Հին սովետական մեթոդներով. 21-րդ դարում ողբերգությունը փորձում էին թաքցնել

Կիրակի երեկոյան Ռուսաստանի Կեմերովո քաղաքի «Զիմնյայա վիշնյա» անունը կրող առեւտրի կենտրոնում տեղի ունեցած հրդեհը տասնյակ մարդկանց կյանք է խլել, որոնց մեծ մասը երեխաներ են: Ողբերգության մասշտաբը շատ մեծ է, եւ բազմաթիվ երկրների բարձրաստիճան պաշտոնյաներ ցավակցություն էին հղում ՌԴ-ի իշխանություններին:

Հրդեհը եւ դրան հետեւած իրադարձությունները քննարկվում են մի քանի այլ տեսանկյուններից նաեւ: Նախ՝ այն, որ առեւտրի կենտրոնը տեխնիկապես բոլորովին չի համապատասխանել անվտանգության չափանիշներին, հրդեհը սկսվելուց հետո չի հնչել համապատասխան ազդանշան: Էվակուացիան պատշաճ ձեւով չի իրականացվել, կենտրոնի անվտանգության ծառայության աշխատակիցները չեն իմացել, թե ինչ պետք է անեն, մարդկանց ուր ուղղորդեն, կենտրոնի ներքին հարդարման նյութերը եղել են դյուրավառ ե՛ւ այլն, ե՛ւ այսպես շարունակ: Սա, իհարկե, ողբերգության, պատկերավոր ասած՝ տեխնիկական մասն է, եւ դրա համար մարդիկ են ձերբակալվել ու դեռ կձերբակալվեն:

Բայց սա դեռ ամենը չէ: Հրդեհից հետո ժամեր շարունակ ռուսական իշխանությունները փորձել են կոծկել ողբերգության մասշտաբները: Առաջին ժամերին հաղորդվում էր 5-6 զոհվածների մասին: Ռուսաստանի կենտրոնական հեռուստաալիքները բավական երկար ժամանակ ընդհանրապես տեղեկություններ չէին հաղորդում: Նրանցից որեւէ մեկն այդպես էլ ուղիղ եթեր չհեռարձակեց դեպի վայրից: Միայն ժամեր անց, երբ ինտերնետային կայքերը եւ բլոգերները ահազանգեցին իրական մասշտաբների մասին, կենտրոնական ԶԼՄ-ները սկսեցին զոհվածների թվի մասին ճշմարտությանն ավելի մոտ տեղեկություններ հայտնել:

Ռուսական «Էխո Մոսկվի» պարբերականը, ինչպես նաեւ բազմաթիվ ականատեսներ հրապարակայնորեն հայտարարեցին այն մասին, որ հրդեհից անմիջապես հետո տեղում աշխատող իրավապահները սկսել են հավաքել ականատեսների հեռախոսները, որպեսզի վերջիններս չկարողանան այդ սարսափելի կադրերը հեռարձակել համացանցում: «Էխո Մոսկվի»-ն հայտնում է նաեւ, որ ոստիկանությունն ականատեսներից պահանջել են ստորագրություն տալ տեղեկություններ չհրապարակելու մասին:

Ամենայն հավանականությամբ, դա պայմանավորված էր նրանով, որ ընդամենը մեկ շաբաթ առաջ Վլադիմիր Պուտինը մեծ խանդավառության մթնոլորտում կրկին դարձավ ՌԴ նախագահ: Բայց ողբերգության մասշտաբները թաքցնելու ակնհայտ փորձը թողեց հակառակ ազդեցությունը: Համացանցում տեղեկություններ են շրջանառվում, որ զոհերի թիվը ոչ թե 64 է, ինչպես պաշտոնապես հայտարարվել է, այլ հասնում է մինչեւ անգամ՝ 200-ի: Այդպիսի պնդումներ անողները հիմնվում են տեղում աշխատող փրկարարների, իրավապահների եւ բժիշկների շրջանում իրենց ծանոթների հաղորդած ոչ պաշտոնական լուրերի վրա: Հաշվի առնելով, թե ինչպես են իրենց դրսեւորել պաշտոնական մարմինները, կարելի է ենթադրել, որ նման պնդումները կարող են եւ համապատասխանել իրականությանը:

Տպել
6625 դիտում

Ստեփանավանի դենդրոպարկի մուտքի մոտ սահմանափակումներ են դրվել. նախօրեին 10 000 մարդ էր այցելել այնտեղ (լուսանկարներ)

Գեղարքունիքի մարզում կորոնավիրուսի 6 նոր դեպք է հաստատվել

Մինչ այս քրեական հետապնդման մարմինների կողմից իրականացված գործողությունները եղել են ու մնում են իրավաչափ. Գոռ Աբրահամյան

Շիրակի մարզում առաջին անգամ սոյա կմշակվի. ծրագիրը փորձնական է

Անցյալի եւ ապագայի միջեւ գիծ պետք է քաշվի, պետք է հասկանալ՝ ինչ է տեղի ունեցել 1996-ին, 1999-ին, 2008-ին...Ա. Ջուլհակյան

Երևանում տերմինալներից գողություն կատարողների խումբ է բռնվել. ձերբակալվել են 22 և 26-ամյա երկու երիտասարդներ

Այգեձոր բնակավայրի «Այգեձորի գոմեր» կոչվող հանդամասում մոտ 5 հա խոտածածկ տարածք է այրվել

ՍԱՏՄ մշտադիտարկումներն ու կրկնայցերը Երեւան քաղաքում. կրկնակի խախտում է թույլ տվել 2 կազմակերպություն

Նախագահը կրթության փորձագետ Անահիտ Բախշյանի հետ խոսել է Լանզարոտի կոնվենցիայի վերաբերյալ իր մտահոգությունների մասին

Հյուրանոցային համալիրի սեփականատիրոջ կազմակերպմամբ տնօրենին զրկել են ազատությունից, ապա ունեզրկել

Ոստիկանությունում Ռուբեն Հայրապետյանին առնչվող նոր քրեական գործ է հարուցվել

Առողջապահության նախարարը հանդիպել է ՀՎԿԱԿ-ի մասնաճյուղերի տնօրեններին

Գալուստ Սահակյանի որդին ներգրավվել է որպես մեղադրյալ ՔԿ-ում քննվող քրեական գործով

Սննդի անվտանգության տեսչական մարմինը մշտադիտարկումներ է իրականացրել Երեւանում․ հայտնաբերվել են մի շարք խախտումներ

ԱԻՆ-ը շրջայց է իրականացնում ՀՀ տարածքում (Տեսանյութ)

ՀՀ վարչապետը ցավակցական հեռագիր է հղել Իսպանիայի կառավարության նախագահին

Նախագահը ստորագրել է սեռական բռնություններից երեխաների պաշտպանության մասին կոնվենցիան վավերացնելու օրենքը և վավերագիրը

Մենք գնում ենք այս ճանապարհով՝ փոխանցելով «կրիր դիմակ, փրկիր կյանքեր» ուղերձը

Կորոնավիրուսի դեմ պայքարող բուժաշխատողների վարձատրությունը 2-3 անգամ բարձրացել է. ռեանիմատոլոգների պակաս կա

Կորոնավիրուսից մահացած մոր հուղարկավորության ժամանակ վարակված աղջիկները եւս մահացել են