Զինհաշմանդամ Գրիգոր Գրիգորյանցին զրկել են հաշմանդամության երկրորդ կարգից՝ դարձրել երրորդ: Կոնտուզիայով տառապող երկու անչափահասների հոր պատմությանը ՀԺ-ն ավելի վաղ անդրադարձ էր կատարել:

2007 թվականից բնակարանի համար հերթագրված Գրիգոր Գրիգորյանցն այսօր վերջանականապես հույսը կորցրել է, որ կարող է երբևէ տուն ստանալ եւ թեթևացնել հոգսերից մեկը: «11 տարի է՝ սպասում էի, որ տան հարցը կլուծվի, կկարողանամ երկու անչափահասներիս համար գոնե նվազագույն պայմաններ ապահովել, բայց կանչեցին աշխատանքի եւ սոցիալական հարցերի նախարարությունից եւ ասացին, որ երկրորդ կարգը փոխել են երրորդով»,- մեզ հետ զրույցում պատմեց 44-ամյա Գրիգորը:

Զինհաշմանդամը 74 հազար դրամ թոշակ էր ստանում, սակայն կարգը փոխելուց հետո նվազել է նաև թոշակը, այժմ նա ստանում է 54 հազար դրամ, որով անգամ տան վարձ չի կարող վճարել: «Ես իրենց դիմեցի բնակարանի խնդրով, բայց ինձ որևէ աջակցություն ցուցաբերելու փոխարեն՝ օրվա հացիցս էլ կտրեցին»,-ասաց նա:

Մեկ ամիս առաջ Գրիգորին աշխատանքի եւ սոցիալական հարցերի նախարարությունից կանչել են բժշկասոցիալական փորձաքննություն անցնելու եւ ասել, որ չի համապատասխանում երկրորդ կարգ ստանալուն: «Վնասված ոտքիս վերքն էլ բաց էր, իրենց աչքով տեսան, բայց ասացին, որ ոչինչ փոխել չեն կարող: Իրենց կողմից տրված փաստաթղթում նշված է, որ ես մեկ շաբաթյա բուժզննում եմ անցել, բայց իրենք ինձ բացարձակապես չեն զննել, ուղղակի, որ ասացին՝ կարգս փոխում են, բացեցի եւ վերքերս ցույց տվեցի»,-ասաց Գրիգորը: 

Նշենք, որ մի քանի ամիս առաջ Գրիգոր Գրիգորյանցին զինվորական սոցիալական վարչությունից ասել էին, որ 2018 թվականին իրեն բնակարան կտրվի: Իսկ ՊՆ խոսնակ Արծրուն Հովհաննիսյանը ՀԺ-ին բանավոր պատասխանել էր, որ 2017 թվականի բյուջեն բավարարել է միայն առաջին խմբի զինհաշմանդամներին, զոհված ազատամարտիկների կարիքավոր ընտանիքներին բնակարաններով ապահովելու համար:

Խոսնակի խոսքով՝ 2018-ին նախատեսվում էր բոլոր երկրորդ կարգի զինհաշմանդամների կացարանի հարցը լուծել: Սակայն, երբ Գրիգոր Գրիգորյանցն այլևս երկրորդ կարգի հաշմանդամ չի համարվում, շատ դժվար է ասել, թե երբ կհասնի բնակարան ստանալու նրա հերթը, կամ արդյո՞ք նա կկարողանա բնակարան ստանալ:

Տպել
8497 դիտում

«Էությունն էլ եմ հասկանում, տողատակերն էլ». Սեդրակ Առուստամյանն իրեն մեղավոր չճանաչեց

Վլադիմիր Պուտինին առաջադրել են համաշխարհային Նոբելյան մրցանակի

Սեդրակ Առուստամյանի պաշտպանը միջնորդեց դատակոչել Երեւանի քաղաքապետի խորհրդական Կամո Արեյանին

Ծեծի մեղադրանքով հետախուզվող կինը հայտնաբերվել է Գյումրիում

Բնակավայրը պետք է ինքնին չնշանակի որոշակի ապրելակերպ, իսկ շատ գյուղերում շատ փողոցներ ուղղակի հողային վիճակում են

11 կամավորներ և 2 ՀԿ-ներ կազմակերպել են աղտոտված արագլիների մաքրումն ու խնամքը (լուսանկարներ)

Մարմաշեն գյուղի մոտակայքում մեքենա է կողաշրջվել. վարորդին գտել են մեքենայից դուրս, հոսպիտալացրել

Սեդրակ Առուստամյանը բերվեց դատարան. սկսվեց նրա գործով առաջին դատական նիստը

ՍԴ-ում ժամը 11-ից մինչ այս պահը քննարկվել է նիստը դռնբաց անցկացնելու հարցը. Էդգար Շաթիրյան

Հասան Ռոհանին Անկախության օրվա առիթով շնորհավորել է ՀՀ վարչապետին և նախագահին

30 մլն եվրո աջակցություն կտրամադրվի Հայաստանին դատական ոլորտի բարեփոխումների համար

«Այսօր դադարեց իմ պատգամավորական գործունեությունը». Արմեն Փամբուխչյանը հրաժեշտի լուսանկար է հրապարակել

Ներկայում քննարկում է վճարովի համակարգում սովորող ուսանողներին ֆինանսական աջակցություն ցուցաբերելու հարցը. նախարար

Ծայրահեղ քայլի դիմած կալանավորի ոտքի մեխերը հանվել են. նա տեղափոխվել է քաղաքացիական հիվանդանոց

Լուսինե Թորոյանին շնորհավորում են թանգարանի տնօրեն դառնալու առթիվ, բայց պաշտոնական նշանակում դեռ չկա

ՀՊՏՀ ռեկտորի նոր մրցույթ հնարավոր չէ կազմակերպել, արդյունքների հաստատումն ուշացնելու դեպքում՝ կդիմեն այլ գործիքակազմի

Իսպանիայի Սենատը վավերացրել է ՀՀ-ԵՄ Համապարփակ և ընդլայնված գործընկերության համաձայնագիրը

30 մլն եվրո կհատկացվի Հայաստանին Covid-19 համավարակին դիմակայելու նպատակով

Գագիկ Ծառուկյանը և նրա պաշտպանները դատական նիստի տեղի և ժամանակ վերաբերյալ պատշաճ ձևով ծանուցված չեն եղել. Երեմ Սարգսյան

Մամուլին լուրջ չեմ վերաբերվում, եթե ձեզ հավատայի, դուք երկու ամիս ասում էիք, որ չեմ ընտրվի. ՍԴ դատավոր