Սա ստիպել է Մկրտիչ Արզումանյանին մտածել կրկին բասկետբոլով զբաղվելու մասին

Դերասան Մկրտիչ Արզումանյանը ոգեւորված էր «Աստղերի հանդիպում» խորագրով բասկետբոլային երեկոյի ընթացքում: Երեկ՝ ապրիլի 11-ին, «Միկա» մարզահամալիրում կայացած այդ միջոցառումը բաղկացած էր 3 մասից: Առաջինում միմյանց դեմ էին դուրս եկել «Հայտնիների» ու «Անհայտների» թիմերը: Մկրտիչն Արամեի, ՀՀ սպորտի եւ երիտասարդության նախարարի պաշտոնակատար Հրաչյա Ռոստոմյանի եւ ճանաչված այլ անձանց հետ ընդգրկված էր «Հայտնիների» կազմում: Նրա թիմը հաղթեց պատանի հայ բասկետբոլիստներից կազմված «Անհայտներին» 46:40 հաշվով: «Հայկական ժամանակ»-ի հետ զրույցում նա ընդգծեց, որ շատ ուրախ է հանդիպմանը մասնակցելու հրավեր ստանալու համար:

«Դե, բնականաբար առաջվա եռանդը չկա, բայց, եթե մի քիչ ավելի շատ ժամանակ ունենայինք, շատ ավելի պատրաստված կլինեինք խաղին: Շատ ծանրաբեռնված եմ, բայց հենց լսեցի առաջարկը, ամեն ինչ արեցի, որպեսզի մասնակցեմ: Սա մի յուրահատուկ իմպուլս, մի յուրահատուկ ուժ տվեց, որը նաեւ ազդելու է իմ աշխատանքի վրա: Ոգեւորված եմ ու անհամբեր սպասելու եմ հաջորդ խաղին»,- ասաց նա՝ ավելացնելով, որ իր կարծիքով՝ հայտնիների մասնակցությամբ նման հանդիպումները կնպաստեն բասկետբոլի մասսայականացմանը Հայաստանում:

Մկրտիչը ժամանակին երկար տարիներ զբաղվել է բասկետբոլով: Այժմ ծանրաբեռնվածության պատճառով չի կարողանում ժամանակ տրամադրել սպորտին: «Աստղերի հանդիպմանը» պատրաստվելու համար մի քանի օր մարզվել է, ու կրկին սպորտով զբաղվելու ցանկություն է առաջացել:

«Բասկետբոլ չեմ խաղում: Ցավոք, ժամանակս չի ներում, բայց թիմի անդամներով, պրոֆեսիոնալներով, ընկերներով որոշել ենք շաբաթը մի 2 օր գոնե տրամադրենք, մի քանի ժամով հավաքվենք, խաղանք: Ե՛ւ առօրյա հոգսերից կկտրվենք, ե՛ւ ֆիզիկապես լավ պատրաստված կլինենք: Կարծում եմ՝ սրանով սկսվում են մեր ամենշաբաթյա պարապմունքները»,- ասաց նա:

Մկրտիչը մարզասեր է: Հետեւում է մի քանի մարզաձեւերի: Հետաքրքրվում է արեւելյան մարտարվեստների մրցումներով, խառը մենամարտերով: Բասկետբոլին նույնպես մշտապես հետեւում է:

«Հետեւում եմ NBA-ի հանդիպումներին, ունեմ սիրելի թիմեր՝ «Սան Անտոնիո Սպըրս» եւ «Քլիվլենդ Քավալերս»: Հայաստանի առաջնությանը ոչ, բայց հավաքականի խաղերին միշտ հետեւում եմ: Գիտեմ, որ ամեն ինչ դեռ առջեւում է: Մեր տղաները ֆանտաստիկ բասկետբոլ են ցույց տալու, պարզապես պետք է մի քիչ սպասենք ու հրաշալի արդյունքներ կլինեն»,- ասաց նա:

Իր հիմնական գործունեությունից Մկրտիչ Արզումանյանը նախընտրեց չխոսել: Միայն նշեց, որ աշխատում է նոր նախագծերի վրա: Ավելի ուշ նաեւ մանրամասներ կհայտնի դրանցից:

Լուսանկարները՝ «Հայկական ժամանակ»-ի

Տպել
2260 դիտում

Հիվանդանոցները կտրամադրեն միայն անհետաձգելի բուժօգնություն. Թորոսյանը հրաման է ստորագրել

Ադրբեջանական ագրեսիայի պատճառով վարչապետի՝ նախապես ծրագրված հարցազրույցն այսօր եթեր չի հեռարձակվելու. «Առաջին ալիք»

Այսօր մեր գործընկերներին հյուրասիրել ենք ադրբեջանցի զինվորներից առգրավված քաղցրավենիք. Վահրամ Պողոսյան

Բնակավայրերի հրետակոծության հետևանքով լրջորեն վիրավորված հղի կինն էլ, երեխան էլ, փրկվել են. ԱՀ ՄԻՊ

Միջազգային հանրության արձագանքը բավարար չեմ համարում․ Արայիկ Հարությունյան

Արցախում այս պահին կա կապի խնդիր. չեն գործում կանխավճարային համակարգը, SMS-ը

Արցախի ՊՆ–ն հրապարակեց զոհված զինծառայողների անունները

Գարիկ Մարտիրոսյանն ու Միշա Գալուստյանը կոչ են անում Ադրբեջանին դադարեցնել ագրեսիան խաղաղ բնակչության դեմ

Երևանը Ստեփանակերտի կողքին է՝ միշտ և ամեն ինչով. Հայկ Մարությանը հեռախոսազրույց է ունեցել Ստեփանակերտի քաղաքապետի հետ

Հակառակորդին պատճառվել է կենդանի ուժի և զինտեխնիկայի մեծաթիվ կորուստներ. ԱՀ ՊՆ-ն տեսանյութ է հրապարակել

Քարդաշյանը խնդրել է իր հետեւորդներին կոչ անել Սպիտակ Տանը դադարեցնել Ադրբեջանին տրվող ռազմական օժանդակությունը

Առգրավվել է հակառակորդի 11 միավոր զրահատեխնիկա իրենց մարտական լրակազմով, այդ թվում ՀՄՄ-3. ՊՆ

ԱՄՆ կոնգրեսականը կոչ է արել պարզել՝ ով է ռազմական բախումների նախաձեռնողը՝ Ադրբեջանին պատասխանատվության ենթարկելու համար

Արցախի դեմ կռվում է ոչ միայն Ադրբեջանը, այլև Թուրքիան․ ԱՀ նախագահ

Սիրիայից մոտ 4000 գրոհային է մասնակցում Ադրբեջանի սանձազերծած ռազմական գործողություններին

Գյումրու զինվորական կոմիսարիատի բակում հերթեր են գոյացել

Արցախի բնակիչներին ապաստարան տալու անհրաժեշտություն չկա այս պահին․ Զարուհի Բաթոյան

Նիկոլ Փաշինյանը ՊՆ-ում հանդիպել է Զինված ուժերի ղեկավար կազմի հետ

125 հազար դոլարից ավելի գումար է հավաքվել «Մենք ենք, մեր սահմանները. բոլորս Արցախի համար» դրամահավաք-արշավի շրջանակում

Ամբողջ Հայաստանի տարածքում հերթեր են՝ կապված զորակոչին մասնակցողների քանակի հետ․ ՀՀ ՊՆ մամուլի խոսնակ (տեսանյութ)