Եթե ժողովրդի կամարտահայտությունը լինի, դա կավարտվի իշխանափոխությամբ. Փաշինյան (տեսանյութ)

«Այսօր Հայաստանի Ազգային Հերոս Վազգեն Սարգսյանի ծննդյան օրն է: Վազգեն Սարգսյանը երրորդ հանրապետության պատմության առանցքային դեմքերից մեկն է եւ Ղարաբաղյան պատերազմում հայ ժողովրդի տարած հաղթանակների սիմվոլներից մեկը»,- այս մասին այսօր լրագրողների հետ ճեպազրույցում ասաց ԵԼՔ խմբակցության ղեկավար Նիկոլ Փաշինյանը։

«Մի առիթով վերջերս խորհրդարանում ասել եմ, որ Վազգեն Սարգսյանի թողած տարածաշրջանի ամենաուժեղ բանակը Սերժ Սարգսյանը վեր է ածել, տարածաշրջանի ամենաուժեղ թղթապանակի, նկատի ունեմ, որ 2016 թվականին պարզվեց, որ մեր բանակը կռվում է 80-ականների զենքերով, եւ փոխանակ բանակը ժամանակակից սպառազինությամբ համալրելու, Սերժ Սարգսյանը բազմաթիվ անհեթեթ պայմանագրերով էր ապահովել Հայաստանի անվտանգությունը, եւ թե ինչպես դա գործեց գործնականում տեսանք բոլորս»,- նշեց Փաշինյանը։

Նա նշեց, որ Վազգեն Սարգսյանը 1999 թվականի հոկտեմբերի 27-ի ահաբեկչության զոհ գնաց, եւ դա բացի ՀՀ-ի համար մութ եւ սեւ օր լինելուց, նաեւ Սերժ Սարգսյանի ձախողում համարեց։ Փաշինյանի խոսքով՝ Սերժ Սարգսյանը այդ ժամանակահատվածում լինելով Ազգային Անվտանգության նախարար, պարտավոր էր ԱԺ պատգամավորների, վարչապետի, ԱԺ նախագահի, փոխնախագահների անվտանգությունը պահպանել, եւ դա հետեւանք էր, որ Սերժ Սարգսյանն իր աշխատանքային պարտականությունները՝ Ազգային անվտանգության նախարար կարգավիճակում պատշաճ չի կատարել։

Փաշինյանը նշեց, որ 2016 թվականի Ապրիլյան պատերազմում՝ Սերժ Սարգսյանը լինելով գերագույն գլխավոր հրամանատար, նախորդ ժամանակաշրջանում իր աշխատանքային պարտականությունները պատշաճ չի կատարել, ինչը հանգեցրել է հայկական կողմի համար՝ տարածքային կորուստների, որը աննախադեպ էր 1994 թվականի զինադադարի կնքումից հետո։

Հարցերին, թե ԵԼՔ-ում որոշում կա՞ Սերժ Սարգսյանի հնարավոր վարչապետության դեմ պայքար սկսելու ձեւաչափի վերաբերյալ եւ արդյո՞ք ինչպես նա ժամանակին նշել է, թե մեկ շաբաթում հնարավոր է իշխանափոխություն անել, հիմա եւս այդ կարծիքին է, եւ արդյո՞ք հնարավոր է, որ դա տեղի ունենա ապրիլի 9-16-ը ընկած ժամանակահատվածում, Փաշինյանը պատասխանեց.

«Ժամանակացույցով է այդպես  սահմանված եւ շատ կոնկրետ ժամանակաշրջան է՝ ապրիլի 9-ից 17-ը։ Ինչ վերաբերվում է մի շաբաթվան, ես ասել եմ, որ այն ժամանակ, երբ ես կհայտարարեմ, որ սկսվում է Սերժ Սարգսյանին իշխանությունից հեռացնելու գործընթաց, դրա համար պետք է այդ գործընթացը իրականացվի մի շաբաթում։ Տվյալ դեպքում, ապրիլի 9-ից մինչեւ 16-ը ընկած ժամանակահատվածում Սերժ Սարգսյանը պետական կառավարման համակարգում ոչ մի պաշտոն չի ունենալու։ Եթե որեւէ պարագայում ընտրություններում՝ ընտրություններից դուրս՝ կլինի ժողովրդի կամարտահայտություն այդ պարագայում շատ կարճ ժամանակ է պետք, այդ կամարտահայտությունը իրականություն դարձնելու համար։ Եթե չլինի ժողովրդի կամարտահայտություն իշխանափոխությունը կլինի անհնար»,- ասաց նա եւ նշեց, որ ԵԼՔ-ում դեռ որոշում չունեն պայքարի ձեւաչափի վերաբերյալ։

Հարցին, թե ե՞րբ կունենան որոշում ԵԼՔ-ում, Փաշինյանը նշեց, որ կարծում է այս շաբաթվա ընթացքում բոլոր հարցերի պատասխանները պետք է տրվեն, քանի որ ժամանակն է հուշում, որ այդպես պետք է լինի։

Հարցին, քանի դեռ Սերժ Սարգսյանը չի հայտարարել, որ ցանկանում է վարչապետ լինել եւ հանրապետականներն էլ ասում են՝ դեռ կոնկրետ որոշում չկա, ինչպե՞ս է պարզելու, որ կա նման որոշում, որ այդ որոշման շուրջ արդեն իսկ ժողովրդին դուրս բերի փողոց, Փաշինյանը պատասխանեց. «Ես ԱԺ-ում հայտարարություն եմ արել, որ ՀՀԿ-ն պատրաստվում է Սերժ Սարգսյանի թեկնածությունն առաջադրել, եւ ՀՀԿ-ականները չեն հերքել դա։ Հաջորդը՝ օրենսդրական փոփոխությունները հուշում են այդ մասին, որովհետեւ այսպես երգիծական ժանրով օրենսդրական փոփոխություն է տեղի ունեցել, ինչի արդյունքում վարչապետի ընտրությունները մայիսի 2-ից տեղափոխվել են ապրիլի 17»։ 

Հարցին, թե ի՞նչ հետեւություններ է արել Մարտի 1-ից եւ ունի իր համար ճանապարհային քարտեզ, թե ի՞նչ է անելու, Փաշինյանը պատասխանեց.

«Ես ասում եմ, որ եթե կլինի ժողովրդի այնպիսի կամարտահայտություն, որը եղել է 2008 թվականի փետրվարին, ես ինձ համարում եմ երաշխավորը, որ դա կավարտվի իշխանափոխությամբ։ Այսինքն՝ ես շատ պարզ բան եմ ասում: Ո՞վ է իշխանության տերը ՀՀ-ում՝ ժողովուրդն է իշխանության տերը։ Եթե մենք, օրինակ, որոշումների կայացման արդյունքում կունենանք այնպիսի հրապարակ, որը մեզ թույլ կտա ասել, որ դա պատվիրակված հրապարակ է Հայաստանի ժողովրդի կողմից, ես ինձ համարում եմ երաշխավորը, որ դա կավարտվի իշխանափոխությամբ։ Եթե կպարզվի, որ այս խնդիրը չի հուզում ՀՀ քաղաքացիներին, ես ասել եմ, մենք ստիպված կլինենք արձանագրել այդ ստատուս քվոն»,- պատասխանեց Փաշինյանը։

«Ես կարծում եմ, որ մեր դերը տվյալ դեպքում պրոբլեմը արձանագրելն է, իսկ պրոբլեմը Սերժ Սարգսյանի երրորդ ժամկետն է եւ նրա 2014 թվականի ապրիլի 10-ի հայտարարության հետ հակասությունը։ Մեր խնդիրը պրոբլեմը արձանագրելն է, եւ ժողովրդին պրոբլեմի լուծման նկատմամբ դիրքորոշում արտահայտելու հնարավորություն տալն է։ Կա ճանապարհային քարտեզի նախագիծ՝ գրավոր, որը քննարկվում է ԵԼՔ դաշինքում եւ ոչ միայն ԵԼՔ դաշինքում, քննարկվում է նաեւ կուսակցություններում առանձին վերցված»,-շարունակեց ԵԼՔ խմբակցության ղեկավարը։

Հարցին, թե 2008 թվականի փետրվարին, երբ լեփ-լեցուն էր հրապարակը, այդ պատվիրակվածությունը կա՞ր, Փաշինյանը նշեց, որ այդ ժամանակ պատվիրակվածությունը կար, բայց որոշում կայացնողը ինքը չէր։ 

Հարցին, թե հնարավոր համարո՞ւմ է, որ ժողովուրդը հավաքվի Ազատության հրապարակում, պրոցեսը սկսվի, եւ վերջում պարզվի, որ Սերժ Սարգսյանը վարչապետ չի ուզում դառնալ։

«Նման սցենարը ես այս պահին հավանական չեմ համարում։ Նման սցենար հավանական եմ համարում միայն ժողովրդի ճնշման ներքո։ Անցում ենք կատարում վարչապետական դիկտատուրայի համակարգի, իսկ նման համակարգ միայն Սերժ Սարգսյանի համար կարող է ստեղծվել»,- ասաց Փաշինյանը։

Ճշտող հարցին, թե այսօ՞ր է քաղհասարակության հետ հանդիպելու, Փաշինյանը դրական պատասխան տվեց, նշելով, որ ժամը 18։30-ին Ազատության հրապարակում։

Տպել
3462 դիտում

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը

Սպանդարյան, Տոլորս և Տաթև ջրամբարներում ձկնապաշտպան կառույցների նախագծում. հայտարարվում է մրցույթ

Ինչպես ապահովել երեխաների անվտանգ երթևեկությունը. Առողջապահության նախարարության խորհուրդը

Ucom ընկերությունը ցանցային վերազինման աշխատանքներ է մեկնարկում մի շարք մարզերում

ՀՀ տարածքում կան փակ և դժվարանցանելի ավտոճանապարհներ

«Ինկած բերդի իշխանուհին»՝ 6 մրցանակի դափնեկիր. հայտնի են «Արտավազդ» թատերական մրցանակաբաշխության հաղթողները

Գեղամ Մանուկյանը երբ լսեց կատարված աշխատանքների մասին, երևի ուրախությունից հուզվել է, և լացը կարող էր գալ․ Քոչարյան

Crocus City Hall-ի ահաբեկչության զոհերի թիվը հասել է 143-ի