Հեղափոխությունն արագության շնորհիվ եղավ, նույն արագությունը պետք է մեզ. Տարոն Մարգարյան

Երեւանի քաղաքապետ Տարոն Մարգարյանն օրեր առաջ քաղաքապետարանում արտակարգ հանդիպման է հրավիրել ավագանու Հանրապետական խմբակցության անդամներին: Մեր ձեռքի տակ հայտնված ձայնագրությունից պարզ է դառնում, որ նրանց ներկայացվել է, թե իր պաշտոնանկությանը հասնելու ինչ տարբերակներ կան, ինչին պետք է պատրաստ լինել եւ ինչից պաշտպանվել:

Հայտնի է, որ թավշյա հեղափոխությունից հետո պարբերաբար հնչում են Երեւանի հանրապետական քաղաքապետի հրաժարականի պահանջներ: Այդպիսի պահանջով հանդես էր եկել ավագանու ԵԼՔ խմբակցությունը, պարբերաբար տարբեր բողոքի ցույցեր էին անցկացվում քաղաքապետարանի շենքի մոտ:

Տարոն Մարգարյանն, այդուհանդերձ, հայտարարել է, որ հրաժարական տալու մտադրություն չունի: Վերոնշյալ հանդիպման ընթացքում քաղաքապետն անդրադառնում հրաժարականի մասին ստացած «սիգնալներին» ու նշում ուղարկված պատասխան «սիգնալների» մասին:

«Որոշակի սիգնալներ արդեն ստացել ենք: Մենք էլ սիգնալներ ենք ուղարկել, որ դա բացառեք ու մոռացեք: Դա չի կարող լինել: Ուղղակի չի կարող լինել: Բայց չի կարող լինելու համար, բնականաբար, «չէ» պատասխանը իրենց բորբոքում է եւ փորձում են որոշակի քայլեր ձեռնարկել»,- ասում է Տարոն Մարգարյանը ու թվարկում այն հնարավորությունները, որոնք կարող են օգտագործվել՝ իր պաշտոնանկությանը հասնելու համար:

«Առաջինը՝ ժողովուրդ հանեն մեր դեմ, փորձեն վարկաբեկել ինձ, ավագանու անդամներին, մեր աշխատակազմին, մեր կատարած աշխատանքը: Երկրորդ՝ հունիսի 12-ին լրանում է իմ քաղաքապետ ընտրվելու մեկ տարին... Մեկ երրորդով օրակարգ բերեն անվստահություն եւ իրենց քաղաքապետի թեկնածուն»,- նշում է Մարգարյանը եւ խոսքը փոխանցում քաղաքապետարանի իրավաբանական վարչության պետ Զավեն Առաքելյանին՝ մինչ այդ արձանագրելով հետեւյալը. «Ամեն օր չենք խոսելու, մի անգամ խոսելու ենք, ձեռք ձեռքի սեղմենք ու հանգիստ ամեն մեկս տարբեր ճակատում կռիվ տանք, որ անընդհատ չհավաքվենք, իրար վրա չկասկածենք, իրարից չճշտվենք: Ի վերջո, էսօր ամենաթանկը ժամանակն է, այս ամենը, ինչ եղավ, արագության հաշվին եղավ, այսինքն՝ էն մարդիկ արագ էին շարժվում, թույլ չէին տալիս մենք մտածենք եւ նման արդյունք եղավ, հիմա այդ արագությունը մենք պետք է ունենանք, որ կարողանանք մենք մեզ պաշտպանել»:

Զավեն Առաքելյանը նույն ձայնագրության մեջ նշում է, որ ավագանու անդամների ընդհանուր թվի առնվազն 1/3-ը կարող են ներկայացել քաղաքապետին անվստահություն հայտնելու որոշման նախագիծ` դրանում ներառելով ավագանու այն անդամի անուն-ազգանունը, որին նախաձեռնող խումբը առաջարկում է որպես քաղաքապետի թեկնածու: Քաղաքապետին անվստահություն հայտնելու մասին որոշման նախագիծը ներկայացնելուց հետո 36 ժամվա ընթացքում նախաձեռնության խմբի մեջ չմտնող ավագանու անդամների ընդհանուր թվի 1/3-ը, այսինքն՝ մեկ այլ 1/3, կարող է ներկայացնել քաղաքապետի թեկնածու: «Քաղաքապետին անվստահություն հայտնելու մասին որոշման նախագիծը ներկայացնելուց հետո երրորդ աշխատանքային օրը՝ ժամը 10:00-ին, օրենքի ուժով հրավիրվում է ավագանու նիստ, որում գաղտնի  քվեարկությամբ որոշվում է քաղաքապետին անվստահություն հայտնելու հարցը: Քաղաքապետին անվստահություն է հայտնվում, եթե առաջադրված թեկնածուն կամ թեկնածուներից մեկը ստանում է ավագանու անդամների ընդհանուր թվի ձայների մեծամասնությունը: Այսինքն՝ 33 ձայն, 1/3-ն էլ 22-ն է»,- մանրամասնում է իրավաբանական վարչության պետը:

Այնուհետեւ հնարավոր վտանգների մասին հարկ է համարում դարձյալ խոսել Տարոն Մարգարյանը. «Փակ քվեարկությունով պիտի փորձեն իրենք իրենց խնդիրները լուծել՝ ճնշումներ գործադրելով: Բայց իրենք 1/3 չունեն, սա պետք է մենք հաշվի առնենք: Եթե ավագանու մեր անդամներից երեք հոգի չստորագրի այդ փաստաթղթի տակ, իրենք 1/3-ի տարբերակից ուղղակի չեն կարող օգտվել: Ես ինչի համար էի ուզում, որ բոլորը ներկա լինեն, որ ես հասկանամ, եթե մարդիկ ճնշումների չեն դիմանալու: Քվեարկության ժամանակ իրենց պետք կլինի եւս 11 ձայն: Այսինքն՝ իրենց անհրաժեշտ է 14 հոգի ավագանու անդամ, որ ինձ դեմ քվեարկի, քվեարկի իրենց ներկայացրած թեկնածուին, ինչը անկեղծ ասած, մի քիչ ֆանտազիա է, չեմ հավատում, որովհետեւ ես մեր թիմակիցներից ոչ մեկի վրա չեմ էլ ուզում մի վայրկյան կասկածել: Բայց ուզում եմ ռիսկերն ու վտանգները ասեմ, որ մարդիկ իմանան՝ ինչ ռիսկերի եւ վտանգների մեջ են ընկնելու: Մեր խնդիրը հիմա երեք հոգու խնդիրն է, որ մեզանից՝ մեր 46-ից 3 ավագանի չստորագրի այդ նախաձեռնության տակ: Մենք էդ կամքի ուժը ունե՞նք, որ պահենք, չստորագրեն: Ճնշումները լինելու են շատ մեծ, շահագրգռելու են ամեն ինչով, փորձելու են ընտանիքի անդամներ, փորձելու են բարեկամներ, ով պետական համակարգում է աշխատում կամ ժամանակին ինչ-որ ծառայություններ է մատուցել... մենք պատրա՞ստ ենք մեզ ձիգ պահել, եւ այս 3 հոգին չհայտնվի: Եթե այս 3 հոգին հայտնվում են, մեզ մոտ մոտեցումը այլ է դառնում: Արդեն պետք է մտածենք մի քիչ այլ ելքի մասին: Բայց եթե այս 3 հոգին չի հայտնվում, երկրորդ տարբերակը իրենց մոտ վերանում է»:

Քաղաքապետ Տարոն Մարգարյանն անդրադառնում է նաեւ բացակա երկու հոգու: Ենթադրվում է, որ նրա խոսքը վերաբերում է ավագանու «Երկիր ծիրանի» խմբակցությունից հեռացված երկու անդամներին, որոնց հուսալիության հարցում վստահություն չունի: «Մենք մեզ վրա պետք է հույսներս դնենք, մենք մեր թիմի վրա, հստակ իմանանք մեր անելիքների մասին: Էն երկուսը խոստանում են, որ այդպիսի բան չեն անի, բայց ես չեմ կարող հարյուր տոկոսով վստահ լինել, ոչ մեկին չեմ ճանաչում: Բայց որ մեկին մի հատ լավ պաշտոն առաջարկեն, ինձ թվում է շատ արագ կհամաձայնվի կամ մեկին ինչ-որ մի ֆինանս առաջարկեն, շատ արագ կհամաձայնի: Դրա համար եկեք թողնենք, իրենց ճիշտ կպահեն, մենք էլ մեր վերաբերմունքը կունենանք, մարդկային մեր կարծիքը կփոխենք այդ մարդկանց նկատմամբ, կասենք հալալ է, իրենք էլ մեզ նման ճիշտ կանգնել են մեր կողքին»,- առաջարկեց քաղաքապետը:

Շարունակելով իր պաշտոնանկությանը հասնելու տարբերակների թվարկումը Տարոն Մարգարյանն ասում է. «Երրորդ տարբերակը՝ քաղաքապետարանում ստուգումներ իրականացնեն, բոլոր ուղղություններով՝ իրավապահ մարմիններով, տեսչական մարմիններով, մյուս, մյուս եւ փորձեն քրեական գործեր հարուցել: Այս երեք տարբերակն է, այլ տարբերակ չկա: Հա, մեկ էլ ներողություն, չորրորդ տարբերակ կա, երբ որ քաղաքական որոշում ընդունվի մեր թիմի եւ իրենց թիմի մեջ, գնանք ավագանու լուծարման, անցկացվեն նոր ընտրություններ»:

Երեւանի քաղաքապետը հայտարարում է, որ ինքը պատրաստ է ենթարկվել ցանկացած ճնշումների.

«Հիմա առաջին տարբերակը. ես պատրաստ եմ բոլոր ճնշումներին, վարկաբեկման, մյուս, մյուս, մյուս: Երկրորդ տարբերակ. եթե մեր մեջ դավաճաններ պետք է հայտնվեն, շատ ծանր կտանեմ, բայց պատրաստ եմ պայքարել մինչեւ վերջ եւ բացահայտել բոլոր դավաճաններին: Երրորդ տարբերակը. քրեական գործեր: Ուզում եմ ձեզ վստահեցնել եւ ասել, որ ուզում են օրը 24 ժամ, տարին 12 ամիս, 5 տարի շարունակ քաղաքապետարանը ստուգեն, եթե մեղավորներ կան, թող պատժեն, բայց ես համոզված եմ, որ քաղաքապետարանը այնպես է աշխատանքը կազմակերպել թե՛ իրավական, թե՛ ֆինանսական, թե՛ մեր որոշումների մեջ, որ մենք մեզ մեղավոր չենք համարում, որովհետեւ մենք երբեւիցե այնպիսի որոշում չենք կայացրել, որ վաղը մեր տակը ռումբ պետք է դնեն, որ երբ ուզենան, տրաքացնեն: Այնպես չէ, որ մենք իշխանություն էինք, ազատ թողել էին, ինչ ուզենանք անենք, որ ով ինչ ուզենա անի: Համոզված եմ, իշխանության ժամանակ էլ շատ խիստ հսկողության տակ ենք եղել: Ճնշումների հետ կապված ստուգումներ, մյուս մյուս. անկեղծ ասած, ես վստահ եմ, որ մենք օրենքի խախտում, իրավական խախտում… Ամեն դեպքում էն բաները ինչ արել ենք, համոզված ենք, որ քրեական խնդիրներ չունենք, կա վարչարարություն, կա՞ որ գնանք դատարանում վիճենք՝ մենք ենք, ճիշտ, քաղաքացին է ճիշտ: Ամեն դեպքում մենք պատրաստ ենք մինչեւ վերջ էս մասով կռիվ տալ»:

Տարոն Մարգարյանը հայտարարում է, որ չի վախենում նաեւ քաղաքական հետապնդումներից. «Եթե պետք է քաղաքական հետապնդում անեն, քաղաքական մոտեցումով փորձեն մեզ կալանավորել, տանել, խնդրեմ, էսօր էլ կարող են գալ, տանել: Մեր ցեղում դա նորմալ է, պապիս էլ են տարել, հորս էլ են տարել, ես էլ պատրաստ եմ, համոզված եմ, հետագայում էլ տղերքս: Այսինքն՝ ես իմ մասով խոսեցի, որ ես ամեն ինչի պատրաստ եմ: Դրա համա խնդրում եմ հերթով լսենք մեր թիմակիցներին»:

Տպել
32950 դիտում

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով