ՀՀԿ-ի գլխաքանակային առավելության հետեւանքը. ու՞մ հույսն էր 2 տոկոսանոց անցողիկ շեմը

Կառավարության կամ պատգամավորների կողմից նոր արտահերթ նիստ չի հրավիրվի եւ Ընտրական օրենսգրքի հարցը չի քննարկվի: «Հայկական Ժամանակ»-ի հետ զրույցում ասաց ՀՀ ԱԺ «Ծառուկյան» խմբակցության պատգամավոր Նաիրա Զոհրաբյանը։ «Ժամանակի նպատակահարմարության առումով, կարծում եմ, որ երրորդ անգամ ԸՕ փոփոխության հարցը չի բերվի խորհրդարան»:

Այսինքն՝ դեկտեմբերին ընտրությունների կգնանք գործող ընտրական օրենսգրքով: Նաիրա Զոհրաբյանը տարօրինակ համարեց «Հանրապետական» գործընկերների պահվածքը: Նշեց՝ եթե սաբոտաժ չանեին եւ նոր ԸՕ-ն ընդունվեր, ապա իրենց շահերից էր բխում: «Ընտրական շեմն իջեցվում էր, 4-րդ ուժի համար նախատեսվում էր երկու տոկոսանոց շեմ եւ հաշվի առնելով ՀՀԿ-ի վարկանիշային մեծ վակուումը հասկանալի է, որ այդ երկու տոկոսը իրենց համար կարող էր լինել փրկօղակ»:

Նաիրա Զոհրաբյանն ընդգծեց, որ նախկինում ՀՀԿ-ն ուժի պարտադրանքով օլիգարխներին առաջադրել է, որոնք ձայն են գնել եւ գործել է՝ ռեյտինգը հավասար է փող բաժանելուն սկզբունքը: Հիմա Զոհրաբյանի խոսքով՝ հասկանալի է, որ այդ անձինք չեն առաջադրվելու ՀՀԿ-ի համար եւ ընդհանրապես չեն լինելու ՀՀԿ-ի թեկնածու: «Ինչու ՀՀԿ-ն գնաց տոտալ ինքնասպանության ու ոչ միայն ՀՀԿ-ն, այլեւ այլ քաղաքական ուժ եւս, որը չունի ռեյտինգային թեկնածուներ (ՀՅԴ) եւ կտրականապես դեմ է ռեյտինգային ընտրակարգին, բայց չկարողացան ապահովել այդ մեկ պատգամավորին, որպեսզի այդ փոփոխություններն անցնեն»:

Նաիրա Զոհրաբյանը կարծում է, որ ԲՀԿ-ն այն եզակի կուսակցություններից է, որ ունի բրենդային թեկնածուներ, որոնք վայելում են հասարակության համակրանքը: «Այս ԸՕ-ն, ամեն դեպքում, շահեկան է նաեւ մեզ համար: Դեկտեմբերյան ընտրություններին լինելու է՝ ռեյտինգը հավասար է հանրային ճանաչում սկզբունքը: Մեզ համար սա էլ լինի՝ նորմալ է, նա էլ լիներ՝ նորմալ էր»: «Ծառուկյան» դաշինքի պատգամավորն ընդգծում է, որ ՀՀԿ-ն վերջին անգամ օգտվեց իր գլխաքանակային առավելությունից: «Սա ՀՀԿ-ի ուժի վերջին ցուցադրումն էր եւ ֆիլմն ավարտվեց: ՀՀԿ-ն այլեւս չի ունենալու սեփական գլխաքանակային առավելությունը ցուցադրելու ուժի հնարավորություն»:

ՀՀԿ-ից իրենց ճակատագրով մտահոգված Նաիրա Զոհրաբյանին եւ իշխանության թեւի պատգամավորներին խորհուրդ են տալիս չանհանգստանալ: ՀՀԿ-ական Արմեն Աշոտյանը եւս նշեց, որ նոր քաղաքական իրավիճակում ռեյտինգային ընտրակարգն էլ իրենց ձեռնտու չէ, բայց ՀՀԿ-ում կարծում են, որ խորհրդարանը կառավարության պատանդը չէ եւ չպետք է կողմ քվեարկի ցանկացած նախագծի:

ՀՀԿ-ում հույս ունեն, որ կուսակցության աջակցությամբ գյուղապետի պաշտոն զբաղեցնող անձինք պետք է օգտագործեն իրենց ռեյտինգն ու հարեւան-բարեկամին խնդրեն, որ ՀՀԿ-ի օգտին քվե տան: Հանրապետականներն այս վարկածը չեն մեկնաբանում, ցանկացած հարցի պատասխանում են՝ գտնվում է քննարկման փուլում:

Այս պահին շահեկան դիրքում գտնվում է միայն իշխող քաղաքական ուժը: «Քաղաքացիական պայմանագիր» կուսակցությունը վայելում է հասարակության մեծ մասի անվերապահ աջակցությունը, սակայն խնդրի առջեւ են կանգնած մյուս կուսակցությունները, որոնց համար անցողիկ նվազագույն շեմը 2 տոկոս սահմանելը կլիներ փրկություն: Խոսքը ոչ միայն խորհրդարանական ՀՀԿ, ԲՀԿ, ՀՅԴ ուժերի մասին է, այլ նաեւ արտախորհրդարանական Ժառանգության, ՀԱԿ-ի եւ մյուսների:

Ընտրական օրենսգրքի նախագծի տապալումից հետո ՀԱԿ-ում երկմտանքի առջեւ են՝ մասնակցե՞ն դեկտեմբերին կայանալիք ընտրություններին, թե՞ ոչ: Ի դեպ, այս քաղաքական ուժը նախապես հայտարարություն էր տարածել, որում ասվում էր, թե ԸՕ-ի փոփոխության դեպքում մասնակցելու են ընտրություններին: «Քննարկումները շարունակվում են, բայց ակնհայտ է, որ մեր ծրագիրը՝ ազատական տնտեսության ներկայացումը որպես Հայաստանի զարգացման մոդել այլեւս լուրջ խաղաքարտ չի լինելու առաջիկա մրցակցության համար»,- ասաց ՀԱԿ փոխնախագահ Արամ Մանուկյանը:

«Սասնա Ծռեր» կուսակցությունում վճռական են տրամադրված՝ անկախ ԸՕ-ի փոփոխությունների տապալումից, մասնակցելու են խորհրդարանական արտահերթ ընտրություններին: Արեգ Կյուրեղյանը չի կարծում, որ գործող Ընտրական օրենսգրքի պատճառով կարող է իրենց շանսերը կրճատվեն: Ժառանգությունում եւս անկախ ընտրակարգից մասնակցելու են ընտրություններին: Սակայն դեռ որոշված չէ, թե ցուցակն ով է գլխավորելու, ինչպես նաեւ՝ դաշինքով են մասնակցելու, թե՝ միայնակ:

Ի դեպ, Եվրամիության պատվիրակության ղեկավար Պյոտր Սվիտալսկին Ընտրական նոր օրենսգրքի չընդունումն՝ ԱԺ-ի կողմից, ցավալի է որակել: «Ցավալի է, քանի որ փոփոխությունների այդ փաթեթը դրական գնահատական էր ստացել նաեւ Վենետիկի հանձնաժողովի նախագահ Ջանի Բուքիքյոյի կողմից։ Որոշ փոփոխություններ ներկայացնում էին նաեւ այն փոփոխությունները, որոնք առաջարկվել էին Եվրախորհրդի կողմից։ Այնպես որ, մենք կարծում ենք՝ Հայաստանը կորցրեց Ընտրական օրենսգիրքը բարեփոխելու հնարավորությունը»,- հայտարարել է ԵՄ դեսպանը:

Տպել
3211 դիտում

Որոշ երկրներում սահմանափակումները հանում են, որոշներում՝ կրկին խստացնում. կորոնավիրուսային իրավիճակն աշխարհում

Գործնական պարապմունք է անցկացվել մարտական հենակետերում

Ոստիկանությունը Երևանում պոռնկությամբ զբաղվելու մեջ կասկածվող շուրջ 30 անձի է հայտնաբերել (տեսանյութ)

Շիրակի մարզպետ Տիգրան Պետրոսյանն ու կինը 2019-ին 19 մլն 500 հազար դրամով նոր բնակարան են գնել. հայտարարագիր

Կհիմնանորոգվի Մեծամորի բազմաբնակարան շենքերից մեկի տանիքը և կասֆալտապատվեն մի շարք փողոցներ

Ստեփանակերտի խաղահրապարակներում ոստիկանները երեխաներին ալկոգել, դիմակներ, ձեռնոցներ ու տեղեկատվական թերթիկներ են բաժանել

Դոնալդ Թրամփը Կոնգրեսին ծանուցել է ԱՀԿ-ից պաշտոնապես դուրս գալու մասին

Ներքին Գետաշեն համայնքում կասֆալտապատվի 12 փողոց, կկառուցվի ոռոգման համակարգ եւ լուսավորության ցանց

«Այդ իրավիճակում Ադրբեջանը պարտություն է կրում». պատգամավորը՝ Ալիեւի նյարդայնանալու պատճառների եւ վախերի մասին

28-ամյա աղջիկը թոշակառու հարևանուհուց գողացած բանկային քարտով 300.000 դրամ է կանխիկացրել (տեսանյութ)

Լուսակունք համայնքում նախակրթարան է կառուցվում

Երևանում բախվել են մոտոցիկլետն ու «Mercedes-Benz»-ը. մոտոցիկլետի 17-ամյա վարորդը հոսպիտալացվել է

Հունիս ամսին Արարատի մարզում ծնվել է 103 երեխա

Կորոնավիրուսով է վարակվել Բրազիլիայի նախագահ Ժաիր Բոլսոնարուն. РИА Новости

Սուբվենցիոն ծրագրով Մելիքգյուղ համայնքում խմելաջրի ցանց կկառուցվի

ՀՀ տարածքում ավտոճանապարհներն անցանելի են, Լարսը բաց է միայն բեռնատարների համար

Բերման է ենթարկվել Մասրիկի 39-ամյա բնակիչը. նրա անձնական խուզարկությամբ թմրամիջոց է հայտնաբերվել (տեսանյութ)

Գեղարքունիքում 24 ժամով կասեցվել է մի շարք բենզալցակայանների, գազալցակայանների ու շինանյութի խանութների գործունեությունը

Մարտունիում 65 մահճակալ հզորությամբ բժշկական կենտրոն է կառուցվում

Կապանում այրվում է մոտ 30 հա խոտածածկ տարածք