«Ելք»-ը կողմ է ազատականացնել կրիպտոարժույթով մայնինգի շուկան. պատգամավորները կքննարկեն

Ազգային ժողովի «Ելք» խմբակցությունն առաջարկում է կարգավորել կրիպտոարժույթների մայնինգով (գործողություններ, որոնց արդյունքում կրիպտոարժույթի ձեռքբերման գործարքը ստուգվում եւ գրանցվում է բլոկչեյնում կամ թողարկվում է նոր կրիպտոարժույթ) զբաղվելուն առնչվող իրավահարաբերությունները:

Ընդդիմադիր խմբակցությունն Ազգային ժողովում շրջանառության մեջ է դրել «Թվային տեխնոլոգիաների զարգացման» մասին օրենքի նախագիծը, որով, մասնավորապես, առաջարկվում է կրիպտոարժույթների մայնինգով զբաղվելը օրենքի ուժի մեջ մտնելու պահից մինչեւ 2023թ. դեկտեմբերի 31-ն ազատել հարկերից: Նախագծով առաջարկվում է սահմանել նաեւ, որ մայնինգով զբաղվելու համար որեւէ նախնական կամ այլ թույլտվություն, ինչպես նաեւ լիցենզիա չի պահանջվում։

Նախաձեռնության հեղինակները կարծում են, որ կրիպտոարժույթի մայնինգի վերաբերյալ օրենսդրության ընդունումը պայմանավորված է ժամանակակից աշխարհում տեղի ունեցող զարգացումներին համընթաց քայլելու անհրաժեշտությամբ։ Մասնավորապես, յուրաքանչյուր տարի ստեղծվում են նոր եւ բավականին լիբերալ սկզբունքներով աշխատող թվային վճարամիջոցներ, որոնց ընդհանուր թիվն այս պահին գերազանցում է 1380-ը (ներկայումս շուկայում մեծ պահանջարկ է վայելում բիթքոինը, ինչպես նաեւ էթերիումը, ռիփլը, դեշը եւ այլն)։ Տարբեր երկրներ տարբեր կերպ են հարմարվում այս նոր արժույթներին, որոշներն անգամ փորձում են արգելել դրանց կիրառությունը, մինչդեռ մյուսներն արդեն իսկ օրինականացրել են կրիպտոարժույթով վճարումները։

Օրենսդրական նախաձեռնության հեղինակները կարծում են, որ նախագծի ընդունման արդյունքում՝ բոլորը հավասարապես հնարավորություն կստանան զբաղվելու մայնինգով եւ դրա միջոցով վաստակելու գումար, կբարձրանա ինքնազբաղվածության մակարդակը, կներգրավվեն լրացուցիչ ներդրումներ (այդ թվում՝ օտարերկրյա) բարձր տեխնոլոգիաների ոլորտում՝ հատկապես ի հաշիվ նրա, որ մեր երկրում ոլորտը հնարավորինս լիբերալ օրենսդրությամբ կկարգավորվի:

Նախագիծն ընդգրկված է ֆինանսավարկային եւ բյուջետային հարցերի մշտական հանձնաժողովի՝ մարտի 13-ին կայանալիք նիստի օրակարգում: Հանձնաժողովի նախագահ Գագիկ Մինասյանն «Արմենպրես»-ի հետ զրույցում տեղեկացրեց, որ նախագիծն, այնուամենայնիվ, մարտի 13-ի նիստում չի քննարկվի, քանի որ բացակայելու է հիմնական զեկուցողը: Գագիկ Մինասյանը ձեռնպահ մնաց դեռեւս չքննարկվող հարցի վերաբերյալ տեսակետ արտահայտելուց: «Երբ այդ հարցը դրվի քննարկման, այն ժամանակ համեցեք»,- ասաց Մինասյանը:

«Ելք» խմբակցության ներկայացրած օրինագծի վերաբերյալ իրենց դիրքորոշումն արտահայտեցին Ազգային ժողովի մեկ այլ՝ տնտեսական հարցերի մշտական հանձնաժողովի ներկայացուցիչները: Տնտեսական հարցերի մշտական հանձնաժողովի նախագահ Խոսրով Հարությունյանն ընդգծեց, որ ինքն ընդհանրապես այս պահին ձեռնպահ կմնար կրիպտոարժույթի ոլորտում որեւէ կարգավորումից: «Մենք դեռ չենք էլ պատկերացնում, թե դա ինչ է իրենից ներկայացնում: Շատ երկրներ կան, որ նույնիսկ խոսում են այն մասին, այդ թվում՝ Եվրասիական տնտեսական միության անդամ երկրները, որ դա չնկատելու տան, որովհետեւ դեռեւս չգիտեն, թե մայնինգը ինչի է բերելու: Կրիպտոարժույթը դեռ արեւի տակ իր կայուն տեղը զբաղեցնելու խնդիր է հետապնդում»,- ասաց պատգամավորը:

Նա նշեց, որ տեղյակ է, որ «Ելք» խմբակցությունը հանդես է եկել ոլորտը կարգավորելու նախաձեռնությամբ: «Կարծում եմ, որ նման նախաձեռնության իմաստն էլ է հասկանալի՝ չխոչընդոտել եւ տեսնել, թե ինչ է տեղի ունենալու: Միգուցե, կարելի էր ընդհանրապես նման առաջարկությամբ հանդես չգալ, որովհետեւ դա որեւէ ձեռնարկատիրական գործունեության տեսակների ցանկում ընդգրկված չէ: Բոլոր դեպքերում, եթե այդ օրենսդրական նախաձեռնությունը նպաստելու է, որպեսզի մայնինգ կոչվածն առայժմ չհայտնվի հարկային դաշտում, թողնենք ազատ ու անկախ, միգուցե, կարելի է այս փուլում գնալ այդ ճանապարհով: Սակայն հարկավոր է դա քննարկել հասկանալ: Մենք կուսումնասիրենք եւ կարծիք կձեւավորենք: Ես մոտավորապես շարադրեցի իմ ընկալումը, որ առանձնապես չէի շտապի շատ կարգավորումներ տալ այդտեղ»,- եզրափակեց պատգամավորը:

Տնտեսական հարցերի մշտական հանձնաժողովի անդամ, «Ծառուկյան» խմբակցության պատգամավոր Սերգեյ Բագրատյանը գտնում է, որ ոլորտը կարգավորելու համար որոշ արտոնություններ պետք է լինեն, սակայն շեշտում, որ հարկավոր է ամեն ինչ խորությամբ ուսումնասիրել: «Եթե դա պիտի դառնա մի քանիսի մենաշնորհը, պետք է պայքարել, որ այդպես չլինի: Այսինքն՝ կարգավորումները պետք է այնպես դնել, որ դա դառնա ինտելեկտուալ բիզնես, ոչ թե որոշ մարդկանց մենաշնորհը: Տեսնենք, թե ինչ կարգավորում են բերում, մենք էլ մեր գիտելիքները կներդնենք, որպեսզի ճիշտ օրենք լինի»,- նշեց պատգամավորը:

Սերգեյ Բագրատյանն այն կարծիքին է, որ մեր երկրում նանոտեխնոլոգիաների զարգացման համար բոլոր անհրաժեշտ պայմանները պետք է ստեղծվեն: Նրա գնահատմամբ՝ Հայաստանը տրանսպորտային փոխադրումների իմաստով ինչ-որ առումով խոցելի երկիր է, իսկ սա այն ճյուղն է, որտեղ տրանսպորտային փոխադրումներ չեն պահանջվում: «Մենք այս հարցը պետք է շատ կարեւորենք՝ մեր աչքի առաջ ունենալով Սինգապուրի օրինակը: Եթե մեր երիտասարդները պատրաստ են այս ոլորտում հաջողություն ունենալ, պետք է ամեն ինչ անենք, որ խրախուսենք»,- ասաց նա:

Անդրադառնալով հնչող մտահոգություններին, որ կրիպտոարժույթներով հնարավոր է խրախուսել ահաբեկչությունը, զենքի անօրինական շրջանառությունն ու փողերի լվացումը՝ պատգամավորն ընդգծեց, որ կա նման ռիսկ եւ չի բացառվում, որ նաեւ այդ նպատակների համար կրիպտոարժույթներն օգտագործվեն: Նրա խոսքով՝ հարկավոր է հնարավորինս այնպես անել, որ փակվեն նման բոլոր հնարավորությունները: Սերգեյ Բագրատյանն այն կարծիքին է, որ միջազգային կառույցների հետ համագործակցությամբ եւ միջազգային փորձի ուսումնասիրությամբ պետք է հասնել նրան, որ կրիպտոարժույթները ահաբեկչության ֆինանսավորմանը, զենքի ապօրինի շրջանառությանը եւ փողերի լվացմանը չծառայեն:

Ազգային ժողովի «Ելք» խմբակցության պատգամավոր, «Թվային տեխնոլոգիաների զարգացման մասին» օրենքի նախագծի համահեղինակ Մանե Թանդիլյանը նշեց, որ ամբողջ աշխարհում տնտեսության զարգացման զուգընթաց այդ խնդիրն առկա է բոլոր երկրներում: «Մեր նպատակն է հաշվառել այն տնտեսավարողներին, ովքեր զբաղվում են մայնինգով, ազատականացնել շուկան, որպեսզի նրանք կարողանան տեսանելի ժամանակահատվածում առանց հարկման աշխատել եւ զարգացնել տնտեսությունն այդ ուղղությամբ»,- ընդգծեց պատգամավորը:

Նրա խոսքով՝ այս պահին մայնինգը գոյություն ունի եւ կա նաեւ Հայաստանում, ինչի մասին գիտեն բոլորը: Մանե Թանդիլյանն ընդգծում է, որ իրենց նպատակն է այդ գործունեությունը բերել օրենքի դաշտ եւ դարձնել վերահսկելի: «Մենք չենք ասում, որ կրիպտոարժույթով գործարքներ պետք է տեղի ունենան: Մենք ասում ենք մայնինգով աշխատող տնտեսավարողները պետք է հաշվառվեն եւ այս պահին ազատվեն հարկումից այն առումով, որ շուկան ազատականացվի եւ մենաշնորհներ չգոյանան, որովհետեւ ակնհայտ է, որ ստվերային տնտեսությունները կարող են դրան հանգեցնել»,- մանրամասնեց Թանդիլյանը:

Նա չբացառեց, որ օրենքի նախագծում կարող են փոփոխություններ լինել, սակայն եւս մեկ անգամ շեշտեց, որ նպատակն այն է, որ հնարավոր լինի հաշվառել մայնինգով զբաղվող տնտեսվարողներին, դաշտն ավելի կանխատեսելի դարձնել եւ շուկան ազատականացնել:

Տպել
3659 դիտում

Բրյունետը նոր տեսահոլովակ է ներկայացրել (տեսանյութ)

ՄԻՊ-ը հանդիպել է Ներքին Հանդի բնակիչների հետ․ ինչ մտահոգություններ են ներկայացվել Անահիտ Մանասյանին

Գյումրի-Բավրա ճանապարհի «Ղոչի աղբյուր» կոչվող հատվածում մեքենան ձորն է գլորվել․ տուժածները հիվանդանոցում են

ՀՀ նախագահը զինվորական կոչումներ և դասային աստիճաններ է շնորհել

Աշոտ Ահարոնյանը նոր պաշտոն ունի

Հուշագիր է ստորագրվել ՆԳՆ ոստիկանության և ԱՄՆ արդարադատության դեպարտամենտի թմրամիջոցների դեմ պայքարի վարչության միջև

«Օպել»-ը դուրս է եկել ճանապարհի երթևեկելի գոտուց, բախվել գազատար խողովակին և գլխիվայր շրջվել․ կան տուժածներ

Թե՛ 2018, և թե՛ 2021 թթ․ քաղաքացիները մեզ տվել են մանդատ ապահովելու ՀՀ ապագան, և այն պետք է իրացվի անմնացորդ․ Փաշինյան

Տեղի ունեցող քննարկումներն ինձ համար անակնկալ չեն, որովհետև ինքս անձամբ անցել եմ տառապալից այդ ճանապարհը․ վարչապետ

Եթե մեր ռազմավարական տեսլականն Իրական Հայաստանը չէ, առանց այն էլ դժվար խաղաղությունը հնարավոր չի լինելու․ վարչապետ

Խորհրդային Միությունը խթանում էր Հայկական ԽՍՀ-ից դուրս հայրենիք փնտրելու բանաձևը հայերիս շրջանում․ Փաշինյան

Վարչապետն ասաց՝ ինչպես է իրականացվելու պետական սահմանի Կիրանց բնակավայրի 5․8 կմ սահմանազատված հատվածի պահպանությունը

Բայրամովը Գերմանիայի ԱԳ նախարարին մանրամասն ներկայացրել է Ալմաթիում Արարատ Միրզոյանի հետ տեղի ունեցած բանակցությունները

Գոնե մոտները 3000 դրամ չլինի՝ ջուր խմի, պեռաշկի ուտի. ինչու է ձերբակալվել ԼՂ տեղահանված անձը (ձայնագրություն)

Ով է Աբովյանի «Արդշինբանկ»-ի մասնաճյուղ նռնակով ներխուժած քաղաքացին (լուսանկարներ)

Լավրովը ասել է, թե ինչու են Հայաստանում իրենց դեսպանին կանչել

Վարդենիսից մի խումբ անձանց նյութապես շահագրգռել են մայիսի 26-ի հավաքին մասնակցելու համար, կա ձերբակալված․ ձայնագրություն

Հայտնի ստախոսները «սրբազան պայքարի» շրջանակում իմ մասին հեքիաթների շարք են նետել ասպարեզ, հետքերով գնալու եմ․ Հակոբյան

Նռնակով զինված և Աբովյանում «Արդշինբանկ»-ի մասնաճյուղ ներխուժած քաղաքացին ձերբակալվել է

Ռուսաստանում կարծիք արտահայտելը հեշտ չէ, ՌԴ հայերի տեսաուղերձը համաձայնեցված է Կրեմլի հետ. Արթուր Սաքունց

Հայաստանը չի ընդունի 2027 թվականի ԱՊՀ խաղերը․ Կարեն Գիլոյանը հայտնել է պատճառը

Նռնակով «Արդշինբանկ» ներխուժած տղամարդը վնասազերծվել է

Արտակարգ իրավիճակ Աբովյանում. տղամարդը նռնակներով զինված մտել է «Արդշինբանկ» ու սպառնում է այն պայթեցնել

Երևանին մոտեցող ամպրոպը․ Գագիկ Սուրենյանը լուսանկար է հրապարակել

«Վերջին զանգի» միջոցառումների շրջանակում ուժեղացված ծառայության արդյունքները ժամը 18։00-ի դրությամբ

Վարչապետի գլխավորությամբ շարունակվել են 2025-27 թթ. Միջնաժամկետ ծախսային ծրագրի նախագծի շուրջ քննարկումները

«Հանգիստ թողեք ինձ». Սոնա Շահգելդյանը պնդում է՝ իրեն հոգեբանական ճնշման են ենթարկել, նա դիմել է իրավապահներին

Այսօր Նիկոլ Փաշինյանը ուղերձով կդիմի ժողովրդին․ ժամը հայտնի է

ՄԱԿ-ը հաջորդ շաբաթ Էբրահիմ Ռաիսիի և մյուս զոհերի հիշատակին նվիրված նիստ կանցկացնի

Երևանում ընթանում է վարժանք՝ զանգվածային ոչնչացման զենքի դեմ պայքարի շրջանակներում

Ամուր գրկեք ձեր ընկերներին, ծնողներին, շնորհակալություն հայտնեք ուսուցիչներին. Անդրեասյանը շնորհավորել է շրջանավարտներին

Շուռնուխի միջնակարգ դպրոցում բարի երթ են մաղթել միակ շրջանավարտին

Ասկերանի նախկին քաղաքապետը պետական մարմին է ներկայացրել կեղծ տվյալներ պարունակող փաստաթղթեր․ մանրամասներ

Դոլարը թանկացել է․ ինչ փոփոխություններ է արձանագրել տարադրամի շուկան մայիսի 24-ին

8-ամյա երեխան 2-րդ հարկի լուսամուտից ցած է ընկել․ նրան տեղափոխել են հիվանդանոց

Ժամը 16.00-ի դրությամբ ոստիկանության պահպանվող հատուկ տարածքներ է տեղափոխվել 72 մեքենա․ ղեկին անչափահասներ են եղել

25 անձի նկատմամբ հանրային քրեական հետապնդում, 10 անձի՝ կալանք․ ամփոփվել են Տավուշի և այլ բնակավայրերի ակցիաները

Ասկերանի նախկին քաղաքապետի նկատմամբ խափանման միջոց է ընտրվել տնային կալանքը

Կառավարությունից հերքում են. Մհեր Գրիգորյանը չի մեկնել Աշխաբադ

Գյումրիում մեկնարկել է ԱՊՀ երկրների ֆիզիկական կուլտուրայի և սպորտի խորհրդի համաժողովը