Այնպես չէ, որ անընդհատ պետք է հաղթես. Խաշմանյանը՝ «Ալաշկերտը» թողնելու մասին

ՀՀ Բարձրագույն խմբի գործող չեմպիոն «Ալաշկերտի» արդեն նախկին գլխավոր մարզիչ Աբրահամ Խաշմանյանը չի ցանկանում խորանալ թիմից հեռանալու պատճառների մեջ: Երեկ՝ ապրիլի 1-ին, առաջնության 20-րդ տուրում «Գանձասար-Կապանին» պարտվելուց հետո (0:1) տեղի ունեցած ժողովի ընթացքում նա հրաժարական է տվել: Առաջնության գարնանային հատվածը չեմպիոն թիմի համար այնքան էլ լավ չի դասավորվում, ընդամենը 1 հաղթանակ է տոնել: Այդուհանդերձ, դեռ չի կորցրել միանձնյա առաջատարի դերը, եւ այդ մասին Խաշմանյանն էլ խոսեց «Հայկական ժամանակ»-ի հետ զրույցում: Նա նշեց, որ նորմալ է, որ ֆուտբոլային թիմերը մրցաշրջանի որեւէ հատվածում անհաջող շրջան են ունենում:

«Իհարկե, չենք կորցրել առաջին տեղը: Ե՞րբ է եղել, որ իմ թիմերը վերջին տեղում լինեն, ու ես հրաժարական տամ: Իմ թիմերը միշտ էլ առաջին տեղում են եղել: «Ալաշկերտն» առաջին տեղում է: Ֆուտբոլում նորմալ է, որ թիմերը 2-3 խաղում պարտվում են: 4-րդ մրցաշրջանն է՝ ես անընդհատ առաջին տեղում եմ: Այնպես չէ, որ թիմն անընդհատ պետք է հաղթի, այդպիսի բան չկա աշխարհում, անգամ «Բարսելոնայի» ու «Ռեալի» պարագայում»,- ասաց նա:

Մասնագետը նշեց, որ հեռանալն իր որոշումն է եղել: Ինչ վերաբերում է ապագա ծրագրերին, դեռ չի կողմնորոշվել: Հարցին, թե ինչ է անելու եւ արդյո՞ք հնարավոր է՝ կրկին վերադառնա «Ալաշկերտ», թե՞ ոչ, նա չկարողացավ պատասխանել:

2016-17 մրցաշրջանում էլ Խաշմանյանը հասցրեց 2 անգամ գլխավորել «Ալաշկերտը»: Աշնանային հատվածում նրա ու ակումբի սեփականատեր Բագրատ Նավոյանի միջեւ վեճ էր առաջացել: Վերջինս իր անվստահությունն էր հայտնել մարզչին ՀՀ Գավաթի խաղարկության քառորդ եզրափակչում ճանապարհը «Փյունիկին» զիջելուց հետո: Մարզիչը հեռացել էր, սակայն կարճ ժամանակ անց, ակումբ էր վերադարձել որպես տնօրեն, իսկ ձմեռային դադարից հետո կրկին ստանձնել էր գլխավոր մարզչի պարտականությունները:

Աբրահամ Խաշմանյանն «Ալաշկերտը» գլխավորել էր 2014 թ.: Նրա հետ թիմը դարձել է Հայաստանի բարձրագույն խմբի առաջնության 2015-16 եւ 2016-17 մրցաշրջանների չեմպիոն, Հայաստանի 2016 թ. սուպերգավաթակիր, հաջողությամբ հանդես է եկել եվրագավաթների խաղարկություններում:

Խաշմանյանի՝ հերթական անգամ հեռանալուց հետո թիմը գլխավոր է ՀՀ հավաքականի նախկին գլխավոր մարզիչ Վարուժան Սուքիասյանը: Նրան օգնելու է Կարեն Բարսեղյանը, որը մի քանի օր առաջ հեռացվել էր «Գանձասարի» գլխավոր մարզչի պաշտոնից:

ՀՀ բարձրագույն խմբի առաջնության 20 տուրերից հետո «Ալաշկերտն» ունի 34 միավոր: Առաջին տեղում է: 3 միավորով գերազանցում է 2-րդ տեղում ընթացող «Շիրակին» եւ 3-րդ տեղում ընթացող «Գանձասարին», որոնք ունեն 31 միավոր: Գավաթի խաղարկությունում հասել է կիսաեզրափակիչ, որտեղ առաջին խաղում մրցակցի հարկի տակ 1:0 հաշվով հաղթել է «Բանանցին»:

Տպել
1408 դիտում

Բարեկենդան օրեր է, խելքս գլխես կորեր է. Գյումրիում տոնվեց Բուն Բարեկենդանը (լուսանկարներ, տեսանյութ)

Երկրաշարժ է եղել Թուրքիայի տարածքում. ցնցումները զգացվել են Շիրակի մարզում

Իրանի հետ հաղորդակցությունը 2 շաբաթով դադարեցվում է. արգելվում է նաեւ Մեղրիով մուտքը Հայաստան. վարչապետ

Թուրքիան ու Աֆղանստանը փակել են Իրանի հետ սահմանը՝ կորոնավիրուսի ներթափանցումը կանխելու նպատակով

Կոտայքի մարզի Մեղրաձոր գյուղում 18-ամյա ուսանողը դանակահարել է իր հասակակցին

Գարուն Երեւան. վարչապետը նոր լուսանկար է հրապարակել

ԵԽԽՎ համազեկուցողներն անհանգստություն են հայտնել Ադրբեջանում խաղաղ բողոքի ակցիաների ցրման առնչությամբ

Հրդեհ Տաշիր քաղաքում. այրվել է կուտակված անասնակեր

Հյուպատոսական բաժնի աշխատանքը դադարեցվել է ՀՀ քաղաքացիներին շուրջօրյա արդյունավետ ծառայություն մատուցելու համար

«Խաչասար» կոչվող հատվածում քաղաքացին ընկել և ստացել է վնասվածք. օգնել է ԱԻՆ-ը

Փետրվարի 25-ին Հայաստանի մեծ մասում սպասվում են տեղումներ. կցրտի 6-8 աստիճանով

Գավառ քաղաքում փրկարարները դուրս են բերել ձյան մեջ արգելափակված մեքենան

Թուրքիան «Patriot» համակարգերի գնման առաջարկ է ներկայացրել ԱՄՆ-ին

Այսօր Բուն Բարեկենդանն է. Երևանում սպասվում է մեծ շքերթ-տոնախմբություն

Ատելության քարոզի հեռահար նպատակները

Լոռու մարզի Սարալանջ գյուղի տնակներից մեկում հայտնաբերվել է տղամարդու դի

Նիկոլ Փաշինյանը շնորհավորական ուղերձ է հղել Ճապոնիայի վարչապետին Ազգային տոնի կապակցությամբ

Ի՞նչ է կորոնավիրուսը, ինչպե՞ս տարբերակել եւ ինչ է պետք իմանալ վիրուսի մասին. պարզաբանում է նախարարը (տեսանյութ)

Աբովյան քաղաքի բնակարաններից մեկում հայտնաբերվել է բնակչի դին

«Այո»-ի մասին Հայկ Ստվերի երգի պրեմիերան տեղի կունենա այսօր