Երևան
14 °C
Մարզային առողջապահական հաստատություններում նեղ մասնագետների սակավության խնդիրը տարիների պատմություն ունի: Վաղուց արդեն ավանդույթ է դարձել, որ Երեւանից քիչ թե շատ հեռու բնակավայրերի բնակիչները հնարավորության դեպքում նախընտրում են բուժօգնություն ստանալ մայրաքաղաքում: Եվ դա պայմանավորված է ինչպես տեղերում գործող բժիշկների նկատմամբ վստահության պակասով, այնպես էլ նեղ մասնագետների բացակայությամբ:
Նշված վերջին խնդիրը հայտնվել է ՀՀ առողջապահության նախարարության ուշադրության կենտրոնում: Համենայնդեպս, գերատեսչության նախաձեռնությամբ մշակվել է «Մարզային բժշկական հաստատությունները նեղ մասնագետներով ապահովելուն ուղղված հայեցակարգ», որը նախատեսվում է ներկայացնել ՀՀ կառավարության հաստատմանը:
Նախագծում տեղ գտած վիճակագրության համաձայն, 2017 թ. նոյեմբերի 1-ի դրությամբ Հայաստանում մասնագիտական գործունեություն իրականացնող բժիշկների թիվը բոլոր մասնագիտություններով (առանց ատամնաբույժների եւ դեղագետների) կազմել է 8 729, իսկ միջին բուժանձնակազմինը` 15 873: Հաշվարկվել է, որ յուրաքանչյուր 10 հազար բնակչի հաշվով գործում է 29.3 բժիշկ եւ 53.16 բուժքույր: Բայց երբ այս ընդհանուր ցուցանիշները մասնավորեցվում են ըստ Երեւանի եւ մարզերի, ապա ընդգծվում է բժիշկների բաշխվածության անհամաչափությունը: Երեւանում յուրաքանչյուր 10 հազար բնակչին բաժին է ընկնում մոտ 53 բժիշկ, իսկ մարզերում այդ ցուցանիշը տատանվում է 11.83-ից 19.1-ի միջակայքում: Վերջին երկու թվերից ամենամեծը վերաբերում է Շիրակի մարզին, ամենափոքրը՝ Գեղարքունիքին: Համանման պատկեր է նաեւ բնակչության բժշկական նեղ մասնագետներով ապահովվածության ցուցանիշներում: Հայաստանի միջին ցուցանիշը 22.33 է: Երեւանի դեպքում' 43.84, իսկ մարզերի ցուցանիշը տատանվում է 7.15-13.8 սահմաններում: Առողջապահական հաստատություններում գործող բուժքույրերով ապահովվածությունը նույնպես անհավասարաչափ է: Երեւանում 10 հազար բնակչի հաշվով գործում է 73.8 բուժքույր, մարզերում՝ ամենաշատը՝ 53.7 7 (Շիրակ) եւ ամենաշատը 33.18 (Արմավիր)
Հայեցակարգում նաեւ արձանագրվում է հակասությունը, որ մեր երկրում բժիշկների պատրաստման գործընթացի աճին զուգահեռ ավելանում է բժիշկների թափուր աշխատատեղերի քանակը:
Մարզային բժշկական հաստատությունները նեղ մասնագետներով ապահովելու հայեցակարգի նախագծով առաջարկվում են խնդրի լուծման մի քանի ուղղություններ ու քայլեր: Դրանցից են, օրինակ, մարզային եւ համայնքային մակարդակով բժշկական անձնակազմի կարիքների վերաբերյալ վերլուծությունների իրականացումը` հաշվի առնելով բնակչությանը տրամադրվող բժշկական օգնության եւ սպասարկման ծավալը, բժշկական մասնագետների նպատակային ուսուցման կազմակերպումը, ասենք՝ գյուղական բնակավայրերից դիմորդների նպատակային հավաքագրմամբ: Առաջարկվում է նաեւ ընդլայնել նպատակային կրթության հնարավորությունները, որի համար դիմած ուսանողները պարտավորվում են 3-5 տարի աշխատել մարզերում ու մասնավորապես գյուղական վայրերում:
Հեռավոր շրջանների բուժհաստատությունները նեղ մասնագետներով ապահովելու եւս մեկ տարբերակ է համարվում համակարգում մեկնարկած օպտիմալացումը: Այսինքն՝ ներկայում իրականացվող օպտիմալացման հետեւանքով աշխատանքից ազատված բժիշկներին վերաորակավորել՝ մարզերում աշխատելու նպատակով:
ՀՀ առողջապահության նախկին նախարար Արարատ Մկրտչյանը թերահավատ է, թե ներկայացված հայեցակարգը նպաստելու է վերոնշյալ խնդիրը կարգավորելուն: Նա արձանագրում է, որ նախագիծը չի անդրադառնում գլոբալ խնդրի եւ միայն հատվածային լուծում է առաջակում: «Խնդիրը կա, բայց այն ավելի ընդարձակ է, ծավալուն եւ խորը, քան փորձում են այս փոքր հայեցակարգով լուծել: Ճիշտ կլիներ՝ ավելի ընդգրկուն հայեցակարգ լիներ՝ ուղղված ամբողջ հանրապետության մասշտաբով մասնագիտական ներուժի կարիքների որոշմանը եւ ապահովմանը: Ինչու ենք միայն նեղ մասնագետներով զբաղվում, դա ինձ համար հասկանալի չէ: Իսկ ով է ասում, որ դա ավելի լուրջ խնդիր է: Մարզեր կան, որ ընտանեկան բժշկի մասին նույնիսկ չեն էլ լսել, հեռավոր գյուղերում բուժօգնության հասանելիությունը շատ ցածր մակարդակի է: Դրական բան է, որ կարիքների որոշման գործընթաց պետք է անցկացվի: Դա շատ կարեւոր է, որովհետեւ անընդհատ հայտարարվում է, որ թափուր տեղեր կան, բայց որքանով է մարզը պատրաստ նման մասնագետների համար աշխատանքային պայմաններ ապահովելու»,- ասաց առողջապահության նախկին նախարարը:
Մեր զրուցակիցը նաեւ նշում է, թե այսօր չունենք առողջապահության զարգացման հայեցակարգ, հայտնի է չէ՝ դեպի ուր է գնում մեր երկրի առողջապահությունը, չկա մասնագետների պատրաստման հայեցակարգ, չի լուծվում որակի խնդիրը, բայց միեւնույն ժամանակ փորձ է արվում հատվածային հարցեր առաջ քաշել:
Արարատ Մկրտչյանը հակված է կարծելու, որ մարզային բժշկական հաստատությունները նեղ մասնագետներով ապահովելու հայեցակարգն իրականում մնալու է թղթի վրա: «Ես ճիշտն ասած կարծում եմ, որ նախագիծը ծնվել է ֆորմալ բնույթ ունենալով, այսինքն՝ կառավարության ծրագրում ամրագրել էին, ժամկետը մոտեցել է, մի հատ հայեցակարգ են ներկայացրել, որպեսզի կատարողականը ապահովվի»,- ասաց նա՝ ավելացնելով. «Գործող կառավարությունը, նաեւ, ի մասնավորի, առողջապահության նախարարությունը, հաճախ կառքը բերում են, նժույգից առաջ են կապում: Սա աշխատանքի, ինչ-որ բան անելու իմիտացիա է, ոչ թե նպատակային քայլեր՝ ուղղված մասնագետներով ապահովվածության խնդրի լուծմանը»:
Հ.Գ. Ուշագրավ է, որ նշված հայեցակարգը նախատեսված է 2017-2020 թվականների համար: Այսինքն՝ նաեւ անցյալ տարվա:
Նյութը տպագրվել է «Հայկական ժամանակ» օրաթերթի մարտի 14-ի համարում:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