Դպրոցականներն օտար լեզուներն ավելի լավ են սովորում, քան հայերենը. ԳԹԿ գնահատման արդյունքները

Գնահատման եւ թեստավորման կենտրոնը (ԳԹԿ) պարբերաբար արտաքին գնահատումներ է անցկացնում Հայաստանի հանրակրթական մի շարք հաստատություններում՝ պարզելու սովորողների ուսման առաջադիմությունը եւ դրա դինամիկան:

ԳԹԿ պաշտոնական կայքում հրապարակվել են նաեւ 2017 թվականի նոյեմբեր-դեկտեմբեր ամիսներին իրականացված արտաքին գնահատման արդյունքները: Նշվում է, որ աշակերտների գիտելիքները ստուգվել են Երեւանի եւ մարզերի շուրջ 70 դպրոցների 11-րդ դասարաններում: Ընտրվել են այն նույն ուսումնական հաստատությունները, որտեղ նախորդ տարի գիտելիքի գնահատում է իրականացվել 10-րդ դասարանում:

2017 թվականին ամենաբարձր միավորները գրանցվել են «անգլերեն» եւ «կենսաբանություն» առարկաներից: Ամենացածրը՝ «աշխարհագրությունից» եւ «ֆիզիկայից»:

Հայոց լեզու առարկայից միջին գնահատականն այդ տարի կազմել է 5.74 միավոր, հանրահաշվից՝ 5.69, հայոց պատմությունից՝ 5.69, ֆիզիկայից՝ 5.26, կենսաբանություն առարկայի միջին գնահատականը եղել է 6.12, աշխարհագրությանը՝ 5.26, անգլերենինը՝ 6.53, ռուսաց լեզու առարկայինը՝ 5.30:

Նախորդ՝ 2016-ին, երբ այս աշակերները սովորում էին 10-րդ դասարանում, դարձյալ ամենաբարձր միջին միավորը եղել է անգլերենից, իսկ կենսաբանության փոխարեն երկրորդ տեղը զբաղեցրել է ռուսաց լեզուն: Ամենացածր միջին միավորները բաժին են ընկել հայոց լեզու եւ հանրահաշիվ առարկաներին: 2016 թվականի արտաքին գնահատման արդյունքներն ըստ հանրակրթական առարկաների, ունեն հետեւյալ պատկերը՝ հայոց լեզու՝ 5.02, հանրահաշիվ՝ 5.23, հայոց պատմություն՝ 5.63, ֆիզիկա՝ 5.68, կենսաբանություն՝ 5.46, աշխարհագրություն՝ 5.27, անգլերեն՝ 6.40, ռուսաց լեզու՝ 5.90:

Առարկաների մեծ մասի դեպքում 2017 թվականին դիտարկվել են ավելի բարձր ցուցանիշներ, քան եղել են նախորդիվ: Աշակերտները պատրաստվածության համեմատաբար ցածր ցուցանիշ են ունեցել երեք առարկայից՝ ֆիզիկա, աշխարհագրություն եւ ռուսաց լեզու:  

«Հայոց լեզվից եւ հանրահաշվից անբավարար գնահատական ստացած աշակերտների թիվը նկատելի պակասել է: Բացի «Աշխարհագրություն» եւ «Ռուսաց լեզու» առարկաներից, մյուս առարկաներից 6-8 գնահատականներ ստացած աշակերտների թիվն աճել է, ինչն էլ իր ազդեցությունն է ունեցել միջին միավորների ձեւավորման վրա»,- կարդում ենք ԳԹԿ վերլուծության մեջ:

2017 թվականի արտաքին գնահատման արդյունքներում նաեւ առանձնացված են աշակերտների միջին միավորները՝ ըստ վարչատարածքային միավորների: Ըստ այդմ. «Լավագույն արդյունքներով աչքի են ընկել Երեւանը եւ Սյունիքի մարզը, որտեղ աշակերտների միջին միավորը ընդհանուր միջին միավորից ցածր է եղել միայն «Ֆիզիկա» առարկայից: Ցածր արդյունքներով առանձնացել է Գեղարքունիքի մարզը, որտեղ ոչ մի առարկայից աշակերտները չեն գրանցել ընդհանուր միջին միավորից բարձր արդյունք»: 2016 թվականի արտաքին գնահատման վերաբերյալ ԳԹԿ վերլուծության մեջ նման ընդգծումներ չգտանք:

Գնահատման եւ թեստավորման կենտրոնը դարձյալ 2017 թվականի տարեվերջյան վերլուծության մեջ արձանագրում է այն իրողությունը, ինչի մասին հաճախ են խոսում կրթության ոլորտի տարբեր ներկայացուցիչներ: Այն է՝ դպրոցի անցկացրած ներքին քննությունների արդյունքները հաճախ ոչ շահեկանորեն եւ էապես տարբերվում են առավել խիստ պայմաններում անցկացված քննություններից: «Աշակերտների 10-րդ եւ 11-րդ դասարաններում գրանցած ներքին եւ արտաքին գնահատումների միջին միավորների տարբերությունները ակնառու են: Ի տարբերություն արտաքին գնահատման՝ ներքին գնահատման դեպքում 1-3 գնահատականներ գրեթե չկան, իսկ 9-10 գնահատականների խմբերը նշանակալիորեն մեծ են»,- զուգահեռներ է անցկացրել ԳԹԿ-ն:

Նաեւ արձանագրել է, որ 11-րդ դասարանում աշակերտներն արդեն կողմնորոշված են մասնագիտության ընտրության հարցում եւ մասնակցել են այն առարկաների գրավոր աշխատանքներին, որոնցից պատրաստվում են հանձնել միասնական քննություն: Ինչպես 2016 թվականին, այնպես էլ 2017-ին, ավարտական պարտադիր քննական առարկաներից (հայոց լեզու, մաթեմատիկա, հայոց պատմություն) ընտրություն կատարելիս աշակերտները նախապատվությունը տվել են հայոց լեզու առարկային, բնագիտական առարկաներից՝ կենսաբանություն առարկային, օտար լեզուներից՝ անգլերենին:

Հավալենք, որ Գնահատման եւ թեստավորման կենտրոնը վերջերս հայտարարել է, որ այս տարի գիտելիքի արտաքին գնահատում է անցկացնելու հանրապետության 157 դպրոցների ավարտական՝ 12-րդ դասարաններում՝ հայոց լեզու եւ հանրահաշիվ առարկաներից՝ սեպտեմբերի 24-ից մինչեւ հոկտեմբերի 20-ը:

Ավելի վաղ, երբ Կրթության եւ գիտության նախարար Արայիկ Հարությունյանը տեղեկացրել էր, որ նպատակ կա միասնական քննությունների տարբերակով ու ԳԹԿ մասնագետների վերահսկողությամբ անցկացնել նաեւ դպրոցների ավարտական քննությունները, ասել էր, որ կդիմի ԳԹԿ-ին՝ մինչ այդ արտաքին գնահատում կազմակերպելու առաջարկով: ԳԹԿ տնօրեն Արմեն Փաշայանը մեզ հետ զրույցում նշել էր, որ դա հաշվի առնելով էլ այս անգամ որոշել են ընտրել 12-րդ դասարանը:

Տպել
2825 դիտում

Երեւանի Գործարանային մետրոյի կայարանի ջրափոսից դուրս է բերվել արգելափակված 6 մեքենա (տեսանյութ)

Ավտոմեքենան դուրս է եկել ճանապարհի երթևեկելի հատվածից և կողաշրջվել. ուղեւորը հոսպիտալացվել է

Արցախում կորոնավիրուսի եւս 6 դեպք է հաստատվել. Հադրութում նոր օջախ է հայտնաբերվել

Հաստատվել է կորոնավիրուսի 706 նոր դեպք. արձանագրվել է 8 մահ, 1-ը՝ այլ հիվանդության հետեւանքով

Մուշավան թաղամասի ամառանոցներում բռնկված հրդեհը մարվել է. այրվել է 20 հա խոտածածկույթ

1995-ի այս օրը Հիմնական օրենքի նախագիծը դրվեց համազգային հանրաքվեի և հավանության արժանացավ. այսօր Սահմանադրության օրն է

Ջրափրկարարները քաղաքացուն դուրս են բերել Սևանա լճից. մոտորանավակը խափանվել էր

Սահմանադրությունը ոչ միայն իրավունք ու պարտականություն է, այլև՝ մտածողության մշակույթ. Ա. Սարգսկանի ուղերձը

Գյումրիում կախված վիճակում ռուս զինծառայողի դի է հայտնաբերվել. հարուցվել է քր. գործ, դեպքով զբաղվում է հայկական կողմը

Տավուշում շրջվել է զինվորներին տեղափոխող «Կամազ»-ը. ժամկետային 7 զինծառայող է տեղափոխվել զին. հոսպիտալ. Shamshyan.com

Բարձրագույն խմբի ձևաչափ և «լեգեոներների» սահմանափակում. Արմեն Մելիքբեկյանը դիմել է ակումբների նախագահներին. ՀՖՖ

«Ազգերը տարբեր են, բայց զգայուն մարդը բոլոր տեղերում էլ նույնն է»

ԲԴԽ և ՀՀ դատարանների պահուստային ֆոնդից կորոնավիրւսի դեմ պայքարի միջոցառումների համար հատկացվել է 14 մլն 740.000 դրամ

Հրազդանի կիրճում հետախուզվող է հայտնաբերվել և բերման ենթարկվել

ՍԱՏՄ-ն Երևանում 72 ժամով 3 հանրային սննդի օբյեկտի աշխատանք է կասեցրել. խախտվել է պարետի՝ նարգիլե օգտագործելու արգելքը

Վերահսկողական աշխատանքներ են իրականացրել Գեղարքունիքի մարզի Վարդենիս և Մարտունի քաղաքներում

Սարսանգի ջրամբարում 11 և 14-ամյա երեխաներ են ջրահեղձ եղել. գտնվել է նրանցից մեկի դին. «Արցախպրես»

Հրդեհ է բռնկվել Երևանի ամառանոցներից մեկում

Կասեցվել է «Սուրմալու» և «Փեթակ» առևտրի կենտրոների աշխատանքը. ՇՎՏՄ

Նախկին «սահմանադրական կարգի» շահառուները