ՀՀ բռնցքամարտի ֆեդերացիայի մի շարք անդամներ ՀԱՕԿ-ին խնդրում են հանգիստ թողնել իրենց

ՀՀ բռնցքամարտի ֆեդերացիայի մի շարք մարզիկներ ու մարզիչներ ՀՀ ազգային օլիմպիական կոմիտեին ու ՀՀ սպորտի եւ երիտասարդության նախարարությանը խնդրում են հանգիստ թողնել իրենց: Այսօր՝ օգոստոսի 22-ին, նրանք ակցիա էին իրականացնում 2 կառույցների շենքերի դիմաց: Նրանք չեն կիսում ՀԱՕԿ-ի ու նախարարության մտահոգությունը, թե ԱԺ պատգամավոր Արթուր Գեւորգյանը օգոստոսի 2-ին խախտումներով է վերընտրվել ֆեդերացիայի նախագահի պաշտոնում: ՀԱՕԿ-ը ու նախարարությունը հնարավոր խախտումների մասին բարձրաձայնել էին այն բանից հետո, ինչ մի շարք մարզիկներ ու մարզիչներ նման հայտարարություն էին արել սպորտի նախարար Լեւոն Վահրադյանի ու ՀԱՕԿ նախագահ Գագիկ Ծառուկյանի հետ հանդիպման ժամանակ: Ըստ այսօրվա ակցիայի մասնակիցների՝ մեղադրանքներն անտեղի են:

«Մենք ընտրել ենք նախագահ: Եղել է օրինական ձեւով: ԱԻԲԱ-ն (բռնցքամարտի միջազգային ֆեդերացիան) հաստատել է, մեզ ճանաչել են: Մեր ցանկությունն է աշխատել այս ֆեդերացիայի հետ, այլ ոչ թե լինի այնպես, ինչպես որոշ ժամանակ առաջ էր: Մարդիկ, որոնք զրկվել են աշխատանքից, որովհետեւ որոշ ժամանակ առաջ իրենք ֆեդերացիան վերածել էին տուրիստական գործակալության, ոմանք գումարներ էին շորթում ֆեդերացիայից, ոմանք էլ մարզիկների վրա սպորտային համազգեստ էին վաճառում, այսօր ոտքի են կանգնել եւ ուզում են վերցնել մեր ստեղծած բռնցքամարտի ֆեդերացիան»,- ասաց ՀՀ հավաքականի առաջատար բռնցքամարտիկ Արամ Ավագյանը:

Արամ Ավագյան

Այսօր մարզիկները փորձեցին հանդիպել նախարարի հետ, սակայն չստացվեց: Ինչպես ասացին, Վահրադյանը նրանց փոխանցել է, որ զբաղված է: Ավելի ուշ լրագրողների հետ զրույցում փոխնախարար Գաբրիել Ղազարյանը լրագրողներին ասաց, որ ինքը պատրաստ է եղել լսել ակցիայի մասնակիցներին, սակայն նրանք են հրաժարվել:

ՀԱՕԿ-ը ու սպորտի նախարարությունը նշում են, որ ընտրություններում 2 խախտում են նկատել: Մեկն այն է, որ համաժողովի պատվիրակներին ուղարկվել են անվանական հրավերներ, մյուսը, որ քվեարկությունը անցկացվել է բաց: Իր հերթին Գեւորգյանն ընդգծում է, որ ԱԻԲԱ-ն ոչ մի թերացում չի արձանագրել: Այս օրերին նա Բուդապեշտում է, որտեղ անցկացվում էր աշխարհի 2018 թ. երիտասարդական առաջնությունը: Զուգահեռաբար ընթանում է նաեւ Եվրոպական կոնֆեդերացիայի գործադիր կոմիտեի նիստը, որին Գեւորգյանը մասնակցում է: Այսօր ցույցի ընթացքում նա հեռախոսակապ հաստատեց լրագրողների հետ ու հայտարարեց, որ ԱԻԲԱ-ն ճանաչում է ընտրությունները:

«Հիմա ես գտնվում եմ եվրոպական ասոցիացիայի համաժողովին: Խնդիրը քննարկվել է, խնդրի մասին տեղյակ էին, քանի որ սպորտի նախարարությունը մեզ առարկություններ չէր ներկայացրել, բայց գրել էր միջազգային կառույցին: Միջազգային կառույցը հիմա հստակ պատասխանում է, որ չի եղել ոչ մի խախտում, եւ առհասարակ ոչ մեկ իրավունք չունի միջամտելու մեր աշխատանքին»,- ասաց նա՝ ավելացնելով, որ այս առիթով ԱԻԲԱ-ն նաեւ պաշտոնական հայտարարություն կանի:

Գեւորգյանը նաեւ մեկնաբանեց բաց քվեարկություն անցկացնելու վերաբերյալ հարցը: Նա նշեց, որ, ըստ կանոնադրության, բոլոր որոշումները կայացվում են բաց քվեարկությամբ, նախագահի ընտրությունը լինում է փակ: Եվ իրենք բաց քվեարկությամբ որոշում են կայացրել, նախագահին ընտրել բաց քվեարկությամբ:

Գաբրիել Ղազարյան

ՀԱՕԿ-ը ու սպորտի նախարարությունը սպասում են ԱԻԲԱ-ի վերջնական եզրակացությանը: Լրագրողների հետ զրույցում Գաբրիել Ղազարյանը նշեց, որ իրենք չեն միջամտում ֆեդերացիայի գործունեությանը, պարզապես ուզում են, որ բնականոն աշխատանքը չխաթարվի: Հարցին՝ արդյոք կընդունեն ԱԻԲԱ-ի որոշումը, եթե այն հայտնի, որ Գեւորգյանը ընտրվել է առանց խախտումներին, նա դրական պատասխան տվեց:

«Իհարկե, այո՛: Մեզ պետք է ճիշտ, կանոնակարգված աշխատանք, ու ինչքան շուտ ավարտվի այս ամենը, այդքան լավ»,- ասաց նա:

Գեւորգյանը բռնցքամարտի ֆեդերացիան գլխավորում է 2013 թվականից: Այս տարի նախագահական ընտրությունները պետք է կայանային հուլիսի 5-ին, սակայն համաժողովի ժամանակ որոշում կայացվեց հետաձգել, քանի որ, բացի Գեւորգյանից այլ թեկնածու չկար: Ընթացքում ԶԼՄ-ների միջոցով առաջադրվելու ցանկություն հայտնեց Հովհաննես Հովսեփյանը: Նա նշում էր, որ նախկին բռնցքամարտիկ է, հանդես է եկել Ուկրաինայի հավաքականում, տեսնում է՝ ինչպես է Գագիկ Ծառուկյանը աջակցում հայկական սպորտին ու ցանկանում է հետեւել նրա օրինակին:

1 ամիս անց, սակայն ընտրություններում կրկին, բացի Գեւորգյանից, այլ թեկնածուներ չկային, եւ նա վերընտրվեց: Ինչպես Գեւորգյանը գրել է ֆեյսբուքի իր էջում, համաժողովին մասնակցել է 72 անդամից 59, ինքը վերընտրվել է 58 կողմ, 1 դեմ ձայնով:

Լուսանկարները՝ «Հայկական ժամանակ»-ի

Տպել
2913 դիտում

Արագածոտնի, Շիրակի, Սյունիքի մարզերում ձյուն է տեղում. կան փակ եւ դժվարանցանելի ճանապարհներ

Գեղարքունիքում 2 մեքենաների բախման հետեւանքով կա 6 վիրավոր

Իսկ հեղափոխությունից բացի ինչի՞ վրա կարող են հույս դնել նախկինները

Կատարվել է հոգեհանգիստ՝ Բաքվում և Սումգայիթում իրականացված հայերի ջարդերի 30-րդ տարելիցի առիթով

Թեհրանի օդանավակայանում թռիչքները հետաձգվել են՝ ձյան առատ տեղումների պատճառով

13 տարի առաջ այս օրը սպանվեց «Ակոսի» գլխավոր խմբագիր Հրանտ Դինքը

Պուտինը փորձում է լուծել երկու խնդիր, բայց հնարավոր է, նա կանգնած է Սերժ Սարգսյանի ճակատագրին արժանանալու վտանգի առջեւ

Ադրբեջանի և Հայաստանի ԱԳՆ ղեկավարների հանդիպումն այս ամսին է պլանավորված. Մամեդյարով

Ծեծկռտուք Նինոծմինդայի սակրեբուլոյի նախագահի և Գորելովկա գյուղի բնակիչների միջև

Հունվարի 20-ի գիշերը Հայաստանի մեծ մասում սպասվում է ձյուն, ջերմաստիճանը կնվազի 3-4 աստիճանով

Հայաստան ժամանած 32-ամյա ՌԴ քաղաքացին Զվարթնոց օդանավակայանում ձերբակալվել է՝ կասկածելի փաթեթ ունենալու համար

Մարմաշեն գյուղում այրվել է կուտակված անասնակեր ու անասնագոմի տանիքը

Երևանում կողոպտել են հայտնի բժշկական կենտրոններից մեկի տնօրենի 14-ամա տղային

Պոլսո պատրիարքարանը պարզաբանում է ներկայացրել Տ. Սահակ Բ պատրիարքի աղմկահարույց հարցազրույցի վերաբերյալ

Արսեն Ջուլֆալակյանը ոսկե մեդալակիր է դարձել Դանիայի միջազգային մրցաշարում

Թրամփի իմփիչմենտի՝ Սենատ ուղարկված գործը 111 էջից է բաղկացած

Փրկարարները Ծաղկաձորում արգելափակումից դուրս են բերել ավտոմեքենան

Ովքեր եւ ինչու են դիմադրում փոփոխություններին

Երեւանում Honda-ն տապալել է էլեկտրասյունն ու բախվել կայանված Opel-ին. վիրավորներից մեկին բեռնախցիկից են գտել

Կոտայքի մարզպետարանը ԱԱՏՄ-ի կողմից մարզի որոշ դպրոցների նկատմամբ վարչական վարույթի մասին պարզաբանում է ներկայացրել