Երևան
22 °C
Երեւանի Էրեբունի վարչական շրջանում գտնվող Վարդավառի այգին, որն առավել հայտնի է Թոխմախի գյոլ անվանումով, ըստ էության, մասնավոր է: Այս բացահայտումն արել է Երեւանի ավագանու ԵԼՔ խմբակցության անդամ Արայիկ Հարությունյանը, երբ իրեն ահազանգել են, որ լճին հարող զբոսայգում հեծանիվ վարելն արգելվում է: Ավագանու անդամը սկսել է նամակներ գրել Երեւանի քաղաքապետին՝ հասկանալու համար, թե ինչու է այգում արգելվում հեծանիվ վարելը: Նամակագրության ժամանակ պարզվել է, որ 1313 քմ մակերեսով շինություններ ու շուրջ 17 հեկտար տարածք զբաղեցնող այգին դեռեւս 2009 թվականին 99 տարի ժամկետով վարձակալել է «Բիդեք» ՍՊԸ-ն:
«Այս տարածքը մինչեւ 2108 թվականը «Բիդեք» ՍՊԸ-ն պետք է տնօրինի: Եւս մեկ հարցում արեցի՝ պարզելու համար, թե որքան գումար է վճարվում այս ամեն ինչի համար»,- «Հայկական ժամանակ»-ի հետ զրույցում ասաց Արայիկ Հարությունյանը եւ նշեց, թե մեկ տարվա վարձակալության համար որքան գումար է վճարվել համայնքային բյուջե: 2010 թվականին վճարվել է 956 հազար դրամ, հետո յուրաքանչյուր տարի վճարվել է 619 հազար դրամ, 2014 թվականին վճարվել է 464 հազար դրամ, 2015-16 թթ.-երին՝ 619 հազարական դրամներ, իսկ 2017 թվականին վճարվել է 773 հազար դրամ: Ընդհանուր առմամբ 8 տարվա ընթացքում Երեւան քաղաքի բյուջե է վճարվել է ընդամենը 5.2 միլիոն դրամ:
«Այնքան վատ գրված պայմանագիր է, որ շատ դժվար է կետ գտնել, որով կպարտադրեինք, որ վարձակալը թույլ տա այստեղ հեծանիվ քշեն: Այդքան վատ է գրված, որ այդ իրավունքը կամ պարտականությունը մեջը նշված չէ»,- ասաց Արայիկ Հարությունյանը: Հարցին՝ հիմա թույլտարվո՞ւմ է այգում հեծանվ վարել, նա պատասխանեց. «Այսօր նկատեցի, որ այդ արգելքը հանված է, այլեւս բացակայում է ցուցանակը դարպասների վրայից: Ենթադրում եմ, որ մարդիկ կարող են ազատորեն մուտք գործել Թոխմախի գյոլի տարածք, որը հիմա կոչվում է Վարդավառի այգի»:
Ավագանու անդամը մամուլի հրապարակումներից եւ քաղաքապետարանի պաշտոնյաներից տեղեկացել է, թե ով է իրականում տնօրինում զբոսայգին: «Այդ ընկերությունը կապված է ԱԺ նախկին պատգամավոր Մհեր Սեդրակյանի հետ: Տարածքի ժողովրդի հետ էլ որ զրուցում ես, ասում են, որ իրենք են վարձակալել: Կփորձեմ այդ ընկերության հիմնադիրներին գնել՝ հասկանալու համար, թե իրականում ում է պատկանում ընկերությունը: Բայց շատ-շատ աղբյուրներ վկայում են, որ տարածքի վարձակալողը կապ ունի Մհեր Սեդրակյանի հետ:
Ավագանու ԵԼՔ խմբակցության ներկայացուցչին ցույց տվեցինք լճին հարող տարածքում կառուցված առանձնատունը, որը պատկանում է նույն Մհեր Սեդրակյանին: «Տպավորություն է, որ իր անձնական օգտագործման լիճն է դարձել: 18-րդ դարի վերջին, 19-րդ դարի սկզբին Նապոլեոնն ուզում էր Միջերկրական ծովի տարբեր ափերը գրավեր, որպեսզի Միջեկրական ծովն իր ներքին լիճը դարձներ: Հիմա Մհեր Սեդրակյանը տուն է կառուցում ու Թոխմախի գյոլն իր ներքին օգտագործման լիճն է դարձրել»,- նկատեց Արայիկ Հարությունյանը:
Վերջինս վստահ է, որ զբոսայգու վարձակալության պայմանագրի տակ կոռուպցիոն ռիսկ կա, քանի որ անհնար է համարում, որ 99 տարով այգին վարձակալվի եւ տարեկան ընդամենը 1500 ԱՄՆ դոլարի չափ վարձավճար վճարվի:
«Պետք է քաղաքապետարանի իրավաբանական վարչության հետ քննարկեմ եւ հասկանամ, թե ինչպես է հնարավոր լուծել պայմանագիրը: Եթե նույնիսկ 100 տարով մնում է, ապա պատշաճ կերպով վարձատրություն կատարվի այդ տարածքի համար: Այսօր Երեւան քաղաքում մի փոքր տարածք վարձակալելու համար՝ կլինի խանութ, սպասարկման տարածք, թե այլ օբյեկտ, 1000-1500 դոլար պետք է վճարես: Գրեթե այնքան, որքան այս ամբողջ 17 հա տարածքի եւ մնացած շինությունների համար»,- նշեց Արայիկ Հարությունյանը:
Իրավաբանական անձանց պետական ռեգիստրի գրանցամատյանի տվյալներով՝ «Բիդեք» ՍՊԸ-ն հիմնադրվել է 2009 թվականին: Միակ հիմնադիրը Գառնիկ Ավետիսյանն է: Նախորդ տարի «ՀԺ»-ն անդրադարձել էր Սասունցի Դավթի կայարանի տարածքում գյուղատնտեսկան շուկա կազմակերպելու խնդրին, որտեղ գյուղացիներից լրացուցիչ գումարներ էր գանձվել: Այդ ժամանակ մենք խոսել էինք «Բիդեք» ՍՊԸ-ի տնօրեն Գառնիկ Ավետիսյանի հետ եւ Մհեր Սեդրակյանի վերաբերյալ հարց էինք տվել: Հարցին՝ ի՞նչ կապ ունի ընկերությունը ԱԺ պատգամավոր Մհեր Սեդրակյանի կամ նրա որդու՝ Դավիթ Սեդրակյանի հետ, Գառնիկ Ավետիսյանը բառացիորեն ասել էր հետեւյալը. «Ընկերական»: Գառնիկ Ավետիսյանն այնուհետեւ շտապել էր ասել, որ կապ ունեն միայն ընկերության տնօրենն ու նշված անձինք, իսկ ընկերության հետ սեդրակյանները որեւէ կապ չունեն:
Նշենք նաեւ, որ այդ ընկերությունը Երեւանի քաղաքապետարանի հետ կնքած բազմաթիվ պայմանագրեր ունի, որով նորոգման աշխատանքներ են կատարվել:
Վարդավառի այգու մուտքը
Ցուցանակ, որը օրերս հեռացվել է դարպասի ճաղավանդակի վրայից
Զբոսայգու գլխավոր ճեմուղին
Մհեր Սեդրակյանի եղբորը պատկանող ռեստորանը
Լքված շինություն լճի հարեւանությամբ
Մհեր Սեդրակյանի առանձնատունը լճի ափին
Նյութը տպագրվել է «Հայկական ժամանակ» օրաթերթի մարտի 7-ի համարում:
Ինչ իրավիճակ է Լարսի ճանապարհին
Վարչապետն այցելել է Արմավիրի մարզ, ծանոթացել 2023-ին իրականացված և ներկայում ընթացքի մեջ գտնվող ծրագրերին
Լավ ճանապարհ է. վարչապետը ծանոթացել է Արմավիր-Նորապատ 1,7 կմ հատվածի հիմնանորոգմանը
Տղամարդը փորձել է կրակելով վախեցնել շներին, սակայն հրազենային վիրավորում է հասցրել հարևանին. վերջինս հիվանդանոցում է
Սուբվենցիոն ծրագրով ընթացքի մեջ են Խանջյան բնակավայրի մանկապարտեզի շենքի հիմնանորոգման աշխատանքները (տեսանյութ)
Երասխի հատվածում դիրքային որևէ փոփոխություն տեղի չի ունեցել. ՊՆ
Փարիզում մեկնարկել են 33-րդ ամառային Օլիմպիական խաղերը. Ազգային թիմերը մարզասերներին ողջունում են Սենը նավարկելով
Լեռնագոգում «Փաուեր սոլար»-ը կառուցել է 60 Մվտ հզորությամբ արևային կայան, ներդրումը 12,3 մլրդ դրամ է
Երբ երկրի ղեկավարին սիրում են. վարչապետի՝ Արմավիրի մարզի այցի ամենաջերմ պահերը (լուսանկարներ)
Ալիևն ու նրա վարչակազմը մեծ վախեր ունեն. Ադրբեջանի հայտարարությունը բացահայտ պատերազմի մասին է. Հովհաննիսյան
Հայաստանի Հանրապետությունը զարգանում է տեսանելի տեմպերով. Նիկոլ Փաշինյան
Հաջողություն մեր մարզիկներին. Արայիկ Հարությունյանը Փարիզից ՀՀ նախագահի հետ լուսանկար է հրապարակել
Փոքր Վեդու մանկապարտեզում երեխայի նկատմամբ բռնության դեպքի առթիվ քրեական վարույթ է նախաձեռնվել
Բելգիան ողջունել է Խաղաղության եվրոպական հիմնադրամից Հայաստանին 10 մլն եվրո տրամադրելու ԵՄ որոշումը
Լեռնագոգում ԼՂ-ից բռնի տեղահանված ընտանիքների համար 14 առանձնատուն է կառուցվում և մանկապարտեզ
Արմավիրի նորաբաց շատրվանը. վարչապետը տեսանյութ է հրապարակել
«Պատերազմի մասնակիցների մասնագիտական ներուժի բացահայտում» ծրագրի ֆինանսավորած բիզնես պլանների 70%-ը կայուն եկամուտ ունեն
ՀՀ ԱԺ պաշտպանության և անվտանգության հարցերի մշտական հանձնաժողովում աշխատանքային փակ քննարկում է տեղի ունեցել
Մեծամորի համայնքապետարանը կգործի հիմնանորոգված շենքում. վարչապետը ծանոթացել է իրականացված ծրագրերին
Բուհերում որակյալ դասախոսների անհրաժեշտության խնդիրն ավելի «սուր» է, քան ուսանողների. Վահրամ Դումանյան
Գավառում անցկացվել է ՀՀ քննչական կոմիտեի կոլեգիայի արտագնա ընդլայնված նիստը, ամփոփվել են ընթացիկ արդյունքները
Մեկնարկել է Ucom-ի և Արևորդի կազմակերպության համատեղ բնապահպանական նախագծի նոր փուլը
Ինչ իրավիճակ է Լարսի ճանապարհին
Օլիմպիական խաղերի խորհրդանիշներով Visa քարտեր՝ Յունիբանկից
Չեք փոշմանե՞լ որ Հայաստանում եք. վարչապետը հետևել է Երևան-Արմավիր-ՀՀ սահման միջպետական ճանապարհի շինաշխատանքներին
Մագդալենա Գրոնոն նշանակվել է Հարավային Կովկասում ԵՄ հատուկ ներկայացուցիչ. նա փոխարինել է Տոյվո Կլաարին
Արարատ Միրզոյանն աշխատանքային այցով կմեկնի Կիպրոս
Խոստացել էինք, արել ենք. Փաշինյանը դիտարկել է Ծիածան-Աղավնատուն-Լեռնամերձ ճանապարհի հիմնանորոգման աշխատանքները
Դատարանը 24 հայց կքննի. ինչ ապօրինություններ են արել Գյումրու նախկին քաղաքապետներ Վարդան Ղուկասյանը և Սամվել Բալասանյանը
Մանկապարտեզում երեխայի նկատմամբ բռնություն կիրառած աշխատակիցը ձերբակալվել է
Քաղաքացիները թիանավակով հեռացել և չեն կարողացել վերադառնալ
Վարչապետն Այգեշատում ծանոթացել է սուբվենցիոն ծրագրերի ընթացքին (տեսանյութ)
Մանկապարտեզում երեխայի նկատմամբ ֆիզիկական բռնություն գործադրելու դեպքի մասով ուսումնասիրություն է սկսվել. ՄԻՊ
ՀՀ քննչական կոմիտեն շարունակում է 10-ամյակի հոբելյանական միջոցառումների շարքը. հերթական կանգառը Գեղարքունիքն է եղել
Ավտոստոպով Վրաստանից Հայաստան եկած և անհետացած աղջիկը գտնվել է. Սամվել Մարտիորսյանը հայտնել է՝ որտեղ է եղել
Անհրաժեշտ է ճիշտ լինել ճիշտ պահին և ճիշտ տեղում. վարչապետ
Ապարանի ջրամբարի տարածքում ավտոմեքենա է արգելափակվել
Լուծվում են միայն այն հարցերը, որոնք ճիշտ են ձևակերպված. Նիկոլ Փաշինյան
Հայաստան-Թուրքիա սահմանի Մարգարայի անցակետը արդիականացվել է. վարչապետը ծանոթացել է իրականացված աշխատանքներին
Մանկապարտեզում դաստիարակը ծեծել է քնելու պառկած երեխային (տեսանյութ)
© 2024 Հայկական ժամանակ