Ավելի շատ անհանգստություն տեսա Փաշինյանի ելույթի մեջ, քան մշակույթի գործիչների. Մաթեւոսյան

Մայիսի 25-ին ՀՀ վարչապետ Նիկոլ Փաշինյանի եւ մշակույթի գործիչների հանդիպման ու քննարկման ընթացքում բարձրացված հարցերի եւ մտահոգությունների շուրջ զրուցել ենք ռեժիսոր Դավիթ Մաթեւոսյանի հետ:

- Պարոն Մաթեւոսյան, այս օրերին հանդիպում տեղի ունեցավ Նիկոլ Փաշինյանի եւ մշակույթի գործիչների միջեւ, ի՞նչ եք կարծում բավարար հարցեր հնչեցվեցի՞ն, թե՞ ոչ:

- Քանի որ ես այդ հանդիպման մոդերատորն եմ եղել, իսկ մինչ այդ աշխատել եմ նաեւ հանդիպման հրավիրյալների ցուցակների վրա՝ փորձելով նախարարության պաշտոնական ցուցակներին ավելացնել «ալտերնատիվ» արվեստի գործիչների, արվեստագետների անուններ, այդ մարդկանց միջոցով իրավիճակը դուրս բերել նոմենկլատուրային ընդունված, ճահճացած ֆորմատից, մասամբ հաջողվեց: Մասամբ: Ընդհանուր առմամբ՝ ներկայացված շուրջ չորս հարյուր մարդուց բաղկացած ցուցակին կարողացել ենք ավելացնել, վերադարձնել, վերապարտադրել եւս մոտ հարյուր հոգու անուն: Ընդհանուր առմամբ, ոլորտի եւ միջավայրի հիմնախնդիրների վերլուծության, վերհանման իմաստով հանդիպման ֆորմատը բարենպաստ չէր եւ չէր կարող լինել: Մշակույթի ոլորտում մտավորականության անհանգստությունը եւ արվեստի գործիչների անհանգստությունը արտահայտած հարցերը, ըստ իս չնչին էին: Մշակույթի եւ արվեստի արդի իրականությունն ու խնդիրները եւս չհնչեցին, վեր չհանվեցին: Վստահ կարող եմ ասել, որ մշակույթի վիճակի եւ ապագայի հանդեպ էական հոգածություն, անհանգստություն եւ հայեցակարգային մոտեցման փորձ ես տեսա ավելի Փաշինյանի ելույթի եւ իր պատասխանների մեջ, քան առաջադրված հարցերի մեծ մասում:

- Հանդիպմանը ներկա Հրանուշ Խառատյանն ասել էր, որ արվեստագետները վախենում են նախագիծ ներկայացնել նախարարությանը, քանի որ այդ նախագիծը գողանում են, խեղաթյուրում, այնուհետեւ գռեհկացրած ներկայացնում հանդիսատեսին: Նման օրինակի երբեւէ ականատես եղե՞լ եք:

- Անձամբ ականատես չեմ եղել, սակայն անընդհատ դրա մասին խոսակցություններ եմ լսել: Հրանուշ Խառատյանի ելույթից հետո, ֆեյսբուքում նրա եւ մշակույթի նախարարի տեղակալ Արեւ Սամուելյանի միջեւ կարճ, էմոցիոնալ քննարկումը պարզաբանվեց, որ խոսքը միանգամայն կոնկրետ օրինակների եւ դեպքերի մասին է, սակայն դարձյալ փակագծերն ու չակերտները լրիվ չբացվեցին գոնե ինձ համար: Ընդսմին, գիտնականի, մտավորականի իր լուրջ համբավով, խոսքի դատողականությամբ ու կշռով՝ տիկին Խառատյանը իր խոսքերն ասելու համար լուրջ պատճառներ պիտի ունենար, մյուս կողմից՝ իր ձեւակերպումների կտրականությամբ եւ էմոցիոնալ երանգավորմամբ, նա նոր կառավարության, պատկան նոր նախարարության, տակավին փխրուն ուսերին դրեց սիրո եւ հանդուրժողականության դիսկուրսից «մի թեթեւ» շեղված բեռ, որը եւ՛ պարտավորեցնող էր, եւ՛ սթափեցնող, բայց հիմնախնդիրների խաղաղ տրանսֆորմացիան հազիվ թե ապահովի: Գուցե ե՛ս չեմ նկատել, բայց ի վերջո, ելույթին հաջորդած օրերին էլ չտեսա «գողության առարկա» նախագծի, ծրագրի կոնկրետ անուն: Մինչդեռ դա ամեն ինչ իր տեղը կդներ գուցե եւ բացահայտումները ընդհանրական մեղադրանքը հասցեական դարձնեին՝ վեր հանելով գողերին:

- Կադրային փոփոխություններ տեղի ունեցան, մշակույթի նախարար փոխվեց եւ այլն. ի՞նչ առաջնային խնդիրներ եք տեսնում մշակույթի ոլորտում, որ պետք է ուշադրություն դարձվի եւ լուծվի:

- Չափազանց բարդ հարց է: Մշակույթ-պետություն հարաբերություններն ունեն կառուցվածքային, բովանդակային փոխհարաբերությունների էական վերանայման կարիք: Այն ինչ կա տվյալ պահին արխայիկ համակարգի մասնակի վերանայման միջոցով, հաճախ առանց խնդիրներն ընկալելու, դրանց թյուրըմբռնմամբ, մշակույթը վերահսկելու մեխանիզմների կիրառմամբ, կոռուպցիոն մեծագույն ռիսկեր պարունակող ֆինանսական մեխանիզմներով, բյուրոկրատական գերհագեցած համակարգ է: Եվ նոր կառավարության փխրուն ուսերին մեծ պատասխանատվություն է դրած, եթե համարում ենք, որ կա մշակույթի ոլորտում համակարգային փոփոխությունների անհրաժեշտություն եւ ծրագիր ենք ուզում իրականացնել: Իսկ անհրաժեշտություն ոչ թե կա, այն կենսական է:

- Այսօր մեր մեծագույն խնդիրներից է մարդկանց մշակույթի հետ մշտական հաղորդակցության ապահովումը, այս ուղղությամբ քննարկումներ իրականացվե՞լ են նորանշանակ նախարար Լիլիթ Մակունցի հետ:

- Քննարկումներ, անշուշտ, իրականացվել են եւ հիմա էլ տեղի են ունենում: Սակայն ինչին կուզեի անդրադառնալ: Երկու ձեռքով կողմ եմ եւ ջատագովն եմ, որպեսզի օրենսդրական, կառուցվածքային փոփոխություններ տեղի ունենան: Ի մասնավորի՝ ինձ էապես ծանոթ, ի՛մ ոլորտը կինոարտադրությունն է, որի վերաբերյալ բազմիցս իմ անհանգստություններն ու բողոքն եմ արտահայտել: Կինոյի մասին օրենքի նախագիծն է օրակարգում, Հայ ազգային կինոկենտրոնի կառուցվածքն ու կանոնադրությունն են քննարկվում այսօր: Սրանք էական, կառուցվածքային, բուն փոփոխություններ են, որոնք իրականցվելով՝ Հայաստանում նոր ֆիլմարտադրության ու կինոարվեստի միջավայր կձեւավորեն: Նույն հրամայականներն ունեն, գիտեմ, գրքերի եւ գրահրատարակչության ոլորտը, թանգարաններն ու թանգարանային գործը: Ողջ մշակույթը՝ արվեստները, նյութական ու ոչ նյութական ժառանգության ողջ դաշտը, հուշարձաններն այսօր օրենսդրական դաշտի վերանայման, վերաիմաստավորման, նոր հրամայականների օրենսդրական ամրակայման կարիք ունեն: Ահա այդտեղ է, որ մշակույթը դեմքով կշրջվի դեպի հանրությունը, կդառնա միջավայր հասարակության համար, սերունդների զարգացման, կրթվելու միջավայրը կդառնա:

- Ի՞նչ սպասելիքներ ունեք:

- Սա ժամանակավոր կառավարություն է, ճգնաժամային կառավարություն, որ խաղաղ անցումային շրջանի դժվարագույն առաքելության տակ է մտել, հուսամ՝ սթափ կերպով հասկանալով, որ դափնիների ակնկալիքը մեծ չէ. ոչ այն պատճառով, որ ի զորու չեն իրենք: Պարզապես նպատակներն այլ են: Այս կառավարությունը մինչեւ ՀՀ ԱԺ այս կազմի ցրումը եւ նոր ընտրություններն ու նոր կառավարության ձեւավորումը պիտի ապահովի երկրի կառավարման առավել բնականոն ընթացք՝ դնելով հաջորդ, ոչ ժամանակավոր կառավարության համակարգված, ծրագրային, ինստիտուցիոնալ կառավարման հիմքերը: Անչափ ողջունելի է, որ իրենց կառավարման ընդամենը երկու-երեք անցած շաբաթների ընթացքում նախկիններից ստացված ժառանգության գնահատման փորձ է արվում, իրավիճակի վերլուծություն, քննարկվում եւ քննվում են օրենսդրական դաշտում առկա խնդիրները, օրենսդրական նախաձեռնությունները եւ նախանշվում հնարավոր զարգացման հեռանկարներ: Իմ բարեմաղթանքը պիտի լինի եզրով, հավասարակշիռ, էական ռեֆորմների ընթացքը, երբ հեղափոխականության եւ ճահճացման ծայրահեղությունների արանքով «ոսկե միջինի» ընտրությունն է արվում. վերջին հաշվով՝ շահում են հենց այդպիսի ճանապարհ ընտրած ազգերն ու պետությունները: Իմ բարեմաղթանքը պիտի լինի նաեւ ՄՇԱԿՈւՅԹԻ՝ որպես ազգի, երկրի, հասարակության ձեւավորման եւ զարգացման անկյունաքարի, հենքի դիտարկումը՝ որպես այս եւ առավել եւս՝ հաջորդ կառավարության եւ խորհրդարանի ծրագրերի հիմնաքար: Սա մեր հասարակության մեջ չափազանց քիչ մարդիկ են գիտակցում, որքան էլ որ խոսեն մշակույթի կարեւորությունից: Վերոնշյալ հանդիպումից ինձ համար ամենաողջունելին Նիկոլ Փաշինյանի ելույթում հենց այդ հիմնադրույթի ընկալված, գիտակցված արծարծումն էր:

Տպել
5187 դիտում

Կիրականացվի ուսումնական հաստատությունների քարտեզագրում

Թուրքիայում ավերիչ երկրաշարժի զոհերի թիվը շարունակ աճում է՝ մոտենալով 6 հազարին

Բքի պատճառով Ջրաբեր-Ֆանտան ճանապարհը, Ջերմուկի խաչմերուկից մինչև Սիսիան հատվածը փակ են բոլոր ավտոմեքենաների համար

Գերմանիան էական մասնակցություն կունենա Հայաստանում ԵՄ քաղաքացիական դիտորդական առաքելությանը. Աննալենա Բերբոք

Օլաֆ Շոլցի խորհրդականն ու Արարատ Միրզոյանը քննարկել են երկկողմ համագործակցության և Լաչինի արգելափակման մասին հարցեր

Հալեպի՝ երկրաշարժից տուժած բնակչության մեծամասնությունը գիշերն անցկացնում է ակումբներում ու եկեղեցիներում

Թուրքիա փրկարարներ ուղարկելը քննադատողների թվում առավել ծիծաղելի իրավիճակում են Քոչարյանի և Սարգսյանի կողմնակիցները

Մարդասիրական այս քայլը կարևոր է ոչ միայն թուրք հասարակության, այլև միջազգային հանրության վերաբերմունքի առումով. Արշակյան

Քարաթափում Երևանի Կոնդ թաղամասում՝ «Սուրբ Հովհաննես» եկեղեցու մոտ. տուժել է կայանված մեքենան

Արցախի նախագահն ու պետնախարարը ինչպես և ինչ առաքելությամբ են առանձին-առանձին օրերս այցելել Մոսկվա․ Արման Բաբաջանյան

Պարտատոմսերը՝ խնայողությունների դիվերսիֆիկացիայի լավագույն տարբերակ

Հայաստանի ուղարկած փրկարարական ջոկատն ու օգնությունն արդեն վայրէջք է կատարել Թուրքիա․ Կարո Փայլան

Փրկարարները հղի կնոջը Նիգավանից տեղափոխել են Ապարանի ԲԿ

ՆԳ նախարար Վահե Ղազարյանը ճանապարհել է Թուրքիա և Սիրիա մեկնող փրկարարական ջոկատների ծառայողներին (լուսանկարներ)

Թուրքիայում կրկին երկրաշարժ է գրանցվել

Մարտակերտի շրջանում հրադադարի ռեժիմի խախտում է արձանագրվել․ ՌԴ ՊՆ

«44-օրյա պատերազմից հետո հարցն անձամբ բարձրացրել եմ». ռազմական փորձագետը՝ բանակի համազգեստը փոխելու մասին

Ամերիաբանկն ավելի քան 14 մլրդ դրամի բիզնես վարկ է տրամադրել վերականգնվող էներգետիկայի ոլորտում

Փոխարժեքների անկում տարադրամի շուկայում․ Կենտրոնական բանկի տվյալներ

Դուք արդեն ապացուցել եք, որ մեծ նվաճումների հասնելու ներուժ ունեք. Կարեն Գիլոյանը հանդիպել է շախմատիստների հետ

«Երկու դեպքում էլ Հայաստանը ճիշտ է վարվել». Թորոսյանը՝ այժմ և 1999-ին Թուրքիային հումանիտար օգնություն առաջարկելու մասին

Կոյուղին մաքրելու համար 1000-ական դրամ՝ բնակիչներից. Մերձավանի նախկին համայնքապետի վերաբերյալ բողոքները շարունակվում են

Վթարվել է «Արզնի 2-Երևան» մայրուղային ջրատարը․ դադարեցվել է Արաբկիր վարչական շրջանի ջրամատակարարումը (տեսանյութ)

Թռիչքի է պատրաստվում ՀՀ փրկարարական ուժերին Թուրքիա տեղափոխող ինքնաթիռը․ Փաշինյանի հեռախոսազրույցը Էրդողանի հետ

Հայաստանը որպես առաջնահերթություն Սիրիա կուղարկի սնունդ․ Նիկոլ Փաշինյանը հեռախոսազրույց է ունեցել Բաշար Ալ Ասադի հետ

Նախնական գնահատականով՝ առողջապահական փաթեթի համար քաղաքացիները տարեկան կվճարեն 150-200 հազար դրամ. մանրամասներ

Ադրբեջանական ագրեսիան խաթարում է խաղաղություն հաստատելու ՀՀ ջանքերը․ Միրզոյանը հանդիպել է Բունդեսթագի պատգամավորների հետ

2023 թվականի հունվարին Հայաստան է այցելել 159 հազար 475 զբոսաշրջիկ, նախորդ տարի՝ 94 հազար. Քերոբյանի անդրադարձը

Արսեն Թորոսյանը պատրաստվում է հանդիպել քաղաքացիների հետ. նա հայտնել է օրվա, ժամի և վայրի մասին

Համատեղ ջանքերով կհաջողվի որակական նոր մակարդակի բարձրացնել հայ-խորվաթական փոխգործակցությունը․ Խորվաթիայի ԱԳ նախարար

Վրաստանը մեր քաղաքականությունների համար առաջնահերթություն է, նրա և ԱՄՆ-ի հետ պետք է մշակել ռեգիոնալ խաղաղության նախագծեր

Շվեդիան պատրաստ է շարունակել աջակցել ՀՀ արդարադատության ոլորտի բարեփոխումներին. նախարարն ընդունել է Պատրիկ Սվենսոնին

ՀՀ նախագահի նստավայրում տեղի է ունեցել դատավորների երդման արարողություն (տեսանյութ)

Ամպրոպային ամպը՝ Երևանի արևմուտքում․ Գագիկ Սուրենյանը տեսանյութ է հրապարակել

ՀՀ-ի և Թուրքիայի միջև կա երկխոսություն սահմանների բացման և դիվանագիտական հարաբերությունների հաստատման վերաբերյալ․ ԱԳՆ

Քննարկվում է հումանիտար օգնության փոխանցումն ու փրկարար ծառայության ջոկատների գործուղումը Թուրքիա և Սիրիա․ Միրզոյան

Քննարկվել են Շառլ Ազնավուրի ծննդյան 100-ամյակին նվիրված հոբելյանական միջոցառումների նախապատրաստական աշխատանքները

Մասնակիորեն վերականգնվել է Հայաստանից դեպի Արցախ գազամատակարարումը

Ադրբեջանը, նենգափոխելով գլոբալ բնապահպանական օրակարգը, փակել է Լաչինի միջանցքը․ ԱԳ նախարարը՝ գերմանացի գործընկերոջը

Ընդդիմության գործունեությունը հենված է սահմանին տեղի ունեցող հարձակումների հիման վրա դիվիդենտներ ձևավորելով. ԱԺ նախագահ