Լուսանկարում՝ ՀՀ վարչապետ Նիկոլ Փաշինյանը եւ Աշխարհի 2018 թ. առաջնության թալիսման Զաբիվակա գայլը. լուսանկարը՝ ՀՀ կառավարության մամուլի ծառայության

Համաշխարհային նշանակություն ունեցող սպորտային իրադարձությունները միշտ զուգորդվում են համաշխարհային քաղաքականության որոշակի ակտիվացմամբ: Ամեն ինչից զատ դրանք նաեւ հարթակ են, որտեղ երկրների ղեկավարները կարող են հարցերը քննարկել համեմատաբար անմիջական ձեւաչափով: Ցավոք, երբեմն սպորտն ընկնում է քաղաքականության ազդեցության տակ եւ մթագնում սպորտային տոնը: Քաղաքականությունից զերծ չէր կարող լինել նաեւ Ռուսաստանում անցնող ֆուտբոլի աշխարհի առաջնությունը:

Հունիսի 14-ին տրվեց ֆուտբոլի աշխարհի առաջնության մեկնարկը: Նախօրեին Մոսկվա էին այցելել մի շարք բարձրաստիճան հյուրեր՝ ներկա գտնվելու առաջնության բացման հանդիսավոր արարողությանը: Նրանց թվում էին Հայաստանի, Ադրբեջանի, Լիբանանի, Մոլդովայի, անգամ հեռավոր Բոլիվիայի, Պարագվայի եւ Պանամայի ղեկավարները:

ՌԴ նախագահ Վլադիմիր Պուտինը հունիսի 13-ին հանդիպեց բարձրաստիճան հյուրերից մի քանիսի հետ: Նրանց թվում էին նաեւ ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիեւը: Ալիեւի հետ հանդիպման ընթացքում Պուտինը հույս հայտնեց, որ բոլոր երկրների առաջնորդները «հետաքրքիր եւ օգտակար» ժամանակ կանցկացնեն Ռուսաստանում:

«Հետաքրքիր, որովհետեւ խաղն է գեղեցիկ լինելու, իսկ օգտակար, որովհետեւ հնարավորություն կա գործընկերների հետ խոսելու, մեկի հետ ծանոթանալու, մյուսների հետ տեղեկություններ փոխանակելու հնարավորություն», - պարզաբանել էր Պուտինը:

Այս հայտարարությունը պատահաբար չի արվել հենց Ալիեւի հետ հանդիպման ընթացքում: «Մեկի հետ ծանոթանալու» ակնարկն ուղղակիորեն վերաբերվում էր Նիկոլ Փաշինյանին: Ադրբեջանի նախագահի հետ զրույցի ընթացքում Պուտինը նշեց նաեւ, որ երկկողմանի հարցերը նրանք կքննարկեն Ալիեւի՝ օգոստոսին Ռուսաստան կատարելիք այցի ընթացքում: Հատկանշական է, որ Ալիեւը, որը երբեք հարմար առիթը բաց չի թողնում հիշել «Ադրբեջանի տարածքների 20%-ի օկուպացիայի մասին» այս անգամ շրջանցեց Արցախի թեման: Փոխարենը նա կենտրոնացավ քաղաքական համագործակցության վրա:

«Մեր քաղաքական համագործակցությունը շատ բարձր մակարդակի վրա է, մենք վստահելի ընկերներ, ռազմավարական գործընկերներ ենք»,- ասել է Ալիեւը:

Նիկոլ Փաշինյանի հետ հանդիպման ընթացքում Պուտինը պատրաստակամություն է հայտնել խոսել Հայաստանի հետ երկկողմ հարաբերությունների մասին հենց աշխարհի առաջնության ընթացքում՝ չթողնելով այդ խոսակցությունը հետագա հանդիպումներին, որոնք, ՌԴ նախագահի հավաստմամբ, «պահանջված են»:

«Հաշվի առնելով մեր հարաբերությունների ռազմավարական բնույթը եւ տարբեր ուղղություններով համագործակցության մեծ ծավալը, կարծում եմ՝ մեր հանդիպումները պահանջված են: Շնորհակալ եմ, որ Դուք ժամանել եք, եւ մենք հնարավորություն ունենք միջազգային մարզական միջոցառման շրջանակում խոսել երկկողմ գործերից»,- ասել է Պուտինը Փաշինյանի հետ զրույցի ընթացքում:

Փաշինյանի խոսքում շեշտադրում կատարվեց սուվերենության նկատմամբ փոխադարձ հարգանքի վրա, ինչն աննախադեպ է հայ-ռուսական հարաբերություններում: 

«Ես կարծում եմ, որ թե՛ Հայաստանում, թե՛ Ռուսաստանում բոլորը գոհ են այս զարգացումներով եւ նաեւ հույս ունեմ, որ այդ հարաբերությունները կզարգանան ավելի արդյունավետ՝ երկու ժողովուրդների, երկու պետությունների շահերի եւ սուվերենության նկատմամբ հարգանքի հիման վրա», - ասել է Փաշինյանը:

Սուվերենության վերաբերյալ հատվածը, ամենայն հավանականությամբ, կդառնա քննարկումների առարկա այն փորձագետների կողմից, որոնք շարունակ պնդում են, թե իբր Հայաստանը գնում է դեպի Արեւմուտք:

Ինչ վերաբերվում է դեպի Արեւմուտք գնացողներին՝ նախկին խորհրդային երկրներից միայն Վրաստանի եւ Ուկրաինայի ներկայացուցիչներն էին հրաժարվել ներկա գտնվել աշխարհի առաջնությանը: Կտրականապես հրաժարվել էին Ռուսաստան գալ նաեւ Անգլիայի կառավարության եւ թագավորական ընտանիքի ներկայացուցիչները: Անգլիացիներին իրենց համերաշխությունն էին հայտնել իսլանդացիները:

Առաջնության ընթացքում սպասվում է Բելգիայի արտգործնախարարի եւ, հնարավոր է, Բելգիայի թագավոր Ֆիլիպի այցը: Չի բացառվում, որ Ռուսաստան կժամանի նաեւ Իսպանիայի թագավոր Ֆիլիպը, որը հավաքականի մոլի երկրպագու է: Հարավային Կորեայի նախագահ Մուն Ջեինի պաշտոնական այցը եւս կայանալու է առաջնության ընթացքում, իսկ Սենեգալի նախագահն ընդհանրապես 12-օրյա արձակուրդ է վերցրել եւ նախատեսում է այն անցկացնել Ռուսաստանում:

Ինչ վերաբերվում է մեծ քաղաքականության վրա իրական ազդեցություն ունեցող դեմքերին, ապա ՄԱԿ-ի գլխավոր քարտուղար Անտոնիու Գուտերեշը նախատեսում է Մոսկվա այցելել հունիսի 20-ին եւ ներկա գտնվել Պորտուգալիայի հավաքականի խաղին:

Գերմանիայի կանցլեր Անգելա Մերկելը, որը վերջին շրջանում բաց չի թողել աշխարհի եւ Եվրոպայի ոչ մի առաջնություն, ավելի վաղ հայտարարել էր, որ հնարավոր այցը Ռուսաստան «չի հակասում իր սկզբունքներին եւ կարող է օգտակար լինել քաղաքական հարցեր քննարկելու տեսանկյունից»:

Ֆրանսիայի նախագահ Էմանուել Մակրոնը Պուտինի հետ մայիսի վերջին Սանկտ-Պետերբուրգում կայացած հանդիպման ընթացքում վստահություն էր հայտնել, որ Ֆրանսիայի հավաքականը դուրս կգա եզրափակիչ, և ինքը հնարավորություն կունենա «եւս մեկ անգամ հանդիպել իր ընկեր Վլադիմիրին»:

Հատկանշական է, որ բացման արարողությանը Մոսկվայում էին գտնվում նաեւ Աբխազիայի եւ Հարավային Օսեթիայի նախագահները: Ըստ էության, սա աշխարհին սեփական գոյության մասին հայտնելու ապաքաղաքական տարբերակներից մեկն է: Բացի այդ, Աբխազիայի եւ Հարավային Օսեթիայի ներկայությունը գրավիչ նախադեպ է: Հետաքրքիր կլիներ Արցախի ներկայացուցիչներին տեսնել 2020 թ. Օլիմպիական խաղերին, կամ ֆուտբոլի Եվրոպայի առաջնությանը: Թեեւ հասկանալի է, որ ո՛չ Ճապոնիան, ո՛չ էլ Ֆրանսիան այսօրվա դրությամբ առիթ չունեն Արցախի ղեկավարությանը հրավիրելու իրենց երկրներում անկացվելիք սպորտային իրադարձություններին:

Ինչեւէ, դրան դեռ երկու տարի կա, իսկ մոտակա մեկ ամսվա ընթացքում տարբեր երկրների տարբեր մակարդակի պաշտոնյաներ հանդիպումներ եւ քննարկումներ են ունենալու տրիբունաների աղմուկի ներքո: Երկրպագուներին էլ մնում է հուսալ, որ նման քաղաքական ծանրաբեռնվածությունն իր ազդեցությունը չի ունենա խաղի վրա եւ կընթանա խաղադաշտից դուրս:

Տպել
4754 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում