ԵԼՔ դաշինքում շարունակվում են քննարկումները՝ Սերժ Սարգսյանի վերարտադրության դեմ պայքարի ճանապարհային քարտեզի մշակման մասով: ԵԼՔ-ի պատգամավոր, Քաղաքացիական պայմանագիր կուսակցության անդամ Արարատ Միրզոյանը ՀԺ-ի լրագրողի հարցին պատասխանելով նշեց, որ քննարկվում է քայլերի հաջորդականության հսկա փաթեթ, սակայն մինչեւ քննարկման ավարտը դաշինքի ոչ մի անդամ բանակցությունների ընթացքից չի խոսելու: «Հանգամանալից, փաստարկումներով հագեցած քննարկումներ են ընթանում, ինչպես դաշինքի ներսում, այնպես էլ երեք կուսակցություններում»,- ասաց Արարատ Միրզոյանը:

Քաղհասարակության եւ Նիկոլ Փաշինյանի հանդիպման ժամանակ, ըստ Միրզոյանի, որոշակի հարցերի պատասխաններ են տրվել: Պատգամավորը չի բացառում, որ նման հանդիպումները կարող են շարունակական բնույթ կրել, սակայն քաղհասարակության եւ դաշինքի համագործակցության մասով Միրզոյանն ասում է. «Քաղհասարակությունը մի մարմին չէ, ինչպես ԵԼՔ դաշինքը եւ խոսել այդպիսի պայմանավորվածության մասին, կարծում եմ, որ իմաստ չունի, որովհետեւ քաղհասարակության մի խումբը կարող է հավանել գործողությունների ծրագիրը, իսկ մյուսը՝ ոչ: Եթե ընտրվի փողոցային պայքարի տարբերակը եւ ճանապարհը, ապա մենք բոլոր նրբերանգները կհրապարակենք: Մարդիկ, որ ընդգրկված են քաղհասարակություն ներկայացնող խմբերի մեջ, կամ անհատ քաղաքացիները կարող են իրենց մասնակցությունն ունենալ»,- ասում է Արարատ Միրզոյանը:

Անդրադառնալով ՀՀԿ փոխնախագահ Արմեն Աշոտյանի այն տեսակետին, որ չի բացառվում տասնյակ հազարավոր քաղաքացիներ բողոքի դուրս կգան փողոց, Միրզոյանը ենթադրեց. «Իշխանությունը չի անում այն, ինչը նորմայի սահմաններում է, եւ, պատկերավոր ասած, չափն անցնում է իշխանություն պահելու գործում եւ հասկանում են, որ դա կարող է հանգեցնել զանգվածային ընդվզման»,- ասում է ԵԼՔ դաշինքի պատգամավորը:

Արմեն Աշոտյանը ՀԺ-ին տված հարցազրույցում  նշել էր, որ ընդդիմությունը փորձելու է սահմանադրական գործընթացից դուրս ապահովել քաղաքական մոբիլիզացիոն պրոցես: Միրզոյանից հետաքրքրվեցինք՝ հնարավո՞ր է, որ իշխանությունը ԵԼՔ-ի փողոցային պայքարը որակի հակասահմանադրական քայլ եւ կրկնի 2008 թվականի մարտի 1-ի գործողությունները:

«Եթե լինի փողոցային շարժում, ապա կարծում եմ, որ իշխանություններն ամեն ինչ անելու են, որ մարդկանց հետ պահեն այդ շարժումից»,- ասաց Միրզոյանը եւ պատասխանելով ՀԺ-ի հարցին, թե ինչու՞ է փողոց դուրս գալը քննարկման առարկա դարձել, նշում է.

«Տարբեր կուսակցությունների կողմից տարբեր մոտեցումներ են քննարկվում: Լավ է, որ կա քննարկում, կարծում եմ մարդիկ կզայրանային, որ նման պոտենցիալ հետեւանքներով լեցուն հարցում ԵԼՔ-ը միակարծիք լիներ: Սա շատ լուրջ հարց է, որը պետք է հանգամանալից քննարկել»,- պարզաբանեց Միրզոյանը:

Արարատ Միրզոյանը խոսելով, հատկապես վերջին շրջանում ՀՀԿ-ականների կողմից Սերժ Սարգսյանին գովերգելու խոսքերին ասաց, որ այս կերպ նրանք փորձում են բարձրանալ ղեկավարի աչքին, ինչպես արվում էր սովետական տարիներին: «Այս տարբերակով գուցե հասարակության ռեակցիան են շոշափում»,- կարծում է Միրզոյանը:

Արարատ Միրզոյանից նաեւ հետաքրքրվեցինք, թե ինչո՞ւ հայաստանյան քաղաքական դաշտում միասնականություն չկա եւ սա այն դեպքում, երբ տարբեր ընդդիմադիր ուժեր հայտարարում են, որ պետք է թույլ չտալ Սերժ Սարգսյանի ղեկավարման երրորդ շրջանի մեկնարկը: Միրզոյանը նշում է, որ ընդդիմադիր ուժերը տարբեր ճանապարհներ են տեսնում այդ գործընթացը սկսելու եւ ավարտելու համար:

«Ինչպես կարող է միասնություն լինել, երբ մարդիկ տարբեր ճանապարհներ են տեսնում, տարբեր մեթոդներ, տարբեր վերջնական նպատակներ: Մեկն ընդունում է զինված ապստամբությունը, մյուսը՝ ոչ բռնի քաղաքացիական անհնազանդությունը եւ այլն: Շատ նորմալ է, որ մարդիկ տարբեր են մտածում եւ կրկին շատ նորմալ է, որ մարդկանցից շատերը միանում են, իսկ շատերը՝ ոչ: Ես չեմ կարծում, որ սա է հաջողության գրավականը»,- ասաց ԵԼՔ խմբակցության պատգամավոր Արարատ Միրզոյանը:

Այնուամենայնիվ, եթե ԵԼՔ-ում վերջնական համաձայնության հնարավոր չլինի գալ, ապա կլինե՞ն պատգամավորներ կամ դաշինքի առանձին կուսակցություններ, որոնք ինքնուրույն կնախաձեռնեն փողոցային պայքարը: Արարատ Միրզոյանն այս հարցի վերաբերյալ նշեց. «Ես ինքս, օրինակ ինչ-որ քայլ, այնուամենայնիվ, պետք է անեմ այս նույն տրամաբանությամբ: Մի մշտադիտարկում անեմ՝ սա անհատական հանդուրժել-չհանդուրժելու հարց է, անհատական ինչպես իմ եւ բոլոր քաղաքացիների համար: Պետք չի սա վերագրել ինչ-որ հավաքական միստիկ կերպարի: Ամեն մարդ պետք է որոշի՝ թույլ տալի՞ս է, որ Սերժ Սարգսյանը երրորդ անգամ վարչապետ դառնա, թե՞՝ ոչ»,- նշեց Արարատ Միրզոյանը:

Մամուլում տեղեկություններ հայտնվեցին, որ ԵԼՔ դաշինքը Նիկոլ Փաշինյանի հետ ներքին համաձայնության է գալու: Մասնավորապես, այն մասով, որ դաշինքի մեջ ներառված ոչ բոլոր ուժերը դուրս կգան փողոց, սակայն վարչապետի պաշտոնի առաջադրվելու հարցում կաջակցեն Նիկոլ Փաշինյանին: «Լուսավոր Հայաստան» կուսակցությունից Գեւորգ Գորգիսյանը ՀԺ-ի հետ զրույցում նշում, որ վարչապետի թեկնածու պարտադիր առաջադրելու են, բայց դեռ դաշինքում այդ թեմայով քննարկումներ չեն եղել: Իսկ այն տեղեկությանը, թե հանրավոր է, որ դաշինքը Փաշինյանին սատարի վարչապետի թեկնածության հարցով, բայց ոչ բոլորը նրա հետ փողոց դուրս գան, Գորգիսյանն ասաց. «Չեմ կարող այդ հարցին պատասխանել, քանի որ փողոց դուրս գալու կամ չգալու հարցը կախված Սերժ Սարգսյանի առաջադրվելու հետ, քննարկվում են»,- նշեց նա:

Փողոց դուրս գալու մասով Գորգիսյանը եւս նշում է, որ քննարկումներ են ընթանում, դաշինքն իր առջեւ, ըստ Գորգիսյանի խնդիր է դրել՝ նախորդ ընդդիմությունների սխալները չկրկնել:

«Մարդկանց հիասթափության չենք տանելու, այս իսկ պատճառով մեր բոլոր անելիքները պետք է լինեն կշռադատված եւ հիմնավորված: Հիմա քննարկումներ են, թե ինչ արժի անել եւ ինչ չարժի անել»,- ասում է Գորգիսյանը, իսկ հարցին, թե ԵԼՔ-ն ի՞նչ է անելու, որ հասարակությունում հիասթափություններ չլինեն, Գորգիսյանն ասում է՝ այդ մասով քննարկումների ավարտից հետո կխոսեն: Իսկ, թե երբ է ԵԼՔ-ի սցենարը պարզ դառնալու, Գորգիսյանը չի հստակեցնում, նշում է մինչեւ վարչապետի ընտրությունը պարզ կլինի, նա չբացառեց, որ քննարկումը կարող է ձգվել մինչեւ ապրիլ: Այս մասով, թեեւ նկատենք, որ ԵԼՔ խմբակցության ղեկավար Նիկոլ Փաշինյանը հայտարարել է, որ մեկ շաբաթից պարզ կդառնա դաշինքի քննարկման արդյունքը:

Տեղեկություններ կան, որ ԵԼՔ-ում ընդգրկված ուժերի ներկայացուցիչներից ոմանք կողմ են փողոցային պայքարին, մյուսները՝ ոչ: Գորգիսյանն այս մասով պարզաբանեց. «Դաշինքում ցանկացած հարցի շուրջ կան տարբեր մոտեցումներ: Դա բնական է եւ նորմալ, որ կարող են լինել տարբեր մոտեցումներ: Շատ հարցերի շուրջ ենք մենք ունեցել նման քննարկումները:

Դիտարկմանը՝ քաղհասարակությունը ԵԼՔ-ի հետ ինչ-որ հույսեր է կապում փողոցային պայքարի մասով, արդյո՞ք սա դաշինքի քննարկումների ժամանակ հաշվի առնում են, Գորգիսյանը նկատեց. «Մի քանի հոգի ակտիվիստներ, որոնք ԵԼՔ-ի հետ կապ չունեն՝ ոչ ընտրել, ոչ էլ՝ սատարել: Այս քաղհասարակության անդամների մի մասը միշտ քննադատել է ԵԼՔ-ին: Նրանցով ԵԼՔ-ին սատարող քաղաքացիներին պետք չի դատել»,- ասաց պատգամավորը:

Նյութը տպագրվել է «Հայկական ժամանակ» օրաթերթի մարտի 9-ի համարում:

Տպել
2639 դիտում

Իսրայելը հրթիռակոծվում է. հարյուրավոր հրթիռներ են արձակվել Թել-Ավիվի ուղղությամբ (տեսանյութ)

Կոտայքի մարզպետը Չարենցավանի բժշկական կենտրոնում ծանոթացել է համավարակի դեմ պատվաստումային գործընթացի ակտիվությանը

Քոչարյանը մերժել է Գեւորգ Պետրոսյանին. նախկին ԲՀԿ-ականը նոր ցուցակ է փնտրում

Գյումրիում փակվել են Covid բաժանմունքները. չինական պատվաստանյութը դեռ Շիրակ չի հասել

Ընթանում են Արտաշատ քաղաքի Իսակով փողոցում ասֆալտապատման թերությունները շտկելու աշխատանքները

Արտաշատ քաղաքում վաճառված հասարակական օգտագործման կանաչ տարածքների գործով տեսչական մարմինը դիմել է դատախազություն

Ադրբեջանի հայատյացության քաղաքականությունն ապացուցում է՝ արցախահայերը չեն կարող անվտանգ ապրել նրա կազմում․ Միրզոյան

Իսպանացի պատգամավորներն ու սենատորներն Ադրբեջանից պահանջում են ազատ արձակել հայ ռազմագերին

Լինենք պատասխանատու․ Նիկոլա Ազնավուրը պատվաստվել է կորոնավիրուսի դեմ

Ֆուտբոլի Հայաստանի առաջնությունը նոր առաջատար ունի

Անկախության 30-ամյա հոբելյանին ընդառաջ՝ Հայաստանի պատմության թանգարանը կազմակերպում է հանրապետական գիտաժողով

Ընդունելության քննություններին մասնակցելու հայտ է ներկայացրել 13360 դիմորդ․ երկրորդ փուլի հայտագրումը՝ հուլիսի 19-26-ին

