորդ իշխանությունից։ Դուք ընդամենը շարունակությունն եք, եւ սա ոչ թե մեկ քայլ առաջ, այլ հետ է»,- ընդգծեց Բաղդասարյանը։

Միեւնույն ժամանակ նա հայտարարեց, որ կողմ են քվեարկելու բյուջեի նախագծին կառավարության աշխատանքը չխանգարելու համար։ ԱԺ ԵԼՔ խմբակցության անունից որեւէ ելույթ չեղավ։

Տպել
4287 դիտում

Վարազդատ Կարապետյանը նշանակվել է Չինաստանում Հայաստանի առևտրական կցորդ

ՀՀ Կառավարությունը գրեթե երկամսյա ընդմիջումից հետո հերթական նիստը կգումարի

Skilling Chess. Արոնյանը դուրս եկավ քառորդ եզրափակիչ

Չկա՞, ոչինչ․ ԱՆ մասնագետը հորդորում է չտագնապել կորոնավիրուսով վարակվածներին նշանակված վիտամինները դեղատներում չգտնելով

Սարգիսը բարձունք էր սիրում ու իր վերջին կռիվը հենց բարձունքին էր տվել (լուսանկար)

Օնիկ Գասպարյանի հրաժարականի մասին տեղեկատվությունը չի համապատասխանում իրականությանը

Կտրել են մեկի գլուխը, մյուսի՝ ականջը, ստորացրել, ծաղրել, ծեծել. դատախազությունը՝ Ադրբեջանի վայրագությունների մասին

Պրոֆեսոր Վլադիմիր Դավիդյանցը հետմահու պարգևատրվել է «Հայրենիքին մատուցած ծառայությունների համար» 1-ին աստիճանի մեդալով

Արցախում հաշվառված եւ խրոնիկ հիվանդություններ ունեցող 328 հիվանդ դեղորայք է ստացել

Վարազդատ Կարապետյանը պատգամավորական մանդատից հրաժարվելու դիմում է ներկայացրել

Դատախազությունն ունի բավարար ապացույցներ Ադրբեջանում հայ ռազմագերիների ու քաղաքացիների սպանության, խոշտանգման մասին

Դրամաշնորհ աուտիզմ ունեցող երեխաներին մանկավարժահոգեբանական աջակցություն տրամադրողներին

Վարչապետը շարունակում է հանդիպումները գործարար դաշտի ներկայացուցիչների հետ

Չեխիայի կողմից Հայաստանին է նվիրաբերվել 100.000 բժշկական դիմակ և 43.000 ձեռնոց

ՀՀ գիտությունների ազգային ակադեմիայի նախագահությունը պահանջում է ՀՀ Կառավարության հրաժարականը

Համածառայակիցների հետ Հադրութի դպրոցում էր, վերջին անգամ հոկտեմբերի 8-ին ենք խոսել. 18-ամյա Էրիկը գերեվարվել է

Արցախի ԱԳՆ ղեկավարն ընդունել է ԿԽՄԿ պատվիրակությանը

Միացյալ Թագավորությունից Հայաստան է ժամանել հինգ բուժաշխատող՝ վերահսկելու COVID-19-ով բուժումը

Հակառակորդի հրետակոծության տակ վիրահատություններ են կատարել և բազմաթիվ կյանքեր փրկել մայորն ու 2 լեյտենանտը. ՊԲ

Կորոնավիրուսի ցուցանիշն առավել բարձր է եղել Երևան քաղաքում և Կոտայքի մարզում