Արսենն ու Կարապետը լավ ընկերներ են. Լեւոն Ջուլֆալակյանը՝ 2 ըմբիշների մրցակցության մասին

ՀՀ հունահռոմեական ոճի ըմբշամարտի հավաքականի անդամներ Արսեն Ջուլֆալակյանն ու Կարապետ Չալյանը մտերիմ ընկերներ են: Այս մասին «Հայկական ժամանակ»-ին ասաց հավաքականի գլխավոր մարզիչ Լեւոն Ջուլֆալակյանը, որը նաեւ Արսենի հայրն է: Մի կողմից այս 2 մարզիկների միջեւ մրցակցություն կա 77 կգ քաշային կարգում: Մյուս կողմից հայկական ըմբշամարտում Արսենի նկատմամբ որոշակի բացասական տրամադրվածություն է նկատվում, ինչը զգացվեց նաեւ ՀՀ 2018 թ. առաջնության ժամանակ, երբ հանդիսատեսի մեծամասնությունը ողջ ընթացքում երկրպագում էր նրա դեմ: Այս ըմբիշների շուրջ խոսակցություններ են սկսվել, եւ ենթատեքստն այն է, թե Լեւոն Ջուլֆալակյանը փորձում է առաջ տանել իր տղային: Մարզիչն ընդգծում է, որ, անկախ նրանից՝ ինչ տպավորություն կարող է ստեղծվել կողքից, Արսենի ու Կարապետի հարաբերությունների վրա չի ազդում, նրանց միջեւ մրցակցությունն առողջ է:

«Նրանք շատ մոտ ընկերներ են: Մեր թիմում բոլորն իրար շատ սիրում, հարգում են, շատ լավ ընկերներ են: Երեւի... նման այլ թիմ չեմ ճանաչում: Ըմբիշները գորգի վրա պետք է պայքարեն, գորգից դուրս լինեն ընկերներ՝ անկախ ազգությունից»,- ասաց նա:

Հունահռոմեականները հավաք են անցկացնում «Օլիմպավանում»: Կադրում մարզվում են Կարապետ Չալյանն ու Կարեն Ասլանյանը:

Այս խոսակցություններն ի հայտ եկան Եվրոպայի 2018 թ. առաջնության նախաշեմին, երբ գլխավոր մարզիչը պետք է ընտրություն կատարեր՝ ով է այնտեղ ներկայացնելու Հայաստանը: Մասնագետը նշել էր, որ վերջնական որոշում լինելու է փետրվարի վերջին Կիեւում կայացած միջազգային մրցաշարից հետո: Այնտեղ 1/4 եզրափակչում Չալյանը հաղթեց Արսենին: Մրցումից հետո անակնկալներ չեղան: Ջուլֆալակյանը հայտարարեց, որ հենց նա է գնալու Եվրոպայի առաջնություն: Մարզիչն ընդգծում է, որ իր համար ամեն ինչ հստակ է եղել: Ճնշում չի զգացել, չի մտածել, որ, եթե հանկարծ Արսենի օգտին ընտրություն կատարի, իրեն կքննադատեն:

«Ընդհանրապես ճնշում չեմ համարում: Բնականաբար կարող է՝ չար մարդիկ այլ ձեւով մտածեն: Ինձ միայն պետք է, որ որոշումը ճիշտ լինի: Անկախ ամեն ինչից՝ երկուսն էլ լավ ըմբիշներ են: Այնպես որ, ժամանակը ցույց կտա. մի տեղ մեկը կմասնակցի, մյուս մրցումներին՝ մյուսը: Անհամեմատ լավ է, երբ մեծ ընտրություն ունես: Երբ ընտրությունը սահմանափակ է, աշխատանքը բարդանում է: Ուրախ եմ, որ մրցակցություն կա: Իսկ մնացածն արդեն ինձ բացարձակ չի հետաքրքրում»,- ասաց նա:

Ջուլֆալակյանը խոսեց նաեւ հունվարին ՀՀ առաջնության ընթացքում տեղի ունեցածի մասին: Մրցաշարի ողջ ընթացքում Արսենի վրա դահլիճից մեծ ճնշում կար: Հանդիսատեսը (հիմնականում նախկին ու ներկա ըմբիշներ) փորձում էր ազդել նրա վրա: Անկախ նրանից՝ ով էր մրցակիցը, մարզասերները երկրպագում էին Արսենի դեմ: Ըստ Լեւոն Ջուլֆալակյանի՝ դա պարզապես մարդկային չարություն էր:

«Միշտ էլ կարող են լինել թափթփուկներ: Եթե ամեն թափթփուկի ուշադրություն դարձնենք, մեր գործը կարող է տանուլ տալ: Ցանկացած տեղ կարող են լինել այդպիսի սադրիչներ: Պետք է քեզ բարձր պահես, ճիշտ մոտենաս ցանկացած հարցին: Մի 2 թափթփուկ կային այնտեղ: Ես նրանց մարդ չեմ կարող համարել, թափթփուկ եմ ասում: Թափթփուկներ կան բոլոր տեղերում, ցավոք, դա իրականությունն է: Ուղղակի Արսենը պետք է տեղի չտար, արհամարհեր: Մարդկանց մեջ կա նախանձի զգացում, երբ տեսնում են՝ դիմացինն անհամեմատ հաջողակ է, խելացի է, գրագետ է, ամեն ինչ մոտն ստացվում է, նախանձում են»,- ասաց նա:

Արսեն Ջուլֆալակյանը նույնպես մասնակցում է հավաքին

Արսենը շարունակում է մարզվել: Նրա գլխավոր նպատակը Տոկիո 2020-ն է: Ինչպես նշում է Լեւոն Ջուլֆալակյանը, պատանիների ու երիտասարդների բոլոր մեդալներն ունի, ունի նաեւ մեծահասակների բոլոր մեդալները՝ բացի օլիմպիական ոսկուց, որին էլ ձգտում է: Ջուլֆալակյանն ընդգծում է, որ Արսենը շարունակում է պրոֆեսիոնալ մոտեցում ցուցաբերել. ճիշտ մարզվել, հանգստանալ, սնվել: Բայց մի բանի վրա պետք է հատկապես աշխատի. կարողանա զսպել նյարդերը: ՀՀ առաջնության ժամանակ՝ Չալյանի դեմ եզրափակչում, հենց դա նրան խանգարեց: Ներկաները նրան ի վերջո հունից հանեցին, եւ նա, տարված լինելով, թե ինչ է կատարվում դահլիճում, չէր նկատել, որ հաղթում է, հնարք բաց թողեց ու պարտվեց:

«Տա Աստված՝ նրա առողջությունը, նյարդերը, ամեն ինչը բավականացնի, որ հասնի իր նպատակին: Իսկ նա շատ նպատակասլաց անձնավորություն է, ջանք ու եռանդ չի խնայում: Մնում է՝ կարողանա օլիմպիական խաղերին մոտենալ ճիշտ կերպով, եւ բավականացնեն այն կարեւոր պահերը, որոնց մասին նշեցի՝ նյարդային համակարգը, ձգտումը, ցանկությունը»,- ասաց նա՝ ավելացնելով, որ Արսենի հետ խոսել է նրա տաքարյունության մասին:

Այս շրջանում հունահռոմեական ըմբիշներն ուսումնամարզական հավաք են անցկացնում «Օլիմպավանում»: Այնտեղ մարզվելու են մինչեւ մարտի 15-ը: Այնուհետեւ մեկնելու են Բելառուս՝ Ստայկիի օլիմպիական մարզաբազայում մի քանի հավաքականների հետ ուսումնամարզական հավաք անցկացնելու: Հետո եւս մեկ հավաք են ունենալու «Օլիմպավանում» եւ մեկնեն Ռուսաստան՝ Եվրոպայի 2018 թ. առաջնության:

Լուսանկարները՝ «Հայկական ժամանակ»-ի

Տպել
1953 դիտում

Պեկինում ձմեռային օլիմպիական խաղերին Հայաստանը ներկայացնող 6 մարզիկներից 3-ը Շիրակի մարզից են (լուսանկարներ)

Միասնական սոցիալական ծառայության Եղեգնաձորի տարածքային կենտրոնը կսպասարկի 16.000 շահառուի. աշխատանքն ավարտական փուլում է

Մեծ Բրիտանիայի ԱԳՆ-ն պատրաստվում է հունվարի 31-ին հայտարարել Ռուսաստանի դեմ նոր պատժամիջոցների մասին

Կորոնավիրուսի 11 նոր դեպք Արցախում. նախարարությունը տեղեկացնում է ծայրահեղ ծանր և ծանր վիճակում գտնվողների մասին

Ողջո՛ւյն Երևան, կտեսնվենք իմ համերգին. բացառիկ մենահամերգով հանդես կգա աշխարհահռչակ տենոր Ալեսանդրո Սաֆինան (տեսանյութ)

«Անվանականչ». 44-օրյա պատերազմում անմահացած արաբկիրցիներին նվիրված ֆիլմեր են նկարահանվել (լուսանկարներ)

ՃՏՊ-ների վերաբերյալ ահազանգեր են ստացվել. կան տուժածներ

Կորոնավիրուսը չի նահանջում. մեկ օրում գրանցվել է 2.594 նոր դեպք և 6 մահ

Ստեփանծմինդա-Լարս ավտոճանապարհով երթևեկել բացառապես ձմեռային անվադողերով. ԱԻՆ

«Expo 2020 Dubai» համաշխարհային ցուցահանդեսում կնշվի Հայաստանի ազգային օրը. Դուբայ կմեկնի հայկական պատվիրակությունը

