Ա. Սարգսյանը Հրանտ Մաթեւոսյանի վաղեմի բարեկամն է եղել. նախագահը այցելեց Մաթեւոսյան կենտրոն

Այսօր ՀՀ նախագահ Արմեն Սարգսյանը այցելեց «Հրանտ Մաթեւոսյան» մշակութային կենտրոն-թանգարան: Գոհունակություն հայտնեց շենքի հետ կապված, հետաքրքրվեց դիզայնով, քննարկեց, թե դիզայնի կոնցեպտը եւ հետագա աշխատանքներն ինչպես պետք է արվի, ինչ ֆինանսավորում է հարկավոր երրորդ հարկի համար եւ այլն:

Նախքան կենտրոն այցելելը՝ Արմեն Սարգսյանը «Հրանտ Մաթեւոսյան» հիմնադրամի նախագահ Դավիթ Մաթեւոսյանի առաջարկով հանդիպում է ունեցել վերջինիս հետ, քննարկել են կենտրոն-թանգարանի աշխատանքները, խնդիրներն ու հետագա անելիքները, այնուհետեւ նախագահը ցանկություն է հայտնել պարտադիր այցելել եւ տեսենել «Հրանտ Մաթեւոսյան» մշակութային կենտրոն-թանգարանը:

Արմեն Սարգսյանը տեղյակ լինելով, որ 2020 թվականին Հրանտ Մաթեւոսյանի 85-ամյակն է՝ նպատակահարմար է համարում, որ 2020 թվականին բոլոր աշխատանքները ավարտված լինեն:

Դավիթ Մաթեւոսյանի խոսքով՝ Արմեն Սարգսյանը Հրանտ Մաթեւոսյանի վաղեմի բարեկամն է: «1996 թվականին, երբ Հայաստան էր հրավիրվել որպես վարչապետ, նրանք ավագի եւ կրտսերի շփումներ ունեցան, ցավոք շատ կարճ տեւեց, քանի որ գիտեք՝ հիվանդության պատճառով Սարգսյանը Հայաստանից գնաց»,-պատմեց Դավիթ Մաթեւոսյանը:

Լրագրողների հետ զրույցում Արմեն Սարգսյանն ասաց, որ ամեն ինչ անելու է, որպեսզի ըստ արժանվույնս կատարվեն կենտրոնի աշխատանքերը: «Հրանտ Մաթեւոսյանն արժանի է, որ իր գրականությունն ու արվեստը ըստ արժանվույն ներկայացվի իր հայրենիքում՝ Հայաստանում: Մարդիկ մի փոքրիկ Ահնիձոր ունենան այստեղ, որպեսզի կարողանան գալ եւ շփվել մեր մեծ վարպտի աշխատանքի, նրա կյանքի ու ստեղծագործության հետ»,-ասաց նախագահը:

ՀԺ-ի հարցին՝ քննարկվելո՞ւ են կենտրոն-թանգարանի բուսաբանական այգու հետ կապված հարցերը, նախագահն ասաց. «Իհարկե, ցանկալի կլինի, որ այստեղ բացի շենքից՝ լինի նաեւ միջավայր, եւ այդ միջավայրը իհարկե՝ այգին է: Նայե՛ք, կուզենաք, որ ավելի գեղեցիկ այգի լինի չէ՞: Ես էլ եմ ուզում, եկեք միասին այնպես անենք, որ գեղեցիկ շենքը նաեւ գեղեցիկ միջավայր ունենա»:

Մեր հարցին՝ պատրաստվո՞ւմ է աջակցել, որ հնարավորինս արագ կազմակերպվեն մշակութային կենտրոնի եւ հարակից տարածքի աշխատանքները, Արմեն Սարգսյանն ասաց, որ հնարավորության սահմաններում ամեն ինչ կանի:

ՀԺ-ի հետ զրույցում Դավիթ Մաթեւոսյանը դժգոհություն հայտնեց, որ Երեւանի քաղաքապետարանը նախագահի այցի մասին իմանալուց հետո է միայն շտապ կարգով մաքրել շրջակա տարածքը եւ կարգի բերել այն. «Սա միջավայր չէ, սա ոչ միայն թանգարանի միջավայր չէ, այլեւ քաղաքի միջավայր էլ չի կարող լինել: Սա վարորդական դիսպեչերական զուգարան է, աղբի կուտակման վայր է, սա թմրամոլների թողած արգասիքների աղբանոց է՝ սրսկիչներ, ասեղներ եւ այլ»,-ասաց Մաթեւոսյանը:

Վերջինս վստահաբար նշեց, որ քաղաքի գոնե մեկ հատված իրավունք ունի մշակութային դառնալ եւ լիարժեքորեն ծառայել իր նպատակին: «Մենք ի սկզբանե խոսել ենք քաղաքաշինական լուծումների մասին: Այգի մտնելով, լինի ամառ, թե ձմեռ, այցելուն անիմաստ չպիտի այգի մտնի: Պետք է լինի էքսպոզիցիոն կենտրոն միջավայր, որտեղ Մաթեւոսյանի ստեղծագործությունը հենց առաջին քայլից կսկսվի մատուցվել եւ շենքը կլինի դրա բաղկացուցիչ մասը»-եզրափակեց Մաթեւոսյանը:

Վերջինիս հայտնեց, որ առաջիկայում ՀՀ նախագահն այցելելու է նաեւ Լոռի, տեսնելու է Հրանտ Մաթեւոսյանի գյուղը՝ Ահնիձորը:

Տպել
8571 դիտում

Առողջապահության նախարարությունը` ՄԱԿ-ի ՈՎՀ կանխարգելման և վերահսկման միջգերատեսչական խմբի 2020թ. մրցանակակիր

ԿԳՄՍ նախարարն ընդունել է Հայաստանում Լիտվայի Հանրապետության արտակարգ և լիազոր դեսպանին

Դավիթ Տոնոյանն աշխատանքային այցով Ռուսաստանի Դաշնությունում է

Արցախում հաստատվել է կորոնավիրուսի 10 նոր դեպք, 9-ը՝ Ստեփանակերտից

Հոկտեմբերի 1-ից բժշկական նշանակության որոշ ապրանքներ առանց մաքսատուրքի ներմուծելու արտոնությունն այլևս չի գործի. ՊԵԿ

Կորոնավիրուսի թվերը շարունակում են աճել. 1 օրում հաստատվել է 392 նոր դեպք. մահացել է 2 տղամարդ

Արթուր Ասոյանի անունը շնորհակալագիր ստացողների ցուցակից դուրս է եկել, քանի որ նրան ավելի բարձր պարգեւ է շնորհվելու

Այ, այստեղ Աճեմօղլուն կզայրանար, զայրացա և ես. Գոգյանի հրաժեշտի գրառումը

Նրա գործողությունները համարում եմ ոչ իրավաչափ․ Արեւիկ Պետրոսյանը՝ ՍԴ նախագահի պաշտոնակատարի մասին

Դիմակ չկրելու համար Նաիրա Զոհրաբյանը դատարանի բակում ոստիկաններին բժշկի տեղեկանք ներկայացրեց

Վարչապետի որոշմամբ՝ ԱԻՆ կազմում ստեղծվել է պետական ռեզերվների կառավարման վարչություն

Խունդկարյանի թեկնածության վերաբերյալ ունեմ իմ համոզմունքը, որը կարտահայտեմ քվեարկությամբ. Շաթիրյան

Վարչապետը Արթուր Ասոյանին զրկել է շնորհակալագրից

Արմեն Փամբուխչյանը նշանակվել է արտակարգ իրավիճակների նախարարի տեղակալ. պաշտոնական

«Եթե ինձ կալանավորելով՝ ժողովրդի վիճակը կլավանա, հարց չկա». Գագիկ Ծառուկյանը ժամանեց դատարան

«Զինառ»-ում ՊՎԾ ստուգումներն ավարտվել են. թեյարանները գործել են խախտումներով. 160 մլն դրամի խախտում է հայտնաբերվել

Պտղունք գյուղի 10-ը տան հրդեհի պատճառը պարզ կլինի Հրդեհային և տեխնիկական անվտանգության ուսումնասիրությունից հետո

Ճանապարհաշինարարական աշխատանքների նպատակով Ֆիոլետովո-Դիլիջան ավտոճանապարհը փակ է լինելու

Այլևս չի գործելու կազմակերպությունների գործունեության կասեցումների պրակտիկան. կլինեն միայն տույժեր. ՍԱՏՄ

Արտաշատ քաղաքում «Nissan»-ը դուրս է եկել ճանապարհից ու բախվել էլեկտրասյանը