Ինձ Տուլո էր անվանում, ինձ հետ կապված նրան ամեն ինչ էր կարելի. Ա.Խաչատրյանի սանը ուշագրավ դեպքեր է պատմում

Հոկտեմբերի 18-ից մեկնարկել է Արամ Խաչատրյանի 6-րդ միջազգային փառատոնը՝ նվիրված Խաչատրյանի 115-ամյակին: Այս տարի փառատոնը նոր ու կրեատիվ համերգային ծրագրերով է հանդես գալու, իսկ հոկտեմբերի 25-ից 27-ը Արամ Խաչատրյանի տուն-թանգարանում անցկացվելու է միջազգային գիտաժողով՝ նվիրված աշխարհահռչակ կոմպոզիտորին:

Արամ Խաչատրյանի տուն-թանգարանի տնօրեն, Երեւանի Կոմիտասի անվան պետական կոնսերվատորիայի պրոֆեսոր, դաշնակահարուհի Արմինե Գրիգորյանը լրագրողների հետ զրույցում ասաց, որ այս տարի կրկնակի հոբելյանական տարի է, քանի որ մեծն մաեստրոյի ծննդյան 115-ամյակից բացի՝ նշում են տուն-թանգարանի հիմնադրման 40-ամյակը:

«Այս տարի ավելացել է մեր գիտաժողովի մասնակիցների քանակը, այն ընդլայնվել է նաեւ աշխարհաքաղաքական տեսանկյունից: Փառատոնի շրջանակներում Հայաստանի երաժիշտներին են միանալու նաեւ 9 երկրներից երաժիշտներ եւ արվեստագետներ»,- ասաց տուն-թանգարանի տնօրենը: Արմինե Գրիգորյանը նաեւ հայտնեց, որ հատուկ հյուրերի ցանկում է ՌԴ-ից Արամ Խաչատրյանի թոռնուհին:

Խաչատրյանական 6-րդ փառատոնի շրջանակներում Հայաստան է հրավիրվել Արամ Խաչատրյանի սաներից մեկը՝ Տաջիկստանի Թալաբխուջա Սաթորովի անվան կոնսերվատորիայի պրոֆեսոր Կուդրատուլլո Յախյաեւը, որն այսօր ուշագրավ մանրամասներ ներկայացրեց մաեստորյի հետ անցկացրած ժամանակից:

«Կյանքում իմ բախտը շատ է բերել, ես լավ ճակատագիր եմ ունեցել, որտեղ չափազանց կարեւոր դեր է խաղացել իմ մեծանուն ուսուցիչ Արամ Խաչատրյանը: 50 տարի առաջ նա իմ նվիրվական ու ամենաանկեղծ ուսուցիչն էր»,-ասաց նա:

Մի ձմեռ, երբ Կուդրատուլլո Յախյաեւը Մոսկվայի հանրակացարաններից մեկում է ապրելիս եղել, եւ Խաչատրյանն իմանալով, որ սանը ցուրտ տեղում է քնում, այն էլ պատուհանի տակ, զանգահարել է պրոռեկտորին եւ հանձնարարել անհապաղ տեղափոխել իրեն պատուհանից հեռու տեղ եւ կրկնակի հաստ վերմակ տալ:

«Ես հայր չունեի, եւ ինձ համար դժվար էր թե՛ նյութական տեսանկյունից, թե՛ լեզվական, քանի որ շատ վատ էի խոսում ռուսերեն: Երբ մենք ծանոթացանք եւ Խաչատրյանն իմացավ, որ իմ անունը Կուդրատուլլո է, ասաց՝  ո՛չ, այդ անունն արտաբերելն ինձ համար շատ դժվար կլինի: Նա առաջարկեց ավելի հեշտ տարբերակ ընտրել, որ եւ՛ իր համար հեշտ լինի, ե՛ւ ինձ դուր գա: Այդ ժամանակ ես նրան ասացի, որ անվանս երկրորդ մասը՝ «տուլլո»-ն նշանակում է ոսկի, նաեւ ունեի ոսկեգույն մազեր: Այդ օրվանից Արամ Խաչատրյանի հետ որտեղ էլ լինեինք եւ ինչ ստորագրություններ էլ որ տայինք, նա ինձ անվանում էր Տուլո, մի «լ»-ով. նրան կարելի էր, ինձ հետ կապված նրան ամեն ինչ էր կարելի»,-պատմեց Կուդրատուլլո Յախյաեւը:

Նշենք, որ հոկտեմբերի 25-ից 27-ին անցկացվող գիտաժողովի մասնակիցների թվում են լինելու Խաչատրյանի այլ ուսանողներ եւս, ինչպես նաեւ անվանի երաժիշտներ ու հետազոտողներ աշխարհի տարբեր երկրներից, այդ թվում՝ Շվեյցարիաից, Գերմանիայից, Եգիպտոսից, Լատվիայից, Տաջիկստանից, Ռուսաստանի Դաշնությունից, Վրաստանից եւ Թաթարստանից: Գիտաժողովի շրջանակում նախատեսված է նաեւ Արամ Խաչատրյանի դաշնամուրային ստեղծագործությունների ձայնասկավառակի շնորհանդեսը:

Տպել
2243 դիտում

Աննա Հակոբյանն այցելել է Ստեփանակերտի կենտրոնական զինվորական հոսպիտալ

Արսեն Թորոսյանը մեկնել է Արցախի Հանրապետություն. գործընկերոջ հետ քննարկել է բուժօգնության կազմակերպման հարցեր

ՀՀ դիվանագիտական զինանոցում կա Արցախի ճանաչման հարցը. Էդմոն Մարուքյան

Լեռնային Ղարաբաղի խնդիրը չի կարող լուծվել բռնությամբ. Դմիտրի Մեդվեդեւ

Պարոն Ալիևը ուզում է կյանքի կոչել Էրդողանի երազանքները. Պետդումայի նախկին պատգամավոր

«Ես ձեր ցավը տանեմ, մենք միասին ենք». ազգությամբ քուրդ եւ եզդի ԱԺ պատգամավորները աջակցություն հայտնեցին հայ ժողովրդին

Եվրախորհրդարանի 2 ամենամեծ կուսակցությունները դատապարտել են Ադրբեջանի գործողությունները

Դավիթ Տոնոյանն ու ԱՀ նախագահ Արայիկ Հարությունյանն այցելել են բանակի մարտական կառավարման կենտրոն

Հայկական կողմը եւս 28 զոհ ունի. ՊԲ-ն հրապարակել է այսօր նահատակված զոհերի անունները

ՀՀ երեք օպերատորների հայտարարությունը Արցախում ռոումինգը վերացնելու պահանջի վերաբերյալ

Հրետանու կրակի խտությունը աննախադեպ է, երբևէ նման խտության կրակ այս տարածաշրջանում չի եղել. Ա. Հովհաննիսյան

118 կողմ. ՀՀ ԱԺ-ն ընդունեց Ադրբեջանի կողմից Արցախի սահմանին սկսված զինված հարձակումը դատապարտող հայտարարություն

Մարտակերտ քաղաքը և շրջակա բնակավայրերը շարունակում են մնալ հարվածի տակ (տեսանյութ)

Առաջնագծում թշնամին ոչ մի հաջողություն չունի. Վահրամ Պողոսյան

Հանրային հեռուստաընկերությունը հետաձգել է գործադիր տնօրենի ընտրության գործընթացը

ԱԺ նախագահը ներկայացրեց Ադրբեջանի ռազմական ագրեսիան դատապարտող հայտարարության նախագիծը (տեսանյութ)

Վարչապետը հրապարակել է իր հարցազրույցից Արցախի հարցին վերաբերող մի հատված (տեսանյութ)

Ամբողջ մաքսային ծառայությունն անցել է 24-ժամյա աշխատանքային գրաֆիկի. բոլոր մաքսակետերն աշխատում են

Պետությունն ի վիճակի է զբաղվել Արցախից ժամանած ընտանիքների կացարանների հարցով. Բաթոյանը վերահաստատում է ասածը

Հարգելի գերագույն գլխավոր հրամանատար, խնդրում եմ, հաշվի առեք խնդրանքս, զորակոչեք ինձ. կին պատգամավոր (տեսանյութ)