Նախագահական ընտրություններ Վրաստանում. երկրորդ փուլին ընդառաջ

Հոկտեմբերի 28-ին Վրաստանում տեղի ունեցավ նախագահական ընտրությունների առաջին փուլը: Թեկնածուներից ոչ մեկին չհաջողվեց հավաքել ընտրողների ձայների կեսից ավելին: Վրաստանի նախագահական ընտրությունների երկրորդ փուլը կկայանա մինչեւ դեկտեմբերի 2-ը: Այս ընտրությունները վերջինն են, որոնց ընթացքում նախագահն ընտրվում է ժողովրդի կողմից: 2023 թ. ընտրություններից սկսած նախագահին ընտրելու է 300 հոգուց կազմված ընտրիչների հանձնաժողովը:

Նոր նախագահի պաշտոնը ստանձնելու պահից ուժի մեջ են մտնելու սահմանադրական փոփոխությունները, որոնցով Վրաստանը անցնելու է խորհրդարանական կառավարման մոդելի: Այդ փոփոխություններով նախագահի լիազորությունները զգալիորեն կրճատվում են:

Սակայն անգամ այդ պայմաններում Վրաստանի նախագահ դառնալու հայտ էին ներկայացրել 25 թեկնածու, եւս 24-ին ԿԸՀ-ն տարբեր պատճառներով հրաժարվել էր գրանցել: Այդուհանդերձ, իրական պայքարը ծավալվում էր 3 թեկնածուների միջեւ: Իշխող «Վրացական երազանք» կուսակցությունը սատարում էր անկախ թեկնածու Սալոմե Զուրաբիշվիլիին: Նրա հիմնական մրցակիցներն էին միասնական ընդդիմության «Ուժը միասնության մեջ է» դաշինքի թեկնածու Գրիգոլ Վաշաձեն եւ «Եվրոպական Վրաստան» կուսակցության նախագահ Դավիթ Բաքրաձեն: Ընդ որում, երեքն էլ Միխեիլ Սահակաշվիլիի նախագահության օրոք նախարարի պաշտոններ են զբաղեցրել:

Վրաստանի Կենտրոնական ընտրական հանձնաժողովի հրապարակած տվյալների համաձայն՝ Զուրաբիշվիլին ստացել է ընտրողների ձայների 38,66%-ը: Վաշաձեի օգտին քվեարկել է ընտրողների 37,7%-ը, իսկ Բաքրաձեն ստացել է ձայների գրեթե 11%-ը: Էքզիթ-փոլերի հրապարակումից հետո Բաքրաձեն ընդունել է պարտությունը, իսկ կուսակցության գլխավոր քարտուղար Գիգի Ուգուլավան հայտարարել է, որ կուսակցությունը պատրաստ է օգնել Վաշաձեին՝ հաղթելու երկրորդ փուլում:

Էքզիթ-փոլերի արդյունքները եւս հուշում էին երկրորդ փուլի անհրաժեշտության մասին: Բացառություն էր, թերեւս, միայն «Վրացական երազանք» կուսակցության պատվիրած «Psychoproject» ընկերության հետազոտությունը, որի արդյունքներով՝ Զուրաբիշվիլին պետք է ստանար ձայների մոտ 52%-ը:

Հատուկ ուշադրության է արժանի նախընտրական քարոզարշավը: Դրա ընթացքում գրանցվել են խախտումներ եւ «սեւ փիառի» դեպքեր: Զուրաբիշվիլին քարոզարշավը կառուցել էր նախկին նախագահ Սահակաշվիլիի սուր քննադատության վրա, սակայն, երբեմն, դա բացասական ազդեցություն էր ունենում: «Վրաստանի երիտասարդ իրավաբանների ասոցիացիայի» կողմից գրանցվել են նաեւ ադմինիստրատիվ ռեսուրսի օգտագործման դեպքեր, երբ քաղաքապետարանների աշխատակիցներին փորձ էր արվում ներքաշել քարոզարշավի ընթացքին՝ հօգուտ իշխող կուսակցության թեկնածուի:

Ընդդիմադիր գործիչներն ավելի արհեստավարժ մոտեցում էին ցուցաբերել: Քարոզարշավի ընթացքում հրապարակվեցին փաստեր, որոնց համաձայն Վրաստանում գործող տեղական եւ արտասահմանյան գործարարներ «վճարումներ» էին կատարում իշխանական կուսակցությանը: «Վրացական երազանքը» չկարողացավ հիմնավոր կերպով հերքել այդ տեղեկատվությանը:

Քարոզարշավի ընթացքում ընդդիմադիր գործիչներն անուղղակիորեն թիրախավորում էին մարիխուանայի ապաքրեականացման հարցը: Հասարակության առավել պահպանողական հատվածի ձայները ստանալու տեսանկյունից դա դրական ազդեցություն ունեցավ: Նույն թեմայով գրանցվել են հոգեւորականության կողմից իրականացված հակաիշխանական քարոզի դեպքեր: Սոցցանցերով տարածվում էին Ֆրանսիայում երկար տարիներ բնակված Զուրաբիշվիլիի՝ վրացերենով արված սխալները: Դա եւս «Սեւ փիառի» օրինակ է:

Սակայն, ընդդիմությունը եւս «սուրբ» չէ: Նախ, գրանցված 25 թեկնածուներից չորսը ներկայացնում էին նույն ուժը, ինչ երկրորդ տեղը զբաղեցրած Վաշաձեն: Նրանք առանձնապես չէին էլ թաքցնում, որ առաջադրվել են, որպեսզի «Ուժը միասնության մեջ է» դաշինքն ունենա ավելի շատ եթերաժամանակ եւ պետական ֆինանսավորում: Բացի դրանից «Վրաստանի երիտասարդ իրավաբանների ասոցիացիան» ֆիքսել է ընտրակաշառքի բաժանման դեպք:

Այդուհանդերձ, չնայած նրան, որ Զուրաբիշվիլին հաղթել է առաջին փուլի արդյունքներով՝ երկրորդ փուլի ֆավորիտ է համարվում ընդդիմադիր Գրիգոլ Վաշաձեն: Վրաստանի հասարակությունում առկա հոգնածությունը իշխող «Վրացական երազանքից», ինչպես նաեւ Բաքրաձեի սպասվելիք աջակցությունը ընդդիմադիր թեկնածուին եւս խոսում են Վաշաձեի առաջիկա հաղթանակի մասին: Այդ պարագայում, սակայն, նա միեւնույն է ստիպված է լինելու սեփական գիծն առաջ տանելու համար պայքարի մեջ մտնել խորհրդարանական ներկայիս մեծամասնության՝ «Վրացական երազանքի» հետ:

Ինչ վերաբերվում է երկրի արտաքին քաղաքականությանը՝ երկրորդ փուլ անցած երկու թեկնածուներն էլ ԵՄ-ի եւ ՆԱՏՕ-ի կողմնակիցներ են, ուստի աշխարհաքաղաքական վեկտորի փոփոխության միտում չի կարող լինել: Ընդդիմադիր թեկնածուի հաղթանակի դեպքում հետագա երկու տարիները՝ մինչեւ խորհրդարանական նոր ընտրություններ, խոստանում են բուռն ներքին քաղաքականություն՝ հաշվի առնելով նաեւ այն, որ Վաշաձեն խոստացել է նախագահ դառնալուց հետո վերադարձնել Միխեիլ Սահակաշվիլիի վրացական քաղաքացիությունը:

Տպել
7473 դիտում

Ռուսաստանը մտադիր է դուրս գալ ԵԱՀԿ ԽՎ-ից

ՆԱՏՕ-ն մարտավարական զորավարժություններ է անցկացնում Բալթիկ ծովի ափին

Բախվել են մարդատարն ու մոտոցիկլը. վերջինը կողաշրջվել է, մոտոցիկլավարը ծայրահեղ ծանր վիճակում տեղափոխվել է հիվանդանոց

Սաֆարյանը ներկայացրել է Ադրբեջանի ագրեսիայի, ՀՀ ինքնիշխան տարածքի օկուպացման հետևանքով տարածաշրջանում ստեղծված իրավիճակը

Եվրո-2024. Գերմանիան հաղթել է Հունգարիայի հավաքականին

Երևանը կունենա նոր գլխավոր հատակագիծ (տեսանյութ)

Չինաստանի հետ հարաբերությունները Հայաստանի արտաքին քաղաքականության կարևոր առաջնահերթություններից մեկն է. Արշակյան

Որ անընդհատ գրում ենք 10 մլն հայ, թիվը ոչ ավելանում է, ոչ պակասում, մի տեղ կա՞ էդ հայերի ցուցակը. վարչապետ (տեսանյութ)

«Հոնդա»-ն բախվել է քարե շինությանը, կա վիրավոր. վթարի պատճառներից մեկը ստեղծված վթարային իրավիճակն է եղել

Պատվիրատուներն անհանգստացած են շարժման արդյունքներից, մտածում են նոր դեմքեր ներգրավելու մասին. Ռոբերտ Ղևոնդյան

ԵՄ-Ադրբեջան անվտանգության երկխոսության նիստում քննարկվել է Հայ-ադրբեջանական հարաբերությունների կարգավորման գործընթացը

ԲՏԱ նախարարը Ֆրանսիայում մասնակցել է Սեբաստիան Լըկորնյուի կողմից պաշտոնական ընդունելությանը

Արարատ Միրզոյանը կմեկնի Վիլնյուս. օրակարգը հայտնի է

ԱՄՆ պետքարտուղարության ներկայացուցչի հետ Գնել Սանոսյանը քննարկել է երկու երկրների միջև ուղիղ չվերթեր սկսելու հարցը

2023-ի այս օրը կարող էր փրկվել արցախահայությունը, Ադրբեջանը համաձայն էր սեղանի շուրջ նստել, Արցախը հրաժարվեց. Իոաննիսյան

ՀՀ-ի և Կիպրոսի անհետ կորած անձանց հարցերով զբաղվող գերատեսչություններին առաջարկվել է համատեղ միջոցառմամբ հանդես գալ

Արարատ Միրզոյանը չի մասնակցի ՀԱՊԿ անդամ երկրների արտաքին գործերի նախարարների խորհրդի առաջիկա նիստին

Հայաստանն Իրանում առևտրական կցորդ ունի. վարչապետը որոշում է ստորագրել

ԱԳՆ-ում Լատվիայի պատվիրակությանը ներկայացվել են ՀՀ-ԵՄ զարգացող գործընկերության օրակարգն ու «Խաղաղության խաչմերուկ»-ը

Քաղաքաշինության կոմիտեն և խորվաթական ընկերությունը հուշագիր են ստորագրել. ինչ է նախատեսվում

Երիտասարդը շինանյութի խանութում և բենզալցակայաններում կեղծ 20-հազարանոցներ է իրացրել

Ամրակայվում է 19-րդ դարի Շիկահողի պատմական կամուրջը (լուսանկարներ)

Շրջակա միջավայրի նախարարը կմեկնի արձակուրդ

Նախատեսվում է 30 տոկոսով կրճատել ձերբակալվածների պահման վայրերը. Արթիկի և Թալինի ՁՊՎ-ներն արդեն չեն գործում

Վարչապետը նախարարի տեղակալ է նշանակել

Արմեն Գրիգորյանը Ֆրանսիայում է. երկկողմ հարաբերությունների զարգացմանը վերաբերող օրակարգային հարցեր են քննարկվել

Արժևորելով ձեռքբերումներն ու հնարավորությունները. շրջանավարտների ավարտական միջոցառում ԵՊՀ-ում (լուսանկարներ)

Արմավիրի մարզում ավտոմեքենա է այրվել

Խոսում ենք պարտություն, պատերազմ, բայց չենք արել ամենակարևոր արձանագրումը, սրբացրինք բանակը և ինչի՞ հասանք. վարչապետ

Գերմանիայի բուհերում քննարկվել են ակադեմիական քաղաքի շրջանակում համագործակցության հնարավորությունները

Ռիխտերն ավարտում է դիվանագիտական առաքելությունը ՀՀ-ում. վարչապետը հրաժեշտի հանդիպում է ունեցել Գերմանիայի դեսպանի հետ

Երաժշտության տոնը Գորիսում. Ֆրանսիայի դեսպանությունն ու ֆրանսիական ինստիտուտը հրավիրում են բացօթյա մեծ համերգի

Մհեր Գրիգորյանը հրաժեշտի հանդիպում է ունեցել Գերմանիայի դեսպանի հետ

Հայաստանն ու Նորվեգիան կխորացնեն գործակցությունը արդարադատության ոլորտի ռազմավարական ուղղություններով

Ջագան Չափագայնը ԱՍՀ նախարարի հետ զրույցում պատրաստակամություն է հայտնել դիտարկել նոր աջակցությունների հնարավորությունը

«BMW»-ն մխրճվել է բեռնատարի կցորդիչի մեջ. մահացածի դին ավտոմեքենայից դուրս է բերվել հատուկ տեխնիկայի միջոցով

Հայաստանում քաղաքական հեթանոսությանը վերադարձ չի լինելու. Հայկ Կոնջորյան

Սուրեն Պապիկյանը մեկնել է Լյուքսեմբուրգ

Մարտունի-Վարդենիս ճանապարհին մեքենաներ են բախվել. տուժածները հոսպիտալացվել են

ՀՀ նախագահն ու Մալթայի դեսպանը մտքեր են փոխանակել տարածաշրջանային զարգացումների շուրջ