Երևան
29 °C
Հայկական հեղափոխության սկզբնական փուլում ադրբեջանական փորձագիտական շրջանակներում եւ մամուլում որոշակի լավատեսություն էր նկատվում՝ պայմանավորված «ղարաբաղյան կլանի հեռացմամբ» եւ, որպես հետեւանք, Արցախի հարցով հայկական կողմի դիրքորոշման հնարավոր փոփոխությամբ: Բանն այն է, որ հակամարտության լուծման սեփական անկարողությունը պաշտոնական Բաքուն բացատրում էր նրանով, որ Հայաստանի թիկունքում կանգնած է Ռուսաստանը: Բայց շուտով պարզ դարձավ, որ Հայաստանի պաշտոնական դիրքորոշման մեջ Արցախի հարցով փոփոխություն չի լինելու, ավելին՝ ՀՀ վարչապետ Նիկոլ Փաշինյանը հայտարարեց, որ Արցախը պետք է վերադառնա բանակցությունների սեղանի շուրջ:
Այդ հայտարարություններից հետո Ադրբեջանի փորձագիտական շրջանակները սկսեցին կրկնել հեղափոխության սկզբում ռուսական մամուլում տարածվող մտքերն առ այն, որ հայաստանյան իրադարձությունները միտված են «Հայաստանը ռուսական ազդեցությունից դուրս բերելուն»: ՀՀ կառավարության կազմավորումից հետո պարարտ հող էր ստեղծվել նման կարծիքներ հայտնելու համար:
«30-ամյա արեւմտամետ լիբերալներով համալրված կառավարությունը», ըստ ադրբեջանական մամուլի, Հայաստանի արեւմտամետության միակ ապացույցը չէ: Ռուսաստանի ազդեցության շրջանակից դուրս գալու մասին է վկայում նաեւ ՀՀ վարչապետի առաջին պաշտոնական այցը, որը նա կատարեց Վրաստան: Այցի գլխավոր նպատակներից մեկը, ըստ ադրբեջանցի փորձագետների, «արեւմտականացման փորձի փոխանակումն է եղել»:
Հարկ է նշել, սակայն, որ Նիկոլ Փաշինյանի Վրաստան կատարած այցի հարցում հարեւան երկրի փորձագիտական շրջանակները չունեն ընդհանուր կարծիք եւ հաճախ հակասում են միմյանց: Ոմանք կենտրոնանում են Վրաստանի արտաքին քաղաքականության հեղափոխական փորձը Հայաստանին փոխանցելու հնարավորության վրա, մյուսները՝ «Ջավախքում անջատողական տրամադրություններ սերմանելու»: Այդպիսով, ադրբեջանական վերլուծությունից բխում է, որ Հայաստանը ոչ միայն օգտագործում է Վրաստանի հետ հարաբերությունները Ռուսաստանի դեմ, այլեւ հենց Վրաստանի դեմ է պատրաստվում գործել՝ Ջավախքի միջոցով:
Որպես ՀՀ նոր կառավարության հակառուսական քաղաքականության խոսուն օրինակներ բերվում են ընդդիմադիր պատգամավոր Փաշինյանի ելույթները խորհրդարանում, որտեղ նա դեմ է արտահայտվում Հայաստանի անդամակցությանը ԵԱՏՄ-ին, բացասական գնահատում հայ-ռուսական դաշնակցային հարաբերությունների մակարդակը: Բացի դրանից ադրբեջանական մամուլը պարբերաբար հիշում է որոշ նոր պաշտոնյաների մասնակցությունը հակառուսական ցույցերին:
Ըստ ադրբեջանական մամուլի, հայաստանցիները, բնականաբար, միակ մեղավորը չեն ստեղծված իրավիճակում: Իրենց «մեղքի բաժինն» ունեն ռուսաստանցի հայերը, որոնք «պաշտպանում են համաշխարհային հայության շահերը», եւ ՌԴ իշխանական որոշ շրջանակների, որոնք «միտումնավոր ապատեղեկատվություն էին զեկուցում Կրեմլ»: Մեղադրանքներն, ըստ էության, ուղղված են ՀՀ-ում ՌԴ դեսպանատանը եւ Ռուսաստանի արտգործնախարարությանը, որի ղեկավար Սերգեյ Լավրովը, միգուցե իր հայկական արմատների պատճառով չափազանց բացասական իմիջ ունի ադրբեջանցիների շրջանում:
Ռուսաստանի արտաքին գերատեսչության եւ Հայաստանում ՌԴ դեսպան Իվան Վոլինկինի հասցեին հնչում են մեղադրանքներ, որ նրանք Կրեմլ են զեկուցել իբր «Փաշինյանի հետ խնդիրներ չեն լինի»: Ադրբեջանցի փորձագետները, ի տարբերություն ռուսաստանցի դիվանագետների, խնդիրներ են տեսնում նրանում, որ ՀՀ Զինված ուժերի գլխավոր շտաբի պետի պաշտոնից հեռացվեց «ռուսամետ» Մովսես Հակոբյանը, իսկ պաշտպանության նախարար նշանակվեց Դավիթ Տոնոյանը, որի անունը շոշափվել է անհայտ ծագման սխեմայում, որտեղ նշված է, թե նա իբր կապված է եղել ԱՄՆ հետախուզական ծառայությունների հետ:
Ադրբեջանական վերլուծությունները գալիս են մեկ եզրակացության. Հարավային Կովկասում Ռուսաստանի միակ դաշնակիցը Ադրբեջանն է, որի «քաղաքական ղեկավարությունը բացեիբաց աջակցում է Ռուսաստանին եւ միտված է ռազմավարական դաշնակցային հարաբերություններ կառուցելուն»: Նման վերլուծությունները միտված են տպավորություն ստեղծել, թե իբր Հայաստանը օգտվում է Ռուսաստանի բարեհաճությունից՝ փոխարենը ոչինչ չտալով, իսկ Ադրբեջանը, որը անձնվիրաբար պաշտպանում է Ռուսաստանի շահերը Հարավային Կովկասում՝ անուշադրության է մատնվում:
Իհարկե, ադրբեջանական փաստարկները չեն դիմանում որեւէ քննադատության, սակայն հաճախակի կրկնության եւ այլընտրանքի բացակայության պայմաններում ի վերջո ձեւավորում են հասարակական կարծիք ադրբեջանցիների շրջանում: Նման հասարակական կարծիքի պայմաններում շատ բարդ է պատկերացնել ոչ միայն Արցախի հարցի խաղաղ լուծումը, այլեւ հետագայում բնականոն հարաբերությունների հաստատումը:
«Տոյոտա»-ն բախվել է կայանված «Մերսեդես-բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
© 2024 Հայկական ժամանակ