Երևան
16 °C
Լուսանկարում՝ ոստիկանությունը բերման է ենթարկում ցուցարարներին, Մոսկվա, 05.05.18.
Հայկական հեղափոխության հաջող ընթացքը որոշակի մտավախություններ է առաջացրել ռուսաստանյան փորձագիտական շրջանակներում: Որոշ բանախոսներ չեն խորշում անգամ «ապստամբությունն արյան մեջ խեղդելու» անհրաժեշտության մասին կոչերից: Եթե մի կողմ թողնենք նման հայտարարությունների զգացմունքային կողմը՝ պետք է փաստենք, որ դրանք արվում են ընդհանուր առմամբ լայն հասարակության ցանկացած տեսակի կամարտահայտման նկատմամբ ունեցած վախից դրդված:
Մայիսի 5-ին «Ռուսաստանի գլխավոր ընդդիմադիր» Ալեքսեյ Նավալնին պատրաստվում էր փողոց դուրս բերել հարյուր հազարավոր, անգամ միլիոնավոր մարդկանց՝ ընդդեմ Վլադիմիր Պուտինի հերթական նախագահական ժամկետի: Նավալնին համացանցում ակտիվորեն անցկացնում էր իրազեկման ակցիաներ թե՛ տեսաուղերձների, թե՛ տեքստային տարբերակներով: Ապրիլի 30-ին՝ Մոսկվայում, Սախարովի հրապարակում անցկացվեց քաղաքապետարանի հետ համաձայնեցված հանրահավաք՝ ընդդեմ Telegram մեսենջերի արգելափակման: Դրան մասնակցեցին 10 հազարից ավելի մարդ: Ըստ երեւույթին, սա պետք է ոգեշնչեր ռուսաստանցի ընդդիմադիրներին, սակայն մեկ շաբաթ չանցած՝ մայիսի 5-ին, այդքան մարդ հավաքվեց ամբողջ Ռուսաստանում անցնող բողոքի ցույցերին:
Մայիսի 5-ի բողոքի ցույցերի մեծ մասը համաձայնեցված չէին տեղական իշխանությունների հետ: Դա եւս իր դերը խաղաց ցույցերի սակավամարդ լինելու առումով: Սակայն մայիսի 5-ի բողոքի ակցիաների սակավամարդության հիմնական պատճառներն այլ էին:
Հարկ է նշել, որ Նավալնին պատրաստվել էր ցույցերին հավուր պատշաճի՝ արեւմտյան «դասագրքային» տարբերակով: Ընտրվել էր հարմար պահ՝ նախագահի երդմնակալության նախօրեն, հանգստյան օր, ընտրվել էր ժողովրդավարական առումով ճիշտ կարգախոս՝ «Նա մեր ցարը չէ», կատարվել էր գրագետ իրազեկում: Ակցիաների ընթացքում անգամ փորձ էր կատարվել օգտագործել մեր թավշյա հեղափոխության դրական լիցքը՝ ցուցարարների վանկարկումների մեջ հաճախ զուգահեռներ էին անցկացվում հայաստանյան իրադարձությունների հետ:
Բողոքի համառուսաստանյան ալիքի տապալումը պայմանավորված է մի քանի սուբյեկտիվ պատճառներով, որոնք Նավալնին երբեք հաշվի չի առել եւ շարունակում է անտեսել: Նախ եւ առաջ Ռուսաստանի բնակչության բազմազանությունը ազգային, կրոնական, սոցիալական եւ քաղաքական առումներով: Այդ իսկ պատճառով Հայաստանի հետ տարվող զուգահեռները խիստ պայմանական են: Եթե Հայաստանում իշխող կուսակցությունը, ի դեմս Սերժ Սարգսյանի, զուրկ էր ներքին լեգիտիմությունից, ապա Վլադիմիր Պուտինը ներքին լեգիտիմության խնդիր չունի: Այստեղից բխում է Նավալնիի կարգախոսի խոցելիությունը՝ ռուսաստանցիների մի ստվար զանգված անթաքույց կերպով Պուտինին ցար է համարում:
