Էռնեկյանի ընկերությունը սննդի մատակարարից դժգոհություն չի ունեցել. տուժածները լավանում են

Արմավիրի մարզում թունավորման պատճառով հոսպիտալացված մոտ 90 հիվանդից 63-ը երեկվա դրությամբ դուրս էին գրվել: Մայիսի 17-ի ուշ երեկոյան հայտնի էր դարձել, որ գրանցվել է զանգվածային թունավորման դեպք: Նշվում էր, որ տուժածները «Հայաստանի հողեր» ընկերության աշխատակիցներ են ու որ նախնական վարկածով թունավորման պատճառը սնունդն է: Նրանք տեղափոխվել էին Մեծամորի եւ Արմավիրի բժշկական կենտրոներ:

«Հայաստանի հողեր» ընկերությունը («Տիեռաս դե Արմենիա») պատկանում է արգենտինահայ գործարար Էդուարդո Էռնեկյանին: Տուժածները նրա խաղողի այգու բանվորներ են: Այգին գտնվում է Բաղրամյան եւ Արեւադաշտ գյուղերի հարեւանությամբ: Ընդմիջման ժամանակ աշխատողներին սենդվիչներ են տրամադրվել, որոնք ուտելուց հետո էլ վատացել է շատերի ինքնազգացողությունը:

Ընկերության խաղողի այգիների մշակմամբ զբաղվում են մասնավորապես Մյասնիկյան, Մրգաշատ, Լեռնագոգ, Շենիկ, Արաքս եւ այլ համայնքների բնակիչներ: Մյասնիկյանում ապրող մի տղամարդ մեզ հետ զրույցում ասաց, որ ինքը նույնպես օգտվել է այդ սննդից, բայց առողջական խնդիրներ առաջ չեն եկել: Համբուրգերի ո՛չ համը, ո՛չ տեսքն, ըստ նրա, կասկածելի չեն թվացել: Մանրամասնեց, որ աշխատակիցներին ընդմիջման համար ուտելիք տրամադրում է ընկերությունը՝ անվճար: «Դաշտում բերում են, տրամադրում, հանգստյան վայր ունենք, տնակներ կան, որտեղ հանգստանում ենք, հաց ենք ուտում»,- ասաց մեր զրուցակիցը:

Տուժածների մեծ մասն ընդունվել է Մեծամորի բժշկական կենտրոն: Այստեղից մեզ պատասխանեցին, որ դիմողներ են եղել նաեւ հաջորդ օրն առավոտյան: Թունավորման հետեւանքով հոսպիտալացվածների շարքում չեն եղել ծանր վիճակում գտնվող հիվանդներ:  

ՀՀ քննչական կոմիտեի Արմավիրի մարզային քննչական վարչությունում դեպքի առթիվ հարուցվել է քրեական գործ՝ ՀՀ քրեական օրենսգրքի 277-րդ հոդվածի 1-ին մասի հատկանիշներով: Հոդվածը վերաբերում է սանիտարահակահամաճարակային կանոնները խախտելուն: «Սանիտարահակահամաճարակային կանոնները խախտելը, որն անզգուշությամբ առաջացրել է մարդկանց զանգվածային հիվանդացում կամ թունավորում, պատժվում է տուգանքով՝ նվազագույն աշխատավարձի առավելագույնը երկուհարյուրապատիկի չափով կամ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը երեք տարի ժամկետով, կամ ազատազրկմամբ՝ առավելագույնը երեք տարի ժամկետով»,- նշված է քրեական օրենսգրքի 277-րդ հոդվածի 1-ին մասում:

Քննչական կոմիտեին ընկերության լիազորված անձի տրամադրած տեղեկությունների համաձայն՝ ընկերության՝ թվով 247 աշխատակիցները խաղողի այգիներում աշխատանքներ կատարելուց հետո՝ ընդմիջմանը՝ ժամը 12- 13-ի սահմաններում, կերել են «Ալվինա Մելքոնյան» ԱՁ-ի կողմից մատակարարված համբուրգերները, որոնցում եղել է հավի միս, պանիր, կարտոֆիլ եւ կանաչեղեն: Համբուրգերների հետ միասին նրանց տրամադրվել է նաեւ նույն ԱՁ-ի կողմից մատակարարված կեռաս եւ «Վազգեն Ղուկասյան» ԱՁ-ի կողմից մատակարարված ջուր:

Փորձանմուշներ են վերցվել աշխատակիցներին տրամադրված սննդամթերքից, կեռասից եւ ջրից: Բացի այդ, փորձանմուշներ են վերցվել «Ալվինա Մելքոնյան» ԱՁ-ին պատկանող, Արմավիրի մարզի Մյասնիկյան գյուղում գտնվող սննդի արտադրամասից (պանրի, կեռասի, լոլիկի մածուկի եւ մայոնեզի): Նախնական տվյալներով՝ համբուրգերների մեջ լոլիկի մածուկը եւ մայոնեզը լցոնված չի եղել. դրանք առաքվել են տարաներով՝ սննդի հետ։ Արտադրամասում հնարավոր չի եղել վերցնել համբուրգերներում լցոնած հավի կրծքամսից փորձանմուշ, քանի որ այն սպառված է եղել։ 

ՀՀ գյուղատնտեսության նախարարության սննդի անվտանգության պետական ծառայությունը զանգվածային թունավորման դեպքի առնչությամբ տեղեկացնում է, որ Ծառայության Արմավիրի կենտրոնի աշխատակիցները տեղում ծանոթացել են իրավիճակին եւ անմիջապես կատարել նմուշառում սառնարանում առկա խոհարարական արտադրանքից, ջրից եւ կեռասից, որոնք ներկայացվել են լաբորատոր փորձաքննության: Ա/Ձ Ալվինա Մելքոնյանի գործունեությունը, ինչպես նաեւ առկա ողջ խոհարարական արտադրանքի իրացումը կասեցվել է: Ծառայությունը վերահսկողական գործողություններ է իրականացվում նաեւ Ա/Ձ Ալվինա Մելքոնյանին սննդամթերք մատակարարող «ԱլկաՖուդ» ՍՊԸ-ում:

Ավելի ուշ առողջապահության նախարարությունը հայտնեց, որ իրականացված լաբորատոր հետազոտությունների արդյունքում պարզվել է, որ հետազոտված հիվանդներից վերցված բոլոր կենսաբանական նմուշներում հայտնաբերվել են սալմոնելոզի հարուցիչներ: Սննդի, շրջակա միջավայրի լվացուկների եւ ջրի հետազոտություններն ընթացքի մեջ են: Նշվում է նաեւ, որ ներկա վարկածով՝ արձանագրված թունավորումը սննդային ծագման է:

Ինչ վերաբերում է զանգվածային թունավորման դեպքի առնչությամբ «Հայաստանի հողեր» ընկերության արձագանքին, լրատվական ծառայությունից պատասխանեցին, որ իրենք ձեռնպահ կմնան որեւէ մեկնաբանություն տալ, քանի դեռ լաբորատոր փորձաքննությունների արդյունքները հայտնի չեն: Ասացին, որ անհատ ձեռնարկատեր Ալվինա Մելքոնյանի հետ համագործակցում են երկար տարիներ եւ որեւէ դժոգություն չեն ունեցել:

Տպագրվել է «Հայկական ժամանակ» օրաթերթի մայիսի 19-ի համարում:

Տպել
2904 դիտում

Ռադիկալ ընդդիմությունը սրում է իրավիճակը, ամեն ինչ կարող է լինել. քաղաքագետը արտահերթ ընտրությունը անհրաժեշտ է համարում

Մեգան Մարքլի և արքայազն Հարրիի հարցազրույցը Օփրա Ուինֆրիին

Վարդենյաց լեռնանցքը փակ է, Բերդ-Ճամբարակ ավտոճանապարհը՝ դժվարանցանելի

Արցախի բոլոր շրջաններում ձյուն է տեղում․ լուսանկար՝ Ստեփանակերտից

Դաժան սպանություն Թելավիում

Բաշար ալ-Ասադն ու կինը վարակվել են COVID-19-ով

Ավարտվել է Հռոմի Պապի այցը Իրաք

Արցախի Հանրապետությանը պատճառվել է ավելի քան 194 մլն դրամի վնաս․ հարուցվել է քրեական գործ

Առաջին անգամ Սփյուռքի գլխավոր հանձնակատար Զարեհ Սինանյանն այցելել է Ուրալի հայ համայնքներ

Ինձ նվիրած ոսկե շղթան ձուլել եմ և նվիրել կնոջս. Արամ MP3-ը՝ Մարտի 8-ին կնոջը նվիրած նվերի ու սպասվող անակնկալի մասին

Տղամարդու կառուցած հասարակությունը չափազանց տխուր ու խղճուկ է. արմատական փոփոխությունը կանանց ուսերին է. Աղասի Թադևոսյան

Այս անգամ ձեր տոնը տխրության շունչ ու սխրանքի խորհուրդ ունի․ Վահե Ղազարյանը շնորհավորել է գեղեցկության տոնի առթիվ

Արցախը պահպանում և պահպանելու է դե ֆակտո անկախությունը. Արայիկ Հարությունյան

Այն արդյունքը չէր, որ ցանկանում էի տեսնել, բայց վատ չէ. Լևոն Աղասյան

ՀՀ տարածքում կան փակ ավտոճանապարհներ. «Չայնիի» ոլորաններում և Արագածի տարածաշրջանում բուք է

Չի կարելի սեփական քաղաքական ամբիցիաների համար զոհաբերել սահմանում ապրող մարդկանց հանգստությունը. Տավուշի մարզպետ

Լոռու մարզպետ Արամ Խաչատրյանն այցելել է Հայրենական մեծ պատերազմի մասնակից մի խումբ վետերան կանանց (լուսանկարներ)

Ճանապարհային ոստիկանների «թիրախում» կին վարորդներն էին (տեսանյութ)

Ավիավթարից մահացել է ֆրանսիացի միլիարդատերը

ՀՅԴ-ն մի քանի անդամների արտաքսել է կուսակցության շարքերից

«Նոան» վստահ հաղթանակ տարավ «Լոռիի» նկատմամբ

Հայկական դիվանագիտությունը հպարտ է, որ առաջին կին դեսպանը Դիանա Աբգարն է եղել․ ԱԳՆ շնորհավորական ուղերձը

Ակնհայտ է, որ այս պողոտան չի ազատվելու, մենք չենք նահանջելու. Իշխան Սաղաթելյան

Ֆերդինանդ Կարապետյանը նկատելիորեն բարելավեց իր դիրքերը օլիմպիական վարկանիշային դասակարգման ցուցակում

Նուբարաշենում բռնկված հրդեհը մարվել է (տեսանյութ)

Լևոն Տեր-Պետրոսյան. Արձանագրումներ պահի թելադրանքով

Արդեն ծաղկած ծառերը կցրտահարվե՞ն, ու ինչ սպասել գիժ մարտից. Սուրենյանը մանրամասներ է ներկայացնում

Սիրելի՛ մայրեր, խոսքերը երբեւէ չեն հերիքելու շնորհավորելու ձեզ ձեր որդիների փոխարեն․ ԱԺ նախագահի ուղերձը

Եվրոպայի մի մասը կորոնավիրուսի դեմ սահմանափակումները խստացնում է, մյուս մասը՝ մեղմացնում

Էրդողանի խոսնակը զգուշացրել է ԱՄՆ-ին ճնշում չգործադրել Թուրքիայի վրա S-400-ի պատճառով

Իրանի մեջլիսի հանձնաժողովի նախագահն ու ՀՀ դեսպանը քննարկել են տարածաշրջանում հնարավոր զարգացումները

Հայ կանայք ապացուցեցին, որ իրենք հասարակության ոչ միայն գեղեցիկ կեսն են, այլև՝ ոգեշնչող շարժիչ ուժ. Անահիտ Ավանեսյան

Արցախցի կինը երեք ազատամարտերի ընթացքում էլ պատվորեն կրել է հերոսածին ու հերոսամայր կոչումը. Արցախի ԱԺ

Հրդեհ է բռնկվել Նուբարաշենի 2-րդ փողոցի տներից մեկում և կից տնակում

Ստեփանծմինդա-Լարս ավտոճանապարհը կրկին փակ է. ռուսական կողմում կուտակված է 270 բեռնատար

Օլիվիե Դասոն Հայաստանի և հայ ժողովրդի մեծ բարեկամն էր. նախագահ Սարգսյանը ցավակցել է Դասոյի ընտանիքին

Կամք եւ լավատեսություն եմ մաղթում մեր Հայրենիքի համար այս բարդ օրերին. Հայկ Մարությանի ուղերձը

Ձեր նկատմամբ հավերժ պարտք ունենք, որի մասին պարտավոր ենք հիշել ամեն օր. Տիգրան Ավինյանի ուղերձը

Նիկոլ Փաշինյանն ու Գագիկ Ծառուկյանը դեռ չեն հանդիպել

Արամ MP3-ը և Գուրգեն Դաբաղյանը Մարտի 8-ի առթիվ նորովի մեկնաբանությամբ ներկայացրել են «Թամզարա» ստեղծագործությունը