Երևան
15 °C
Երեւանի քաղաքապետ Տարոն Մարգարյանը երեկ դիմել է համաքաղաքացիներին եւ հայտարարել զբաղեցրած պաշտոնից հրաժարվելու որոշման մասին: Իր այդ քայլը, սակայն նա որեւէ կերպ չի պատճառաբանել:
«Սիրելի՛ համաքաղաքացիներ, խոսքս ուղղում եմ ձեզ՝ հայտնելու Երեւանի քաղաքապետի պաշտոնից հրաժարվելու իմ որոշման մասին եւ շնորհակալությունս հայտնելու ձեզանից յուրաքանչյուրին՝ համագործակցության ու համատեղ աշխատանքի համար: Միասին անցած ճանապարհի ընթացքում փորձել եմ լսել ձեզանից յուրաքանչյուրի ձայնը եւ քայլ առ քայլ կարգավորել մայրաքաղաքի խնդիրները, եղել խոստմանս ու ծրագրերիս հավատարիմ։ Այդ առումով, ակնկալում եմ ներողամտություն մեր բոլոր այն համաքաղաքացիներից, որոնց հետ մեր համատեղ ճանապարհն ընդհատվում է: Շնորհակալությունս եմ հայտնում Երեւանի ավագանու իմ գործընկերներին, Երեւանի քաղաքապետարանի եւ վարչական շրջանների աշխատակազմերին, գործընկեր կառույցներին եւ անհատներին՝ համատեղ աշխատանքի ու միասին անցած ուղու համար»,- նշվում է Տարոն Մարգարյանի ուղերձում: «Այդքանով բավարարվեք: Ուրիշ բան չունեմ ասելու»,- մեր հարցին պատասխանեց քաղաքապետարանի տեղեկատվության եւ հասարակայնության հետ կապերի վարչության պետ Արթուր Գեւորգյանը, երբ հետաքրքրվեցինք Տարոն Մարգարյանի հրաժարականի դրդապատճառների մասին:
Քաղաքապետի պաշտոնից նրա հեռանալու վերաբերյալ չհաստատված լուրեր էին տարածվում արդեն բավական ժամանակ: Մինչ այդ բողոքի տարբեր ցույցեր էին անցկացվում Մարգարյանի հրաժարականի պահանջով: Կազմակերպվում էին նաեւ ցույցեր՝ ի պաշտպանություն գործող քաղաքապետի: Մայիսի վերջին, երբ Հայաստանում արդեն տեղի էր ունեցել թավշյա հեղափոխությունը, Երեւանի ավագանու ԵԼՔ խմբակցությունը հանդես էր եկել Տարոն Մարգարյանի հրաժարականի պահանջով: Խմբակցության ղեկավար Դավիթ Խաժակյանը, մեզ հետ զրույցում անդրադառնալով հարցին, որ եթե այդ պահանջը կատարվի, ո՞վ է լինելու իրենց թեկնածուն, ասել էր. «Ես խոստանում եմ ՝ հենց Տարոն Մարգարյանը հրաժարական տա, առաջիկա մեկ ժամվա ընթացքում մենք այդ հարցը կորոշենք»:
Դրանից ավելի քան մեկուկես ամիս անց, սակայն չի բացառվում, որ ԵԼՔ-ը նախընտրելի համարի ավագանու արտահերթ ընտրությունները եւ գործող ավագանու իր անդամներից քաղաքապետի թեկնածու չառաջադրի, որովհետեւ խմբակցության կազմն այս ընթացքում բավական փոփոխություններ է կրել. ավագանու ԵԼՔ խմբակցությունը ներկայացնող անձանց մի մասը նշանակվել են տարբեր պաշտոններում:
«Եթե համադրենք, թե այն պահին ովքեր էին խմբակցության անդամները եւ հիմա, այդ որոշումը, բնականաբար նույնը չի կարող լինել: Դրա համար պետք է քննարկում իրականացնենք եւ հասկանանք՝ առհասարակ առաջադրում լինելո՞ւ է, թե՞ ոչ, եւ եթե լինելու է, ապա՝ ով: Ինչպես ասացի, խմբակցության կազմը գրեթե 30 տոկոսով փոխվել է, եւ այդ հարցին պատասխանելը այս պահին այդքան էլ հեշտ չէ: Գուցե քննարկվի եւ թեկնածու չառաջադրելու քաղաքական նպատակահարմարություն գտնվի: Սա ընդամենը տարբերակներից մեկն է»,- ասաց Դավիթ Խաժակյանը:
Հարցին, թե ինչով կարող է քաղաքապետի թեկնածու չառաջադրելը նպատակահարմար լինել, նա պարզաբանեց, որ այն դեպքում, երբ քաղաքապետի թեկնածու չլինի կամ որեւէ թեկնածու չստանա բավարար ձայներ, ապա կանցկացվեն ավագանու արտահերթ ընտրություններ: «Այս պահից հաշված երեք օր անց մենք պետք է ունենանք ավագանու նիստ, որոշենք ընտրության օրը, որը պետք է լինի 2 շաբաթից 30 օրվա ընթացքում: Քաղաքապետի ընտրությունը գործող ավագանու կազմից կարող է լինել 33 օրվա ընթացքում, իսկ ավագանու արտահերթ ընտրությունները՝ ամենաուշը 73 օրվա ընթացքում»,- մանրամասնեց ԵԼՔ խմբակցության ղեկավարը:
Երեւանի ավագանու «Երկիր ծիրանի» խմբակցությունը նույնպես չի շտապում հայտարարել, որ գործող ավագանու պայմաններում կառաջադրի քաղաքապետի իր թեկնածուն: «Տեսնենք, ժամանակը ցույց կտա»,- մեր հարցին պատասխանելով՝ ասաց խմբակցության ղեկավար Զարուհի Փոստանջյանը: Ինչ վերաբերում է ավագանու ընտրություններին հնարավոր մասնակցությանը՝ նա նշեց. «Միանշանակ: Իհարկե: Մենք բոլոր ընտրություններին մասնակցելու ենք, մասնակցել ենք՝ անկախ նրանից՝ եղե՞լ են հավասար պայմաններ, թե՞ ոչ, բայց մենք նախընտրում ենք, որպեսզի մեր երկիրը լինի ժողովրդավար, եւ պարբերաբար տեղի ունենան ընտրություններ: Եվ ընտրություններ լինեն ոչ միայն տեղական ինքնակառավարման մարմինների, այլ ե՛ւ դատական համակարգում՝ դատավորների, ե՛ւ Խորհրդարանի, ե՛ւ նաեւ գործադիր իշխանության ղեկավարի: Ուղղակի ընտրությունները մենք գտնում ենք, որ ժողովրդավարության լավագույն մեթոդը եւ միջոցն են»,- ասաց Զարուհի Փոստանջյանը:
Երեւանի ավագանու ՀՀԿ խմբակցության անդամ Մարտին Վարդազարյանն էլ պատասխանեց, որ դեռեւս չեն քննարկել եւ որոշում չունեն՝ խմբակցությունը կառաջադրի՞, թե՞ չի առաջադրի քաղաքապետի այլ թեկնածու: «Այդ մասին դեռ վաղ է խոսել: Նիստը ցույց կտա»,- արձագանքեց նա:
Առևտրով զբաղվող անհատ ձեռնարկատերը պետությանը պատճառված վնասից պետբյուջե է վերականգնել 135 միլիոն դրամ
Ավտոբուսը ընկել է բաց դիտահորը, տեղի է ունեցել վառելիքի արտահոսք
Գուցե ոմանց երազանքն է, որ ՔՊ-ն չմասնակցի առաջիկա ընտրություններին, բայց նման հաճույք չենք պատճառի. Կոնջորյան
Գագիկ Ղազինյանը հրավիրվել է դատախազության ապօրինի գույքի բռնագանձման վարչություն
Ինչ զիջումների մասին է խոսվում Ջո Բայդենի՝ Նիկոլ Փաշինյանին ուղղված նամակում. Կոնջորյանը մանրամասնել է
Ինչ են քննարկել ԲՐԻԿՍ-ի առաջնորդներն ընթրիքի ժամանակ. Պուտինն անհատապես հանդիպել է գրեթե բոլորի հետ
ԱՄՆ-ն մշտապես աջակցություն է հայտնել խաղաղության գործընթացին. Հայկ Կոնջորյան
Ես ձեզ զգուշացնում եմ՝ ինձ հետ սպառնալիքով մի՛ խոսեք, դա չի աշխատելու. Սիմոնյանը՝ Մինասյանին
ՊՊԾ պետն ու ոչ զինվորական տեղակալը զենք կրելու, պահելու և կիրառելու լիազորություն կստանան. Առաքելյան
Համաշխարհային առաջնորդների ամենամեծ հանդիպումներից մեկը. ովքեր են ժամանել Կազան, և ինչ է սպասվում առաջիկա օրերին
Ալիևը ժամանել է Կազան. օդանավակայանում նա կծել է չակ-չակն ու տվել իր պատվիրակության անդամին (տեսանյութ)