Լայն հասարակության ներգրավումը ձախողվեց նաեւ այն պատճառով, որ Նավալնին հասցրել է հոգնեցնել իր քաղաքական օրակարգով եւ ճնշման միջոցներով: Ներկա օրակարգը չի գրավում նոր մարդկանց, իսկ մինչ այդ մոբիլիզացված հասարակությանը՝ չի բավարարում: Իսկ ճնշման միջոցները՝ հանրահավաքային եւ երթային պայքարը ավարտվում են Նավալնիի եւ նրա թիմակիցների բերման ենթարկումով կամ ձերբակալությամբ:
Հաջորդ, թերեւս որոշիչ տարբերությունն այն է, որ Նավալնին համակարգի դեմ պայքարում է համակարգված եւ կենտրոնացված: Մայիսի 5-ի նախօրեին մի շարք քաղաքներում բերման ենթարկվեցին Նավալնիի թիմակիցները, ինչը լուրջ հարված հասցրեց մոբիլիզացիոն գործընթացին: Ռուսաստանի հասարակությունը պատրաստ չէ ապակենտրոնացված պայքարի՝ նրանց պետք է առաջնորդ, ընդ որում բավական նյութական՝ փողոցում կանգնած:
Իշխանությունները ավելի լավ են ճանաչում սեփական երկրի բնակչությանը: Դա ակներեւ է դառնում, երբ դիտարկում ենք տարբեր քաղաքներում անցկացված ցույցերի նկատմամբ ունեցած տարբեր մոտեցումները: Ձերբակալությունների ճնշող մեծամասնությունը տեղի է ունեցել Մոսկվայում եւ Սանկտ-Պետերբուրգում: Մնացած քաղաքներում՝ հիմնականում Ուրալից արեւելք, ոստիկանական ուժ է գործադրվել միայն ծայրահեղ անհրաժեշտության դեպքում, երբ իրական վտանգ կար, որ խաղաղ ցույցը կարող է վերաճել բախման ընդդիմադիրների եւ, օրինակ կազակների կամ պուտինամետ Ազգային Ազատագրական Շարժման ակտիվիստների միջեւ:
Նմանատիպ տարբերակված մոտեցումը բացատրվում է նրանով, որ Մոսկվայում եւ Պետերբուրգում հասարակությանը պետք է վախեցնել ուժ ցուցադրելով, իսկ «պրովինցիաներում» ցույցի դուրս գալը, հանրահավաք կազմակերպելու իրավունքի իրացումը արդեն իսկ ժողովրդավարություն է՝ անկախ դրված պահանջի կատարումից:
Բացի այդ, ռուսական լրատվամիջոցները տարիներ շարունակ հանրությանը ներկայացնում են բողոքի դուրս գալու ուկրաինական սցենարի հետեւանքները՝ արյուն, քաղաքացիական պատերազմ, տարածքային կորուստներ: Այդպիսով բողոքի ակցիաները ենթագիտակցական մակարդակով վախ են առաջացնում հանրության մոտ: Հայկական հեղափոխության վտանգը նրանում է, որ այն կարող է հակասության մեջ մտնել ռուսական ԶԼՄ-ների այս վերոնշյալ թեզի հետ եւ հաղթել:
Սակայն դա կլինի ընդամենը մեկ կետի չեղարկում: Ընդհանուր առմամբ Ռուսաստանում հեղափոխությունը բացառվում է այն պատճառով, որ բացակայում է քաղաքացիական հասարակությունը, ինչպես նաեւ նրանով, որ չկա հեղափոխության հանրային պահանջ: Ընդդիմության առաջնորդի՝ որպես միավորող ուժի մասին խոսք լինել չի կարող, քանի դեռ ապահովված չեն վերոնշյալ երկու պայմանները: Ռուսաստանում մարդիկ, անկախ հանգամանքներից, ընդունում են Պուտինին, որը, մինչ փողոցային ընդդիմությունը զբաղված էր մայիսի 5-ին բերման ենթարկվածներին իրավաբանական աջակցություն ցուցաբերելով, մայիսի 7-ին չորրորդ անգամ երդվեց ծառայել Ռուսաստանի Դաշնությանը՝ եւս 6 տարի:
Տպագրվել է «Հայկական ժամանակ» օրաթերթի մայիսի 8-ի համարում:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