Արա Բաբլոյանն Արցախում ընդունել է Եվրախորհրդարանի պատգամավոր Էլենի Թեոխարուսին

ՀՀ ԱԺ նախագահ Արա Բաբլոյանն աշխատանքային այցով Արցախի Հանրապետությունում է:

ԱԺ հանրային կապերի վարչության փոխանցմամբ, սեպտեմբերի 28-ին Արա Բաբլոյանը Ստեփանակերտում ընդունել է Եվրոպական խորհրդարանի պատգամավոր Էլենի Թեոխարուսին և Կիպրոսի խորհրդարանի անդամներ Յորգոս Պերդիկիսին ու Միկայիս Գիորգալասին: Այցն Արցախ նախաձեռնել է ՀՅԴ Եվրոպայի Հայ դատի հանձնախմբի ղեկավար Գասպար Կարապետյանը:

Արա Բաբլոյանը բարձր է գնահատել Էլենի Թեոխարուսի անձնական ջանքերն ու հետևողական գործունեությունը՝ ուղղված ՀՀ-ԵՄ հարաբերությունների ընդլայնմանը, Եվրոպական խորհրդարանում Հայաստանին առնչվող հարցերի բարձրացմանը եւ հայ ժողովրդի իրավունքների պաշտպանությանը: Նա Արցախն աշխարհին ճանաչելի դարձնելու հարցում առանձնակի կարեւորել է պատգամավորի հաճախակի այցերն Արցախ:

Խոսելով միջազգային հարթակներում համագործակցության մասին՝ ՀՀ ԱԺ նախագահն ընդգծել է, որ հայկական պատվիրակությունը Կիպրոսի համար առանցքային նշանակության հարցերում մշտապես աջակցել է կիպրական կողմին և գոհունակությամբ փաստել, որ այդ գործելաոճը փոխադարձ է:

Անդրադարձ է կատարվել նաեւ Հայաստանի ներքաղաքական զարգացումներին: ՀՀ խորհրդարանի ղեկավարի համոզմամբ՝ մեր երկրում տեղի ունեցած վերջին շրջանի իրադարձությունները վառ վկայությունն էին, որ Հայաստանում ժողովրդավարությունն ամուր հիմքերի վրա է դրված: Խորհրդարանի ղեկավարն ընդգծել է, որ ժողովրդավարությունն առանցքային նշանակություն ունի Հայաստանի համար, և ժողովրդավարությունն առավել զարգացնելու նպատակով ինքը բոլոր միջազգային հանդիպումներում գործընկերներին հորդորում է աջակցել ՀՀ նոր կառավարությանը։

Էլենի Թեոխարուսը համոզմունք է հայտնել, որ Կիպրոսը մշտապես Հայաստանի եւ հայ ժողովրդի կողքին է եղել՝ նշելով. «Մենք հիացած ենք ձեր ձեռքբերումներով, ազատության եւ ինքնորոշման համար ձեր մղած պայքարով»: Պատգամավորն ընդգծել է, որ շարունակելու է Եվրախորհրդարանում աջակցել Արցախին առնչվող նախաձեռնություններին եւ լինել հայ-կիպրական հարաբերությունների ամրապնդման ջատագովը: Խոսելով ներհայաստանյան վերջին իրադարձությունների մասին՝ Էլենի Թեոխարուսն ասել է. «Մենք հիացած ենք ձեր ժողովրդի իմաստությամբ»:

Տպել
1545 դիտում

Հրայր Թովմասյանն ու ՍԴ նախկին 3 անդամները դիմել են ՄԻԵԴ. Կառավարությունը դատարանից հարցումներ է ստացել եւ պատասխանել

«Շիրակը» կորցրեց առաջին տեղը, «Նոան» հաղթեց ու ՀՀ ֆուտբոլի առաջնությունում չեմպիոնության լուրջ հայտ ներկայացրեց

Անգլերենից 524 հոգի 18-20 է ստացել, 133-ը՝ անբավարար․ հայտնի են օտար լեզվի միասնական քննության արդյունքները

Երբ առողջապահական համակարգն այլևս ի վիճակի չլինի սպասարկել, այլ ելք չի լինի, քան՝ սահմանափակումներին վերադառնալը

Կասեցումներ են իրականցվել սոցիալական ապահովման ծառայության տարածքային բաժիններում եւ Ազգային արխիվում

Ոստիկանությունն արտակարգ ծառայություն է իրականացնում զինկոմիսարիատների մոտակայքում (տեսանյութ)

Ովքեր որոշել են ամփոփել կորոնավիրուսի դեմ պայքարի արդյունքները, առնվազն շտապում են. Փաշինյան

Իրավիճակի հաղթահարման միակ երաշխիքը մեր անհատական վարքագիծն է. վարչապետ

650 քաղաքացի գտնվում է ծանր և ծայրահեղ ծանր վիճակում․ Արսեն Թորոսյան

Ադրբեջանի հատուկ ծառայությունները համացանցով փորձել են տեղեկություններ կորզել ՀՀ ԶՈՒ վերաբերյալ. ԱԱԾ

«Իմ քայլը» հիմնադրամի ֆինանսավորմամբ ատամնաբուժական ծառայություններ են մատուցվում Գյումրու խնամքի կենտրոնի տարեցներին

Ճապոնացիների 77%-ը կարծում է, որ օլիմպիական խաղերը չեն կարող կայանալ հաջորդ տարի

Առաջիկայում առնվազն մեկ անգամ էլ կերկարաձգենք արտակարգ դրությունը. Նիկոլ Փաշինյան (տեսանյութ)

Հուլիսի 6-ին մեկ անձ խախտել է մեկուսացման կամ ինքնամեկուսացման կանոնները

Հուլիսի 6-10-ը առցանց ձեւաչափով կանցկացվի «Հայաստան - Ինժեներական շաբաթ-2020» խորագրով 3-րդ ամենամյա միջոցառումը

ՀՀ-ում կորոնավիրուսային իրավիճակը շարունակում է մնալ լարված. առողջապահական համակարգն աշխատում է գերլարված (ուղիղ)

Մի քանի խախտումներ են հայտնաբերվել շինանյութի առևտրի կետերում

Արմեն Սարգսյանը հանդիպել է ՏՏ ոլորտի մի խումբ խոշոր ընկերությունների ղեկավարների հետ

Առողջապահության նախարարությունը ամփոփել է կորոնավիրուսային հիվանդության դեմ պայքարում իրականացրած աշխատանքները

ՀՖՖ-ն դիտարկում է ֆուտբոլի Գավաթի եզրափակչին երկրպագուների ներկայությունը թույլ տալու հարցը