Մինչև 6 ժամ լույս չի լինի Երևանի որոշ հասցեներում և 5 մարզի տարբեր համայնքներում

ՀՀ տարածքում կան փակ և դժվարանցանելի ավտոճանապարհներ

«Տելեկոմ Արմենիա» ՓԲԸ-Ի տարածքում բռնկված հրդեհը մարվել է

Ճապոնիան կկրճատի կարանտինային շրջանը երկիր մուտք գործողների համար

Սպիտակի ոլորաններում, Աշտարակ-Ապարան, Երևան-Սևան և Սյունիքի մարզի ավտոճանապարհներին տեղ-տեղ առկա է մերկասառույց

Բելգիան արդեն 3 տարուց ավելի է գլխավորում է ՖԻՖԱ-ի վարկանիշային աղյուսակը

ԱՄՆ-ն և ՆԱՏՕ-ն անտեսել են իրենց պատասխաններում Ռուսաստանի համար կարևոր կետերը․ Պուտին

Հոնդուրասի առաջին կին նախագահ Սիոմարա Կաստրոն պաշտոնապես ստանձնել է հանրապետության նախագահի պաշտոնը

«Տելեկոմ Արմենիա» ՓԲԸ-ի տարածքում հրդեհ է բռնկվել․այրվել են հեռակառավարման վահանակներ, թվային սարքեր

Նոր մանրամասներ՝ Երևան-Սևան ավտոճանապարհին տեղի ունեցած վթարի մասին

Իջևանում միջոցառումների շարքը սկսվել է դեպի Ազատամարտիկների հրապարակ հանդիսավոր երթով (լուսանկարներ)

15-ամյա աղջիկը հայտնաբերվել է

Բանակի օրվան նվիրված միջոցառումները Վաղարշապատ համայնքում մեկնարկել են ծաղկեպսակի խոնարհմամբ (լուսանկարներ)

Բրեդ Փիթը նոր սիրավեպ ունի․ նա հանդիպում է շվեդ երգչուհու հետ

ԱԱՏՄ-ն ստուգայցեր է իրականացրել հյուրանոցային գործունեությամբ զբաղվող տնտեսավարողների մոտ․ բացահայտվել է 11 խախտում

Էրդողանը վերահաստատել է, որ Թուրքիան չի հրաժարվելու ռուսական ՀՕՊ համակարգերից

Դու պետք է ապրես․ «Բազկամարդ»՝ գիրք հայ անկոտրում սպայի ու մարտիկի՝ Սարգիս Ստեփանյանի կյանքի մասին

Բա օտարերկրյա ազդեցության գործակալներն էլ ո՞նց են լինում. պատգամավորները՝ ԵԽԽՎ-ում Հայկ Մամիջանյանի քայլի մասին

Գերմանիայի կառավարությունը երկրից արտաքսել է Ռուսաստանի հյուպատոսության աշխատակցին

Վարանդայից հայտնաբերվել է ևս մեկ հայ զինծառայողի աճյուն․ Արցախի ԱԻՊԾ

Սահմանին մի քանի անկանոն կրակահերթ է արձակվել Ադրբեջանի կողմից, որոնց հայկական կողմը չի պատասխանել. ՊՆ

Պատերազմի ընթացքում և դրանից հետո Արցախի ժողովրդի իրավունքների առաջին պաշտպանը հայկական ԶՈՒ-ն է. Արցախի ՄԻՊ

Պուտինը հեռախոսազրույց կունենա Մակրոնի հետ, այնուհետ կանցկացնի անվտանգության խորհրդի նիստ

ՌԴ դեսպանի արտաքսման մասին ԱՄՆ-ի սպառնալիքները Լավրովը վիրավորանք է համարում

2 մարզերում ձյուն է տեղում, կան փակ ավտոճանապարհներ

Ռուսաստանի Դեսպանությունը շնորհավորել է Հայաստանի բոլոր քաղաքացիներին Բանակի օրվա առթիվ

Որոնվում է 15-ամյա Էլեն Ասատրյանը

Կոտայքի մարզպետը պարգևատրել է 44-օրյա պատերազմում վիրավորում ստացած երկու բժշկի

Երևան-Սևան ավտոճանապարհին մեքենան բախվել է ծառին. վարորդը մահացել է, տուժածներից երկուսի վիճակը ծանր է

Հայոց բանակը հաղթական է՝ անկախ վայրիվերումներից, անդառնալի կորուստներից. օրվա մեկնարկը Գյումրիում տրվել է պանթեոնից