Խաչատուրովը նաեւ 2 միլիոն է պահանջում. 2 տարի անց նա որոշել է պաշտպանել ԶՈՒ պատիվը

Մարտի 1-ի գործով սահմանադրական կարգը տապալելու համար մեղադրվող ՀԱՊԿ գլխավոր քարտուղար Յուրի Խաչատուրովը քառօրյա պատերազմից երկու տարի անց միայն որոշել է անդրադառնալ իր հասցեին հնչած լրջագույն մեղադրանքներին:

Հիշեցնենք, որ քառօրյա պատերազմից անմիջապես հետո էլ բանակի ղեկավարության, այդ թվում նաեւ Յուրի Խաչատուրովի (ապրիլյան պատերազմի օրերին Խաչատուրովը ՀՀ ԶՈՒ գլխավոր շտաբի պետն էր,-հեղ.) հասցեին բազմաթիվ մեղադրանքներ են հնչել սկսած տարածքների հանձնումից՝ վերջացրած նրանով, որ զինվորները պատերազմի ժամանակ պաշտպանվելու փամփուշտ չեն ունեցել ու ստիպված անցել էին բահերի ու քարերի:

Բայց միայն Մարտի 1-ի գործով իրեն մեղադրանք առաջադրելուց հետո է Խաչատուրովը որոշել է անդրադառնալ այդ մեղադրանքներին. նա դատի է տվել հայտնի քաղաքագետ Ստեփան Գրիգորյանին: Ընդ որում՝ ՀԱՊԿ գլխավոր քարտուղարը ոչ միայն հերքում է պահանջում, այլ նաեւ՝ ոչ նյութական վնասի հատուցում՝ 2 միլիոն ՀՀ դրամ:

Ստեփան Գրիգորյանը ներկայացված հայցի մասին, ըստ էության, լրատվամիջոցներից է տեղեկացել: Մեր զրույցում քաղաքագետը միայն ասաց, որ ինքն այս պահին ոչինչ չի կարող մեկնաբանել, որովհետեւ ոչինչ չի ստացել:

Խաչատուրովը զրպարտություն է համարել «հողեր ծախելու» եւ «ապրիլյան պատերազմի ժամանակ տեղում չլինելու» իրեն ուղղված մեղադրանքները: Այդ հայտարարությունները Ստեփան Գրիգորյանն արել էր հուլիսի 30-ի իր ասուլիսում:

Խաչատուրովի ներկայացուցիչ Գրիգոր Բեքմեզյանը պատասխանել է սույն թեմայի վերաբերյալ մեր մի քանի հարցերին.

- Պարոն Բեքմեզյան, կհստակեցնե՞ք հայցադիմումով, մասնավորապես, ինչ եք պահանջում:

- Պահանջել ենք հերքում եւ պահանջել ենք 2 միլիոն դրամ ոչ նյութական վնասի հատուցում: Հստակեցնեմ ինչու հերքում եւ ոչ նյութական վնասի հատուցում, որովհետեւ մեր խնդիրն առաջին հերթին նման զրպարտիչ արտահայտությունների կանխումն է, օրենքը նախատեսում է երկու տարբերակ՝ հերքում եւ ոչ նյութական վնասի հատուցում: Քանի որ հերքում միայն մեր կարծիքով բավարար չէ որպես պատասխանատվություն հետագայում նման դեպքերը կանխելու համար, խնդրել ենք նաեւ դատարանից ոչ նյութական վնասի հատուցման հարցը քննարկել 2 միլիոն դրամի չափով, իհարկե, դա դատարանի որոշելու խնդիրն է՝ ինչ գումար կբավարարի: Նաեւ շեշտեմ, որ 2 միլիոն դրամը չի օգտագործվելու Խաչատուրովի անձնական կարիքների համար, այլ՝ ուղղվելու է զինվորների համար ստեղծված հիմնադրամներից որեւէ մեկին:

- Դատալեքսից տեղեկացանք, որ ձեր կողմից ներկայացված հայցադիմումը հետ էր վերադարձվել, կրկին ներկայացրե՞լ եք:

- Կից փաստաթղթերի հետ կապված խնդիր կար, բայց շտկվել նորից մուտք է արվել դատարան, կրկին մակագրվել է նույն դատավորին՝ Տաթեւիկ Ստեփանյանին:

- Կմանրամասնե՞ք, թե, մասնավորապես, որ հայտարարություններն է հայցվոր Յուրի Խաչատուրովը համարել զրպարտություն:

- Բառացիորեն հիմա չեմ ասի, բայց ասվածի իմաստը եւ փաստացի տվյալներ հարցազրույցի ժամանակ ասվել է, որ ապրիլյան պատերազմի ժամանակ Խաչատուրովի եւ մի շարք այլ գեներալների կողմից տարածքներ են վաճառվել, այդ տարածքների վաճառքի դիմաց իրենք իրենց հարազատների անունով ստացել են գումարներ, ապրիլյան պատերազմի ժամանակ նրանք չեն գտնվել իրենց աշխատանքի վայրում, այսինքն՝ ըստ էության չեն իրականցրել զինված ուժերի ղեկավարումը այնպես, ինչպես պետք է անեին օրենքով նախատեսված կարգով, եւ մյուս զրպարտիչ արտահայտությունը կայանում է նրանով, որ երբ որ մեր զինված ուժերը փորձել են գրաված տարածքները հետ վերադարձնել նրանց արգելել են դա անել: Այսինքն՝ այդ բոլոր արտահայտությունները, որոնք մեր կարծիքով ծանր հանցագործության մեջ են մեղադրում ե՛ւ Խաչատուրովին ե՛ւ բանակի բարձրագույն հրամանատարական կազմի գեներալներին, զրպարտիչ են, սուտ եւ չեն համապատասխանում իրականությանը, ուստի ենթակա են հերքման:

- Մինչ դատական հայց ներկայացնելը փորձե՞լ եք կապ հաստատել Ստեփան Գրիգորյանի հետ եւ նրանից հերքում պահանջել:

- Իմ կողմից նման փորձ չի եղել, կարծում եմ՝ պարոն Խաչատուրովի կողմից եւս նման փորձ չի եղել:

Ինչո՞ւ:

- Գտել ենք ոչ նպատակահարմար, նաեւ ինչ-որ տեղ՝ անիմաստ, ես անձամբ այդպես եմ կարծել, որովհետեւ հարցազրույցը երբ նայել եմ, հասկացել եմ, որ իրականում նման կերպ հարցազրույց տալու դեպքում մարդը հակված չի լինի հետագայում հերքում տալու, կամ իր ասածներից որեւէ կերպ հրաժարվելու, ինձ մոտ նման տպավորություն է ստեղծվել:

- Ըստ ձեզ՝ զրպարտություն համարվող հայտարարությունները քառօրյա պատերազմից հետո բազմիցս են նշվել, ինչո՞ւ հենց հիմա Խաչատուրովը որոշեց դատի տալ քաղաքագետին:

- Նախկին արտահայտությունները, որ եղել են, եղել են, կարծում եմ, շուտ: Ես, ճիշտն ասած, չեմ հետեւել, թե ինչպես են դրանք արտահայտվել, ինձ հիմա են դիմել կոնկրետ այս արտահայտությունների հետ կապված եւ կոնկրետ այս արտահայտությունների հետ կապված եւ այս արտահայտությունների արդյունքում ենք գտել, որ այստեղ կա դատարան դիմելու հիմք: Նախորդ արտահայտությունների ժամանակ ինձ չեն դիմել: Այս դեպքում ոչ միայն ինքն է ասոցացվում, այլ նաեւ բանակը. դրա համար հենց զինված ուժերի պատիվը պաշտպանելու համար է ավելի շատ դատարան հայց ներկայացվել: Գիտե՞ք ինչ, շատ ծանր մեղադրանքներ են եւ դա այդպես թողել, այս պահին գտնում ենք ոչ նպատակահարմար:

Հերքումը ի՞նչ միջոցով պետք է արվի:

- Հերքումը պետք է նույն լրատվամիջոցով, որով կատարվել են արտահայտությունները, օրենքnվ է այդպես ասում, եթե արտահայտությունը արվել է լրատվական գործունեություն իրականացնողի միջոցով, ապա նույնով պետք է կատարվի հերքումը:

- Խոսքը Ա1+ի մասին է:

- Այո, բայց իրականում ես երեկ տարբեր աղբյուրներից, այդ թվում նաեւ Ա1+-ից տեղեկացա, որ իրականում դա եղել է մամուլի ասուլիս, բայց մեզ արտահայտությունները հասել են Ա1+ի յութուբյան կայքի միջոցով, դրա համար ընթացքում կարող են որոշ բաներ փոխվել, դրա համար հիմա ոչինչ չեմ կարող ասել, դատական գործընթացում ավելի հստակ այդ հարցի պատասխանը կորոշվի:

- Հայցադիմումը պատասխանող կողմին ներկայացրե՞լ եք:

- Հայցադիմումը ուղարկվում է, եթե հայցի ապահովման միջնորդություն չկա, եթե կա հայցի ապահովման միջոց կիրառելու միջնորդություն, ապա հայցադիմումը չի ուղարկվում պատասխանող կողմին:

- Այսինքն՝ կա՞ հայցի ապահովման միջոց կիրառելու միջնորդություն:

- Թույլ տվեք ձեր հարցին չպատասխանեմ, որովհետեւ դա արդեն դատավարական գաղտնիք է, նրբություն է, որը ես չեմ կարող հիմա ասել:

Խաչատուրովի փաստաբանի հարցմանն ի պատասխան՝ խնդրին անդրադարձել է նաեւ ՀՀ ԶՈՒ ԳՇ պետ Արտակ Դավթյանը: Գրավոր պատասխանում, մասնավորապես, ներկայացված է հետեւյալը. «2016 թ. ապրիլի 2-ին ՀՀ զինված ուժերի գլխավոր շտաբի պետի պաշտոնում է գտնվել Յուրի Խաչատուրովը, ով ստանալով տեղեկատվություն հակառակորդի՝ Ադրբեջանի Հանրապետության զինված ուժերի նախահարձակ գործողությունների մասին, 20-25 րոպե հետո՝ ժամը 03:10-03:15 սահմաններում ներկայացել է ծառայության վայր եւ զինված ուժերի կառավարումը իրականացրել անմիջապես իր կառավարման կետից:

Հայտնում եմ, որ նշված պատասխանի հիմնավորող փաստաթղթերի պատճեները չենք կարող տրամադրել, քանի որ պարունակում են գաղտնի տեղեկատվություններ»:

Հավելենք, որ Խաչատուրովն ընդդեմ քաղաքագետի դատական նիստի օրը դեռ հայտնի չէ:

Տպել
3782 դիտում

62 ուսուցիչ ստացել է առաջին, երկրորդ և երրորդ աստիճանի տարակարգ

Կբարելավվի կապի ոլորտի ծառայությունների որակը Արցախում. Արցախի նախագահը հանդիպել է «Տելեկոմ Արմենիա»-ի տնօրենների հետ

Որքան Ադրբեջանն է կարող հայց ներկայացնել ՀՀ-ի դեմ, այդքան կամ ավելի այդքան ՀՀ-ն է կարող պահանջներ դնել․ Կիրակոսյան

ԱԺ նախագահը հանդիպել է ՄԻ պաշտպան Արման Թաթոյանի հետ

Երեւանի կրկեսի շենքի շինարարական աշխատանքները նախատեսված է ավարտել 2021-ի տարեվերջին

Վահան Հունանյանը նշանակվել է փոխվարչապետի խորհրդական

Միջազգային մարմիններին կներկայացվի էթնիկ հայ գերիների ու զոհերի մարմինների նկատմամբ դաժանությունների մասին 5-րդ զեկույցը

«Իմ նշանակումից հետո ո՛չ ես, ո՛չ նախարարության ղեկավար անձնակազմը պարգեւավճար չենք ստացել եւ առաջիկայում չենք ստանալու»

Արվում է հնարավորը՝ վիրավոր զինծառայողների կարիքների գնահատման, հաշմանդամության խմբի ճանաչման համար. նախարար

Հունան Պողոսյանն ազատվեց Սյունիքի մարզպետի պաշտոնից

Կառավարությունը հաստատեց «Այգ-1» արեւային ֆոտովոլտային ծրագրի մրցութային հանձնաժողովի կազմը

Այգեստան և Խնածախ համայնքների տարածքներում կիրականացվեն ականազերծման աշխատանքներ

Պատերազմին մասնակցած ուսանողների եւ ուսանող զավակ ունեցող մասնակիցների ուսման վարձը կփոխհատուցվի․ վարչապետ

Շուշեցիները այսօր Արցախի ներկայացուցչությունում էին․ նրանց կարևորագույն խնդիրը կացարանով ապահովված լինելն է

Մահացել է Դմիտրի Աթբաշյանը

Պատասխանատվության կենթարկվեն քաղաքացիների տեղաշարժին և տրանսպորտային երթևեկությանը խոչընդոտելու փորձեր կատարողները

Տիգրան Ավինյանի մամուլի քարտուղարն ազատվել է պաշտոնից

Արցախի վերահսկողությունից դուրս մնացած համայնքների բնակիչներին հյուրընկալելու համար փոխհատուցում կտրվի

Սյունիքի եւ Գեղարքունիքի մարզերում պատերազմի հետեւանքով անշարժ գույքին հասցված վնասները կփոխհատուցվեն

Պատերազմի ընթացքում զոհված քաղաքացիական անձանց ընտանիքներին եւ վիրավորներին փոխհատուցում կտրվի