Վերաբնակեցման նպատակով Արցախ է տեղափոխվել 54 ընտանիք

Ջրային մարզաձևերի Եվրոպայի առաջնությունում հանդես կգան Հայաստանի 9 ներկայացուցիչներ

Արտակ Ապիտոնյանը և ՖԽՎ պատվիրակությունը անդրադարձել են գերիների անվտանգ հայրենադարձմանը

Նիկոլ Փաշինյանը հաստատել է Հայ-լեհական ռազմատեխնիկական համագործակցության հանձնաժողովի հայկական կողմի նոր կազմը

Պաղեստինաիսրայելական լարվածությունը պահպանվում է, հրթիռակոծությունը չի դադարում

Վստրեչի Ապերը 2 միլիոն դրամ գրավով ազատ է արձակվել. դատախազությունը բողոք է ներկայացրել

Գիլոյանը Սոֆիայում քննարկել է Տոկիոյի Օլիմպիական խաղերի մրցավարական կազմում Հայաստանից ներկայացուցիչ ունենալու հարցը

Հայաստանի բացառիկ կենդանական աշխարհը․ գորշ արջերը՝ Վայոց ձորում (լուսանկարներ)

Արսեն Զախարյանն ընդգրկվել է Ռուսաստանի հավաքականի ընդլայնված ցուցակում

Ծեծկռտուքի դեպքով ձերբակալվել են Կենտրոնի փոխթաղապետն ու գլխավոր մասնագետը

Բաղրամյան պողոտայից բերման ենթարկված Աչաջուրի բնակչի մոտ կանեփի նմանվող զանգված է հայտնաբերվել (տեսանյութ)

Գիտակրթական ոլորտում հայ-ռուսական համագործակցությունը մեծ ներուժ ունի. Արմեն Սարգսյանն այցելել է Լոմոնոսովի համալսարան

Վրաստանի վարչապետ Իրակլի Ղարիբաշվիլին Հայաստանում կհանդիպի Նիկոլ Փաշինյանի հետ. օրակարգը հայտնի է

Ուկրաինական Ռադան դավաճանության մեղադրանքներ է առաջադրել պատգամավորներ Վիկտոր Մեդվեդչուկի և Տարաս Կոզակի դեմ

Արման Թաթոյանը ցավակցել է ՌԴ ՄԻ դաշնային հանձնակատարին՝ Կազանում տեղի ունեցած ողբերգական դեպքի հետ կապված

Հատկապես ծանր է գիտակցումը, որ հրեշավոր հարձակումը կատարվել է դպրոցում. Արմեն Գրիգորյանը ցավակցական հեռագիր է հղել

ՀՀ նախագահ Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին Կազանի ողբերգության կապակցությամբ

Ամենայն հայոց կաթողիկոսն իր ցավակցություններն է հղել Կազանի ողբերգության կապակցությամբ

Առցանց ապառիկ գնումներ ՎՏԲ-Հայաստան Բանկի և «ԻԴԵԱԼ համակարգ»-ի միջոցով

Թուրքիայում հակաիսրայելական ցույցերով խախտվել են հակահամաճարակային սահմանափակումները

Արցախի ՄԻՊ-ը մասնակցել է Եվրոպական խորհրդարանի պատգամավորների կողմից կազմակերպված առցանց համաժողովին

Իրավիճակը սահմանին կայուն մարտավարական է

Ադրբեջանը փորձում է գերիների վերադարձի պարտավորության չկատարումն արդարացնել անհիմն մեկնաբանություններով. Մանե Գևորգյան

Հունիսին Իրանում կանցկացվեն նախագահի ընտրություններ

Համակարգիչս կոտրեցին, 15 հոգով խփում էին. Կենտրոնի թաղապետարանի ծեծված աշխատակիցը մանրամասներ է հայտնում

Ալիեւը մոռանում է, որ Արցախն Ադրբեջանի տարածք չէ․ Արտակ Բեգլարյանի արձագանքը

Խորապես ցնցված եմ տեղի ունեցած ողբերգության լուրից․ Նիկոլ Փաշինյանը ցավակցական հեռագիր է հղել Վլադիմիր Պուտինին

Ադրբեջանի նախագահի հայատյացություն պարունակող ելույթները Հայաստանի ՄԻՊ-ն ուղարկել է ՄԱԿ, ԵԽ և միջազգային այլ մարմինների