Երևանի աղբահանության և սանմաքրման համայնքային հիմնարկի հավաքակայանը համալրվել է աղբատար 14 նոր մեքենայով
20 օր արգելվում է կենդանիների արածեցումը. սկսվել են մկնասպան թունանյութի բաշխման աշխատանքներ
Մանդատ դնել-չդնելու մասին դեռ լուր չկա. թիվ 31 ՏԸՀ-ն «Բալասանյան» դաշինքի ընտրացուցակից դուրս գալու դիմումներ է ստացել
Ավետ Պողոսյանն ընտրվել է Հեռուստատեսության և ռադիոյի հանձնաժողովի անդամ
ՔՊ խմբակցության ղեկավարն անդրադարձել է ՀՀ արդարադատության նախարարի պաշտոնը թափուր մնալու հետ կապված հարցին
Ամենամեծ ռևանշիզմն այն է, ինչ հիմա անում է Բաքուն․ Ալեն Սիմոնյան
Արդարադատության նախարարի թեկնածու չունենք, պետք է դիտարկենք նաև կուսակցության անդամ չհանդիսացող մասնագետների․ Սիմոնյան
Դանակահարված երիտասարդը հիվանդանոցում հայտնել է՝ ընկել է ամրանի վրա. ինչ է եղել իրականում
Վստահ եմ՝ Խաղաղության պայմանագրի կնքումից հետո Ադրբեջանը հետ կքաշվի այն մասերից, որտեղ ինքն առաջ է․ Ալեն Սիմոնյան
Լեռնային Ղարաբաղում կրկին ադրբեջանցի զինծառայող է մահացել
Տավուշում երկու եռանկյունի կա, Ադրբեջանինը գտնվում է մեր տիրապետության տակ, իսկ մերը՝ իրենց․ Սիմոնյան
«Միսս Տիեզերք» մրցույթը Հայաստանի մասնակցության մասին հայտարարություն է տարածել և կոչ արել նոր մասնակից ընտրել
Արարատյան դաշտում առաջիկա օրերին սպասվում է -1-ից -5 աստիճան ցուրտ, կանխատեսվում են տեղումեր
Նախատեսվում է Հայաստանին տրամադրել 75 մլն եվրո բյուջետային աջակցության վարկ․ ֆինանսների նախարար
Սուրեն Պապիկյանն ու Հայաստանում Վրաստանի դեսպանը քննարկել են պաշտպանության բնագավառում համագործակցության ընթացքը
Կազանում մեկնարկել է ԲՐԻԿՍ-ի գագաթնաժողովի նեղ կազմով նիստը. նախագահում է Պուտինը
Մոպեդների մասնակցությամբ ՃՏՊ-ների կանխման նպատակով միջնորդագրեր են հղվել պատկան մարմիններին. ՔԿ
Հօգուտ Հայաստանի կբռնագանձվի շուրջ 850 հազար դոլար. դատարանը բավարարել է Դատախազության հայցադիմումը
Ռազմական դրության ժամանակ ոստիկանության գվարդիան կարող է ստանալ հատուկ առաջադրանքներ․ ՆԳՆ փոխնախարար
«Նոա»-ն մեկնել է Վիեննա․ Կոնֆերենցիաների Լիգայի երկրորդ փուլում նրանք կմրցեն «Ռապիդի» հետ
ՊԵԿ-ը 21 ավտոգազալցակայանում հայտնաբերել է ապրանքային մնացորդի պակասորդ. առաջադրվել է 4,8 մլրդ դրամ տուգանք
Տավուշի բնակավայրերից մեկում իրականացվելու են պայթեցման աշխատանքներ. ՊՆ
Վանաձոր-Սպիտակ մայրուղում գործող հանրային սննդի կետի գործունեությունը կասեցվել է
Մեսսին՝ MLS-ի հոկտեմբերի լավագույն ֆուտբոլիստ
Բաքվում սպանվել են ռուսական դրամատիկական թատրոնի դերասանն ու նրա կինը
Օտարերկրացիների մոտ հայտնաբերվել է թմրամիջոցի 34 փաթեթ. նրանք ձերբակալվել են (տեսանյութ)
Ֆրանսիայի ԱԳ նախարարը դատապարտել է Ադրբեջանի կողմից միջազգային իրավունքի խախտումները․ Բաքվում ջղաձգվել են
Ազգային ժողովը վավերացրեց Հայաստանի և Ադրբեջանի սահմանազատման հանձնաժողովների Կանոնակարգը
Թուրքիայի նախագահը 6 տարվա ընդմիջումից հետո մասնակցելու է ԲՐԻԿՍ-ի գագաթնաժողովին. նա կմեկնի Կազան
