ԸՕ բարեփոխումների հայեցակարգն ուղարկվել է Վենետիկի հանձնաժողով. ինչ փոփոխություններով ենք գնալու ԱԺ ընտրությունների

Խորհրդարանական արտահերթ ընտրություններից առաջ վարչապետին առընթեր ընտրական բարեփոխումների մասնագիտական հանձնաժողովն ու կառավարությունն արդեն մշակել են Ընտրական օրենսգրքի փոփոխությունների նախագիծը: Այն արդեն այս շաբաթ կներկայացվի խորհրդարանին։

Ըստ այս նախագծի՝ այլեւս չի գործելու տարածքային կամ ռեյտինգային ընտրակարգ, եւ ընտրողները քվեարկելու են միայն իրենց նախընտրած կուսակցության կամ կուսակցությունների դաշինքի օգտին:

Բացի այս՝ քվեարկությունն այլեւս գրիչով չի լինելու: Այսինքն՝ ընտրողները ստանալու են ընտրություններին մասնակցող քաղաքական բոլոր ուժերի քվեաթերթիկները, եւ քվեախցիկում առանց որեւէ նշումի ծրարի մեջ են դնելու իրենց նախընտրած կուսակցության կամ դաշինքի քվեաթերթիկը:

Ընտրական օրենսգրքի փոփոխություններով նախատեսվում է նաեւ նվազեցնել անցողիկ շեմը: Եթե ներկայումս կուսակցությունների ու դաշինքների համար համապատասխանաբար անհրաժեշտ է 5 եւ 7 անցողիկ շեմ, ապա օրենսգրքի փոփոխություններով կուսակցությունների համար այդ շեմը կլինի 4, դաշինքների համար՝ 6:

Ըստ Ընտրական օրենսգրքի փոփոխությունների նախագծի՝ զորամասերում հնարավոր կլինի տեղադրել նախընտրական քարոզչության պաստառներ, իսկ զինծառայողները հնարավորություն կստանան հետեւել հեռուստատեսային քարոզչությանը, հեռուստաբանավեճերին: Վարչապետին առընթեր ընտրական բարեփոխումների մասնագիտական հանձնաժողովի քարտուղար Դանիել Իոաննիսյանը մեր զրույցում ասաց, որ պաշտպանության նախարարությունը պաստառների մասով փոփոխությանը դեմ է, սակայն դեռ հստակ չգիտեն՝ ինչու: Իսկ հեռուստատեսային քարոզչությանը հետեւելը, ինչպես ասաց Իոաննիսյանը, չի խանգարի զինծառայողների օրակարգին: Կա փոփոխություն նաեւ ժամկետային զինծառայողների քվեարկության հետ կապված. վերջիններիս քվեարկության ընթացքում վերադաս սպաներին կարգելվի ներկա գտնվել ընտրատեղամասում:

Ընտրական օրենսգրքի փոփոխություններով նախատեսվում է նաեւ ընտրության օրը որոշելուց հետո արգելել բոլոր տեսակի բարեգործությունները: Ընտրության օրը նշանակելուց հետո մինչեւ ընտրության ավարտ ցանկացած քաղաքական ուժի կողմից ընտրողներին գումար, սնունդ եւ այլ ապրանքներ տալը կամ խոստանալը համարվելու է քրեորեն պատժելի:

Ինչ վերաբերում է ընտրախախտումներից զերծ պահող փոփոխություններին՝ Դանիել Իոաննիսյանն առանձնացնում է մասնավորապես երեք կետ:

Նախ, պատահականության սկզբունքով վերահաշվարկը: ԸՕ փոփոխություններով մշակվել է մի մեխանիզմ, ըստ որի՝ ամեն ընտրատարածքում պատահականության սկզբունքով ընտրվելու է երկու ընտրատեղամաս եւ այնտեղ իրականացվի վերահաշվարկ. «Այսինքն՝ եթե հանկարծ, ինչպես նախկինում տեսել ենք, ընտրատեղամասում գան հանցավոր համագործակցության ու իրականությանը չհամապատասխանող թվեր նկարեն, ինչ համաձայնության ուզում է՝ եկած լինեն, ոչ մի պարկ փակելիս վստահ չեն լինի, որ այդ տեղամասը չի բացվելու եւ վերահաշվարկ չի լինելու, իսկ իրենք էլ նկարած թվերի պատճառվ ութ տարի չեն անցկացնելու բանտում»,- մեր զրույցում ասաց Իոաննիսյանը:

Հաջորդ փոփոխությունը վերաբերում է ինքնասոսնձվող դրոշմանիշերին: Քանի որ դրանք ընտրական հանձնաժողովներին հանձնվող ամենակարեւոր փաստաթղթերն են, նախատեսվում է, որ առանձին են հանձնվելու տարածքային հանձնաժողով, եւ նախորդ փոփոխության սկզբունքով՝ նորից հաշվարկվելու են այդ հանձնաժողովում:

Եւ բացի նրանից, որ ընտրատեղամասերում լինելու են տեսախցիկներ, վարչապետին առընթեր ընտրական բարեփոխումների մասնագիտական հանձնաժողովի քարտուղար Դանիել Իոաննիսյանը նշում է մյուս կարեւոր մեխանիզմը՝ ստորագրած ցուցակների ավելի հեշտ որոնելի հրապարակման տարբերակը.

«Նախկինում շատ դժվար էր ստորագրած ցուցակում գտնել անձին: Պարզ չէր՝ քվեարկել է, թե՝ չէ: Ցուցակները հրապարակվում էին, բայց շատ անհարմար ձեւով: Այժմ նախատեսվում է դա անել շատ ավելի հեշտ որոնելի ձեւով, այսինքն՝ հեշտ որոնել եւ գտնել մարդու քվեարկած լինել-չլինելը»,- «Հայկական ժամանակ»-ին ասաց Իոաննիսյանը:

Նրա խոսքով՝ ընտրախախտումներից զերծ պահելու հետ կապված ամենակարեւոր փոփոխությունները ԸՕ բարեփոխումների մասնագիտական հանձնաժողովն արել է դեռեւս օգոստոս-սեպտեմբերին՝ քրեական օրենսգրքում, վարչական իրավախախտումների վերաբերյալ օրենսգրքում. «Որովհետեւ ընտրախախտումները, որպես կանոն, քրեական հանցագործություններ են կամ վարչական: Կարեւորը, որ դրանց բացահայտումը եւ պատժի անխուսափելիությունը գործեն»:

Ինչ վերաբերում է ընտրությունները հեշտացնելու տարբերակին՝ Իոաննիսյանը «Հայկական ժամանակ»-ին հայտնեց՝ քանի որ ռեյտինգային ընտրակարգը դուրս է գալիս, ընտրողների համար ընտրելու մեխանիզմն ավելի պարզ է դառնում. «Ընդամենը պետք է նախընտրած քաղաքական ուժի քվեաթերթիկը դնել ծրարի մեջ ու վերջ: Այսինքն՝ սրանով բազմաթիվ այլ հարցեր են լուծվում: Երաշխավորվում է նաեւ, որ կանանց քվոտան բարձր կլինի, ընտրողներին հասկանալի կլինի եւ այլն»:

Դանիել Իոաննիսյանը մեր զրույցում ասաց նաեւ, որ առաջիկա խորհրդարանական արտահերթ ընտրությունները, ամենայն հավանականությամբ, կհասցնենք անցկացնել փոխված Ընտրական օրենսգրքով: Սակայն նա չի բացառում նաեւ այն, որ որոշ կարգավորումներ անցումային դրույթներով կդրվեն ընտրություններից հետո, զուտ չհասցնելու պատճառով:

Ընտրական օրենսգրքի հայեցակարգն ուրբաթ օրը՝ հոկտեմբերի 5-ին, արդեն ուղարկվել է Վենետիկի հանձնաժողով: Իոաննիսյանն ասաց, որ Վենետիկի հանձնաժողովի առաջարկած վեցամսյա սկզբունքին չենք հետեւելու, որովհետեւ այն դժվար թե ինչ-որ խնդիր առաջացնի. «Չեմ կարծում, թե խնդիր կառաջանա: Վենետիկի հանձնաժողովը, իրենց նորմերը իմպերատիվ բնույթ չունեն: ԵԽ անդամ երկրներ կան, որոնք իրենց ընտրական օրենսդրությունը ընդհանրապես չեն ուղարկում Վենետիկի հանձնաժողով: Բայց բավականին կոմպետենտ հանձնաժողով է, դրա համար մենք ուղարկել ենք»,- «Հայկական ժամանակ»-ի հետ զրույցում ասաց վարչապետին առընթեր ընտրական բարեփոխումների մասնագիտական հանձնաժողովի քարտուղար Դանիել Իոաննիսյանը:

Տպել
4516 դիտում

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել