Փայտարվեստի թանգարանում զուգարանի դռան փոխարեն վարագույր են կախում

Փայտարվեստի թանգարան

2017 թվականի ֆինանսատնտեսական հաշվետվությամբ  ՀՀ մշակույթի նախարարությունում էր Փայտարվեստի թանգարանի ղեկավարությունը։ Թանգարանի ցուցանիշները նախարարության աչքին չափազանց համեստ էին։ 45 տոկոս վճարովի այցելու ունենալու պարտավորության դիմաց՝ այցելուների թիվը 34 տոկոս է եղել, մինչդեռ նախարարության որդեգրած սկզբունքով, բոլոր պետական թանգարանները 2018-ին պարտավորվում են 75 տոկոս վճարովի այցելու ունենալ:

Փայտարվեստի թանգարանը 2017 թվականին 5 հազար այցելու է ունեցել: Թանգարանի ֆոնդապահ Մելանյա Միրզոյանը «ՀԺ»-ի հետ զրույցում նշեց, որ այցելությունների առումով նմանօրինակ փոքր թանգարանների համար նման ցուցանիշը նույնիսկ շատ է: Թանգարանի աշխատակիցները, ովքեր ներկա են եղել հաշվետվությանը, նշեցին, որ մշակույթի նախարարը պահանջել է այցելուների թվի եռապատկում:

«Նախարարը մեզ ասում է բաներ, ներկայացնում պահանջներ, որը մենք ի վիճակի չենք իրականացնել: Դա նույնն է, երբ երեխան ծնվում է 9 ամսականում՝ ասեն, որ պետք է ծնվի 3 ամսում»,- ասաց Մելանյա Միրզոյանը: Վերջինիս ներկայացրած տվյալների համաձայն՝ այս տարի թանգարանն ունեցել է 5 հազար այցելու, որից 1777-ը վճարովի այցերն են, մնացածը՝ թանգարանային օրերի եւ ամեն ամսվա վերջին շաբաթում անվճար այցելուների թիվը: Թանգարանի տոմսի արժեքը 500 դրամ է: Մեկ հիմնական եւ մեկ ժամանակավոր ցուցասրահ ունեցող թանգարանն այսօր ունի 12 աշխատող, որն իրենց լիովին բավարարում է:

Փայտարվեստի թանգարանի հիմնական ցուցադրության սրահը

Նշեց, որ պետք է թանգարան այցելող հասարակություն ունենան, որ այցելությունների թիվը շատանա, մարդիկ, ովքեր նման պահանջ ունեն, հնարավորություն չունեն, բայց էլի գտնում են միջոցներ ու այցելում: «Իսկ դնել եւ պահանջել, որ այցելուների թիվը ավելացնենք, դա աբսուրդ է, մենք հո տուրիստական կազմակերպություն չենք, ի՞նչ անենք՝ մեր սկզբունքները, մեր կանոնադրությունը փակենք, դնենք մի կողմ ու առևտուր անե՞նք»,- վրդովված ասաց Մելանյա Միրզոյանը:

Համաձայն մշակույթի նախարարության հրապարակման՝ թանգարանը չի կատարել 2017 թվականի սուբսիդիոն պայմանագրի 5 կետ, սակայն կետերը չի մանրամասնել։

Նախարարը թանգարանի տնօրեն Հենրիկ Սոնախյանին հայտնել է, որ վատ ցուցանիշներ է ներկայացրել եւ պայմանագիրը պատշաճ չի կատարել, որի համար էլ Սոնախյանը պատճառ է բերել Թանգարանի տարածքի հիմնովին վերակառուցման անհրաժեշտությունը: Ամիրյանն արձանագրել է, որ այցելուների թվի ավելացմամբ նախ պետք է մեծացնել արտաբյուջեն, որտեղից գումարները կամաց-կամաց կուղղվեն տարածքի պայմանների բարելավմանը:

«Ըստ երևույթին, մենք նույն լեզվով չենք խոսում կամ էլ միմյանց ասածները չենք հասկանում: Եռալեզու բուկլետ տպագրելու պարտավորությունն էլ կապ ունի՞ տարածքի հիմնովին նորոգման հետ»,- հանդիպման ընթացքում ասել էր Ամիրյանը։ Թանգարանում մեզ ասացին, որ եռալեզու թռուցիկները տպած սպասում են, որ համապատասխան հրահանգից հետո տանեն մշակույթի նախարարություն: Նաև վստահեցրեցին, որ մինչ օրս բաժանած թանգարանային այդ թռուցիկներով դեռ ոչ ոք չի այցելել թանգարան, այսինքն՝ այցելությանը թռուցիկների բաժանումը ոչնչով չի նպաստում:

«Այստեղ նպատակաուղղվածություն կա, ինչ-որ նախատրամադրվածություն կա, բայց դեռ անորոշ է, թե ինչ եւ ինչու», - ասաց Մելանյա Միրզոյանը: Վերջինս եւս մեկ անգամ հիշեցրեց, թե թանգարանն ինչպես է ստեղծվել՝ նշելով, որ երբ մնացած թանգարանները ստեղծվել են հայտնի արվեստագետի կամ գրողի անունով, նրանց պատրաստի շինություն է տրամադրվել, փայտարվեստի թանգարանը ստեղծվել է զրոյից, սկզբում ամեն մի ցուցափեղկում եղել է ընդամենը 3-ից 4 ցուցանմուշ, այսօր արդեն 2000-ից անցել է:

Փայտարվեստի թանգարանում մեզ ներկայացրեցին, որ շենքն իսկապես բարվոք վիճակում չէ, փայտերը ճաքում են, շարքից դուրս են գալիս, ձմռանը այցելուն փախչում է թանգարանից, քանի որ շենքը նորմալ չի ջեռուցվում: Թանգարանն անգամ նորմալ զուգարան չունի, դռան փոխարեն աշխատակիցները վարագույր են կախել.

Փայտարվեստի թանգարանի զուգարանը

«Ամեն տարի, երբ ընդհանուր քննարկում է լինում, մենք այդ հարցերը բարձրացնում ենք: Ամբողջ կոնֆլիկտը սկսվում է դրանից, խնդիրներին ոչ ոք ուշադրություն չի դարձնում: Ամիրյանն ամեն անգամ ասում է՝ կլինի, կլինի»,- ասում է Մելանյա Միրզոյանը եւ նշում, որ վերանորոգման հերթի մեջ են արդեն 10 տարուց ավելի, համբերությամբ սպասում են:  

Թանգարանի հիմնական ցուցադրության սրահի մուտքը

Նրա վստահեցմամբ՝ թանգարանը հիմնադրման օրից (1977թ.) երբեք չի նորոգվել, տնօրենի աջակցությամբ, մաս-մաս որոշ բաներ արվել են, այդ թվում եւ թեքահարթակների ու աստիճանների նորոգումը: «Արդեն վտանգավոր էր այցելուների համար, մանավանդ թանգարանային գիշերը, ծանոթների միջոցով, խնդրելով՝ վերանորոգեցինք», -ասում է Միրզոյանը եւ հավելում, որ անարդար մոտեցում կա, սակայն դա իրենց աշխատանքին չի կարող խանգարել: Երբ թանգարանի տնօրենը պետության ներդրման անհրաժեշտության մասին է խոսել, նախարարն արձագանքել է՝ պետությունն իր ներդրումն արել է, շենք ու բյուջե է տվել, որևէ բան անելու հերթը իրենցն է:

 Աղունիկ Հովհաննիսյան

Տպագրվել է «Հայկական ժամանակ» օրաթերթի ապրիլի 12-ի համարում:

Տպել
8579 դիտում

«Մեր ժամանակների հերոսը». գլխավոր մրցանակը վարչապետը հանձնեց «Markos toys»-ի հիմնադիր Սևակ Մարկոսյանին

Հայոց բանակի զինվորին մրցանակ հանձնելը մեծ պատիվ ու պարտավորություն է. երկրորդ հատուկ մրցանակը՝ զինվորականներին (ուղիղ)

ԱՄՆ-ի եւ Իրանի միջեւ բանակցություններ հնարավոր են. Զարիֆը՝ նախապայմանների մասին

ՀՀ տարածքում ավտոճանապարհներն անցանելի են. Ստեփանծմինդա-Լարս ավտոճանապարհը բաց է միայն բեռնատարների համար

Մենք կարծես ուսուցիչների հետ մարտի դաշտում լինենք. վճարովի թեստավորվում են ու ասում՝ գնում ենք դպրոց

Հատուկ մրցանակը բուժաշխատողներին հանձնեց COVID 19-ը վերապրած Պետրոս Պետրոսյանը (ուղիղ)

ՌԴ-ն իր հակակորոնավիրուսային պատվաստանյութի տրամադրման գործարքներ է կնքում աշխարհով մեկ. ինչ է հայտնի

Լուիս Սուարեսը տեղափոխվում է «Ատլետիկո», Ալվարո Մորատան՝ «Յուվենտուս»

«Զվարթնոց» տաճարում մեկնարկեց «Մեր ժամանակների հերոսը» մրցանակաբաշխությունը (ուղիղ)

Րոպեներ անց Նիագարա ջրվեժը կլուսավորվի Հայաստանի դրոշի գույներով

Մոլդովական փողոցում բռնկված հրդեհի վայրից փրկարարները տարհանել են երկու քաղաքացու․ տուժածներ չկան

Անկախության տոնակատարությանը նվիրված համերգ Զվարթնոց տաճարում. Տիգրան Գալստյանը լուսանկարներ եւ տեսանյութ է հրապարակել

Անկախության տոնի կապակցությամբ Երևանում կազմակերպվել են մարզական և մշակութային միջոցառումներ. ՊՆ

Նոր Ամանոս գյուղում այրվել է մոտ 700 հակ անասնակեր

Մենք ակնկալում ենք խորացնել մեր գործընկերությունը մի շարք կարևոր ոլորտներում. Ջաստին Թրյուդոյի ուղերձը

Արթիկի գերեզմանատանը հայտնաբերվել է գերեզմանափորի դին

Վարորդի եկամուտը քչացել է, չի աշխատի, ծնողներն էլ խառը դրության մեջ են. 3 գյուղի աշակերտներ դպրոց հասնելու խնդիր ունեն

Սեպտեմբերի 21-ը Վաշինգտոնում հայտարարում եմ որպես «Հայաստանի անկախության օր». քաղաքապետ

Վանաձորում 2 մանկապարտեզ չի վերաբացվել, 1-ի գործունեությունը դադարեցվել է. բուժքրոջ մոտ կորոնավիրուս է հայտնաբերվել

Թաթան երգ կնվիրի Գյումրիի «Շիրակ» ֆուտբոլային ակումբին