Լուսաձորի համայնքապետն առաջիկայում գուցե վայրի դնի ՀՀԿ-ի անդամատոմսը

Տավուշի մարզի 750 բնակիչ ունեցող Լուսաձոր համայնքի 150 բնակիչից ավելին գտնվում է արտերկրում: Գյուղում չնայած կա հիմնական դպրոց, սակայն աշակերտների թիվը մտահոգիչ է՝ 29 աշակերտ: Դպրոցն այս տարի 5 շրջանավարտ է տվել:

«Բնակչության մի մասը զբաղվում է հողագործությամբ, մի մասը՝ անասնապահությամբ: Գյուղը ժամանակին հայտնի է եղել նաեւ ծխախոտի արտադրությամբ, որը տարիների ընթացքում իսպառ վերացել է»,-Armtimes.com-ի հետ զրույցում հայտնեց Լուսաձորի համայնքապետ Վարդան Սարդարյանը:

Գյուղն ունի 170 հա վարելահող, որից 50 հեկտարը մի քանի տարի ժամկետով գյուղացիները վարձակալությամբ տրամադրել են «Հիմնատավուշ» զարգացման հիմնադրամին: Մյուս մասը ոռոգման ջրի ու գյուղտեխնիկայի բացակայության պատճառով դադարել է մշակվել՝ դառնալով խոտհարք:

Կաթի մթերման խնդիր չկա գյուղում, քանի որ անասնագլխաքանակն այնքան չէ, որ մթերման խնդիր առաջանա: Կաթը հիմնականում իրացվում է գյուղում ու Իջեւանի շուկայում:

Գյուղապետի խոսքով՝ գյուղի հիմնական խնդիրն արտագաղթն ու աշխատատեղերի բացակայությունն է, ինչը ժամանակի ընթացքում կվերանա. գյուղից հեռացածները կվերադառնան, աշխատանք չունեցողների համար էլ աշխատատեղեր կբացվեն, ասում է հանրապետական գյուղապետն ու նշում, որ ինքը ոչ միայն չի արգելել մասնակցել ցույցերին, դեռ մի բան էլ աջակցել է ինչով կարողացել է.«Ոնց որ ամբողջ Հայաստանում, մեր գյուղն էլ բացառություն չէ, ոգեւորված ու ոգեշնչված է թավշյա հեղափոխությունից»,-ասում է գյուղապետն ու հավելում, որ լավը տեսնելու համար կուսակցական լինելը չի խանգարում իրեն:

Համայնքի ղեկավարը չի բացառում, որ առաջիկայում գուցե վայր կդնի հանրապետականի անդամատոմսը, բայց մինչ այդ, հիշեցնում է, որ չնայած ինքը ցույցերին չի մասնակցել անձամբ, բայց իր տղաներն են մասնակցել, որոնց որեւէ կերպ չի խոչընդոտել, դեռ մի բան էլ՝ աջակցել է գյուղի երիտասարդներին:

Գյուղապետն ասում է, որ հեղափոխությունից հետո իրեն զանգահարել են գյուղից արտագաղթած բնակիչներից ու հայտնել, որ ցանկանում են վերադառնալ ու բիզնես դնել գյուղում:

Գյուղապետը հիշեցնում է, համայնքը մոտ է Վրաստանին, ու լուսաձորցիներն էլ շատերի նման հաճախ են գնացել Վրաստան ու փորձել էժան գնով ապրանք բերել, առեւտուր անել, սակայն մաքսակետի հայ աշխատակիցները խոչընդոտներ են ստեղծել. «Հիմա էդ խնդիրը չկա, մարդիկ 10 կգ-անոց ձմերուկ են առել, տամոժնիկը դրել կես է արել, 5 կիլոն տվել է, որ բերեն, մյուս 5 կիլոն թափել է, ասելով, թե չի կարելի…հիմա իրավիճակ է փոխվել…»:

Համայնքի բյուջեն 18 մլն դրամ է, որից 14-ը՝ դոտացիա, շուրջ 3.5 մլն դրամն էլ սեփական եկամուտներն են: Բյուջեի 80 տոկոսից ավելին գնում է աշխատակազմի աշխատավարձերին, իսկ մնացած 20 տոկոսով էլ, ինչպես գյուղապետն ասաց՝ ավագանու որոշմամբ օգնություն են ցույց տալիս մահացածների հարազատներին. «800 հազար դրամ, շրջանավարտներին ենք օգնություն տալիս, տոներ ունենք,  ֆոնդային բյուջեում ունեցած 7 մլն դրամով կամ տեխնիկա ձեռք կբերենք, կամ լուսավորություն կքաշենք…: Գյուղի բյուջեով, բացի օգնությունից ու աշխատավարձից, նաեւ այլ մանր ծախսեր ենք անում, շինարարական մյուս ծախսերն արվում են ֆոնդայինից»:

Հոդվածը պատրաստվել է Հայաստանում միգրացիոն քաղաքականության միջազգային կենտրոնի գրասենյակի կազմակերպած մեդիատուրի շրջանակներում:

Տպել
6856 դիտում

30 մլն եվրո աջակցություն կտրամադրվի Հայաստանին դատական ոլորտի բարեփոխումների համար

«Այսօր դադարեց իմ պատգամավորական գործունեությունը». Արմեն Փամբուխչյանը հրաժեշտի լուսանկար է հրապարակել

Ներկայում քննարկում է վճարովի համակարգում սովորող ուսանողներին ֆինանսական աջակցություն ցուցաբերելու հարցը. նախարար

Ծայրահեղ քայլի դիմած կալանավորի ոտքի մեխերը հանվել են. նա տեղափոխվել է քաղաքացիական հիվանդանոց

Լուսինե Թորոյանին շնորհավորում են թանգարանի տնօրեն դառնալու առթիվ, բայց պաշտոնական նշանակում դեռ չկա

ՀՊՏՀ ռեկտորի նոր մրցույթ հնարավոր չէ կազմակերպել, արդյունքների հաստատումն ուշացնելու դեպքում՝ կդիմեն այլ գործիքակազմի

Իսպանիայի Սենատը վավերացրել է ՀՀ-ԵՄ Համապարփակ և ընդլայնված գործընկերության համաձայնագիրը

30 մլն եվրո կհատկացվի Հայաստանին Covid-19 համավարակին դիմակայելու նպատակով

Գագիկ Ծառուկյանը և նրա պաշտպանները դատական նիստի տեղի և ժամանակ վերաբերյալ պատշաճ ձևով ծանուցված չեն եղել. Երեմ Սարգսյան

Մամուլին լուրջ չեմ վերաբերվում, եթե ձեզ հավատայի, դուք երկու ամիս ասում էիք, որ չեմ ընտրվի. ՍԴ դատավոր

Բացահայտվել է ԱԱԾ ավագ ենթասպայի կողմից խոշոր չափերի գումարներ հափշտակելու դեպք

Պայմանավորվել ենք, որ տեսչական մարմինները եւ ոստիկանությունը կուժեղացնեն կանոնների պահպանման նկատմամբ հսկողությունը

ՍԴ նախագահի ընտրությունները դարի հարց մի դարձրեք. Հրայր Թովմասյան

«Ալագյազ» զորավարժարանում մեկնարկել է «Կովկաս-2020» զորավարժության կրակային փուլը

Մեր երկխոսության մեջ չկա ոչ մի «տաբու», սակայն չեմ հիշում դեպք, որ մենք թեժ վիճաբանած լինենք. Սերգեյ Կոպիրկին

Արցախում կորոնավիրուսի 9-ը նոր դեպք է հաստատվել. 5 բուժվող հիվանդի վիճակը ծանր է

Կամերային կենտրոնը Կոմիտասի ծննդյան օրը բացօթյա համերգ կկազմակերպի

Ճիշտ կլինի, որ դասերը որքան հնարավոր է շուտ սկսվեն. ՀՊՏՀ ՈւԽ նախագահը՝ դասապրոցես չլինելու մասին

Հաստատվել է 25-րդ հակաճգնաժամային ծրագիրը․ աջակցություն կտրամադրվի զբոսաշրջային տրանսպորտային ընկերություններին

Հաստատվել է կորոնավիրուսի 374 նոր դեպք. մահացել է 3 մարդ, բացի մեկից՝ մյուսներն ունեցել են հիվանդություններ