Տավուշի մարզի Գանձաքար գյուղում գյուղատնտեսությունը գնալով մեռնում է (լուսանկարներ)

Տավուշի մարզի 3800 բնակիչ ունեցող Գանձաքար գյուղում ոչ անասնապահությունն է զարգանում, ոչ էլ հողագործությունը: Գյուղատնտեսությունն այս գյուղում տարիների ընթացքում գնալով դադարել է, իսկ բնակիչները բռնել են արտագնա աշխատանքի ու ինչու ոչ նաեւ արտագաղթի ճամփան:

Անասնապահության համար գյուղը նպաստավոր է, ունի շուրջ 800 հա խոտհարք: Գյուղի տնտեսական զարգացման ծրագրի՝ որպես հիմնական կետ ընդգրկվել է տոհմային կաթնատու անասնապահության ու կաթի վերամշակման հիմնումը, որը, ըստ գյուղապետի, հնարավոր կլինի իրականացնել բնակչի, կառավարության ու ներդրողի միջոցներով:

Նշված ծրագիրը կազմվել ու ներկայացվել է նախկին կառավարությանը, որտեղից անգամ չեն էլ արձագանքել. «Ներկայացրել ենք, մերժել են: Պարզապես՝ անարձագանք թողեցին: 20-25 աշխատատեղ կբացվեր, մարդկանց եկամուտը կավելանար, գյուղում անասնապահությամբ զբաղվող մարդիկ չեն կարողանում իրենց կաթն ու պանիրը իրացնեն, բայց որ վերամշակման արտադրություն լիներ՝ մարդիկ կհանձնեին, անգամ հարակից համայնքները օգուտ կունենային»,- լրագրողների հետ զրույցում ասաց Գանձաքարի համայնքապետ Վարդգես Դովլաթբեկյանը:

Գանձաքարցի այն ընտանիքները, ովքեր շարունակում են դեռ զբաղվել անասնապահությամբ, հիմա էլ բախվում են կաթի մթերման խնդրի հետ: Գյուղից կազմակերպված մթերում չի իրականացվում, բնակիչներն իրենց ուժերով կաթը վաճառում են Իջեւանի շուկայում: Սեզոնին զբաղվում են նաեւ անտառներից հատապտուղներ հավաքելով, որը եւս վերավաճառվում է, մինչդեռ ինչպես բնակիչները մեզ հետ զրույցում հայտնեցին, եթե հատապտուղի վերամշակման գործարան լիներ, իրենց հոգսերը կթեթեւանա:

Համայնքի ղեկավարն ասում է, որ նոր կառավարությունից էլ կփորձեն աջակցություն խնդրել՝ գյուղում կաթի վերամշակման արտադրություն հիմնելու մասով, ինչպես նաեւ աջակցելու տոհմային կաթնատու կովեր ձեռքբերելուն, ինչը կավելացնի գյուղացու եկամուտը մի քանի անգամ:

Գանձաքարի գյուղապետի տեղակալ Անաստաս Հակոբյանը՝ անդրադառնալով տարիներ շարունակ գյուղնախարարության կողմից իրականացված նմանատիպ ծրագրերին ու  իրենց՝ տվյալ ծրագրերին չմասնակցելուն, նշեց, որ դրանցից  հիմնականում օգտվել են նույն մարդիկ, իսկ «շարքային» գյուղացուն դա հասանելի չի եղել:

Հողագործությամբ եւս այստեղ չեն զբաղվում, պատճառները մի քանիսն են: Գյուղը չունի տեխնիկա, չկա ոռոգման համակարգ, չնայած որ գյուղով 3 գետ է հոսում. «Ոչ անասնապահությունն է զարգանում մեզ մոտ, ոչ էլ հողագործությունը…գյուղացին էսօր կարտոշկեն գնում շուկայից ա առնում, դա անթույլատրելի է»:

Գյուղապետի տեղակալն ասում է, որ տարիներ շարունակ նախորդ իշխանություններն իրենց ստիպել են ուռճացված թվեր ներկայացնել՝ գյուղում անասնագլխաքանակի ու մշակվող վարելահողերի վերաբերյալ, մինչդեռ իրականությունն այլ է եղել. «Մեզնից աչոտ էին ուզում՝ նկարած թվերով, իսկ հիմա այդպես չէ…»:

Հոդվածը պատրաստվել է Հայաստանում միգրացիոն քաղաքականության միջազգային կենտրոնի գրասենյակի կազմակերպած մեդիատուրի շրջանակներում:

Տպել
10715 դիտում

Ստեփանավանի դենդրոպարկի մուտքի մոտ սահմանափակումներ են դրվել. նախօրեին 10 000 մարդ էր այցելել այնտեղ (լուսանկարներ)

Գեղարքունիքի մարզում կորոնավիրուսի 6 նոր դեպք է հաստատվել

Մինչ այս քրեական հետապնդման մարմինների կողմից իրականացված գործողությունները եղել են ու մնում են իրավաչափ. Գոռ Աբրահամյան

Շիրակի մարզում առաջին անգամ սոյա կմշակվի. ծրագիրը փորձնական է

Անցյալի եւ ապագայի միջեւ գիծ պետք է քաշվի, պետք է հասկանալ՝ ինչ է տեղի ունեցել 1996-ին, 1999-ին, 2008-ին...Ա. Ջուլհակյան

Երևանում տերմինալներից գողություն կատարողների խումբ է բռնվել. ձերբակալվել են 22 և 26-ամյա երկու երիտասարդներ

Այգեձոր բնակավայրի «Այգեձորի գոմեր» կոչվող հանդամասում մոտ 5 հա խոտածածկ տարածք է այրվել

ՍԱՏՄ մշտադիտարկումներն ու կրկնայցերը Երեւան քաղաքում. կրկնակի խախտում է թույլ տվել 2 կազմակերպություն

Նախագահը կրթության փորձագետ Անահիտ Բախշյանի հետ խոսել է Լանզարոտի կոնվենցիայի վերաբերյալ իր մտահոգությունների մասին

Հյուրանոցային համալիրի սեփականատիրոջ կազմակերպմամբ տնօրենին զրկել են ազատությունից, ապա ունեզրկել

Ոստիկանությունում Ռուբեն Հայրապետյանին առնչվող նոր քրեական գործ է հարուցվել

Առողջապահության նախարարը հանդիպել է ՀՎԿԱԿ-ի մասնաճյուղերի տնօրեններին

Գալուստ Սահակյանի որդին ներգրավվել է որպես մեղադրյալ ՔԿ-ում քննվող քրեական գործով

Սննդի անվտանգության տեսչական մարմինը մշտադիտարկումներ է իրականացրել Երեւանում․ հայտնաբերվել են մի շարք խախտումներ

ԱԻՆ-ը շրջայց է իրականացնում ՀՀ տարածքում (Տեսանյութ)

ՀՀ վարչապետը ցավակցական հեռագիր է հղել Իսպանիայի կառավարության նախագահին

Նախագահը ստորագրել է սեռական բռնություններից երեխաների պաշտպանության մասին կոնվենցիան վավերացնելու օրենքը և վավերագիրը

Մենք գնում ենք այս ճանապարհով՝ փոխանցելով «կրիր դիմակ, փրկիր կյանքեր» ուղերձը

Կորոնավիրուսի դեմ պայքարող բուժաշխատողների վարձատրությունը 2-3 անգամ բարձրացել է. ռեանիմատոլոգների պակաս կա

Կորոնավիրուսից մահացած մոր հուղարկավորության ժամանակ վարակված աղջիկները եւս մահացել են