Երևան
20 °C
Հոկտեմբերի 21-ին տեղի են ունենալու տեղական ինքնակառավարման մարմինների հերթական եւ արտահերթ ընտրություններ: Սեպտեմբերի 30-ին թեկնածուների առաջադրման վերջնաժամկետն ավարտվել է: Ամենաշատ թվով թեկնածուներն ունի Արմավիրի մարզի Վաղարշապատ (Էջմիածին) համայնքը: Այստեղ քաղաքապետի պաշտոնի համար պայքարելու է 14 թեկնածու: Նրանց թվում է նաեւ համայնքի ղեկավարի պաշտոնակատար Դիանա Գասպարյանը:
«Շատերն են պնդում, որ Էջմիածինը դուրս է քաղաքական տրամաբանությունից, բայց ես համոզված եմ, որ դա այդպես չէ եւ Երեւանի օրինակը էջմիածինցին կրկնելու է»,- այս մասին ՀԺ-ի հետ զրույցում ասաց Էջմիածին համայնքի ընտրություններում «Քաղաքացիական պայմանագիր» կուսակցության թեկնածու Դիանա Գասպարյանը:
- Տիկին Գասպարյան, «Քաղաքացիական պայմանագիր» կուսակցությունը որոշեց ձեր թեկնածությունն առաջադրել Էջմիածնի համայնքապետի ընտրություններում, ինչո՞ւ հենց ձեր վրա կանգ առավ ընտրությունը:
- Իրականում ես ի սկզբանե նշանակվել եմ այստեղ այն նպատակով, որ հետագայում նաեւ առաջադրվեմ, որպես քաղաքապետի պաշտոնակատար պարզապես անհամեստ էի համարում առաջին օրից բարձրաձայնել դրա մասին: Այդ պատճառով սկզբնական հարցազրույցներում նշում էի, որ աշխատանքը ցույց կտա, բայց իրականում, եթե արտասովոր ինչ-որ մի բան չլիներ, եթե չհասկանայի, որ սա իմը չէ, եւ ես չեմ կարող օգնել իմ քաղաքին, ես առաջադրվելու էի եւ, հետեւաբար սա իմ նշանակման տրամաբանական շարունակությունն է: Ընդ որում, ցանկանում եմ նշել, որ այս ընթացքում մեր հակառակորդներն անընդհատ փորձել են տարածել, թե «Քաղաքացիական պայմանագիր» կուսակցությունը ինձ չի սատարում, այնինչ որոշումը եղել է կայացված: Քաղաքում ապատեղեկատվություն տարածվում էր, բայց մենք համբերատար սպասում էինք:
- Էջմիածինում որոշ կլաններ կային, որ քաղաքը վախի մեջ էին պահում, կարողացե՞լ եք վերացնել դրանք:
- Այո, ես միշտ նշել եմ, որ Էջմիածնի՝ կլանային քաղաք լինելու վերաբերյալ կարծիքը միֆականացված է: Իհարկե, կան խմբակներ, խմբեր, թաղային հեղինակություններ, բայց ես դրանց կլան չէի անվանի: Եւ ես կարծում եմ, որ երկրում իսկապես իրավիճակ է փոխվել եւ քաղաքում իրավիճակ է փոխվել, որ հասարակ ժողովուրդը` հատկապես Էջմիածնում, պետք է լսելի դարձնի իր ձայնը: Հենց ժողովուրդը պետք է իր վստահության քվեն տա նախ վարչապետին, իշխող քաղաքական թիմին, հեղափոխությանը եւ հեղափոխությունը շարունակական դարձնի: Այս ընտրությամբ Երեւանի պես Էջմիածինը խնդիր ունի վստահության քվե տալու «Իմ Քայլը» նախաձեռնությանը` իր թեկնածուով եւ նաեւ, ըստ էության, քվե են տալիս արտահերթ խորհրդարանական ընտրություններին:
- Ի՞նչ եք հասցրել անել այս 3 ամսվա ընթացքում, եւ ինչո՞ւ պետք է էջմիածինցին իր քվեն հենց ձեզ վստահի:
- Այս ամիսների ընթացքում ես օր ու գիշեր աշխատել եմ: Արել ենք ավագանու բազմաթիվ նիստեր, բյուջեում փոփոխություններ: Բարեկարգվել են մանկապարտեզներ, իրականացվել են ասֆալտապատման աշխատանքներ: Քաղաքի սկզբնամասում տարիներ շարունակ չգործարկվող լողավազանը` իր ցայտաղբյուրներով գործարկվել է, եւ այդ հատվածը այսօր բարեկարգվում է, հանգստի գոտու է վերածվում: Ամենակարեւոր քայլերից ենք համարում այն, որ Էջմիածինը երբեւէ չի ունեցել ներքաղաքային տրանսպորտ, մինչեւ տարվա վերջ կունենա: Մենք հիմա հանձնաժողովի ստեղծման փուլում ենք, որի մյուս քայլը լինելու է մրցույթի հայտարարումը: Համագործակցել ենք դեսպանությունների եւ միջազգային կառույցների հետ, որոնց արդյունքները առաջիկայում երեւալու են: Մեզ վստահում են պոտենցիալ ներդրողները արդեն արտասահմանից: Օր ու գիշեր աշխատել ենք, եւ կարծում եմ, էջմիածինցին տեսնում է այդ ամենը:
- Վերջերս Երեւանի ավագանու ընտրություններում «Իմ Քայլ»-ը դաշինքը ձայների գերիշխող մեծամասնությամբ հաղթանակ տարավ, Էջմիածնում ինչպե՞ս եք գնահատում ձեր շանսերը:
- Ես վստահ եմ, որ մենք հաղթելու ենք Էջմիածնում: Որովհետեւ վստահ եմ, որ էջմիածինցին ոչ է ասելու թաղային հեղինակություններին, տղայական շրջապատներին, ովքեր փորձում են ինչ-որ տպավորություն ստեղծել, թե իրենք են բան որոշում այս քաղաքում: Ես վստահում եմ իմ քաղաքացիների գիտակցությանը եւ գիտեմ, որ իրենք վստահում են վարչապետին, եթե վստահում են վարչապետին, պետք է վստահեն նաեւ իր թեկնածուին: Այդ առումով ավելի քան վստահ եմ, որ մենք հաղթելու ենք: Պարզապես տոկոսային կարող է մի քիչ տարբերվել Երեւանից՝ հաշվի առնելով, որ ունենք 14 թեկնածու: Չնայած չի բացառվում նաեւ, որ կրկնենք արդյունքը, նայած՝ ինչ վստահությամբ էջմիածինցին կանի իր քայլը:
- Ի՞նչ ծրագրեր ունեք համայնքի զարգացման հետ կապված, որ կկարողանաք իրագործել, եթե ընտրվեք:
- Մենք մեծ ուշադրություն ենք դարձնելու քաղաքի արտաքին տեսքին: Շատ կարճ ժամանակահատվածում քաղաքի դեմքը փոխվելու է: Ուշադրություն ենք դարձնելու կանաչապատմանը, բարեկարգմանը, սանիտարական մաքրման աշխատանքներին, մշակութային միջոցառումներին: Փառատոններ ենք անցկացնելու, քաղաքը ապրելու է միանշանակ: Քաղաքը ունի փողոցների սալիկապատման խնդիր, որը նույնպես մեր ծրագրերում է: Մենք ունենք ուղիղ ժողովրդավարության մեր մոդելը: Մեր կայքի միջոցով դա իրականացվելու է: Ներդրվելու են ծրագրեր քաղաքի տարբեր ոլորտներին վերաբերվող: Հնարավորություն է տրվելու քվեարկել ցանկացած ծրագրի օգտին: Կարեւոր հարցերը հանրաքվեի կամ այլ քվեարկության մեխանիզմներով են լուծվելու: Ես մի փոքր մասը թվեցի ծրագրերի:
- Այս մի քանի ամսվա ընթացքում, երբ ղեկավարել եք Էջմիածինը, ի՞նչ եք կարծում, որն է էջմիածինցու հիմնական խնդիրը:
- Էջմիածինը ունի բազմաթիվ խնդիրներ: Թույլ տվեք կենցաղային խնդիրներ չբարձրաձայնեմ, այլ բարձրաձայնեմ ավելի քաղաքական խնդիր: Էջմիածինցին տարիներ շարունակ ապրել է ճնշված մթնոլորտում եւ հիմա նա կարիք ունի ճիշտ դուրս գալու այդ մթնոլորտից: Որովհետեւ, երբ տեսնում եմ այդ շրջանառվող թեկնածուներին եւ այն շանսերը, որոնք գնահատվում են, ցավով նկատում եմ, որ որոշ հատված կարծում է, թե քաղաքում պետք է լինի հարց լուծող մեկը: Այսինքն, ակամա մի փոքր հատվածը ցանկանում է ունենալ դեմք, բայց ոչ բովանդակության փոփոխություն: Կարծես թե ճիշտ չեն հասկանում, թե ինչ է նշանակում իսկապես ապրել իրավունքի եւ օրենքի քաղաքում: Կին եւ տղամարդ թեկնածուների տարբերությունը հենց Էջմիածին քաղաքում ավելի շատ կնոջ օգտին է, դա ավելի ընդգծում է կնոջ ուժը, որովհետեւ տղամարդու վրա շատ ավելի հեշտ է ազդել: Դժվար է գտնել քիչ թե շատ հայտնի մարդ, ով որեւէ կլանի հետ կապված չի եղել: Ես ավելի քաղաքային գիտակցության մեջ եմ տեսնում խնդիրը: Շատերն են պնդում, որ Էջմիածինը դուրս է քաղաքական տրամաբանությունից, բայց ես համոզված եմ, որ դա այդպես չէ եւ Երեւանի օրինակը էջմիածինցին կրկնելու է:
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
© 2024 Հայկական ժամանակ